𝗠𝙚𝙢𝙚𝙨𝗕𝙪𝙡𝙡ˢʰⁱᵗ

02/03/2025

😂

23/06/2023

#العلاقات #الوبائية
#المغرب #الجزائر ゚viral

21/06/2023

https://youtu.be/cKMqYzF82Is

الفيديو يستكشف موضوع الرد الشافي على النسويات والعهر الفكري، حيث يتناول العديد من القضايا المثيرة للجدل فيما يتعلق بالعلاقات الرضائية والمساواة بين الجنسين. ...

02/04/2023

العام طويل الحلقة 1 .
السلسلة الرمضانية.
شارك معا صحابك حسن من هاذ الحموضة نتاع دبا. ✔️✌🏼

26/09/2022

وادي الذئاب نتاع سيدي قاسم هههه
Partager توصل
عند مراد علمدار

24/09/2022

23/09/2022

ختي عوض متعبري راسك بالخيط. خيطي بيه طبونك و هانتي بخير

21/09/2022

😂😂😂😂

15/09/2022

الحمد لله باقي معرفو حتا واحد 😅

25/08/2022

💔🥺
هادشي لي غنعاود ليكم دابا دازت عليه 5 سنين تقريبا. حتى واحد ما عارف هاد التفاصيل كاملة، طويت الصفحة سنين هادي ولكن اليوم قررت نفتح قلبي و نهدر، بغيت كلشي يستافد من تجربتي.
في 2012 كانت عندي 28 عام. بنت من عائلة محافظة و أب صعيب بزاف. قريت فمدرسة هي تاني أحسن مدرسة في المغرب. تخرجت و خدمت إطار فبنكة ف كازا. كانت ظروفي المادية أحسن بزاف من داكشي لي حلمت بيه. ف 28 عام عندي داري و سيارة جديدة و كندوز الكونجي 2 مرات في العام في الخارج. بإختصار كان عندي كلشي من غير حاجة واحدة لي هي الحب. كنت كنعاني من فراغ رهيب، تجارب بزاف مصدقوش كنخرج في كل مرة مصدومة و محطمة. مع انني زوينة و كنعرف نهدر و كنلبس أحسن ما كاين ولكن معرفتش علاش مقدرت نجح فحتى علاقة. او ما كنتش كنقلب بالضرورة على شي واحد لاباس عليه، فقط يكون واعي او يخاف الله.
المهم كنت كنهدر مع رجال ف انترنيت، كنخرج، كنسافر...كنت كنقول نعطي فرصة لراسي ممكن نلقا الحب لي كنحلم بيه.
واحد النهار صيفط لي واحد السيد طلب صداقة ف فيسبوك. دخلت نشوف لقيت راسي مكنعرفوش ولكن تزعطت فيه غير من تصاورو. كان غزال و لبسو زوين عجبني بزاف او قبلتو. بدينا كنهدرو ديك الساعة هدرة عااااادية، كان تقيل بزاف مسولنيش حتى شنو سميتي فالنهار الاول. بقيت فين ما ندخل نلقاه اونلين مرة يهدر مرات ميهدرش حتى وليت انا كنجبدو. دازت شي سيمانة قالي عطيني نمرة ديالك فرحت بزاف عطيتها ليه او بدينا نهدرو ف ميساجات شوية ولينا كنتعايطو. صراحة بغيت نتقل شوية خليتو هو لي كيعيط.
فؤاد، هاد السمية لي كنسمعها لدابا كتشدني التبوريشة. كان قدي ف العمر، مهندس دولة، مراكشي ولكن خدام و عايش ف هولندا. فداك الوقت لي كنا كنهدرو كان فمراكش كونجي. عندو خوه واحد اكبر منو حتى هو مهندس و لكن كان خرج من الخدمة باش يدير مشروع ديالو. او نزيد على هادشي السيد راسو عامر علاش ما جيتو و هادي اكتر حاجة شداتني ليه. المواصفات لي حياتي كاملة او انا نحلم بيها، صافي قررت نعطي وقتي و جهدي كامل باش تنجح هاد العلاقة.
