11/10/2020
မိမိ ဂီတာကိုတန်ဖိုးထား ချစ်မြတ်နိုးပါ ..... 💜
ဂီတာတစ်လုံးကို ရိုသေစွာဖြင့် စည်းကမ်းတကျကိုင်တွယ်
မည်ဆိုလျှင် ကာလအတန်ကြာသည်အထိ အသုံးပြုနိုင်ပါလိမ့်
မည် မိမိဂီတာကို စည်းကမ်းတကျတရိုတသေရှိဖို့တော့လိုအပ်
ပါ လိမ့်မည် ။ မိမိ၏ခံစားချက်များအား သံစဉ်ဖြင့်ဖော်ကျူးဖြေ
ဖျောက်ပေးစွမ်းနိုင်သော ကိုယ့်ရဲ့ အဖော်ဂီတာဟာ သက်မဲ့ဖြစ်
တဲ့အတွက် မိမိကဂရုစိုက်မှသာ သူ၏သက်တမ်းမှာကြာရှည်ခံမှာ
ဖြစ်တယ် ။ ဂီတာ၏သက်တမ်းကြာရှည်လေ အသံကျင့်ထားပြီး
ဖြစ်သကဲ့သို့ အသံထွက်အားကောင်းလေလေ ဖြစ်သည် ။ ထို့
ကြောင့် မိမိဂီတာအားတယုတယဖြင့် ကိုင်တွယ်သုံးစွဲစေချင်ပါ
သည် ။
မိမိ ဂီတာကို ဘယ်လိုထိန်းသိမ်းထားရှိမလဲ..... ?
1. မိမိ ဂီတာအတွက် ဂီတာထည့်ရန် အိတ်တစ်လုံးဝယ်ပါ ။
ဂီတာအိတ်သည် တန်ဖိုးအားဖြင့် ၅၀၀၀ ထောင်ခန့်သာရှိသည်။
ဂီတာအိတ်သည် အထူ ၊ အပါး အလိုက်စျေးနှုန်းအမျိုးမျိုး ကွာ
ခြားမှုရှိနိုင်သည် ။ ဂီတာ အိတ်သည် size အရွယ်အစား အမျိုး
မျိုးရှိသောကြောင့် မိမိ ဂီတာ size အရွယ်အစား အတိုင်းမေး
မြန်းဝယ်ယူရမည် ။ မိမိ ဂီတာမှာသေးပြီး ဂီတာအိတ်မှာကြီးနေ
လျှင်အိတ်မှာချောင်ချိပြီးဂီတာမှာအိတ်ထဲတည်ငြိမ်မှုမရှိပဲ လှုပ်
ရမ်းနေပါကလည်း အဆင်မပြေနိုင်သောကြောင့် တိုင်းထွာဝယ်
ယူသင့်ပါသည်။ ဒါကြောင့်အရွယ်အစားမျှတမှုရှိအောင်ဝယ်ပါ
ဂီတာ ကိုအိတ်ဖြင့်ထည့်ခြင်းအားဖြင့် ဖုန်မတက်နိုင်ပါ ။ ပြင်ပ
လေဒဏ် ၊ မိုးဒဏ် တိုက်ရိုက် မထိသဖြင့် ဂီတာကြိုးများ ၊ key
များ အလွယ်တကူသံချေး မတက်နိုင်ပါ ။ဂီတာ ဖုန်မတက်သော
ကြောင့် ခနခန သန့်ရှင်းရေးလုပ်စရာမလိုပဲအစဉ်အမြဲ သန့်ရှင်း
တောက်ပြောင်နေပါလိမ့်မည်။ဂီတာကိုအိတ်ဖြင့်ထည့်ထားခြင်း
ကြောင့် ပြင်ပ အပူချိန်အအေးချိန်တိုက်ရိုက်မထိနိုင် သဖြင့်
ဂီတာ၏ဆေးသား Colour အရောင်လျော့ကျမှုကိုကာကွယ်
နိုင် ပြီးသားဖြစ်သဖြင့် သင်၏ ဂီတာအမြဲပင်သစ်လွင်တောက်
ပနေပါ လိမ့်မည် ။ အိတ်ဖြင့်အမြဲထားသို သောဂီတာနှင့် ပြင်
