04/03/2024
اشجان اني الحق مش صديقتي ولكن نعرفها ونعرف سيرتها الطيبه وسمعت بلموضوع الي صارلها والمشكله الكبيره الي تواجه فيها توه ومتعبه نفسيتها للارض ومرضت بسبب الهجوم والناس الي استغلت الوضع لصالحها حسبي الله فيهم مش حاسين قداش البنت خشت في دوامه وصدمه وانتو تفكرو في الفلوس صح عندك حق انك اطالبي بفلوسك ماقلنا شي لكن انكم تطلبو الدبل هذا مايرضيش ربي مشكله وصارت ومش ذنبها انه الشركه تصنع في شي مش اصلي وتنصب علي ناس ،،، فا بالله عليكم يابشر راعو البنت وماتتبلوش عليها وخافو ربي الدنيا مش دايمه لحد
بالنسبة للموضوع اللي صاير ..
فعلاً أني نضربلي ثلاته هاردسكات كل هاردسك في نسختين خدمة تلاته شهور 10 و11 و12 نتيجة لمس كهربائي ، ويعلم ربي قداش درت محاولات الفتره اللي فاتت ، لأن نعرف شن معناها عروسة نكسر فرحتها وتعبي وجهدي منبيشي يمشو علي الفاضي ، والله والله اني مدمره زيني زيكم ونعرف أن يوم في العمر لكن هذا شي مش بأيدي واول مره يصيرلي أني وقضاء وقدر والله خسارتي كبيره وواجهت وتقبلت وقاعده نتقبل كل ردات الفعل
أني لا خنبت لا نهبت لا هربت اني واجهت ورديت الفلوس للناس ، وقاعده نرد فيهم وقاعدة نواجه واعرفو ان أني عمري ما هنشوه سمعتي بأيدي ولا هندير عمداً الشئ هذا اللي خلاني نطلع ونتكلم لان في هلبا ناس هاجموني وهددوني وفي اللي تبلو عليا يعلم ربي كيف كانت معاملتي مع العرايس ويعلم ربي قداش الموضوع هذا أتر فيا
وحسبي الله ونعم الوكيل في كل من ظلمني وقال عليا كلام مصارش واني عمري ما نهرب اني واجهت وقاعده نواجه ونعرف ان زي مافي ناس تكرهني نعرف ان في ناس هلبا تحبني وزي ما في ناس معندهاش نصيب وصورها نضربت في ناس صورها ستلمت وباذن الله مش هنسكت علي موضوع الهاردسكات هنبري ذمتي ونكمل تسليم المبالغ للناس وهنزيد ندير محاولات فيهم
((قدر الله مشاء فعل والدنيا قضاء وقدر ))