فؤاد عجبتو بزاف واخا مقالهاش حيت كانت نفسو عزيزة، ولكن بينها لي فاش ولى كيعيط 20 مرة فالنهار. او الميساجات كل وقت. ولى وقتو كامل ديالي كنعرف عليه الشادة و الفادة. تحركاتو كاملة كيقولها لي فين كيمشي شكون كيتلاقى...دغيا رجعات علاقتنا قوية بحالا كنعرفو سنيييين. حتى هو ولى يعرف علي كلشي. معاش كنعس معاش كنفيق. عارفني معاش كنخرج من الدار كيسيفط لي ميساج فيه طريق السلامة. كيقولي بالصحة الغدا فوقت الغدا بحالا كيشوف في....باختصار ولى جزء من حياتي اليومية. حتى خوه او ولاد عمامو او صحابو القراب عرفني عليهم واحد المرة. كنعقل هز تصاوري لي حاطة ف فيسبوك او صايب منهم فيديو حطو ف بروفيل ديالو او طاكاهم كاملين او قاليهم كنقدم ليكم حب حياتي. حشمت بزاف و لكن طرت بالفرحة حيت اخيرا عتارف. المهم غتكونو كتسولو راسكم واش تلاقات بيه؟ لا معمرني تلاقيتو من بعد تقريبا شهر ديال الهدرة ف التيليفون و انترنيت. التخربيق ياك؟ ايوا هادشي لي عطا الله. ما عمرو قالي نشوفك او انا مرضيتش نطلبها منو. كنت كنعاود لصاحبتي عليه او كانت ديما كتقولي واش نتي حمقة مزال ما شفتيهش ضروري تشوفيه ربما الكونطاكت ديال بصح يبدل شي حوايج را خاصك تجلسي معاه. المهم عمرات لي راسي بزاف حتى دخلات في الشك او انا نقولها ليه. فرح بزاف قالي راه من النهار الاول بغيت نقولها ليك او حشمت او خفت تفهميني غلط....تفاهمنا سيمانة من بعد نتلاقاو غيجي عندي لكازا. ايوا منعاودش ليكم سيمانة كاملة او انا نوجد او نقاد فحالتي او نحفظ شنو غنقول. بقا نهار على رونديفو ديالنا السيد مكيجاوبش فلبورطابل نهار كامل. دخلت لفيسبوك لقيت صحابو كاتبين ليه الحمد لله على سلامتك خلعتينا عليك انا مفهمت واااالو. لغد عاد بان او عيط لي. قالي كان لاعب كورة او طاح تقطعات ليه عصبة او بات ف الكلينيك او كان باقي فيه ديك الساعة. كنت غنموت بالخلعة قلت ليه غنجي مبغاش قالي متعدبيش انا غنخرج او غدا نقول لخويا يجيبني عندك لكازا. بقيت كنتقطع بغيت نكون معاه فهاد الضروف ولكن هو صمم او مخلانيش نجي عندو.
دازت اكتر من شهر على الحادتة لي وقعات ليه، كنا كنهدرو بزاف بحال قبل ولكن معمرو فكر يجي عندي كيف واعدني. في الاول كنت كنحشم نقولها ليه، كنقول مع راسي كرامتي متسمحش لي. ولكن مع الوقت هادشي بدا كيلعب لي على اعصابي. واه السيد النهار كامل معايا ف التيليفون، كيقولي كنبغيك، صحابو عارفين او حتى هوما كيهدرو معايا...و لحد الآن مزال مبغاش يشوفني؟ كيفاش قادر يصبر و انا لا؟ شنو المشكل؟ اش واقع؟ 1000 سؤال كانو كيدورو لي ف راسي، سكت حتى عييت و في التالي وليت كنقوليه بغيت نشوفك. في الاول كان كيقولي واخا غير نحيد الجبس او نجي، ولكن فاش صدعتو او كنقوليه غير خليك انا نجي، ولى كيتعصب او كيقولي نتي مفاهمانيش ممقدراش المرض ديالي انا حالتي او نتي همك نتلاقاو....مرضت نفسيا وليت معصبة مبقيتش كناكل كنشوف راسي مشيت فهاد المغامرة لي معندها معنى او وليت كنبغي واحد غير من صوتو. وليت كنتصرف بحال شي مراهقة مبقيتش عارفة راسي، تصدمت فراسي.
