فراس الرحال - Rahal Feras Attaher

فراس الرحال - Rahal Feras Attaher ليبيا كبيرة، مليئة بالثقافات والآثار، وتاريخ عريق، أكل متنوع، عادات وثقافات وقصص لاتنتهي، وهذا كله حنحاول نستكشفه، ونقدمه ليكم في صور ومواد بصرية جميلة

هاذي صورة، من زيارة لأحد أعرق المطاعم في طرابلسمطعم تريبوليساللي لفت نظري، تفاصيل النقوش المغاربية المنتشرة في المكان، ...
26/06/2025

هاذي صورة، من زيارة لأحد أعرق المطاعم في طرابلس
مطعم تريبوليس

اللي لفت نظري، تفاصيل النقوش المغاربية المنتشرة في المكان، بالإضافة لنكهته الطرابلسية، من ناحية الألوان والديكور

طرابلس، جمالها يكمن في مختلف زواياها وتفاصيلها
الله يحفظها العروس


هاذي صورة وحدة، من رحلة طويلة لمدينة غدامس، حنشاركها معاكم انشاءلله في أقرب وقت المعلم : مدرسة تيلوانغدامس، من أقدم المد...
20/06/2025

هاذي صورة وحدة، من رحلة طويلة لمدينة غدامس، حنشاركها معاكم انشاءلله في أقرب وقت

المعلم : مدرسة تيلوان

غدامس، من أقدم المدن الليبية، ويقولولها لؤلؤة الصحراء
المدهش فيها، أن الناس لليوم، قاعدين عايشين في منازلها، اللي تعتبر منازل أثرية عريقة جدا
وعمر المدينة، بحسب الدراسات، يتجاوز ال 10,000 عشرة آلاف عام

ليبيا، بلادي ديما تبهر فيا، سواء بالتنوع، بالعراقة، أو بالجمال المعماري والتفاصيل

مازال الرحلة طويلة، خليكم متابعين
وحنحاول ديما نوريها بأفضل صورة ممكنة، ليكم، أو للعالم


الخمسلبدةالرحال فراس
04/05/2025

الخمس
لبدة

الرحال فراس

الحي يكركر في الميت والميت تحته يتراعدواللي يطلع من الميت ينفع بالحي اللي قاعدهذا مثل شعبي، يوصف الرحافي رحلت...
26/04/2025

الحي يكركر في الميت والميت تحته يتراعد
واللي يطلع من الميت ينفع بالحي اللي قاعد

هذا مثل شعبي، يوصف الرحا
في رحلتي لمدينة يفرن، قدرت نوثق خطوات تحضير الزميطة، بالطريقة الزمنية، وشفت حتى طريقة استخدام الرحا، الله يحفظ ناسنا، ويرحم جدونا يارب

كانت الخطوات تبدا بتحميس حبوب الشعير عالنار، بعدها، يتهم هرسها، ثم نسفها، عملية النسف هادي باش يقعد قلب الشعر ويطير القشور، ومن بعدها يرحوه في الرحا، ودقيق الشعير، يديروا بيه الزميطة، بالطريقة اللي كلنا نعرفوها

كانت أشبه برحلة للماضي، تجسد جانب من جوانب الحوش الليبي الزمني، التقليدي
وشكرا للأستاذة الفاضلة فضيلة أبوزخار، على تجسيد المراحل

نتلاقو في رحلة جديدة، أو في تجربة جديد

الرحال فراس

جمعة مباركة عالكل 🕌وبما أن اليوم جمعة، قلت نوريكم مقتطفات من رحلة درتها لمدينة طرابلس، صورت فيها بعض من اقدم المساجدفي م...
25/04/2025

جمعة مباركة عالكل 🕌

وبما أن اليوم جمعة، قلت نوريكم مقتطفات من رحلة درتها لمدينة طرابلس، صورت فيها بعض من اقدم المساجد

في مدينة طرابلس، مساجد عريقة جدا، زي مسجد الناقة، اللي يتجاوز عمره ال 1,200 عام، ومسجد درغوث، ومسجد الدعوة الإسلامية، وغيرهم
الجميل في هذه المساجد، رغم عمرها الطويل، مازالت الى يومنا هذا، تقام فيها الصلاة يوميا، وفيها أيضا مدارس تحفيظ قرآن
وماننساش، طرازها المعماري الفريد والملفت

