08/05/2022
ကင်မရာ စတင်လေ့လာသူများအတွက်
အမှတ်စဉ် ၁
Camera Level လေးတွေခွဲခြမ်းစိတ်ဖြာကြည့်ရအောင်
- Point & Shoot
Auto Camera အမျိုးအစားပါ။ Mode Dial အဝိုင်းလေးလှည့်ပေးယုံနဲ့ အသင့်ထည့်ထားပြီးသားတွေ အသုံးပြုနိုင်မယ့် အိတ်ဆောင်ခရီးဆောင် ကင်မရာလေးတွေပါ။ သေးသေးကျစ်ကျစ်နဲ့ ဘောင်းဘီအိပ်ကပ်ထဲတောင် ထည့်သွားနိုင်ပြီး Optical Zoom & Digital Zoom တွေတောင် ပါပါတယ်။ ဟန်းဆက်မှာပါတဲ့ ကင်မရာတွေထက် စွမ်းဆောင်မှု အနည်းငယ်သာပေမယ့် Feature တွေ အလွန်နည်းပါတယ်။ သိပ်လုပ်ဆောင်စရာလဲမလိုပါဘူး။ တစ်ချို့ ကင်မရာ Company တွေဆိုရင် “ လက်ညိူးကလေးနှိပ်ဖို့ သင့်တာ၀န်ပါ။ ပုံကောင်းထွက်ပေးဖို့က ကျနော်တို့တာ၀န်သာ” ဆိုပြီး ဂုဏ်လုပ် ကြော်ငြာကြပါတယ်။ များသော အလင်းပေးမီးကလဲ Bult-in Flash တွေပါ ။Pop up Flash ရှားပါတယ်။ (မြန်မာပြည်စျေးကွက်ကို ဒီဂျစ်တယ် စ၀င်လာတော့ Auto Camera တွေထဲမှာ SONY ရဲ့ Cyber Shot က ပင်မြင့်ပေါက်သည့် ပန်းမြတ်သခင် တော်၀င်သဇင်ဗျ။ မာနကြီးချက် တော်ယုံမကပ်နိုင်ဘူး။ တုံးခုလို့မက လှေကားထောင်တာတောင် မမှီနိုင်လို့ နောက်ပိုင်းမှ Nikon Coolpix 3100 လေး ၀ယ်ကိုင်ရတယ်။ internal Memory 16MB ပါတယ်။ 128MB SD လေးနဲ့ထည့်သုံးရင်းနဲ့ပေါ့။ ရီစရာကောင်းတာက အဲ့သည့်ကင်မရာလေးက အခုထိရှိသေးတယ်။ 512MB SD ထက်ကျော်ရင် ကင်မရာက မသိတော့ဘူး)
- Bridge Camera
Auto Camera ,Point & Shoot Camera တွေထက် လုပ်ဆောင်မှုအပိုင်းတွေ စွမ်းဆောင်ရည်တွေ ပိုမြင့်သွားပါပြီ။ ဒါပေမယ့် အပျော်တမ်းခရီးဆောင်သာသာပါပဲ။ ဘာကြောင့် Bridge (ပေါင်းကူး) လို့ခေါ်သလဲဆိုတော့ ဒီအဆင့်ကင်မရာတွေမှာ M Mode လုပ်ဆောင်ချက်တွေ သာလာပြီး DSLR Camera နီးနီးလောက် မန်နျူယယ် Mode တွေ ပါလာပေမယ့် DSLR Camera လို စွမ်းဆောင်ရည် မထက်မြက် DSLR Camera လို သက်ဆိုင်ရာ Lens တွေ အဖြုတ်အတပ် လုပ်လို့ မရသေးပါဘူး။ အသေတပ်ဆင်ပေးထားတဲ့ Lens တစ်လုံးပဲပါပြီး Optical Zoom & Digital Zoom တွေ အသုံးချလို့ပဲ ရပါတယ်။ အလင်းပေးမီးစနစ်ကတော့ Pop up Flash ဖြစ်ပြီး တစ်ချို့သော ကင်မရာတွေမှာ External Flash ထပ်တပ်လို့ရတဲ့ Hot Shoe ပါ ပါလာတာတွေ့ရပါတယ်။ ( ဒီဂျစ်တယ်ခေတ်ဦးမှာ Bridge Camera နဲ့ ပတ်သတ်ပြီး အကိုင်များလာတဲ့ နောက်ပိုင်းမှာ နယ်ဓါတ်ပုံဆရာတွေအားလုံးလိုလို အသည်းစွဲဖြစ်ခဲ့ရတာက Fujifilm အမျိုးအစားပါ။ Bridge ဖြစ်ပေမယ့် အရည်အသွေး မဆိုး ဘော်ဒီအဟန့်လဲရှိ စျေးနှုန်းသင့်လို့)
-DSLR Camera များ
DSLR ကင်မရာလို့ ပြောမယ်ဆိုရင် SLR ဆိုတဲ့ အခေါ်အဝေါ်ကို အရင်ပြောပြမှ ဖြစ်မှာမို့ ဖလင်ခေတ်ကို ပြန်သွားရအောင်။ ဖလင်ခေတ်က နယ်ဓါတ်ပုံဆရာလေးတွေ ၀င်ငွေနည်း ဓါတ်ဆရာလေးတွေက အဲ့သည့်ခေတ် အဲ့သည့်ခါက ဖလင်ကင်မရာကို Seagull , 205 စတဲ့ ကင်မရာလေးတွေ အကိုင်များတယ်။ အဲ့ဒါလေးတွေက TLR ( Twin-Lens Reflex) ပေါ့။ ချောင်းကြည့်ပေါက်ကနေ ကြည့်လဲ လန်းစ်ရဲ့ထိပ်မှာပိတ်ထားလဲ အပြင်ကိုမြင်ရတာပဲ။ ချောင်းကြည့်တဲ့ လန်းစ်ကတခြား၊ ပုံရိပ်ဖမ်းလန်းစ်ကတခြား။ ဒါပေမယ့် ချိန်သားမကိုက် ချောင်းကြည့်ပေါက်မှာ မြင်ရတဲ့ မြင်ကွင်းအတိုင်း ဖလင်မှာ ပေါ်ချင်မှပေါ်မယ်။ ဥပမာပြောရရင် ကျနော်တို့လက်ရှိကိုင်နေကြတဲ့ကင်မရာ Ratio မှ 16:9 နဲ့ရိုက်ပြီး 4:3 နဲ့ ပုံကူးတဲ့အခါ (သို့) 4:3 နဲ့ရိုက်ပြီး 16:9 နဲ့ကူးတဲ့အခါမှာ ပုံတွေရဲ့ အောက်ခြေတွေ ဘေးသားတွေ မပါတာမျိုးပေါ့။ နီကွန်၊ မင်နိုတာ၊ ရစ်ကော့ စတဲ့ နာမည်ကြီးတွေက ထုတ်တဲ့ SLR ( Single-Lens Reflex) ကင်မရာတွေကျတော့ မြင်ကွင်းချောင်းကြည့်မှန်ဘီးလူးနဲ့ ပုံရိပ်ဖမ်းမှန်ဘီလူးက တစ်ခုတည်း ပြီးတော့ တတ်နိုင်ရင်တတ်နိုင်သလို Lens တွေကို လဲလှယ်နိုင်သေးတယ်။ အဲ့တာ SLR ( Single-Lens Reflex)ပါ။ ဖလင်ခေတ်က ပုံရိပ်ဖမ်းတာက ဖလင်နဲ့ဖမ်းတယ်။ ဒီဂျစ်တယ်ခေတ်မှာက Digital နည်းပညာဖြစ်တဲ့ Sensor နဲ့ ပုံရိပ်ဖမ်း အချက်လက်တွေကို Memory ထဲသိမ်းပေးဆိုတော့ D တစ်လုံးပိုပြီး DSLR ( Digital Single-Lens Reflex) လို့ဖြစ်သွားရခြင်းပါဗျာ။
