Malik Alkhweldi

Malik Alkhweldi Contact information, map and directions, contact form, opening hours, services, ratings, photos, videos and announcements from Malik Alkhweldi, Photographer, Tripoli.

{اعْلَموا أنَّما الْحياةُ الدُّنيَا لَعبٌ ولَهو وزِينة وتفَاخر بيّنكم وتكاثر في الأموال والأولاد كمثل غيث أعجبَ الكفار نباته ثم يهيج فتراه مصفرا ثم يكون حُطاما وفي الآخرة عذاب شديد ومغفرة من الله ورِضوان وما الحياةُ الدنيا إلا متَاع الغُرور}
[ الحديد:20]

05/08/2026

الفرق بينا وبينا لاكن الزمن يختلف
كنا نمشو للبحر سياره وحده دبل قابينه تولع وادبدب الصبح تخطم على كوشه شكاره خيشه معبيه خبزه للجمام تقول مهاجر تخطم على قوميستني تنفخ عجلتين سود زي حياتنا وبراكه خضره قابيه طماطم وقابيه بصل ودلاع وتمشي تاخد عشه بفايف وتلاته وجبات الفطور سلاطه ودلاع الغداء دلاع وسلاطه العشاء سلاطه بدون دلاع المزاج 100% المتعه 100% والطريحه بتاكلها ميه في الميه برضو مش معروف علاش ستريكات وتصوير 0% المهم اظلم الدنيا تجيبك الطريق للحوش ويدخلوك للدوش تلقا زوز قبلك يحكو فيهم بليفه لاموني! توا سياره وحده الفودره متعها كلها شاشه وفيها ضي يتغير لونه والفرينو مانو بالبطمه وضروري تحجز في منتجع من الشتاء بش تلحق على سويعه في الصيف وسطل حديد معبي تلج وزوز ريد بول وفواكه استوائيه وموطو بحر مدرس على حاشيه البحر بالنسبه لـ المزاج والمتعه ولله منقدر نقلكم كم في الميه لان حد جهدي نمشي لي بحر المايـه

02/08/2026

فـ الابتدائي والاعدادي كنت نقرا في مدرسه متواضعه وكنت ننجح بترتيب يا اما اول او تاني المهم صاير الهبك بيني وبين بنت مره عندها مره عندي مقسمناش
لعند موصلت لمرحله الثانوي سجلت فمدرسه اسمها
" الضياء في الزاويه " لقيت روحي في نظام غريب تمانيه فصول وولاد بس ومعامله حبس وناس برانيه كلهم وانا نسحاب روحي دماغي مقوم زي المدرسه لكنت فيها طلعو في معاي علماء ونوابغ ومحضرين الذره مايبصروش المهم سنه كامله مافيش امتحان جبت فيه فوق النص ومش قادر نصارح العيله بالموضوع ونقلهم راني طلعت فاشوش وماجيت شي مافيش ولا درجه وجه قبول
منهج الاحياء عباره عن الشجره لونها اخضر والسماء زرقاء اما في الامتحان يقلك اشرح الضغط الاسموزي كيف يصير مع الرسم
فاينل الرياضيات تقدر تقرا السؤال لاكن انت راجل حله
في يوم جاي فيه ولي امر مداير دوشه بنته جايبه 98 مش 99 يسحابها ديتول انا جبت جيد مع الشفقه , خوالي دارولي غداء
بس ايام قنينه عرفتني على بشير الكهربجي ومازن المحاسب والزروق الغدائي وطه البشتي للعقارات والبريشني مافلح في شي!

📸 | صور بالدرون من الارشيف اعتقد اغلبها فـي سنه 2023بجديات اي صوره تتصور بالدرون ديما ليها قصه بروحها واحساس بروحه لانك ...
01/08/2026

📸 | صور بالدرون من الارشيف اعتقد اغلبها فـي سنه 2023
بجديات اي صوره تتصور بالدرون ديما ليها قصه بروحها واحساس بروحه لانك انت اخترت المكان واخترت الوقت واخترت الزاويه كيف تجي عكس الصور العاديه يلي تجي بالكاميرا او الهاتف

المهم خليكم مع الصور توا نكتب عليهم كل وحده مكانها وقصتها وفي النهايه اكتبولي رايكم فيهم📸

28/07/2026

انا ك مصور نلاحظ في حاجه غريبه في مناسبـه الفضانيه

الفضانيه يلي مكلفه هلبا من ناحيه تنسيق وتقديم وايجار استراحه ودلاعه مكتوب عليها انستونا وابصر شني
نلاحظ انه اهل المناسبه جافين مع بعض وكل واحد شاد كرسي وساكت تقول يبو ديون من بعض لدرجه نستغرب شن الفايده منها وليش دافعين الرقم هدا كله في التنسيق وباقي الفتفت!

