Boothee Thaik Htun

Call Directions Contact the business

Boothee Thaik Htun Passionate photographer who loves nature and universe.

တောင်တန်းကြီးတွေနဲ့အမှတ်တရ . . . တစ်မနက်မှာတော့ acclimatizationလုပ်ရမဲ့နေ့မှာ အမြင့်နည်းနည်းတက်ပြီးပြန်ဆင်းဖို့အတက်မှာ ...
06/10/2026

တောင်တန်းကြီးတွေနဲ့အမှတ်တရ . . .

တစ်မနက်မှာတော့ acclimatizationလုပ်ရမဲ့နေ့မှာ အမြင့်နည်းနည်းတက်ပြီးပြန်ဆင်းဖို့အတက်မှာ တောင်တန်းကြီးတွေလှနေတာနဲ့ ကျန်တဲ့ရက်တွေ ကိုယ်တိုင်မိုတီဗေးရှင်းအတွက် ဓာတ်ပုံခဏရပ်ရိုက်ဖြစ်တယ်။

အမှတ်တရဖြစ်ပါတယ်။ ရှုခင်းချည်းရိုက်ဖို့မေ့ပြီး လူပုံလေးပါနေတာတော့ခွင့်လွှတ်ကြပါ။ 🤣

⭐️

🌌 ဧဝရက်တောင်တက်လမ်းကြောင်းပေါ်က ညကောင်းကင်ယံအလှ Mount Everest Trek Night Skyကမ္ဘာ့အမြင့်ဆုံး ဧဝရက်တောင်တက်လမ်းကြောင်း (E...
05/10/2026

🌌 ဧဝရက်တောင်တက်လမ်းကြောင်းပေါ်က ညကောင်းကင်ယံအလှ
Mount Everest Trek Night Sky

ကမ္ဘာ့အမြင့်ဆုံး ဧဝရက်တောင်တက်လမ်းကြောင်း (Everest Base Camp Trek) ပေါ်မှာ ရိုက်ယူထားတဲ့ ဒီဓာတ်ပုံဟာ ညကောင်းကင်နဲ့ သဘာဝတရားရဲ့ ဆန်းကြယ်လှပမှုကို ဖော်ပြနိုင်ဖို့ကြိုးစားခဲ့တဲ့ပုံတွေထဲကတစ်ပုံဖြစ်ပါတယ်။ နှင်းဖုံးတောင်တန်းကြီးတွေရဲ့ အပေါ်မှာ မရေမတွက်နိုင်အောင်များပြားတဲ့ သန်းပေါင်းများစွာသော ကြယ်တာရာပေါင်းစုံနဲ့ မစ်ကီးဝေး (Milky Way) ကောင်းကင်ယံဟာ ခရီးသွားများနှင့် ဓာတ်ပုံဝါသနာရှင်တွေကိုလည်း တကယ်ပဲညှို့ယူဖမ်းစားနိုင်ပါတယ်။

ဟိမဝန္တာတောင်တန်းများပေါ်က သန့်ရှင်းဆတ်ဆတ်အေးမြသော လေထုနဲ့ ညဘက်အလင်းညစ်ညမ်းမှု ကင်းစင်ခြင်းတွေကြောင့် ဧဝရက်တောင်တက်လမ်းကြောင်းပေါ်မှာ ကြယ်တာရာတွေကို သာမန်မျက်လုံးနဲ့ပင် ပိုမိုလင်းလက်ထင်ရှားစွာ မြင်တွေ့ခဲ့ရပါတယ်။ ညဘက်တောင်တန်းများရဲ့ ရင်သပ်ရှုမောဖွယ် အောက်ခံSilhouetteနဲ့ ကြယ်တာရာများကို ရိုက်ယူရန်အတွက် ဧဝရက်တောင်တက်လမ်းဟာ ကမ္ဘာပေါ်မှာ အကောင်းဆုံးနေရာတွေထဲကတစ်ခု ဖြစ်တယ်လို့ဆိုပါတယ်။

ရာသီဥတုက အပြင်မှာကြာကြာနေနိုင်ဖို့ခက်ခဲပေမဲ့ တောင်ကြားမြို့ငယ်လေးများရဲ့ မှိန်ဖျဖျမီးရောင်များနဲ့အတူ ဟိမဝန္တာဒေသညအလှ တိတ်ဆိတ်အေးချမ်းမှုကို အပြည့်အဝခံစားကြခဲ့ရတာ မမေ့နိုင်စရာအဖြစ်အပျက်တစ်ခုဖြစ်ရပါတယ်လို့ ပုံလေးနဲ့တကွ မျှဝေလိုက်ပါတယ်။ အေးချမ်းတဲ့ပုံလေးကြည့်ပြီး မြန်မာအနှံ့၊ ကမ္ဘာအနှံ့ကမိတ်ဆွေတွေ ဘဝအမောတွေ ပြေကြပါစေဗျာ။