دازت 3 شهور على هاد الحال، السيد ولى مزيان كيخرج او ولى باغي يشوفني. قالي سمحي لي المرض لعب لي على اعصابي او في نفس الوقت كنت مرون كنفكر نسالي من هولندا او ندخل فحالي للمغرب نتشارك مع خويا فمشروع. فرحت ليه قلت ليه هادي احسن حاجة سمعت اخيرا غنتجمعو انا وياك (كنت كنحلم نتجمعو او انا اصلا معمرني شفتو، كنت حمارة). المهم قالي عطيني سيمانة نمشي نفضي اموري او نرجع عندك او نكون ديالك ديما. بحال الدمدومة قلت ليه الله يعاونك تمشي و ترجع بالسلامة.
نهار غيمشي عيط لي من المطار، هدر معايا بالزربة او كنسعو كيقول لخوه انا جاي. مبغيتش نعطلو قلت ليه صافي حتى توصل او عيط لي.
في الليل تكونيكطا ف msn قالي وصلت مزيان الحمد لله. انا دخلني الشك وايلي السيد دغيا وصل؟ انا ماشية لهولاندا او عارفة شحال د الوقت يعني ميديرهاش بي. قلت ليه عيط لي
الغد مشيت للخدمة عيطت للشركة لي قالي خدام فيها (مصنع معروف عالميا) قلت ليهم بغيت فلان قالو لي معندنا تا واحد بهاد السمية. ها الكدوب بدا يبان. بقا الحل لي عندي نكونطاكطي شي واحد من عائلتو ف فيسبوك. سيفطت ميساج لخوه قلت ليه عافاك شرح لي شنو واقع راه ايلا بقيت هاكا غندير شي حاجة فراسي. جاوبني ديك الساعة قالي فؤاد معندوش الوجه باش يهدر معاك راه كدب عليك. هو ماشي ف هولندا. مع الازمة جراو عليه او مشا لفرنسا خدم شوية تما ولكن معجبوش الحال او خرج او دابا راه شوماج ف فرنسا. قلت ليه هادشي عادي علاش مقالوش في الاول؟ كانت صدمة حياتي فاش قالي: فؤاد كيقوليك تهلاي فراسك هو ميستاهلكش. مستقبلو حتى حاجة فيه ما مضمونة او نتي احسن منو بزاف. كانت هادي اخر حاجة كتب لي حيت مبقاش كيجاوب على ميساجاتي من داك النهار.
حاولت نسا واخا كانت صعيبة علي بزاف. كنت كنتوحشو كل دقيقة، خلا فراغ كارتي ف حياتي. بقيت كنعيط ليه كل نهار واخا عارفة غنلقا النمرة طافية و لكن معمرني فقدت الامل. حتى فصلاتي كنت كنطلب ربي يلاقيني بيه او نغفر ليه كلشي داكشي لي دار، اصلا مغنعاتبوش يا ربي غير يرجع.
دازت 4 شهور على هادشي او كان نهار قبل رمضان. كنت خارجة مع صحاباتي حتى كيجيني ميساج من نمرة مغربية: رمضان كريم. توحشتك
فؤاد رجع
الحب رجع. ما صدقتش راسي. بغيت ندفع عليه كبير او معرفتش ولا مقدرتش. بغا يعطيني تفسير لشنو دار مي انا ما كنت باغا نعرف والو المهم انو رجع او هاد المرة مغيعاودش يخليني.
علاقتنا رجعات احسن و اقوى من الاول. كان رمضان ديك الساعة كنبقاو نهدرو بالسوايع حتى كيديني النعاس او البورطابل ف ايدي. كان كيفيقني للفجر او كيقولي كنحلم بداك النهار لي تصلي فيه ورايا. صافي بدينا كنخططو في حياتنا و مستقبلنا بجوج بلا منشوفو ههههه واععععع كنكتب دابا او كنضحك على راسي. داز العيد او واعدني غيجي او بطبيعة الحال مجاش.
