Tun Lwin Photography

12/03/2022

ဖန်တီးမှုအနုပညာရဲ့တန်ဖိုးဆိုတာ အဲ့ဒီအနုပညာကိုဖန်တီးလိုက်တဲ့သူရဲ့ စိတ်ဝိဉာဥ်တွေ၊ နှလုံးသားတွေ၊ ခံစားချက်တွေအပြည့်ပါဝင်နေတတ်တာပါ။

တစ်ခါတစ်လေမှာ တစ်ချို့ တစ်ချို့သော ဓါတ်ပုံဝယ်ယူလိုသူတွေဟာ ကျွန်တော်တို့ဓါတ်ပုံအနုပညာရှင်တွေ ဖန်တီးထားတဲ့ပုံတွေကို သူတို့ရဲ့ ဧည့်ခန်းမှာ သူတို့ရဲ့
ဧည့်ကောင်းဆောင်ကောင်းတွေကို မျက်စိပသာဒဖြစ်
စေမယ့် ဓါတ်ပုံလေးတွေနဲ့ အလှဆင်ပြီးဧည့်ခံလိုစိတ်ရှိကြပါတယ်။

အဲ့လိုစိတ်တွေသာရှိကြတာ။ တစ်ကယ့်တစ်ကယ် အဲ့ဒီလိုဖန်တီးရိုက်ကူးထားတဲ့ဓါတ်ပုံတွေကို လာဝယ်တဲ့အခါမျိုးမှာတော့ အဲ့ဒီဓါတ်ပုံအနုပညာရှင်ဖန်တီးထားတဲ့ အလှဓါတ်ပုံတွေကို ဖန်တီးသူဓါတ်ပုံအနုပညာရှင်သတ်မှတ်ထားတဲ့ အနုပညာကြေးကိုတော့တန်ရာတန်ကြေး ပေးချေရမှာ လက်တွန့်နေတတ်ကြပြန်ရော။ သတ်မှတ်ပေးလိုက်တဲ့အနုပညာကြေးကိုပြောလိုက်တဲ့အချိန်မျိုးမှာလည်း နှာခေါင်းရှုံ့သလိုအမူအရာ နဲ့ စကားသံတွေကို မြင်ခဲ့ရ၊ ကြားခဲ့ရပြန်တယ်။ ပြောကြပါသေးတယ် "ကျွန်တော်/ကျွန်မ မှန်းထားတဲ့ စျေးနှုန်းနဲ့ ဆယ်ဆလောက်ကွာနေတယ်" တဲ့။ သူတို့က သာမန် Vinyl ထုတ်တဲ့စျေးနှုန်းလောက်ပဲပေးချင်ကြတယ်။ ဘာမှတော့ ပြန်မပြောလိုပါဘူး ပြုံးပဲပြုံးပြီး ငြင်းပယ်လိုက်မိတော့တယ်။

တစ်ကယ်တမ်းစဥ်းစားကြည့်ပြန်တော့ ဒီလိုအပြုအမူဟာ ကိုယ်ရဲ့ဧည့်ကောင်းဆောင်ကောင်းအပေါ်တန်ဖိုးမထားသလို၊ ဖန်တီးသူဓါတ်ပုံအနုပညာရှင်ကိုလည်း တန်ဖိုးမထားရာရောက်ပါတယ်။

ဖန်တီးမှုတစ်ခုခုရဲ့တန်ဖိုးဟာ ဖန်တီးသူရဲ့သတ်မှတ်တဲ့ တန်ဖိုးပဲဖြစ်ပါတယ်။ ဘေးကလူက တန်ဖိုးသတ်မှတ်လို့မရပါခင်ဗျာ။

ဓါတ်ပုံအနုပညာဖန်တီးသူများ၊ ဓါတ်ပုံအနုပညာကို တန်ဖိုးထားသူများအားလေးစားလျှက်...

ချစ်ခြင်းအားဖြင့်-
Tun Lwin (Photography)

06/01/2022

ကိုယ့်ဓါတ်ပုံမှာဖော်ပြပေးမယ့် လူ၊ အကြောင်းအရာ (Subject) အပေါ် အားနာနေရင် ပုံကောင်းတစ်ပုံဘယ်တော့မှမရနိုင်ပါဘူး။
(ဆရာတစ်ယောက်အကြံပြုပြောခဲ့တဲ့စကား)

ဆိုလိုရင်းသဘောကတော့ ကိုယ်ဖန်တီးမယ့် ဓါတ်ပုံမှာပါဝင်မယ့် လူ၊ အကြောင်းအရာနဲ့ ရင်းနှီးအောင်ချည်းကပ်ပါ။ ကိုယ်ဖန်တီးလိုတဲ့အကြောင်းအရာကို နားလည်သဘောပေါက်အောင်ပြောပြပေးပါ။ နောက်ဆုံးမှ ရိုက်ကူးဖို့ ပြင်ဆင်ဆောင်ရွက်ပါ။

