03/01/2026
အခုနောက်ပိုင်းမှာ
အမင်္ဂလာသတင်း post တွေကို အရမ်းများလာတာ သတိထားမိတယ်။
သေဆုံးသူရဲ့ ဓာတ်ပုံနဲ့အတူ
စာလုံးပေါင်းသတ်ပုံမမှန်တဲ့ စာကြောင်းရှည်ရှည်တွေကို
နွဲ့နွဲ့ညံ့ညံ့ ဖွဲ့ရေးပြီး Public အနေနဲ့ ဖြန့်ဝေနေကြတာတွေပါ။
ဒါကိုကြည့်ပြီး မေးချင်တာက—
ဘာရည်ရွယ်ချက်နဲ့ ဒီလိုရေးတင်ကြတာလဲ ဆိုတာပါ။
မသေခင်က
သူ့ကို ဘယ်လောက်ချစ်ကြောင်း၊
ဘယ်လောက်တန်ဖိုးထားကြောင်း
အဲ့ဒီအချိန်တုန်းကပဲ ဖော်ပြခဲ့ကြရင်
ပိုပြီး မင်္ဂလာရှိမနေဘူးလား။
အခုတော့
သေဆုံးပြီးမှ
“ဖြစ်မှဖြစ်ရလေ”
“အစောကြီးပဲရှိသေးတယ်”
“ထွက်သွားပြီလား”
ဆိုတဲ့ စကားလုံးတွေကို အစချီပြီး
စာရေးဆရာလိုလို၊ အနုပညာရှင်လိုလို
စာအရှည်ကြီးတွေကို ဖွဲ့ရေးလာကြတယ်။
ဒါပေမယ့်
အကြောင်းအရင်းအစုံလည်း မပါဘူး
မေးမြန်းရင်လည်း မဖြေဘူး။
ဒါဆိုရင်
ဘာကြောင့် Public အနေနဲ့ မျှဝေနေရတာလဲ။
ကိုယ့်ခံစားချက်ကို ဖွင့်ဟချင်တယ်ဆိုရင်
Only Me နဲ့တင်လည်းရပါတယ်။
အဲ့ဒါမှ မလုံလောက်သေးရင်
Friends Only နဲ့ မျှဝေလည်းရပါတယ်။
အခုလို
လူတိုင်းမြင်နိုင်အောင် တင်နေကြတာက
ဘာရည်ရွယ်ချက်ကြောင့်လဲဆိုတာ
တကယ်ကို နားမလည်နိုင်ပါဘူး။
နောက်ဆုံးတစ်ချက်တော့ ပြောချင်ပါတယ်—
စာရေးဆရာဖြစ်ချင်ရင်
အနည်းဆုံးတော့
စာလုံးပေါင်းသတ်ပုံကို မှန်အောင်
ကြိုးစားစေချင်ပါတယ်။