بدا فالمشروع مع خوه، دارو bureau d'etude في الرباط. البدية كانت صعيبة بزاف، كراو برطمة او جابو غير 2 ديال سطاجيير بيد ما بدات الخدمة يقدرو يرسموهم.
نهار قالي انا غنستاقر في الرباط فرفرت بالفرحة قلت صافي الحمد لله قرب او غنوليو نديرو لانافيط عند بعضياتنا. ساعة خاب الامل. من نهار جا بدات المشاكل. كان ديما معصب او هدرتو غير على الخدمة و ليشيفخ و الازمة و و ... قتارحت عليه نشد ليهم الحسابات (هدا دومين ديالي) ولكن مبغاش. المهم كنت صابرة، علاياش صابرة الله اعلم. حتى كنفكر نبعد او مكنقدرش، صاحبتي كانت كتقولي هدا ساحر ليك، واش معمرك شفتي وجهو او دايرة عليه هاد الحالة.
وصل العيد الكبير، يعني الشهور دايزين كيطيرو او هو باقي ما بان. وليت كنخاف نجبد معاه موضوع الملاقية حيت معصب مع الخدمة او خاصو غير معامن يتناكر او في نفس الوقت كنت كنراعي ليه. شي مرات هو اللي كيجبد الموضوع او كيقولي انا مبغيتش نشوفك دابا. عندي المشاكل في الخدمة ما مستاعدش للزواج او مباغيش نتصاحب معاك خلينا هاكا حتى يحن علي الله او نجي نيشان لداركم، ولكن ايلا بدينا نتلاقاو من دابا غنوليو فالحرام......الحاصول السيد واعر في الهدرة كان واكل لي دماغي.
وصل عيد ميلادو او شريت ليه كادو، هاد المرة عولت نمشي عندو. قلتها ليه بين لي الفرحة ولكن انا حسيت بيه تصدم. قلت ليه غنجي نيشان عندك البيرو او منقولش ليك معاش، سيربرييييييز. نسيت ما قلتش ليكم كان عاطيني العنوان.
منعستش ديك الليلة، حاطا الكادو حدايا او كنتخيل راسي مع فؤاد
حتى فات الفجر بدا كيديني النعاس، كنت ناوية نمشي عندو الصباح باش ندوزو النهار كامل. يالله بدا النهار يبان سيفط لي ميساج: خويا كيموت. اويلي شنو واقع كنعيط مكيجاوبش. بقيت هاكا الصباح كامل ما عارفة واش نمشي ولا نجلس، تلفت. او هو لا خبر.
في الليل عيط لي كيبكي، هو يبكي او انا نبكي معاه غير هو كيبكي على خوه او انا على همي لي طايحة فيه. قالي خوه جاتو سخانة خايبة او نعس في الكلينيك حيت لقاو عندو سينيزيت او خاصو يفتح و الا غيموت. قلت ليه انا جاية قالي لا معندك فين تجي. قالي صاحب خوه واقف معاهم او واحد جارهم في الرباط او مراتو. على الاقل رتاحيت حيت ماشي بوحدو.
دازت اكتر من شهر خوه بدا كيتحسن او هو ولى شوية فرحان. رجعنا كنهدرو ولكن ماشي بحال الاول. انا كنت عييييييت هاد الوضع قتلني وليت غير غادا او حالة فمي لي قالها كنقول عليها امين. عقلي كيقولي سدي عليه راكم مدايرين واااالو تصبري على قبلو، لي بيناتكم نمرة ايلا طفاها كاااان هنا والله لا حصلتي عليه. ولكن القلب لي دار لي هاد الكارتة.
المهم صاحبتي بعد مجهودات كبييييرة قدرات تقنعني نسافرو شوية. مشينا لتركيا او تما بديت كنشوف الامور بشكل اخر. هو على اساس فايت ماشي او داير تصارو تما، كنت كنهدر معاه فديك الوقت كنقولو انا فهاد البلاصة على اساس كيعرفها، كان كيبدا يتلف الهدرة. او انا بحالا بديت كنفيق، كيفاش السيد ماشي لتركيا او مكيعرف فيها والو. تفكرت نهار نعت ليه واحد المول ف روتردام او قالي انا من الدار للخدمة. اش غنقوليكم من الاول داكشي كان فشكل غير انا كانت على عيني ضبابة.