⭐️

🏔 🌓 🚁 ကောင်းကင်ပြာပြာထက်က လဆန်းလခြမ်းကွေး နဲ့ ဟယ်လီကော့ပတာဒီနေ့တော့ ကြည်လင်နေတဲ့ မိုးကောင်းကင်ပြာပြာနောက်ခံနဲ့ တည်ကြည်ငြ...
05/10/2026

🏔 🌓 🚁 ကောင်းကင်ပြာပြာထက်က လဆန်းလခြမ်းကွေး နဲ့ ဟယ်လီကော့ပတာ

ဒီနေ့တော့ ကြည်လင်နေတဲ့ မိုးကောင်းကင်ပြာပြာနောက်ခံနဲ့ တည်ကြည်ငြိမ်သက်နေတဲ့လခြမ်းကြီးအနားကနေ မကြာခဏဆိုသလို အရေးတကြီးပျံသန်းနေတဲ့ ဟယ်လီကော့ပတာတွေ ကျနော်တို့ခဏခဏမြင်တွေ့နေရတယ်။

အမြင်မှာတော့ ‌အာကသထဲမှာ လွင့်မြောလှည့်ပတ်နေတဲ့လမင်းကြီးနဲ့ ကောင်းကင်ယံမှာ လှည့်ပတ်သွားလာနေတဲ့ ဟယ်လီကော်ပတာတို့က ကောင်းကင်ပြာပြာနောက်ခံမှာ စိတ်ဝင်စားစရာကောင်းလှပါတယ်။

တကယ့်အဖြစ်အပျက်မျာတော့ ဒီဟယ်လီကော်ပတာတွေပေါ်မှာ ရက်လများစွာအားတင်းပြင်ဆင်ထားရတဲ့သဘာဝခရီးကြမ်းကို ဘယ်လိုမှအံမတုနိုင်တော့လို့ လက်လျှော့ပြီးဆေးရုံကိုအမြန်ပျံပြေးရတဲ့လူတွေပါ။ ကံကောင်းတဲ့သူ‌တွေက ဒီလိုပဲဟယ်လီကော်ပတာပေါ်မှာရှုခင်းလေးကြည့်ရင်းပြန်သွားရပေမဲ့ တချို့ကတော့ အောက်ဆီဂျင်လေးရှုလို့ပေါ့။ တချို့ဆို အသက်မဲ့ခန္တာပဲပြန်ခွင့်ရကြရှာတော့တယ်။

ဒီဓာတ်ပုံရိုက်တဲ့အချိန်အထိ ကျနော်တို့ ဒီလိုဟယ်လီကော်ပတာတွေမြင်တိုင်း အဟာရမပြတ်ဖို့ အဝတ်အစားသတိထားဖို့ ရေများများသောက်ဖို့နဲ့ မိမိခန္တာကိုယ်ကိုမပြတ်စောင့်ကြည့်နေဖို့ အမြဲသတိပေးနေသလိုပါပဲ။ ဘာလို့လဲဆိုတော့ အဲဒီအထဲကတစ်ခုခု ချိန်ခွင်လျှာမညီလို့ တစ်ခုခုလွဲသွားရင် အပြန်လမ်းက သူတို့လိုပဲHelicopter ပဲရှိလို့ပါ။ ဒါကြောင့် ဒီလိုဟယ်လီကော်ပတာလေးမြင်တိုင်း မိမိကိုယ်ကိုသုံးသပ်ဖို့သတိပေးနေသလို သင်ခန်းစာပေးနေသလိုပါပဲ . . .

