13/08/2026
السلام عليكم متابعيني 🤍
نصيحة للشباب وخودها من مجرب لي هوا اني
#اخدموا وتوكلوا على ربي راهو متعباش علي الدولة ما تستنى منها شي والله ما مسهلة عليك حاجة فلهذا ما تضيعش وقت وعمرك في انتظار تعين او عقد من دوله كل شي بالنصيب وتوكل واخدم وكون نفسك وشوف مستقبلك وشوفلك طموحك توجه بمشروع يقعدلك دخل ثابت ليك
يما من شباب كونو روحهم بأعمال حره ودارو منها راس مال وبدي عندهم اسم في تجارتهم فلهاذه اخي توكل علي الله وبرا اخدم من صغرك لانا العمر يجري وكل دقيقه تفوت من عمرك راح تندم اعلها القدام
اما بتعبى على التعيين بس وتضيع وقتك وانت تستنى في اسمك ينزل في الإفراجات وتقعد تستنى الله اعكم سنة باش يبدا ينزل مرتبك يلي اساسا الوقت هذا ما يكفي لشخص واحد من غلاء الاسعار
توا انت تخدم بالحلال وتقطع روحك يوم تام ويالله تلحق على امورك قبل ما تبدا تمشي مقوس وشعرك فيه الشيب
ونسال الله ان يوفق الشباب ويسهل امرهم ويوفقهم في حياتهم وكل شخص يتعب ويخدم بالحلال نشهد بالله ان صعبو فيها علينا في جميع المجالات وان شاء الله عند ربي خير عالمواطنين اجمعين .
