Sanchaarakaya

30/05/2026

උන්වහන්සේගේ උපත, බුද්ධත්වයට පත්වීම හා පිරිනිවන් පෑම සිදු වූයේ රුක් මුලකදීය. එබැවින් මේ අසිරිමත් වෙසක් පොහොය නිමිත්තෙන් පරිසරය සුරකින්නට අපි අදිටන් කර ගනිමු.

මෙත් සිතින් ලොවම සැනසෙන,
සාමය හා සතුට පිරි පින්බර වෙසක් මංගල්‍යයක් වේවා!

05/05/2026

224 likes, 125 comments. "Aware siripa | අවාරේ සිරිපා | Off season Sripada pilgrim | ​"

02/04/2026

මැදියම් රැය එළැඹී හෝරාවක් ගිය තැන මමත් ගමන් සගයාත් තවත් අපූරු යටගියාවක් සොයා යන අටියෙන් රත්නපුර බල...

13/09/2025

එදා පා ගමනේ දෙවෙනි දා. මඩමේතොටින් ලිං තුන බලා පිටත් වෙන්නයි තිබුණේ. ආරවල් එමට මුණගැහෙන දවසක්. කොහොමින් කොහොම හරි ළිං තුනට යන්න එගොඩ වෙන්න ‌ඕන විසාල ආරක්. මතක විදියට අතුරු මිතුරු ආර. අඩි පහක් විතර සමහරක් තැන්වල පොව්වනවා. දනක් එරෙන මඩ. ගමන් මල්ල මම වගේ අඩක් විතර බරයි. ඒකත් කර පින්නාන ආරෙන් ගියොත් මල්ල වතුරේ. ඒක ස්ථීරයි.

වෙලාව පහ හමාරත පහු වෙලා. කීයටවත් ආර වටෙන් යන්න දැන් බෑ. ඒ වෙද්දිද් කුළු හරක් ඇවිත්. අන්තිමේ අපි තීරණය කලා දෙපාරකට අපේ බඩු ගෙනියන්න. බාගයක් අරං ගිහිං තියලා ආයේ ඇවිත් ඉතිරිය ගෙනියන්න. එහෙම හිතාන දැං බඩු ලැහැස්ති කරනවා. අපි දැං ඉන්නෙත් වැවි පිටියක. අලි සළකුණු ඕනෑතරම්.

පසුවට ගෙනියන මල්ල පඳුරක තියලා අනික ඔළුවේ තියාගන්න හදද්දිම වතුර ට්‍රැක්ටරයක සද්දේ ඇහුනා. මල්ල බිමින් තියලා බැලුවා කොහෙන්ද එන්නේ කියලා. ළිං තුන දිහාවට යන ඒකක්. දෙවියෝ එව්වා වගේ දර ගෙනියන එකක්. පාරට පැනලා කොහොම හරි නවත්ත ගත්තා.

එතුමට කතා කරලා අපේ ගමන් මලු ට්‍රැක්ටරයට පටවලා අපි ආපිට හැරුනා අතුරු මිතුරු ආරට එගොඩ වෙන්න. කඩවුලේ.... වයසක තාත්තා කෙනෙක් ආරෙ වැටිලා මදිවට මඩේත් එරිලා. කවුරු දැක්කත් හිතන්නේ ඒ තාත්තා නිනවා කියලා. හිතින් මවා ගන්න හිටිය විදිය.

මම දුවලා ගියා, එක අඩියයි අතුරු මිතුරු ආරට තිබ්බේ බණ්ඩක්කා හොඳයි. මාත් බිම. ආයෙම නැගිටලා සීරුවට ගියා සීයා ගාවට. ළගට ගිහින් බලද්දි ඒ තාත්තගේ බෑග් දෙකේම වතුර. කොහොම හරි තාත්තව නැගිට්ටවලා බෑග් දෙකෙ වතුර අයින් කරලා වැව් පිටිය දිහාවට ගෙනාවා. සීයා වෙව්ලනවා. ආරේ මඩත් එක්ක ඔට්ටු වෙන්න තියා හිතන්නවත් බෑ. එතරං වයසයි. ඇවිත් තියෙන්නේ තනියම. ඒ මිනිස්සු මාරම හයියයි. වතරෙ ඉඳලා ගොඩට එන ටිකට මට හිතුනේ එහෙම.