⭐️

✨ 🌄 ဧဝရတ်တောင်သို့ သွားရာလမ်းမှ ရင်သပ်ရှုမောဖွယ် မနက်ခင်းအလှတရားဟိမဝန္တာတောင်တန်းရဲ့ ငြိမ်သက်အေးချမ်းမှုနဲ့ ခန့်ညားထည်ဝါ...
05/10/2026

✨ 🌄 ဧဝရတ်တောင်သို့ သွားရာလမ်းမှ ရင်သပ်ရှုမောဖွယ် မနက်ခင်းအလှတရား

ဟိမဝန္တာတောင်တန်းရဲ့ ငြိမ်သက်အေးချမ်းမှုနဲ့ ခန့်ညားထည်ဝါမှုတွေကို ပေါ်လွင်စေချင်တဲ့စိတ်နဲ့ဒီပုံကို ကမ္ဘာ့အမြင့်ဆုံး ဧဝရတ်တောင် (Mount Everest) သို့ သွားရာလမ်းမှာ ကျနော်ကိုယ်တိုင်ရိုက်ယူလာခဲ့တာဖြစ်ပါတယ်။

မှတ်မိသလောက်ပြန်ပြောပြရရင် နက်ခင်းသစ်ရဲ့ ပထမဆုံးနေရောင်ခြည်ဟာ တောင်ထွတ်များပေါ်ဖြာကျလာတဲ့အချိန်မှာ ရရှိလိုက်သော ခံစားချက်ကို ဘယ်လိုပြန်ပြောလို့ပင်မသိနိုင်လောက်အောင်ကို ထူးဆန်းလှပအေးချမ်းလှတာပါ။ မြင့်မားတဲ့ တောင်တန်းဒေသပေါ်က မနက်ခင်းလေထုဟာ ကြည်လင်သန့်ရှင်းပြီး ကျနော်တို့လိုခရီးသွားတွေအတွက် လန်းဆန်းမှုကိုတကယ်ပေးစွမ်းပါတယ်။ တောင်တက်လမ်းတစ်လျှောက် မနက်ခင်းအချိန်သည် အလွန်ငြိမ်သက်ပြီး သဘာဝတရား၏ အနှစ်သာရကို အပြည့်အဝခံစားနိုင်သည့် အချိန်ကောင်း ဖြစ်ပါသည်။

ဓာတ်ပုံဝါသနာပါပြီး စွန့်စားရတာကိုလည်းကြိုက်တဲ့သူတွေအတွက် အင်မတန်သွားသင့်တဲ့ခရီးစဉ်တစ်ခုဖြစ်ပါတယ်လို့ပုံလေးနဲ့တကွမျှဝေလိုက်ရပါတယ်။

#ဧဝရတ်တောင် #ခရီးသွား

04/10/2026

နေဝင်ချိန်တစ်ညနေ

⭐️

ချင်းမိုင်ရောက်တုန်း ညကလည်း ဘုရားနဲ့"လ"နဲ့ ပုံလှလှလေးရနိုင်ဖို့ထပ်ကြိုးစားခဲ့ပါတယ်။ ဒါပေမဲ့ ရာသီဥတုကမျက်နှာသာမပေးတော့ ပေ...
04/10/2026

ချင်းမိုင်ရောက်တုန်း ညကလည်း ဘုရားနဲ့"လ"နဲ့ ပုံလှလှလေးရနိုင်ဖို့ထပ်ကြိုးစားခဲ့ပါတယ်။ ဒါပေမဲ့ ရာသီဥတုကမျက်နှာသာမပေးတော့ ပေးသလောက်ပုံလေးတွေပဲရိုက်ခဲ့ရပါတယ်။
- ဘုရားနဲ့ မြင်ရသမျှ"လ" 😆
- ဘုရားနဲ့ ဒိုင်နိုစောကြီး 😄
- ဘုရားနဲ့ ညတိမ်တောင်"လ"ရောင်အလှ
⭐️

🌌 Bode’s Galaxy (M81) နှင့် Cigar Galaxy (M82) | Astrophotographyဒီဓာတ်ပုံဟာ မိမိတို့နေထိုင်ရာ Milky Way Galaxyပြင်ပ အာက...
03/10/2026

🌌 Bode’s Galaxy (M81) နှင့် Cigar Galaxy (M82) | Astrophotography

ဒီဓာတ်ပုံဟာ မိမိတို့နေထိုင်ရာ Milky Way Galaxyပြင်ပ အာကာသအနက်ပိုင်းထဲက Galaxy ၂ခုကိုကိုယ်တိုင် ရိုက်ယူထားတဲ့ပုံဖြစ်ပါတယ်။

Bode’s Galaxy (Messier 81 / M81)
ဓာတ်ပုံရဲ့ ဘယ်ဘက်အလယ်ပိုင်းတွင် တွေ့ရတာကတော့ခရုပတ်ပုံစံ (Spiral Galaxy Bode's Galaxyဖြစ်ပါတယ်။ Ursa Major constellationထဲမှာရှာရတာဖြစ်ပြီး ကမ္ဘာမြေကနေ အလင်းနှစ် ၁၂ သန်းလောက်အကွာအဝေးမှာတည်ရှိတာလို့ဆိုပါတယ်။

