29/12/2024
ابتداءً من يوم الأربعاء المُقبل فاتح عام 2025
الفلوس بالمغرب مغادي تبقا عندها قيمة يلا ممخلصش عليها الضريبة، بغيتي تشري دار سيارة الخ... غادي يقولك باش نكتبو ليك جيب لينا ما يثبت ان هاد الفلوس خلصتي عليهم الضريبة عاد ممكن نكتبو ليك، او خلص عليهم دابا تال 38٪ ضريبة او ممكن تكتب عادي.
ولكن:
يعني مثلا كنتي جامع 100 مليون شحااال هادي ونتا كتجمع من شي قطاع غير مهيكل ومكتخلصش الضريبة بحال بيع وشراء فالاسواق او فراشات او بيع متجول او بيع منزلي، المهم متكونش داك الفلوس جمعتها من شي مصدر مخلص الضريبة بحال خلصة من شركة او وضيفة او راجل عطاها للزوجة فهو صاحب المال وهو ليغادي يحسبو عليه داك الفلوس ويقولو ليه واش مخلص عليها الضريبة اما هي معليها ضريبة كتسما مدخرات
او عندك فلوس مسلفهم من شي حد وشريتي بيهم دار عتقولهم غير مسلفهم من فلان فهوما غادي يعيطو لمول الفلوس هو لغادي يسولوه داك الفلوس واش خلصتي عليهم الضريبة
اما لكيدخل شي فرنك من شي نشاط مكيخلصش فيه الضريبة يلا مشيتي تشري دار غادي يقولك جيب ما يثبت انك خلصتي ضريبة على هاد الفلوس او خلص دابا مبلغ يقدر يوصل تال 38 مليون غير لدار الضريبة.
او تقدر تشري عادي ولكن بما ان مصاريفك فالعام فاتت 24 مليون فنتا شريتي دار وعاد كيراقبو حساباتك
غادي يسيفطو ليك اشعار من عند دار الضرائب يقولك هاد الفلوس واش مخلصة الضريبة او لا
ويلا شريتي دار ب 50 تقدر تخلص 19 مليون
او 25 تخلص 9,5 مليون.. الخ
ومزال حتى ل31 فهاد الشعر باش تمشي تخلص غير 5٪ على داك الفلوس كمساهمة ابرائية
اما العام الجاي مكاين غير حتىل 38٪ كتشير هههه على المواطنين.
اما اخنوش فهبط الضريبة على شركاتو من 30٪ الر غير 20٪ وطلع الضريبة على الشركات الصغيرة من 10٪ الى 20٪
المهم الضريبة من جهة الاسعار طلعت ما نزلت من جهة رفع الدعم من جهة على الشعب ما عدا لي معندوش حتى تلفون باش ميطلعش ليه المؤشر، البوطا هاد العام 60 درهم ومزال عتطلع،
المهم الدولة باغا دير لاباس وتنظم كاس العالم من جيوب المواطنين.
والنتيجة هو التدهور لغادي نشوفوه فالطبقة الوسطى والفلوس لي غادي تخرج من يد المواطنين وكانت كدور بيناتهم وتمشي للدولة نتحدث على ملايير الدراهم، وعاد منع البيع فالشوارع الباعة المتجولين، دون توفير عمل لمن يمتهن هذه المهن وصحاب الفراشات، باش نزوقو البلاد لكأس العالم هههه،
من دما،ء المغاربة
2030 غادي يكون الشعب جاف !
الى اللقاء.
منقول .