# စိတ်ကူးဖို့က ပထမ
# ကိုယ့်ဖန်တီးရိုက်ကူးမယ့် လူ၊ အကြောင်းအရာကို
ချည်းကပ်ဖို့က ဒုတိယ
# ရိုက်ကူးဖို့က တတိယ

ကျွန်တော်တို့တွေ ဓါတ်ပုံတွေဖန်တီးရိုက်ကူးကြတာ ငွေကြေးတစ်ခုအတွက်၊ အောင်မြင်မှုတစ်ခုအတွက် မဟုတ်ပါဘူး ဓါတ်ပုံအနုပညာကိုချစ်ကြလွန်းလို့ ဖန်တီးရိုက်ကူးနေကြတာပါ။

ဖန်တီးရိုက်ကူးလိုက်တဲ့ ဓါတ်ပုံတစ်ပုံချင်းစီတိုင်းမှာ ဓါတ်ပုံဖန်တီးသူရဲ့ စိတ်ကူး၊ အကြံဥာဏ်၊ အချိန်၊ ငွေကြေးစတဲ့ ရင်းနှီးမြုတ်နှံမှုတွေအများကြီးထည့်ထားရပါတယ်။

ကျွန်တော်တို့ဖန်တီးရိုက်ကူးလိုက်တဲ့ ဓါတ်ပုံတွေကို တန်ဖိုးထားလျစ်မြတ်နိုးပေးတာအထူးကျေးဇူးတင်ပါတယ်။ ဒါပေမယ့် ကျွန်တော်တို့ဖန်တီးရိုက်ကူးထားတဲ့ ဓါတ်ပုံအနုပညာတွေကိုတော့ မဒိန်းမကျင့်ကြဖို့ တောင်းပန်ပါတယ်။