Cigar Galaxy (Messier 82 / M82)
ဓာတ်ပုံရဲ့ ညာဘက်အောက်ပိုင်းမှာ တွေ့ရတဲ့ ရှည်‌‌‌မျောမျော ဂလက်ဆီကို Ciger Galaxyလို့ခေါ်ကြပါတယ်။
⭐️

#နက္ခတ္တဗေဒ #စကြဝဠာ #ဓာတ်ပုံ #အာကာသ

✨ ကရင်ပြည်နယ် ဘားအံမြို့ရဲ့ ကျောက်ကလပ် စေတီတော်နဲ့ ညဘက် Star Trails ✨သဘာဝတရားရဲ့ ဆန်းကြယ်မှုနဲ့ ငြိမ်သက်အေးချမ်းမှုကို တ...
02/10/2026

✨ ကရင်ပြည်နယ် ဘားအံမြို့ရဲ့ ကျောက်ကလပ် စေတီတော်နဲ့ ညဘက် Star Trails ✨

သဘာဝတရားရဲ့ ဆန်းကြယ်မှုနဲ့ ငြိမ်သက်အေးချမ်းမှုကို တစ်ပြိုင်နက်တည်း ခံစားရစေမယ့် ဘားအံမြို့က ကျောက်ကလပ် စေတီတော်ကြီးရဲ့ ညဘက် ရှုခင်းပုံရိပ်ပဲ ဖြစ်ပါတယ်။

မတ်စောက်တဲ့ ကျောက်တောင်ကျောက်ဆောင်ကြီးပေါ်မှာ တည်ထားတဲ့ စေတီတော်၊ ရေပြင်ထက်မှာ ပေါ်လွင်နေတဲ့ စေတီတော်ရဲ့ ရောင်ပြန်နဲ့ ကောင်းကင်ယံမှာ စက်ဝိုင်းပုံသဏ္ဍာန် လှည့်ပတ်နေတဲ့ Star Trails အလှတရားတို့ ပေါင်းစပ်ထားပြီး တကယ်ကို သပ္ပါယ်ဆန်းကြယ်အောင် ကြိုးစားရိုက်ယူထားကြည့်ပါတယ်။

ကရင်ပြည်နယ် ဘားအံမြို့ကို ခရီးသွားဖို့ ပြင်ဆင်နေသူတွေနဲ့ ဓာတ်ပုံရိုက်ရတာ ဝါသနာပါသူတွေ လက်မလွှတ်သင့်တဲ့ စိတ်ကူးယဉ်ဆန်ဆန် နေရာတစ်ခုပဲ ဖြစ်ပါတယ်။ ကျနော်ခဏလေးရောက်ခဲ့တဲ့အချိန်မှာ အခုပုံလေးရိုက်ခွင့်ရအောင်လိုက်ပို့ပေးတဲ့ ဓာတ်ပုံဆရာတူးတူး ကိုကျေးဇူးတင်ရပါတယ်။

📸 ခရီးသွားဝါသနာပါသူ သူငယ်ချင်းတွေကို Mention ခေါ်ပြီး မျှဝေလိုက်ပါဦး။ ကျောက်ကလပ်စေတီနဲ့ ကြယ်လေးတွေရိုက်ဖူးတဲ့သူရှိရင်လည်း ပုံလေးတွေမျှဝေပေးခဲ့ပါဉီး။

📍 Location: ကျောက်ကလပ် စေတီတော်၊ ဘားအံမြို့၊ ကရင်ပြည်နယ်။

#ဘားအံ #ကျောက်ကလပ်စေတီတော် #ကရင်ပြည်နယ် #မြန်မာ့ခရီးသွား

Good Morningပါ . . . ဒီမနက်တော့ ကြက်သရေရှိတဲ့ပုံလေးတစ်ပုံမျှဝေရင်းရင်း မသိသေးသူတွေအတွက် ဗဟုသုတလေးတစ်ခုပါတခါတည်းမျှဝေချင်...
02/10/2026