සීයගේ වෙලාවට තවත් වතුර ට්‍රැක්ටරයක් ආවා. දැන් වෙලාව හයයි. සීයාව ට්‍රැක්ටරයට ගොඩ කරලා මමයි දුලානුයි ආපිට ආරට බැස්සා. පහල රූපරාමුවේ කුඩාවට ඉන්නේ ඒ තාත්තා. දවල් වෙලාවේ ඉඳලා අපි අතරේ පැද්දි පැද්දි ඇවිත්. රූප රචනාව පෙළ ගස්සද්දී දැක්කේ. මේ සිදුවීමට ආසා නිසාම තමයි මේ පාර රූපරචනාවේ පිටකවරයටත් දැන්මේ.

මම සංචාරකයා...

13/07/2025

අතුපතර විහිදීගිය රූස්ස ගස් ගොන්නක හෙවනට තුරුළු උනු, හුණු පිරියම් කළ උළු සෙවිල්ලූ තේජාන්විත විසල් නිවසක් මාදුරුඹයෙහි වෙයි. නිවස අද්දර වෙල් යායයි. වෙල් යාය අවසන් වන්නේ අලි ගහණ වනරොදකින්. මේ වනයේ සුවද රැගෙන වෙලට උඩින් ඇදෙන සුළං රැලි සෑම හවස්වරුවකම පාහේ මේ නිවස පුරවාලයි. එහි සිසිලස තීරණය කරන්නේ වැස්සයි. මේ කවුෂි අක්කගේ සුන්දර නිවහන. කවුෂි අක්කගේ තාත්තා වනජීවී නිලධාරි මහත්තයෙක්. නමුත් නිවසේ බිත්ති කියාපාන්නේ එතුමා දක්ෂ ඡායාරූපශිල්පියෙක් බවයි.

නානාප්‍රකාර සේයා රූ අතරේ එකක දාස්පෙතියා මල් පාටින් කිහිපදෙනෙක් කොහෙදෝ යනවා. ඒ අතරේ බන්දුල මාමා, කවුෂි අක්කගේ තාත්තාත්. "මාමලා කොහෙද මේ යන්නේ?" හිද සිටි අසුනින් නැගිටි ඔහු මා අසළට විත් මා නොදත් ඔහු දත් පාද යාත්‍රාව හරි අපූරුවට චිත්‍රනය කරන්නට විය. දින ගණන් වනගතව ගෙවූ සැටිත්, වන මෘගයන් මුලිච්චි වූ සැටිත්, ඔවුන් පන්නා දැමූ සැටිත් ඒ අතර හරි උජාරුවෙන් වදන් විය.

පාද යාත්‍රාව ප්‍රථමයෙන් මාගේ සවන් මුණගැසුනේ එදාය. ඒ 2017 වසර මැද්දෑවකය. පාද යාත්‍රාවක් සරල නැත. සිතේ ගතේ හයිය සේම දෙවියන් කෙරෙහි වන භක්තියත් ඕනෑමය. ඔකඳින් ඇරඹෙන මෙම පුණ්‍ය යාත්‍රාව කුමන වනෝද්‍යානය හරහා ගොස් කුඹුක්කන් ඔය කරණය කොට යාල කලාප අංක 02 පසු කර වරහනින් මැණික් ගඟෙන් එගොඩ වී යාල කලාප අංක 01 හරහා කටගමුව පිවිසුම තෙක් වනගතව ගොස් එතැන් පටන් තවත් සැතපුම් කිහිපයක් පා ගමනින්ම ගොස් කතරගම දොවොලින් නිමා කරයි.

වන සතුන් ගහන මේ වන ඉසව්වේ කිසිදු ආසානාසියක් නැතිව පා ගමනේ යෙදීම බැතිමතෙක් ලබන්නා වූ ආශිර්වාදයකි. මා ද ඉන් එක් බැතිමතෙකි. අරෝ හරා රාවේ රැව්පිලිරැව් මැදින් 2025 පාද යාත්‍රාව නිමා කල මගේ ගමනේ මා හට මුණගැසුණාවූ සොඳුරු සිදුවීම් පෙළක එකතුවක් මේ.

ඉතින් ආරාධනා කරනවා එන්න යන්න දෙවියන් දකින්න.

ුපතර විහිදීගිය රූස්ස ගස් ගොන්නක හෙවනට තුරුළු උනු, හුණු පිරියම් කළ උළු සෙවිල්ලූ තේජාන්විත විසල...

09/07/2025

සතුන්ට ආදරේ මිනිසෙක්, සතුන් ගැන වගකීමක් සිතේ පැළවූණු මිනිසෙක් වනජීවී ඇමතිකෙනෙකු වේවා!!!