ပတွင်ထားသောသောဂီတာကို ယှဉ်ကြည့်ပါက သိသာပါမည်။
မိမိ ဂီတာကို အိတ်ဖြင့်ထည့်ကာ အပြင်သို့သယ်ဆောင်ပါက
လည်း နေရောင် ခြည် နှင့် မိုးရေ ထိ တွေ့မှု ဒဏ်မှအထိုက်
အလျောက်ကာကွယ် ထားပြီးသားဖြစ်သည်။ဂီတာကိုလက်ဖြင့်
ကိုင်သယ်ဆောင်ခြင်းထက် ဂီတာအိတ်ဖြင့်လွယ်ကာယူဆောင်
င်ပါက ပို၍ STYLE စတိုင်လ် ကျခန့်ငြား မှုရှိသည် ။
ပြည်တွင်း ပြည်ပ သို့သွားလာ
တတ်သူများသည် လေဆိပ်များသို့ ဖြတ်သန်း ဝင်ရောက်ပါက
ဂီတာကို အိတ်ဖြင့်သာ သယ်ဆောင်ခွင့်ပေးသည် ကိုသတိပြုပါ
ဂီတာကို အိတ်ဖြင့်ထည့်ထားပါက ကလေး ငယ်များရှိနေသော
အိမ်တွင် ကလေးများအတွက် ဘေးအန္တရာယ် အလွယ်တကူ
မထိခိုက် မကျရောက်နိုင်ပါ ။
ဥပမာ... ကလေးများ ဂီတာကို အမှတ်တမဲ့ ဆွဲယူဆော့
ကစား မိပါက ဂီတာကြိုးပြတ်ကာ ကလေးမျက်စိ စင်
တတ်ခြင်း ၊ အခြားသောထိခိုက် ဒဏ်ရာ ရရှိခြင်းတို့ မှကင်း
ဝေးစေနိုင်ပါ လိမ့်မည် ။ ထို့ကြောင့် ဂီတာရှိလျှင် ဂီတာ
အိတ်လေးတော့ ရှိနေရပါမည် ။
2. ဂီတာကို အမြင့်ကြီး တွင်ချိတ်ဆွဲမထားသင့်ပါ ။
မိမိ ဂီတာကို အရမ်းမြင့်ကြီးမှာ ချိတ်ဆွဲမထားသင့်ပါ ။
သင့်တင့်သော နေရာတွင်သာထားသင့်သည် ။ အမြင့်တွင်
ချိတ်ဆွဲထားရှိပါကမတော်တတစ်ဆ ပြုတ်ကျသည်ရှိသော်
ဂီတာအိုးဖင်ပွင့်သွားနိုင်သောကြောင့် ပုံမှန်အနေထားတွင်
သာ ထားရှိသင့်ပါသည် ။ ထိုသို့ ဂီတာပြုတ်ကျပါက အခြား
သူများကိုပါ ထိခိုက်ဒဏ်ရာရရှိစေတတ် ပါသည် ။
လေတိုက်ကြမ်းသော နေရာများတွင် လေဒဏ်ကြောင့် ပြုတ်ကျ ခြင်းများလည်းရှိတတ်သည် ကိုသတိပြုပါ ။ ဂီတာ
အိုးပွင့်သွားပါက အသံပျက်စီးသွားတတ်ပြီး ထပ်မံပြင်ဆင်
ပါ ကလည်း ကုန်ကျမည် ဖြစ်သဖြင့် အဖြစ်မီကကြိုတင်ကာ
ကွယ်ပါ ဂီတာကို လဲကျဖို့ လွယ်ကူမယ့်နေရာ မျိုးတွင်လည်း
ထောင်မထား သင့်ပါ ။ ဂီတာထားရန်အတွက် တည်ငြိမ်ပြီး
သင့်လျော်မယ့် နေရာလေးတစ် ခုတော့ လိုအပ်ပါလိမ့်မည် ။
Guitar Stand ရှိလျှင် Stand ဖြင့် ထားပါ ။ မရှိပါက
အိတ်ဖြင့်ထည့်ထားပါကလည်း အဆင်ပြေသည်။မဖြစ်မနေ
