25/01/2023
خاطرك تعتمد/ي عـ نفسك ؟ ⭕️
ومش عارف كيف تبدا !؟ ❌
عندك موهبة التصوير تطريز طبخ ......إلخ ومش قادر تخطى الخطوة والمجال لي انت/ي تحبه !؟
عندك رهبت البدايات !؟ 😰
ملقيتش تشجيع ؟ 👏🏻❌
ماعندكش ميزانيه؟ 💸
خايف/ة ما تنجحش!؟ ↘️
وهلبا اسئلة ❓ ادور في دماغ اي شخص كيف بادي ايكون حياته ❗️
((سيب لي في يدك واسمعني كويس ))👂🏻
اي نعم حا اطيح ،وحاتفشل ،وحا تنحبط ،والبابيان كلها تتسكر في وجهك ، بس خلي في بالك، اولى خطوات النجاح الفشل ؛
لو خشيت مجال وتقول ان انا نجحت من اول مره ،انت ماشي في طريق غلط راجع نفسك ،طريق النجاح صعبه اطيح وتنوض ، وترجع اطيح وتنوض ، باش توصل حا تخطم علي هلبا مراحل ،وعلي هلبا عقبات ،ومطبات وفي لاخير حا تستلذ بطعم النجاح وحتى لو كان شي بسيط
فا من المنبر هذا انت/ي ماشي صح ابدا متخافش لو طحت مش نهاية الدنيا افرح لان الخطوة الاولى للنجاح استمر في الشي لي ادير فيه
بتقولي مافيش من ايشجعني (ماتخلي حد يتجمل عليك وينسب نجاحك ليه وايقولك كن مش مني )
كون عون لي نفسك لان هيا الوحيده لي تستحق
به منين بنجيب الفلوس ؟؟
في ناس بدت براس مال لا يتعدى 100 والان من انجح المشاريع في ليبيا الفلوس عمرهم ماكانو عائق ،
اكبر عائق للانسان هوا الخوف وليس المال .
هي كل حد ايشاركنا بـ موهبته ولا وين خاطره يوصل 💛