27/06/2025

කිසිම හාවක් හූවක් නැතිව ගෙවිලා ගියපු කාලේ ආයේ කොහේවත් යන්නෙ නැද්ද අහපු, සද්දයක් නැත්තේ මොකද බලපු, වැඩේ එපා වෙලා අතෑරලා කියලා හිතලා හොයලා බලපු අය හිටියා. ආදරණීය මිතුරනි! දෙවියන් පල්ලා මම ඇත්තටම පුදුම උනා. දාන වෙලාවක වීඩියෝවක් බලලා පාඩුවේ ඉන්න පුළුවන්කම තියෙද්දි, එතනින් එහාට ඇවිත් කතා කරලා මොකද උනේ අහපු එක මට සම්මානයක් වගේ. ඇත්තටම සම්මානයක්!

ඉතින් ඉක්මනට ලස්සන ගමනකින් මුණගැ‌හෙමු,
එතකන් ජය වේවා!

27/02/2025

සීතල ආරූඪ වුනු අඩ අඳුරක් මිටියාවත වසා පැතිරෙන්නට විය. ඒ ඇසිල්ලෙන් උස් ගස් වල අතු පතරට ගොඩ වූ මිහිදුම් සළු හෙමින් හෙමින් ගස් කඳ දිගේ පහළට රූටමින් සිටී. පළපුරුදු ඇත්තන් ගොඩවුන විගස ගස දිගේ හනික රූටාවිත් පහළ තණ පිඩලි වෙත සීතල හාද්දක් පුදා සිප වැළඳ ගනී. හිරු චණ්ඩ වූවෝතින් හැර, ඒ සීතල ආදරය වෙන් කළ හැක්කෙක් මේ මිටියාවතේ නොවෙති.

එකවරම දැවැන්ත හූ හඬකින් හාත්පස පතුරවමින් පමා වී ඇදී ආ පොඩි මැණිකේ ඹහිය නැවතුමට ගාල් විය. කඩි ගුලක සේයාරුවක් වටපිටාවට ආරෝපණය වන්නට වැඩි වේලාවක් ගියේ නැත. මදක් එහි ගිමන් හැරි ඈ පිටත් වූ පසු නැවතත් හාත්පස සන්සුන්ය. මේ සියල්ල මමත් ගමන් සගයාත් බලාහුන්නේ අසළ වූ කඩපිලෙන් රොටියකත් උණුසුම් තේ කෝප්පයකත් රස බලන අතරවාරයේයි. ඔහිය කඩපිලටත්, දුම්රිය නැවතුමටත් සමුදුන් අප මහා එළියතැන්න දිහාවට පිටත් විය.

දරණ ගැසුනු කාල වර්ණ මාවතේ එක් තැනක ශාන්ත වූ දෙවොලක් වෙයි. ෆයිනස් ගස් යායකින් වටව පිහිටියා වූ මේ දෙවොල ඕනෑම කලබල මනසක් සුවපත් කිරීමට සමත්වෙයි. ඉහළ කඳු මුදුනක සිට ගලා එන දිය දහරක් ඒ අසලින් ගලා යන්නේ ගල් මත පාසී නොයෙක් වර පෝෂණය කරමින්. අතු ඉති මතට වැටෙන කුඩා වැහි බිඳිති වල හඬින් පරිසරයේ නිහැඬියාව බිඳෙන හෝරාවක එක් වන්දනාකරුවකු පමණක් මෙහි වැද කපුරුත්, සුවඳ කූරුත් දල්වා දෙවියන් යදින්නට විය. ගීතිකාවක් බඳු ඔහුගේ යාතිකාව මා රැගෙන ගියේ කුඩලිගමයන්ගේ වැස්සටය.

ගී දේවියට කැප කළ දෙවොලකට සම
කුටියක සුවඳ දෙයි කළුවැල් කපුරු දුම....

බොහෝ වේලාවක් එතැන ගතකළ අප පහන් සිතින් අපගේ ගමනාන්තය බලා පිටත් විය. පොද වැස්ස කෙමෙන් කෙමෙන් හීන වී අවුරැල්ලක් ගස් අතරින් එබී බලන්නට වූ නමුදු පෙර කී ආදරය නතර කිරීමට තබා එයට විරාමයක් ලබා දීමටවත් එය ප්‍රමාණවත් නැත. තවමත් හාත්පස අඳුර රජයයි. මගෙත් ගමන් සගයාගෙත් නවාතැන කඳු මුදුනක පිහිටියා වූ සුන්දර ගොවිපලක්. ඒ වෙත යාමට අප මහ එළියතැන්න පාරෙන්, යක්ෂයාගේ පඩිපෙල ඔස්සේ ගමන් කර එක් තැනකදි නැවතත් හැරී යායුතුය.