Good Morningပါ . . .
ဒီမနက်တော့ ကြက်သရေရှိတဲ့ပုံလေးတစ်ပုံမျှဝေရင်းရင်း မသိသေးသူတွေအတွက် ဗဟုသုတလေးတစ်ခုပါတခါတည်းမျှဝေချင်တာပါ။
ဓာတ်ပုံလှလှလေးတွေဘယ်လိုရိုက်တာလဲ မိမိကိုယ်တိုင်ရိုက်တော့ သူရိုက်သလိုမလှဘူးနော်လို့မကြာမကြာပြောကြလို့ပါ။
ဓာတ်ပုံလှလှလေးတွေက ကင်မရာအကောင်းစားကြီးဝယ်ပြီး ခလုပ်နှိပ်ရုံနဲ့မထွက်ပါဘူး။ အလှဆုံးအချိန်ကိုစောင့်ရိုက်ရပါတယ် ဆိုတဲ့အကြောင်းလေးမျှဝေချင်တာပါ။
အခုတင်ထားတဲ့ပုံကတော့ ဒါလေးကိုသိစေချင်လို့ ဖုန်းလေးနဲ့တမင်ရိုက်ယူထားခဲ့တာဖြစ်ပါတယ်။
⭐️

✨ အနန္တစကြာဝဠာနဲ့ ကန္တာရကျောက်ဆောင်တွေရဲ့ တိတ်တဆိတ်စကားဝိုင်း ✨Monument Valley Nightscape ညဉ့်နက်သန်းခေါင်၏ တိတ်ဆိတ်ငြိမ...
01/10/2026

✨ အနန္တစကြာဝဠာနဲ့ ကန္တာရကျောက်ဆောင်တွေရဲ့ တိတ်တဆိတ်စကားဝိုင်း ✨
Monument Valley Nightscape

ညဉ့်နက်သန်းခေါင်၏ တိတ်ဆိတ်ငြိမ်သက်မှုအောက်မှာ သန်းပေါင်းများစွာသော ကြယ်တာရာတွေဟာ ရှေးဟောင်းသဲကန္တာရ ကျောက်တောင်ကြီးတွေ (Mitten Buttes) အပေါ်မှာ လင်းလက်လို့နေတာကိုယ်တိုင်တွေ့ခဲ့ရပါတယ်။

ညကောင်းကင်ယံရဲ့အမှောင်ထုထဲမှာပေါ်လွင်နေတဲ့ ကြယ်စုတွေနဲ့ ရှေးကျလှတဲ့ သဘာဝကျောက်ဆောင်ကြီးတွေရဲ့ ပေါင်းစပ်မှုဓာတ်ပုံမျိုးဟာ ကျနော့အတွက်တော့ စိတ်ဝိညာဉ်အထိပါ ငြိမ်သက်အေးချမ်းမှုကို ပေးစွမ်းနိုင်တဲ့ Astrophotography အနုပညာတစ်ရပ်လို့ ခံစားရပါတယ်။

ဒီလိုပုံမျိုးကို Astrophotography / Nightscape / Landscapeစတဲ့ ဓာတ်ပုံဝါသနာရှင်တွေရိုက်ယူလေ့ရှိပြီး ဒီပုံကိုတော့ ကျနော် Monument Valley Navajo Tribal Park, USA မှာရိုက်ယူခဲ့တာဖြစ်ပါတယ်။
ညကောင်းကင်ယံက ကြယ်တာရာများ နဲ့ ကြယ်စုများရဲ့ တောက်ပမှု၊ သဘာဝတောင်တန်းများရဲ့ Silhouette ပုံရိပ်များ စတာတွေကိုဓာတ်ပုံရိုက်ရတာကို မြတ်နိုးသူတွေနဲ့ စကြာဝဠာရဲ့ အလှတရားကို သဘောကျတဲ့သူတွေအတွက်အခွင့်အရေးရှိမယ်ဆို ဒီလိုနေရာမျိုးဟာ မဖြစ်မနေ သွားရောက်လည်ပတ် ရိုက်ယူသင့်တဲ့ အိပ်မက်ခရီးစဉ်တစ်ခုဖြစ်မှာ အမှန်ပါပဲလို့ ကိုယ်တိုင်သွားရောက်ရိုက်ယူရတဲ့ အတွေ့အကြုံကို မျှဝေလိုက်ရပါတယ်။
⭐️

#ခရီးသွား #ဓာတ်ပုံ #ကြယ်တာရာ #ညကောင်းကင်

Address

Yangon

Telephone

+959250447913

Website

Alerts

Be the first to know and let us send you an email when Boothee Thaik Htun posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Boothee Thaik Htun:

Shortcuts

Share

Category