04/09/2026
ادّيش كانت الفرحة واضحة على وجوه العالم بهالنهار… من ضحكة الأطفال وهني عم يركضوا ورا طياراتن، لفرحة الأهل وهني عم يتفرّجوا على ولادن، وللناس يلي اجتمعت وضحكت وعاشت أجواء حلوة من القلب.
السماء كانت مليانة ألوان، بس الأجمل كان الفرح المرسوم على وجوه الناس. بعد كل الضغط والتعب يلي مرق علينا، كان هالنهار مساحة فرح حقيقية، وقدر يجمع ويزرع البسمة بقلوب نحو 5000 شخص من أطفال وأهالي وعائلات.
يمكن عنوان المهرجان كان «طيّارة ورق»… بس المشهد الحقيقي كان أكبر من هيك: عالم مبسوطة، أطفال فرحانة، وعائلات عم تعيش لحظات مليانة حياة وأمل.
ويمكن أجمل صورة من هالنهار… ما كانت بالسماء، كانت على وجوه الناس.
ومن القلب، كل الشكر والتقدير لـ مؤسسة سعيد وسعدى فخري الإنمائية، بكل أعضائها وأفرادها، لكل شخص تعب، حضّر، نظّم، واشتغل حتى يطلع هاليوم بهالصورة الجميلة. والشكر موصول إلى اتحاد بلديات ساحل الزهراني على دعمه ومساهمته في إنجاح هذا المهرجان.
أنو تفرّح 5000 شخص بيوم واحد… هيدا بحد ذاته إنجاز، وهيدي هي الصورة الحقيقية يلي بتستاهل تنحفظ بالذاكرة.