ဂီတာကိုချိတ်ထားရမည် ဆိုပါကလည်း မမြင့်လွန်းသော လေကွယ် နိုင်သော နေရာတွင် ထားရှိရမည် ။
3. ဂီတာကိုနေရောင်ခြည်နှင့်စွတ်စိုမှုမရှိသောနေရာတွင်ထားပါ
မိမိ ဂီတာကိုနေရောင်ခြည်ကျတတ်သော စွတ်စိုထိုင်းမှိုင်း
သောနေရာမျိုးတွင်မထားရပါ ။ ဂီတာကို နေရောင်ခြည် ထိ တွေ ့ပါကအပူရှိန်ကြောင့် ဂီတာလက်တံကော့တက်လာခြင်း
ဂီတာအိုးအဖုံး များခွက်ခြင်း ၊ ဂီတာ Colour အရောင်များ
လွင့်ပြယ်ခြင်း ။ ဂီတာအသံကြောင်ခြင်း ၊ဂီတာအိုးအသံထွက်
ပေါက်အနောက်နားက ကြိုး ထည့်ရတဲ့ သစ်သား Break ခုံ နေရာများဟကာ ကြွတက်လာခြင်း ဖြစ်တတ်ပါတယ် ။ ဂီတာ
ကြိုးများ တင်းလွန်းနေပါကအပူချိန်ထိတွေ ့လျှင်ဂီတာလက်
တံကော့ခြင်း ဖြစ်စေဖို့ 80 % ရှိနေပါတယ် ။
သုံးထပ်သားဖြင့်ပြုလုပ်ထားသောတန်ဖိုးနည်း
ဂီတာများတွင် ပို အဖြစ်များတတ်သည်ကို တွေ့ရသည် ။
ပုံမှန်မဟုတ်ပဲ စွတ်စို ထိုင်းမှိုင်းသော နေရာတွင် ဂီတာကို
ထားရှိပါက ချွေးငွေ ့ပျံ တတ်ပါတယ် ။ ဘယ်လိုသိနိုင်မည်
လဲဟု မေးလျှင် ထိုဂီတာကို ယူတီးကြည့်သောအခါ ဂီတာ
လက်တံ တွင် ကပ်စေးစေး ဖြစ်နေတတ်ခြင်း ၊ စိုစွတ်နေခြင်း
များရှိနေသကဲ့သို့ ခံစားသိရှိနိုင်သည် ။
ထိုဖြစ်ရပ်သည် မိုးရာသီတွင် ပိုမို ဖြစ်ပေါ်တတ်သည် ။
ထိုသို့ ဖြစ်လျှင် ဂီတာကို အဝတ်ခြောက် သန့်သန့်ကို ယူ ပြီး
ဂစ်တာကို ခြောက်သွေ ့သွားအောင် သုတ်ကာ သန့်ရှင်းရေး
ပြုလုပ်ပေးရပါမယ် ။ ဂစ်တာကို တီးပြီးလျှင်လည်း အဝတ်
ခြောက် ဖြင့် သုတ်ကာ သန့်ရှင်းရေး လုပ်ပြီး သိမ်းဆည်းရပါ
မည် ။ အိတ်ရှိပါကအိတ်ဖြင့်ထည့် အိတ်မရှိပါက အဝတ်တစ်
ခုခု ဖြင့်ဂီတာကို ဖုံးအုပ်ထားပါ ။
4. ဂီတာကို ရေ / မိုးရေ မစိုအောင်ဂရုစိုက်ပါ ။
ဂီတာသည် သစ်သားကို ၎င်း သုံးထပ်သားကို ၎င်း ကြိတ်သား
ပြုလုပ်ထားခြင်းဖြစ်သောကြောင့် ရေထိမခံပါ ။ ရေထိပါက
ဂီတာကြိုးများကို လျှော့ပစ်ပါ ။ ဖြစ်နိုင်လျှင်ထိုကြိုးများကို
ဖြုတ်ထုတ်ပါ ။ ပြီးလျှင် ဂီတာကို အလျှင်မြန်ခြောက်သွေ ့
အောင်ပြုလုပ်ပါ ။ ရေများကို အဝတ်ခြောက်ဖြင့် သုတ်ပါ ။
