20/09/2026
تابعنا بأسف كبير ما يتم تداوله في بعض الصفحات من تسجيل صوتي لأحد أبناء دوارنا، وما تبعه من حملة تشهير ممنهجة تحاول أن تجعل من رجل أحسن إلينا لسنوات، مجرما بين ليلة وضحاها.
وإنصافا للحق، وشهادة لله ثم للتاريخ، وجب علينا أن نقول كلمة حق في هذا الرجل.
من هو هذا الرجل الذي يهاجم اليوم..؟
هو ليس مسؤولا في الدولة، وليس رئيس جماعة، وليس رئيس جمعية كما يقولون، هو واحد منا، من دمنا ولحمنا. في الوقت الذي تخلى عنا الجميع، هو من وضع يده في جيبه واشترى من ماله الخاص مضخة الماء التي يشرب منها اليوم الصغير والكبير، هو من كان يصلحها كلما تعطلت، ويؤدي ثمن الكهرباء من جيبه الخاص، دون أن يطرق باب أحد ودون أن يقول يوما "أعطوني".
ولكن خيره لم يتوقف عند الماء فقط..!
هذا الرجل، والله يشهد، هو دائما من يخسر ماله على دوار إبلولن وآيت شعيب عامة، في أي حاجة كانت.
إلا كان شي مشكل هو الأول كيوقف. إلا كان شي فرح، هو كيعاون. إلا مرض شي واحد وما عندوش، هو كايتكلف. إلا خاص شي حاجة فالجامع، فراش، صباغة، ميكروفون، مصاحف، هو كيخلص وكيقول "خليوها بيني وبين الله".
عمرنا ما قصدناه وردنا. عمرنا ما طرقنا بابو وقال "ما كاينش". يخسر فلوسو، يخسر وقتو، يخسر صحتو، غير باش يشوف دوار إبلولن وآيت شعيب واقف على رجليه.
فكيف ننسى كل هذا الخير في لحظة؟ وكيف نسمح لصفحات غريبة لا تعرف حتى أين يوجد دوارنا أن تحكم عليه من مقطع صوتي مدته 30 ثانية..؟
بخصوص التسجيل الصوتي
نحن لا نبرر الخطأ. الكلام اللي تقال فيه إلا ما صوتوش نقطع عليكم الماء كلام مرفوض، وحنا أول من قلنا ليه راك غلطتي. وهو رجل شهم واعترف بغلطو واعتذر قدام الكبير والصغير حيت أصلا المجموعة كانهضرو فيها ك عائلة وحدة وهادي هي هضرتنا فالمجموعة،
راه الغيرة على الدوار هي اللي هضراتو. بغا الدوار يبقى مجموع وكلمتو مسموعة باش تجينا شحال من حاجة كنا كانحلمو بها للدوار
باراكا من المزايدة على ظهر دوارنا. إبلولن وآيت شعيب فيها رجالها ونساها اللي كيغسلو عارهم بيديهم. نحن نعاتب ولدنا ونصلحوه بيناتنا، لكن لن نسمح لأي كان أن يسبنا أو يمس كرامة دوارنا وشرف أمهاتنا من أجل مشاهدات رخيصة.
اللي باغي يدير الخير لإبلولن، يجيب لينا مشروع، يجيب لينا طريق، ماشي يجيب لينا لايف فيه السب والشتم.
وَلَا تَنسَوُا الْفَضْلَ بَيْنَكُمْ