بينما الفضانيات البسيطه يلي تكون في مربوعه الحوش وب تنسيق بسيط جدا ومتواضع والدلاعه كامله مش مشلومه
تلقى الضحكه والترحيب واللمه الطيبه والميعاد مايوقفش بكل بينهم ومرات حتى يحلفو ع البيتان
شن السبب في هكي؟!

بسـم الله الرحمن الرحيم(يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِ...
27/07/2026

بسـم الله الرحمن الرحيم
(يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِمَا تَعْمَلُونَ خَبِيرٌ).
"فَرِحِينَ بِمَا آتَاهُمُ اللَّهُ مِنْ فَضْلِهِ"

الف مبروك لـ الخريج " عمـر المختار كريمه "🎓

بمناسبه مناقشه مشروعه لنيل درجه البكالوريوس من كلية الهندسية ديـلة الزاوية ✨👷
الف مبروك والفال للشهادات العليا🤲

الفرق بينا وبينهم / الحلقه ماقبل الاخـيره في العرس حنا يغموك بالفاتحه طول ماتسمعش بشي لين ترقا عليك صنه البصله تسحابها ...
25/07/2026

الفرق بينا وبينهم / الحلقه ماقبل الاخـيره

في العرس حنا يغموك بالفاتحه طول ماتسمعش بشي لين ترقا عليك صنه البصله تسحابها مقيومه في الحوش بغداء مليح
يطلع عرس جارك جنبك
وكان صاحب لين يتصل بيك تعالى اطحطح بعدين مداير غداء
والعرس كله عباره عن زوز مراحل يوم فاتحه ويوم دخول ويامهني هني

هما اول ما يصير نصيب مبدئيا فلتر سناب تجهيزات العرس
بعد يومين اقترب موعد العرس مع انه مزال عليه سنه
بعدين تجهيزات احلا ايام العمر بعدين نجمه الللا بعدين هلال اللا بعدين بودري اللا وبعدها زفه اللا و احلا ايام اللا وفي الاخير طياح سعد اللا
الفلتر حتى تمشي تغير البيودجا يستخدموه عادي
ويلي مايستخدماش معناها حاسدك

في برنامج اصفر منفهمش فيه كل منخشله يخطمو عليا نجوم الللات
وتبدا تقول متابع لي اجزاء مسلسل تقعد تستنى شن صاير ويبدا متراكم عليك المنهج منهوا يلي قاعد في احلا الايام ومني يلي وصل لي اقترب الموعد!

🎓✨ ألف مبارك للأخ " حــسام المــنير أبوخضير عبدالله " بمناسبة مناقشة رسالة الماجستير في أكاديمية جنزور " قسم الهندسة الم...
24/07/2026

🎓✨ ألف مبارك للأخ " حــسام المــنير أبوخضير عبدالله "
بمناسبة مناقشة رسالة الماجستير في أكاديمية جنزور " قسم الهندسة المدنية والمعمارية/شعبة الطرق والمواصلات"

نسأل الله أن يكلل جهودك بالنجاح والتوفيق، وأن تكون هذه الخطوة بدايةً لمزيد من الإنجازات العلمية والعملية. نفتخر بما حققته، ونتمنى لك مستقبلاً زاهراً مليئاً بالإبداع والتميز.

ألف ألف مبارك، وبالتوفيق الدائم إن شاء الله

وبفضل الله تتحقق الأمنيات يَسَّرَ البدايات وأكملَ النهايات وبَلّغنا الغايات♥️تصوير الاجواء المنظمه من حفل تخرج 🎥🔥" عبدا...
23/07/2026

وبفضل الله تتحقق الأمنيات يَسَّرَ البدايات وأكملَ النهايات وبَلّغنا الغايات♥️

تصوير الاجواء المنظمه من حفل تخرج 🎥🔥
" عبدالمالك مصطفى ابوعضلة"

المعهد العالي لتقنية الزراعية بالغيران | خريج هندسة اغدية
‏‎- مـــاشــاء الله الــف مــبروك ❤️✨

التخــرج مايكمــلش الا لما يكــون عنــدك قــروب منظــم ويكـونو قايمينها بيــك وفراحنين بيك❤️واليوم الــغالي مازن كلنا فر...
21/07/2026

التخــرج مايكمــلش الا لما يكــون عنــدك قــروب منظــم ويكـونو قايمينها بيــك وفراحنين بيك❤️
واليوم الــغالي مازن كلنا فرحانين معاه✨🎓

الله ايبـــارك صــور من اجـــواء وحـفــــل تخــــرج🎓
" مـازن الهـادي دريد"

خريــــج محاسبة / كليـة العلوم الادارية والمالية التطبيقية-السياحية
الف مبروك يغالي ♥️✨
خــــلولي رايكم في التصوير📸

Address

Tripoli

Telephone

+218916075909

Website

Alerts

Be the first to know and let us send you an email when Malik Alkhweldi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category