المهم سيدهم فؤاد حس بي بديت كنعيق، او انا فلساني جملة واحدة: غير ندخل للمغرب غنشوفك واخا تكون ف زحل.
رجعت من اسطنبول نهار الاحد. الغد رتاحيت ما بغيت ندير والو او حتى فؤاد كنهدر معاه عادي. نهار التلات فقت بكري تقاديت او خرجت. كنسخن الطموبيل او كنهدر مع فؤاد ف الميساجات هديرات حلوين بحال ديما. قلت ليه سمح لي غنغيب عليك واحد الساعة عندي اجتماع. قطعت او توكلت على الله، direction rabat.
وصلت للرباط او انا مكنعرف فيها والو، مكنمشيش تما او حسيت براسي بحالا غريبة فشي بلاد ماشي المغرب. ممكن الخوف من اللقاء لي تسنيتو تقريبا عام هو لي خلاني فديك الحالة.
ماشية او كنسول على العنوان لي كان واحد المرة عطاه لي. صراحة ما كدبوش فاش قالو الرباطيين كيوضرو. بديت كنسول البوليس حتى لقيت العنوان. لقيتها زنقة فيها غير الفيلات او السقيييييل. ما كاينش حس شي بيرو ولى شركات تما. كتشبة للزناقي الخاوين ديال الوازيس (بنات كازا غيفهمو). واخا هكاك متسرعتش. بقيت كنشوف دار بدار كنقلب على رقم 373 (واو 5 سنين او باقا عاقلة). والو ما كاينش هاد الرقم. شوية خرج واحد العساس او انا نسولو، الجواب المتوقع: لا بنتي ما كاين حتى شركة هنا. عرفتو بحالا هزني للسما او خبطني. قلت ليه شكرا او مشيت جلست فالطموبيل كنعيط لفؤاد.
وي حبيبة ساليتي الاجتماع؟ قلت ليه فينك قالي في الخدمة، قلت ليه اوكي نزل انا حداك. قالي فين حدايا؟ قلت ليه انا فالرباط حدا الشركة ديالكم نزل عندي. باقي مكملتش الجملة ديالي قطع علي. كنعاود نعيط البورطابل طافي. شنو ندير ا عباد الله، اش هادشي، فين فؤاد دابا علاش هاد الكدوب اش واقع....كنت غنحماق. بقيت جالسة فالطموبيل فنفس البلاصة او كنبكي. العساس مرة مرة كيطل علي او مقدرش يسولني. بقيت من 12 د النهار حتى بدات كطيح الضلمة او فهاد الوقت كامل كنعيط ليه او البورطابل طافي. صافي قررت نمشي فحالي و نكمد الصدمة حيت ايلا بقيت تما تقدر توقع لي شي حاجة او انا كنتفكر الشريط ديال علاقتنا بتفاصيلو الصغييييرة.
يالله بديت لوطوروت او هو يعيط لي. قلبي كان غيسكت. كنغوت حتى مشا لي الصوت، فينك دابا شكون نتا؟ او هو كيهدر بواحد البرود او واحد الصوت اول مرة نسمعو. قالي انا ماشي فالرباط، او معنديش شركة، او هادوك ماشي تصاوري، او معنديش خويا او ولاد عمامي او صحابي هادوك كاملين لي كونط ديالي انا.....
انا مسميتيش فؤاد وكلشي كذوب وقطع وهادي كانت نهاية و لحد الان معرفاش مع من كنت تنهضر نضحك نبكي نبغي نحماااق نتسطاا حطمني جرحني خلاني كلي مهرسة و مشاا شنوو ذنبي اناا النهاار اللي قررت اني نعطي فرصة ولات حالتي هكاا
النهاية