ဓါတ်ပုံ ထွန်းလွင်

03/11/2021

သင်ဟာ ဓာတ်ပုံရိုက်ဖို့ ရှက်တယ်ဆိုရင် ဒီစာကိုဖတ်ကြည့်ပါ

ဓာတ်ပုံရိုက်တယ်ဆို ရှက်စရာမဟုတ်ပါ ဘူးဗျ ။
ကျနော်တို့ မြန်မာလူမျိုးတွေထင်နေတာက ဓာတ်ပုံရိုက်ရတာကို ရှက်စရာလို့ ထင်နေတာပါ။ တကယ်တော့ ဓာတ်ပုံရိုက်တယ်ဆိုတာက အချိန်ကာလတစ်ခုက အမှတ်တရ ဖြစ်ရပ်တစ်ခုကို မှတ်တမ်းတင်ရုံပါပဲ ။ ဥပမာ ကျနော်တို့ နေရာ လှလှပပ တစ်ခုကို ရောက်တဲ့အခါ ဒီနေရာကို ရောက်ခဲ့တယ်ဆိုတာ မှတ်တမ်းတင်တင်ဖို့ ဓာတ်ပုံရိုက်လေ့ ရှိကြပါတယ် ။ နောင်တစ်ချိန် ရက်အနည်းငယ် လအနည်းငယ်ကြာတဲ့အခါမှာ ကိုယ်တိုင် ပြန်အမှတ်တရ ဖြစ်စေနိုင်သလို တစ်ခြားသူတစ်ယောက်ကိုလည်း ပြန်ပြီး ပြောပြနိုင်ပါတယ် ။ ဒီလိုကနေ နှစ်အနဲငယ်ကြာတဲ့အခါ အသက်အရွယ်တစ်ခုကို မှတ်တမ်းတင်ထားပြီးသား ဖြစ်နေပါတယ် ။ ကျနော်တို့ဟာ ဒီလိုအချိန် ဒီလိုနေရာကို နောက်တစ်ခါ ပြန်ရောက်ဖို့ ပြန်မြင်ရဖို့ နောင်တစ်ချိန်မှာ မသေချာပါဘူး။ ဥပမာ ကျနော်တို့ ငယ်ငယ်က ကလေးဘဝ ငယ်ဘဝအမှတ်တရ
ပုံလေးတွေ ပြန်ကြည့်နိုင်တယ်ဆိုတာ ဖေဖေ မေမေတို့ မှတ်တမ်းတင်ရိုက်ခဲ့ကြလို့သာ ဒါ ကျနော်တို့ရဲ့ ငယ်ဘဝပုံရိပ်တွေကို ပြန်မြင်နိုင်တာပါ။ ဒီလိုပါပဲ ကျနော်တို့ အခုအသက်အရွယ်ဟာ နောင်တစ်ချိန်ထိ ရပ်တန့်နေမှာ မဟုတ်တဲ့အတွက် အခုအသက်အရွယ်ကို မှတ်တမ်းတင်ထားမှသာ နောင်တစ်ချိန် ငါ ဒီအရွယ်က ဒီလိုပုံပါလားဆိုပြီး ပြန်အောင့်မေ့နိုင်မှာပါ ။နောက်ပြီး အရမ်းအရေးကြီးတာ တစ်ခုရှိပါသေးတယ် မိသားစု ဓာတ်ပုံပါ အခုရှိနေတဲ့ မိသားစုဝင်တွေနဲ့ ဓာတ်ပုံရိုက်ထားသင့်ပါတယ် ။ ရှေးဟောင်း သမိုင်းဓာတ်ပုံတွေဟာလဲ ရိုက်ကူးသူတွေရှိ လို့သာ ကျနော်တို့ ပြန်မြင်နေရတာပါ။ နောက်တစ်ခုက ကျနော်တို့အပါဝင် လူတော်တော်များများက ကိုယ့်ရဲ့ ရုပ်ရည်ကြောင့် ကိုယ့်ကိုယ်ကို ယုံကြည်မှု အားနဲပြီး ပုံရိုက်ဖို့ ကြောက်ပြီး မရိုက်ကြတာ များပါတယ် ။ ကျနော်ဆိုရင် ပုဂံကို မွေးကတည်းကနေ အခုအသက်အရွယ်အထိ တစ်ခါပဲ ရောက်ဖူးပါတယ် ။ အဲ့ဒီတုန်းက ရုပ်ရည်မချောလို့ မလှလို့ ဝလို့ ပိန်လို့ ဆိုပြီး ဓာတ်ပုံမရိုက်ခဲ့ပါဘူး ။ အဖေရိုက်ပေးတဲ့ မဲတူးတူး ပုံလေးတစ်ပုံပဲ ရှိပါတယ်။ကျနော်က သူများတွေကိုသာ ဓာတ်ပုံတွေ အများကြီး ရိုက်ပေးခဲ့တာပါ။ အခုအချိန် ပုဂံအမှတ်တရနဲ့ပတ်သတ်ပြီး ပြစရာပုံလဲ ကျနော့်မှာ မရှိသလို ပြန်ကြည့်စရာပုံလဲ မရှိလို့ ကျနော် အချိန်တွေကို နှမြောမိပါတယ် ။ အဲ့ဒါကြောင့်နောက်ပိုင်း ကျနော် ဘယ်ရောက်ရောက် ကိုယ့်ကိုကိုယ်ကစပြီး ခွေးကလေးတွေ ကြက်ကလေးတွေအဆုံး ရောက်တဲ့နေရာမှာ မှတ်တမ်းတင်တဲ့ အကျင့်ရှိလာပါတယ် ။ ကိုယ့်ရုပ်ရည်လှလှ မလှလှ အချိန်ကာလ တစ်ခုက အမှတ်တရတစ်ခုကို မှတ်တမ်းတင်ရုံပဲ ဆိုပြီး ရိုက်ဖြစ်လာပါတယ် ။ 𝐬𝐨𝐜𝐚𝐢𝐥 𝐦𝐞𝐝𝐢𝐚 ပေါ်မှာ တင်ခြင်း မတင်ခြင်းက အရေးမကြီးပါ။ နောင်တစ်ချိန် ပြန်ပြီး အမှတ်တရ အောင့်မေ့နိုင်ဖို့အတွက် ရိုက်ဖြစ်ပါတယ် ။ ဒါမှသာ ငါဒီနေရာကို ရောက်ဖူးတယ် ။ ငါဒီအသက်ရွယ်တုန်းက ဒီနေရာကိုရောက်ဖူးတယ် ။ ဒီအရွယ်တုန်းက ငါ့ပုံလေးဆိုပြီး အမှတ်တရ ဖြစ်စေမှာပါ။ ဒါကြောင့် ကျနော်ပြောချင်တာက အချိန်တွေဆိုတာ နောက်ပြန်ဆုတ်လို့မရဘူး ။

ဓာတ်ပုံရိုက်ဖို့ ရှက်နေတုန်းပဲလား ???
ကျွန်တော်ဆီဓါတ်ပုံလာအရိုက်ခံပါ 😍😍😍
#𝐜𝐫𝐞𝐝𝐢𝐭

31/07/2020

Pre-wedding for cute couple in Meiktila.
Have a nice days in long life.
Thanks a lot for your trust and respect on my creation.

09/06/2020

နိုင်ငံခြားသားတစ်ယောက်မှတ်တမ်းတင်သွားတဲ့ မြန်မာ့ရှုခင်းများ

World’s Best Photographers & Artists
Featured Photo Album
Ancient temples in Myanmar.
Photographer: Daniel Kordan
https://www.danielkordantutorials.com/
http://danielkordan.com/
Follow us on Instagram and Twitter:
https://www.instagram.com/wbpacommunity
https://twitter.com/wbpa_community

11/02/2020

A fairy girl in a foggy morning ago.



☎️ 09 42500 5546

PHOTO -Tun Lwin
Model - Waihin Myint Lwin

12/01/2020

Pregnant Goal

Starring ;
Sett Naing & Mya Phuu Wai Ko

Thanks a lot for warmly cooperation of my beloved friends.

DOP - Yar Dee Ber
Accessories - MUA Chaw Su
Lighting. - Ko Thet

28/10/2019

A beautiful lady in Pre-convo

27/10/2019

Romance of all dreams

25/10/2019

Pre-wedding in Mandalay & Innwa.

22/10/2019

The true love story never ends.

Photography by Tun Lwin
(09425005546)