DSLR ( Digital Single-Lens Reflex) မှာ Level သုံးခု ထပ်ခွဲပြန်ပါတယ်။ Entry Level, Semi-Pro Level , Pro Level လို့ ခွဲခြားထားပါတယ်။ ဒီသုံးမျိုးမှာ ဘယ်လိုတူသလဲ Lens ကို မိမိစိတ်ကြိုက် ငွေကြေးတတ်နိုင်သလောက် ပြောင်းလဲတပ်နိုင်တယ်။ မတူတာတွေကတော့ Sensor Size, Functions, စွမ်းဆောင်ရည်တွေ ပါပဲ။ ဘယ်ဟာကောင်းလဲ ညစ်မမေးကြေး။ ကင်မရာဆိုတာ စျေးကြီးလေကောင်းလေ။
Entry Level မှာ Sensor Size ကို Four-Third, ASP-C နှစ်မျိုးစလုံးသုံးကြတယ်။ အသေချာဆုံးက Pop Up Flash အပြင် Hot Shoe လဲပါပါတယ်။ Semi-Pro Level မှာ Four-Third ကို လုံး၀မသုံးကြတော့ဘူး ASP-C နဲ့ ASP-H နှစ်မျိုးလုံးသုံးကြတယ်။ တစ်ချို့ကင်မရာတွေမှာ Full Frame Size တောင် ရက်ရက်ရောရောထည့်သုံးပါပြီ။ တစ်ချို့သော ကင်မရာတွေမှာ Pop Up Flash မပါတော့ပါဘူး Hot Shoe ထည့်ပေးထားပါတယ်။ လာပါပြီး Pro Level သေချာတယ် လာမမေးနဲ့။ ဆရာတွေအဆင့် ။ Sensor Size ကို Full Frame ထက် တစ်ပြားသားမှ လျှော့လိမ့်မည်မဟုတ်။ ဟင့် စျေးကြီးပေးရပြီး အလင်းပေးမီးလဲ ပါတော့ဘူး လို့ လာမရစ်ကြေးနော် လိုချင်ရင် Speed Light ၀ယ်တပ်လေ။ Hot Shoe ပါတယ်။
အခြားသောကင်မရာများ
နောက်ပိုင်း လိုက်မမှီတော့တဲ့နည်းပညာ။ ထွက်သမျှလိုက်၀ယ်နေရရင် ဘယ်လိုမှမလောက်နိုင်လေ။ ကြားဖူးမြင်ဖူးတာတော့ Mirror less Camera, Medium Format Camera တဲ့။ Mirror less Camera ကတော့ DSLR နဲ့ကွဲပြားတာက ပုံရိပ်ဖမ်းမှန်ဘီလူးနဲ့ ပုံရိပ်ဖမ်း Sensor ကြားထဲက ကြားခံ Reflex ပြား မပါတော့ဘူးဗျာ။ တိုက်ရိုက် Sensor ကို သွားရောက်ပါတယ်။ ပေါ့ပေါ့ပါးပါးနဲ့ အရည်အသွေးမြင့်မားသလို တော်၀င်သဇင်ဖြစ်ပါတယ်။ Medium Format Camera အဟဲ ကျနော်တို့အတွင်းအားနဲ့မရပါ။ Sensor Size ကြီးကြီး စျေးကြီးကြီး အရည်အသွေးကြီးကြီးနဲ့မို့ အဆင့်လွန် ဓါတ်ဆရာကြီးတွေရဲ့ ဓာတ်စာပါ။
မူရင်းရေးသားသူဆရာသမားအား
Crd ပေးပါသည်။