ليبيا، بجميع زواياها، وأزقتها، ومساجدها، ومعالمها، من أجمل البلدان

الرحال فراس

رحلي لشرق ليبيامريت على شحات، راس الهلال، شربت الشاهي عندهم، كليت من خبزة الفرن، شفت الآثار، شميت ريحة البحر، ركبت الجب...
24/04/2025

رحلي لشرق ليبيا

مريت على شحات، راس الهلال، شربت الشاهي عندهم، كليت من خبزة الفرن، شفت الآثار، شميت ريحة البحر، ركبت الجبل، زرت المرج وبطة
خذيت من عطرهم والنعناع، والعسل
والأهم، تعرفت على أهل الشرق، من وسط الشرق

وفي جزء مني قعد في الشرق، لأن لطف الناس، ومحبتهم، يخلوك تحس بالإنتماء

ليبيا، الأجمل في كل شيئ

رحلة ماجلان في ليبيا

من الحاجات اللي تبهر فيها، الصناعات اليدوية في ليبياخصوصا، صناعة الخفار، والتفنن فيهاصورت بطريقتي، خلال رحلتي لمدينة غري...
22/04/2025

من الحاجات اللي تبهر فيها، الصناعات اليدوية في ليبيا
خصوصا، صناعة الخفار، والتفنن فيها

صورت بطريقتي، خلال رحلتي لمدينة غريان
و الحق، كل قطعة فخار، فكرتني بجانب من ماضينا، وحياتنا الزمنية

ليبيا، مبهرة، وجميلة، ومثيرة للإهتمام

نبدا بجزء بسيط من الرحلات اللي درتهااستكشفت مدن مختلفة من الشرق والغرب والجنوبليبيا، فيها معالم، عمرها يفوت الألف عامساح...
21/04/2025

نبدا بجزء بسيط من الرحلات اللي درتها
استكشفت مدن مختلفة من الشرق والغرب والجنوب
ليبيا، فيها معالم، عمرها يفوت الألف عام
ساحل وصحراء
مدن أثرية كاملة
وبيوت عتيقة محفورة في الجبال، عمرها يتجاوز ال 500 عام، وهي الدواميس، وحياش الحفر

نخليكم مع الصور اللي صورتهم خلال ترحالي، واللي تلخص الجمال والتنوع اللي حكيتلكم عليه

ومازال، حيكون لكل رحلة فلوق، ومنشور خاص
هاذي عدستي، وهاذي طريقتي، وكيف عيوني تشوف في ليبيا


Mjellan
Trips Around Libya
2025

إسمي الرحال فراس، من ليبيااخترت هذا الإسم، باش نوريكم جزء من رحلاتي، والحق مش عارف، ممكن تكون بداية شي مختلف وجديد في عا...
21/04/2025

إسمي الرحال فراس، من ليبيا
اخترت هذا الإسم، باش نوريكم جزء من رحلاتي، والحق مش عارف، ممكن تكون بداية شي مختلف وجديد في عالم محتوى السفر والترحال

أنا رحال ليبي الأصل، وأول رحلة ليا كانت زيارة لمدينة يفرن الجبلية، منها انطلقت لمختلف المدن الليبية، زرتها، شفت آثارها، خالطت الناس، خذيت فكرة على العادات والتقاليد المختلفة في كل مدينة

وأكثر شي أبهرني، حجم الثقافات والآثار والإختلاف والتنوع في ليبيا
ليبيا غريبة، مختلفة، مميزة، وكل شي فيها يعتبر جديد عالكل

نتمنى انكم تستمتعوا بكل الصور والفيديو والمحتوى، لكن الأهم
نتمى المحتوى متاعي، يشجعكم حتى انتو تستكشفوا ليبيا
وتستمعوا بيها، لأنها كنز، من جميع النواحي

هيا منورين، مانحبش نطول عليكم، تمنولي التوفيق
الإمكانيات متواضعة، لكن، الطموح كبير

وهذا أول هاشتاق :


Rahal Firas
Trips Around Libya
2025

Address

Tripoli

Website

Alerts

Be the first to know and let us send you an email when فراس الرحال - Rahal Feras Attaher posts news and promotions. Your email address will not be used for any other purpose, and you can unsubscribe at any time.

Shortcuts

Share

Category