27/04/2026
انواع الصحاب في دخول السلطان
1.الفرفاش: مبدئيا بايت في الاستراحه بروحه قبل الدخول بيوم ,ولما طالعين من الصاله يقعد اخر واحد عساس اقل مشاكل توصل للحوش تلقاه قبلك مولع طوبو مندي!
2.دراه الكبد: مش عاجبه شي تقوله الشخشير اسود يقلك لا ابيض انا نزبط , تقوله الباقه ورد احمر يقلك معش يرفعو في ورد بكل وفجاه يقلك وسع بالك الدولار ب يرخي
3.المتربي مرتين : تقوله هي نديرلك صوره ينوض يبدا يسيق في جنان بدون سابق انذار
4.الجعان: يخش عليهم المغرب مبدئيا يبي يدير مكرونه ويتردد بقلايه ويختمها ب شواء وفي العالم الموازي التلاجه مافيها الا مكعبات تلج والكوجينه نظيفه ومبخره
5.السلطان نفسه: اوينه جوه مليح مليح لين تجيه مكالمه دولية هيا وينك المصوره بتروح
طبعاً السلطان وصحابه حياتهم واقفه على بنت عندها كاميرا غادي ف الصاله
هي سلام عليكم