ဂီတာ အိုးအတွင်းသို့ လက်ဖြင့်နှိုက်ကာသုတ်ပေးပါ ။
ရေကြာကြာထိပါက ဂစ်တာမှာ ပျက်စီးဖို့ရန် 85 %
ရှိသောကြောင့် ရေမစိုရန် ဂရုပြုပါ ။ သုံးထပ်သား ဖြင့်ပြု
သော တန်ဖိုးနည်းဂီတာများ သည်လုံးဝရေ ထိ၍ မရပါ ။
သုံးထပ်သား သည် ရေထိတာနှင့်ပွကာ ပျက်စီးသွားတော့
သည် ။ မိုးရေသည် ACID အက်ဆစ် ဓာတ်ပါသော
ကြောင့် ပိုမိုပျက်စီးရန် လွယ်ကူပါသည် ဂီတာကြိုးများကို
ရေမထိ ရေမစိုအောင်ဂရုစိုက်ရပါမည် ။ ဂီတာကြိုးများ
ရေစိုပါကသံကြေးကိုက်ပြီး မကြာခနပျက်တတ်ပါသည် ။
မိုးရေ ဂီတာကိုထိပါက ချက်ချင်းမသုတ်လျှင် ဂီတာဆေး
များကွက်သွားတတ်ပြီး နောက်ဆက်တွဲပြသနာများရှိ နေ
သောကြောင့် ဂီတာကို ရေမထိရန်အရေးကြီးကြောင်းသတိ
ထားရမည် ။မိုးရာသီ အပြင်သို့ မဖြစ်မနေသယ်ဆောင်သွား
ရမည်ဆိုပါက ဂီတာကို ပလတ်စတစ် အိတ်ဖြင့်လုံခြုံစွာထည့်
ပြီး အပေါ်မှရေမစိုအောင် ကာကွယ် ထုပ်ပိုးယူဆောင်ရမည်။
အချို့ ဂီတာအိတ်သည်ပင် မိုးရေဝင်နိုင်သောကြောင့်ပလတ်
စတစ်အိတ်ဖြင့် ထည့်ပြီးမှဂီတာကို ဂီတာအိတ်အတွင်းသို့
ထည့်သွင်းယူဆောင်သင့်ပါသည် ။
5. ဂီတာမတီးသောအချိန်များတွင်ဂီတာကြိုးများလျှော့ထားပါ
ဂီတာမတီးတော့လျှင် ဂီတာကြိုးများကို လျှော့ထားသင့်
သည်။ဂီတာ ကြိုးများကို အကုန်မလျှော့ချင်ရင်တောင်
6,5,4,3 ကြိုးများကိုလျော့ထားသင့်ပါသည်။ ကြိုးလျှော့
ထားရခြင်းရလဒ်မှာ ဂစ်တာလက်တံ ကော့တက်ခြင်း ၊
Break ခုံ နေရာကော့တက်ခြင်း ၊ ဂီတာအိုးခွက် သွားခြင်း
့တော်တန်ယုံမဖြစ်နိုင်ပါ ။ အပူပိုင်းဒေသများတွင် ဂစ်တာ
တီးပြီးတိုင်း ဂီတာကြိုးများကို မဖြစ်မနေလျှော့ထားသင့်
သည် ။ဂီတာမှာ ကြိုးတင်းအားကြောင့်အပြင်အပူပိုင်းဒေသ
( သို့ )အပူချိန် ကြောင့် ၎င်း ဂီတာလက်တံများကော့တက်
လာနိုင်သည်။ မိမိတီးကာနီးအချိန်မှ ဂီတာကိုကြိုးပြန်ညှိခြင်း
ဖြင့် မိမိ ဂီတာကို ပုံမှန်ထက်ပို၍သက်တမ်းကြာရှည်စေနိုင်
သည် ။ ဂီတာကြိုးလျှော့ထားခြင်းကြောင့်ကလေးငယ်များ
ရှိသောအိမ်တွင် ကလေးများ မတော်တစ်ဆ ဂီတာကိုယူက