ීතල ආරූඪ වුනු අඩ අඳුරක් මිටියාවත වසා පැතිරෙන්නට විය. ඒ ඇසිල්ලෙන් උස් ගස් වල අතු පතරට ගොඩ වූ ....

07/01/2025

සීතල ආරූඪ වුනු අඩ අඳුරක් මිටියාවත වසා පැතිරෙන්නට විය. ඒ ඇසිල්ලෙන් උස් ගස් වල අතු පතරට ගොඩ වූ මිහිදුම් සළු හෙමින් හෙමින් ගස් කඳ දිගේ පහළට රූටමින් සිටී. පළපුරුදු ඇත්තන් ගොඩවුන විගස ගස දිගේ හනික රූටාවිත් පහළ තණ පිඩලි වෙත සීතල හාද්දක් පුදා සිප වැළඳ ගනී. හිරු චණ්ඩ වූවෝතින් හැර, ඒ සීතල ආදරය වෙන් කළ හැක්කෙක් මේ මිටියාවතේ නොවෙති.

එකවරම දැවැන්ත හූ හඬකින් හාත්පස පතුරවමින් පමා වී ඇදී ආ පොඩි මැණිකේ ඹහිය නැවතුමට ගාල් විය. කඩි ගුලක සේයාරුවක් වටපිටාවට ආරෝපණය වන්නට වැඩි වේලාවක් ගියේ නැත. මදක් එහි ගිමන් හැරි ඈ පිටත් වූ පසු නැවතත් හාත්පස සන්සුන්ය. මේ සියල්ල මමත් ගමන් සගයාත් බලාහුන්නේ අසළ වූ කඩපිලෙන් රොටියකත් උණුසුම් තේ කෝප්පයකත් රස බලන අතරවාරයේයි. ඔහිය කඩපිලටත්, දුම්රිය නැවතුමටත් සමුදුන් අප මහා එළියතැන්න දිහාවට පිටත් විය.

දරණ ගැසුනු කාල වර්ණ මාවතේ එක් තැනක ශාන්ත වූ දෙවොලක් වෙයි. ෆයිනස් ගස් යායකින් වටව පිහිටියා වූ මේ දෙවොල ඕනෑම කලබල මනසක් සුවපත් කිරීමට සමත්වෙයි. ඉහළ කඳු මුදුනක සිට ගලා එන දිය දහරක් ඒ අසලින් ගලා යන්නේ ගල් මත පාසී නොයෙක් වර පෝෂණය කරමින්. අතු ඉති මතට වැටෙන කුඩා වැහි බිඳිති වල හඬින් පරිසරයේ නිහැඬියාව බිඳෙන හෝරාවක එක් වන්දනාකරුවකු පමණක් මෙහි වැද කපුරුත්, සුවඳ කූරුත් දල්වා දෙවියන් යදින්නට විය. ගීතිකාවක් බඳු ඔහුගේ යාතිකාව මා රැගෙන ගියේ කුඩලිගමයන්ගේ වැස්සටය.

ගී දේවියට කැප කළ දෙවොලකට සම
කුටියක සුවඳ දෙයි කළුවැල් කපුරු දුම....

බොහෝ වේලාවක් එතැන ගතකළ අප පහන් සිතින් අපගේ ගමනාන්තය බලා පිටත් විය. පොද වැස්ස කෙමෙන් කෙමෙන් හීන වී අවුරැල්ලක් ගස් අතරින් එබී බලන්නට වූ නමුදු පෙර කී ආදරය නතර කිරීමට තබා එයට විරාමයක් ලබා දීමටවත් එය ප්‍රමාණවත් නැත. තවමත් හාත්පස අඳුර රජයයි. මගෙත් ගමන් සගයාගෙත් නවාතැන කඳු මුදුනක පිහිටියා වූ සුන්දර ගොවිපලක්. ඒ වෙත යාමට අප මහ එළියතැන්න පාරෙන්, යක්ෂයාගේ පඩිපෙල ඔස්සේ ගමන් කර එක් තැනකදි නැවතත් හැරී යායුතුය.

05/01/2025

Collecting memories . . . . 💛