14/10/2024
တစ်ခါကမောင်ဖြူနဲ့ မောင်မဲဟာ ဘွဲ့ရပြီးနောက် ကုမ္ပဏီကြီးတစ်ခုမှာ အလုပ်ဝင်လုပ်ကြပါသတဲ့။ နှစ်ယောက်စလုံးဟာ အလုပ်ကိုကြိုးစားလုပ်ကြပါတယ်။ နှစ်အနည်းငယ်ကြာတဲ့အခါ သူဋ္ဌေးက မောင်ဖြူကို အရောင်းမန်နေဂျာ အဖြစ်ရာထူးတိုးပေးလိုက်ပြီးမောင်မဲကတော့ အရောင်းသမားအဖြစ်နဲ့ပဲလုပ်နေရပါတယ်။ မောင်မဲဟာ ဆက်ပြီးသည်းမခံနိုင်တော့ပါဘူး။ အလုပ်ထွက်စာရေးပြီးသူဌေးဆီသွားတယ်။
"ဒီမှာသူဌေး ... ခင်ဗျားက အလုပ်ကြိုးစားတဲ့သူကိုတန်ဖိုးမထားဘဲ ...ဖားတဲ့သူကိုမှခင်ဗျားက ပ,စားပေးရာထူးတိုးပေးတာ မဟုတ်လား..ဒီတော့ကျုပ်အလုပ်ထွက်တယ် ... "
လို့ ခပ်ပြတ်ပြတ်ပဲ ပြောလိုက်ပါတယ်။ သူဌေးက မောင်မဲအလုပ်ကြိုးစားတာ သိပါတယ် ။ဒါကြောင့်သူ့သူငယ်ချင်းနဲ့ သူ့အကြားကွာခြားချက်ကို သူသိစေချင်တာနဲ့...
"မင်းအလုပ်မထွက်ခင်စျေးထဲသွားပြီး ဖရဲသီးသည်ရှာပေးနိုင်မလား"
လို့ မေးပါတယ်။ မောင်မည်းခေါင်းညိတ်တော့
" အေး... ဖရဲသီး တစ်ကီလိုကိုဘယ်စျေးလဲ မေးခဲ့စမ်းကွာ "
လို့ခိုင်းတယ်။ မောင်မဲလည်းထွက်သွားပြီး မကြာခင်ပြန်ရောက်လာပါတယ်။
"တစ်ကီလို ၁၂ ဒေါ်လာပါဆရာ"
သူဌေးက
"အေး ...ဒီမေးခွန်းကိုပဲ မင်းသူငယ်ချင်းမောင်ဖြူကိုလည်း ငါမေးဦးမကွာ "
ဆိုပြီးမောင်ဖြူကိုခေါ်ပါတယ်။ စောစောကလိုပဲခိုင်းပါတယ်။ မောင်ဖြူပြန်လာတော့...
" သူဌေးခင်ဗျား...ဖရဲသီးသည်တစ်သည်ပဲ တွေ့ခဲ့ပါတယ်...တစ်ကီလိုကိုတော့၁၂ ဒေါ်လာပါ ...၁ဝ ကီလိုယူရင် ဒေါ်လာ၁ဝဝ နဲ့ ရပါမယ်...လောလောဆယ်သူ့မှာ ဖရဲသီးအလုံး ၃၄ဝရှိပါတယ်...ဆိုင်မှာခင်းထားတာက ၅၈လုံးပါ...တစ်လုံးကို၁၅ ကီလိုလောက်ရှိပါတယ်...မနေ့ကမှ တောင်အရပ်က ဝယ်လာတာပါ ...အားလုံးလတ်လတ်ဆတ်ဆတ်တွေချည်းပါပဲ...ဖုန်းဆက်ချင်ရင်ဒီမှာသူ့ ဖုန်နံပါတ်ပါ..."
မောင်မဲဟာ သူ့သူငယ်ချင်းနဲ့ သူရဲ့ခြားနားချက်ကို သိသွားပြီးသူ့သူငယ်ချင်းကိုအရမ်း အထင်ကြီးလေးစားသွားပါသတဲ့။ အလုပ်မထွက်တော့ပါဘူး။သူငယ်ချင်း ဆီက လေ့လာသင်ယူစရာတွေရှိသေးတယ်လေ။ ပိုပြီးအောင်မြင်နေသူတွေဟာ အကြောင်းအရာတစ်ခုကိုပဲ အများနဲ့မတူ ပိုပြီး မြင်တတ်တွေးတတ်နက်နက်ရှိုင်းရှိုင်း နားလည်တတ်တဲ့သူတွေပါ ။ မနက်ဖြန်အတွက်မင်းတွေးနေချိန်မှာ သူကနှစ်နဲ့ချီပြီးတွေးပြီးသွားပြီ။ နှစ်နဲ့ရက်ဆိုတာ ၃၆၅ဆ ၁ ဆကွ...
ကဲ...မိတ်ဆွေ သင်ရော သင့်ဘဝအတွက် ရှေ့ကိုဘယ်လောက်များကြိုစဉ်းစားထားပြီလဲ.. သင်ဘယ်လောက်များနက်နက်ရှိုင်းရှိုင်း တွေထားပြီလဲ...
Credit ဦးသုည
#မေတ္တာဖြင့်ပြန်လည်မျှဝေခြင်းဖြစ်ပါတယ်