ကစားမိပါကလည်း ကြိုးအလွယ်တစ်ကူ မပြတ်နိုင်သဖြင့်
မလိုလားအပ်သော အန္တာရာယ်များ မကျရောက်နိုင်ပါ ။
ထို့ကြောင့် ဂီတာကို တီးပြီးသောအခါများတွင် ကြိုးလျှော့
ထားခြင်းကြောင့် ပုံမှန်ထက်ပို၍ သက်တမ်း ကြာရှည်စွာ
တည်မြဲနိုင်ပါမည် ။
6. ဂီတာကိုအန္တရာယ်ကင်းစွာထားပါကလေးများပေးမဆော့ရ
ဂီတာသည် ကြိုးတပ်တူရိယာဖြစ်ပြီး ဂီတာကြိုးများ
သည် သံမဏိ ကြိုးများထည့်သွင်းပတ်ခွေထားသဖြင့်တော်ယုံ
ကြိုးများနှင့်မတူ။ ကြိုးပြတ်ဖို့ ခဲယဉ်းသလို ကြိုးပြတ်လျှင်လဲ
ကြိုးတွန်းကန်ကားမှာအရှိန်အလွန်ပြင်းစွာဖြင့် လွင့်စင်ကန်
ထွတ်သည်ကို သတိပြုပါ ။ ထို့ကြောင့် ဂီတာအနီး ၊ ဂီတာအ
ရှေ့တွင်ကလေး ၊ လူကြီးများ ရှိမနေစေရန်အထူးဂရုပြုပါ ။
ကလေးများအား ဂီတာကို လုံးဝပေးမဆော့သင့်ပါ ။ ဂီတာ
ကြိုးပြတ်ပြီး မျက်စိစင်လိုက်လျှင်မျိုးကန်းသွားပါလိမ့်မည်။
အန္တရာယ်ကိုမည်သူမျှကြိုမမြင်နိုင်သောကြောင့် ကြိုတင်
ပြင်ဆင်ထားပါမှတော်ကာကျလိမ့်မည် ။
ELECTRIC GUITAR လျှပ်စစ်ကြိုး
တပ် ကာတီးရသော ဂီတာသမားများ ပို၍သတိထားရပါမည် ။ထိုလျှပ် စစ်ဂီတာကိုအန္တရာယ်ကင်းသော နေရာတွင်တပ်ဆင်
တီးခတ်၍ တီးပြီးသောအခါများတွင် စနစ်တကျ သေချာဖြုတ် သိမ်းဆည်းရမည်ကိုသတိပြုကြပါ။ ကလေးများသည် ကြိုးများ
နှင့်တွေ ့ကရာပါးစပ်ထဲထဲ့တတ်ကြသောကြောင့် လျှပ်စစ်ဂီတာ
pin ကြိုးခေါင်းများကို ဖြစ်သလို မထားခဲ့ကြရန်အထူးမှာကြား
လိုသည် ။ သိပ်မကြာမီအချိန်ကမြန်မာ ပြည်တွင်း၌ပင် ဂီတာ
နည်းပြတစ်ယောက် လျှပ်စစ်ဂီတာကို ကြိုးတပ်တီးနေရင်း
အောက်ခံကြမ်းပြင်မှာ ရေစိုနေသည်ကို ဂရုမပြုမိသဖြင့်
ဓာတ်လိုက်သေဆုံးသွားခဲ့သည်ကို တွေ့မြင်လိုက်ရပါသည် ။
မိမိအသက်အန္တရာယ်ကို မပေါ့ဆပဲ ဂရုပြုရန် မိမိတွင်သာ
တာဝန်ရှိသည်ဟု မှတ်ယူထားပါ.....
... အစစ အရာရာ ကို သတိထားဆင်ခြင်နိုင်ကြပါစေ....
သင်ဆရာ မြင်ဆရာ ကြားဆရာတို့အား ဂုဏ်ပြုလျှက်
ဂီတပျိုးခင်း page 12.6.2018
ဂီတပျိုးခင်း - ဂီတာအခြေခံပုံပြlesson
မှပြန်လည်ကူးယူဖော်ပြသည်။
#ဂီတပျိုးခင်း
