05/07/2026
ගාලු පාර අසල පිහිටි දියලගොඩ ශාන්ත සෙබස්තියන් මුනිඳුන්ගේ සුරුවම නව කුටියට වැඩමවීම
දියලගොඩ ප්රදේශවාසීන්ගේ මෙන්ම ගාලු පාරේ ගමන් ගන්නා සැමගේ ඉමහත් ගෞරවාදරයට හා වන්දනාවට පාත්ර වූ, දියලගොඩ මංසන්ධියේ පිහිටා ඇති ශාන්ත සෙබස්තියන් මුනිඳුන්ගේ සුරුවම නව සුරුවම් කුටියක තැන්පත් කිරීමේ කටයුතු මේ වන විට ආරම්භ වී තිබේ.
මාර්ග සංවර්ධන අධිකාරිය (RDA) මගින් දියලගොඩ පාලම අසල මේ දිනවල ක්රියාත්මක කරනු ලබන මාර්ගය පුළුල් කිරීමේ ව්යාපෘතිය හේතුවෙන්, මෙම සුරුවම පිහිටි ස්ථානයෙන් මඳක් පසුපසට කර නැවත ස්ථාපිත කිරීමට මෑතකදී තීරණය කෙරිණි.
ඒ අනුව, මුනිඳුන්ගේ සුරුවම වඩාත් ආරක්ෂිතව සහ අලංකාරව තැන්පත් කිරීම සඳහා නව සුරුවම් කුටියක් පසුගියදා ඉදි කර අවසන් කරන ලදී. ඊයේ, එනම් 2026 ජූලි 4 වැනිදා, සුරුවම පැරණි ස්ථානයෙන් ඉවත් කර නව කුටිය වෙත රැගෙන යාම සඳහා එහි තිබූ පැරණි ආවරණය සහ කුටිය ගැලවීමේ කටයුතු මීසම් සේවක පියතුමාගේ මූලිකත්වයෙන් මෙන්ම ප්රදේශවාසීන්ගේ සහ බැතිමතුන්ගේ සහභාගීත්වයෙන් ආරම්භ කෙරිණි.
දශක ගණනාවක සිට දියලගොඩ මංසන්ධියට ආශිර්වාදයක් වූ ශාන්ත සෙබස්තියන් මුනිඳුන්ගේ සුරුවම, මෙම සංවර්ධන කටයුතු නිමවීමෙන් පසු නව කුටිය තුළ පෙරටත් වඩා අලංකාරව දැකබලා ගැනීමට සහ වන්දනාමාන කිරීමට බැතිමතුන්ට අවස්ථාව උදාවනු ඇත.
#දියලගොඩමීසම #දියලගොඩ #ශාන්තසෙබස්තියන් #කතෝලික
