14/02/2026
🙏🙏
🌹ໃນວັນທີ່ໂລກທັງໜ່ວຍ ກໍາລັງປ່ຽນເປັນສີບົວ 🌸 ຫຼາຍຄົນກຳລັງວຸ້ນວາຍ ກັບການຫາຊໍ່ດອກໄມ້ລາຄາແພງ ຫຼື ຮ້ານອາຫານສຸດຫຼູເພື່ອຄົນຮັກ... ແຕ່ທ່ານເຄີຍຢຸດຄິດບໍ່ວ່າ? ຍັງມີ "ຄົນເຖົ້າ" ສອງຄົນ ທີ່ໃຊ້ທັງຊີວິດ ເພື່ອປັ້ນຄວາມສຸກໃຫ້ທ່ານ ໂດຍທີ່ເພິ່ນບໍ່ເຄີຍຮຽກຮ້ອງ "ຂອງຂວັນ" ໃດໆ ຈາກທ່ານເລີຍ. 🎁❌
🍱 1. ຜູ້ທີ່ຍອມອົດເພື່ອໃຫ້ລູກອີ່ມ: ມີຂອງກິນແຊບໆ ທີ່ເພິ່ນມັກທີ່ສຸດ ແລະ ເພິ່ນກໍ່ສາມາດກິນໄດ້ເລີຍ! ແຕ່ເພິ່ນກໍ່ບໍ່ຍອມກິນ ອົດສາເກັບໄວ້ໃຫ້ລູກໄດ້ກິນຢ່າງແຊບຊ້ອຍ.
🎓 2. ເກັບທຸກກີບເພື່ອອະນາຄົດລູກ: ເພິ່ນຫາເງິນໄດ້ຕັ້ງຫຼາຍ ແຕ່ບໍ່ໃຊ້ເພື່ອຫາຄວາມສຸກໃຫ້ໂຕເອງ ແຕ່ເກັບໄວ້ໃຫ້ລູກໆ ໄດ້ຮ່ຳຮຽນສຶກສາໃນໂຮງຮຽນດີໆ ຈົບສູງໆ ເພື່ອບໍ່ໃຫ້ລູກຕ້ອງລຳບາກເໝືອນເພິ່ນ. 💰📚
🚗 3. ຍອມຂີ່ລົດເກົ່າເພື່ອລູກ: ລົດດີໆ ຫຼູໆ ລາຄາແພງ ເພິ່ນມີເງິນພໍທີ່ຈະຊື້ໄດ້ ແຕ່ບໍ່ຊື້... ຍອມຂີ່ລົດເກົ່າໆ ບໍ່ຍອມປ່ຽນ ແຕ່ພໍລູກບອກວ່າຢາກໄດ້ລົດລຸ້ນໃໝ່ ລາຄາເທົ່າໃດກໍ່ຊື້ມາໃຫ້ໂດຍບໍ່ລັງເລເລີຍ. 🏍️✨
🏥 4. ຄຳຕົວະທີ່ແສນອົບອຸ່ນ: ໂຕເອງເຈັບໄຂ້ໄດ້ປ່ວຍ ມັກເວົ້າສະເໝີວ່າ “ເຈັບໜ້ອຍດຽວ ຈັກໜ້ອຍມັນກໍ່ດີ” ແຕ່ກັບລູກ ພຽງແຕ່ໂຕຮ້ອນໜ້ອຍດຽວ ເພິ່ນກໍ່ຮີບຟ້າວພາໄປໂຮງໝໍທີ່ດີທີ່ສຸດທັນທີ. 🌡️
🏠 5. ສ້າງວິມານໃຫ້ລູກ: ໂຕເອງນອນບ່ອນໃດກໍ່ໄດ້ ເພາະຄຸ້ນເຄີຍມາແຕ່ດົນແລ້ວ ແຕ່ສຳລັບລູກຕ້ອງນອນຫ້ອງນອນດີໆ ມີແອເຢັນໆ ລູກຈະໄດ້ສະບາຍ ແລະ ບໍ່ຕ້ອງອາຍໃຜ. 😴
💰 6. ຍົກໃຫ້ທັງຊີວິດ: ຊັບສິນເງິນຄຳທີ່ອຸດສາຫາມາທັ້ງຊີວິດ ກໍ່ມັກປະເຄນໃຫ້ລູກໆ ຈົນໝົດ ໂຕເອງກັບໃຊ້ຈ່າຍຢ່າງປະຢັດ ແລະ ມັກອ້າງວ່າ “ອາຍຸຫຼາຍແລ້ວ ບໍ່ຕ້ອງໃຊ້ຫຍັງຫຼາຍດ໋ອກ”.
😟 7. ຫ່ວງໃຍທຸກລົມຫາຍໃຈ: ແຕ່ລະມື້ໄດ້ແຕ່ນັ່ງເປັນຫ່ວງລູກ ຢ້ານລູກຈະເປັນອັນຕະລາຍ ຕັ້ງແຕ່ຕອນຮຽນ ຈົນຮອດແຕ່ງງານມີຄອບຄົວ... ສ່ວນລູກຈະຫ່ວງເພິ່ນຄືນຫຼືບໍ່? ເພິ່ນບໍ່ສົນ ຂໍພຽງລູກມີຄວາມສຸກກໍ່ພໍແລ້ວ. 🌈
🏡 8. ຄວາມດີໃຈທີ່ລົ້ນອອກທາງສາຍຕາ: ທຸກຄັ້ງທີ່ລູກມາຢາມບ້ານ ເພິ່ນຈະດີໃຈຈົນອອກໜ້າອອກຕາ ຕື່ນເຕັ້ນຫາແນວກິນແຊບໆມາສູ່ກິນ... ທັງໆທີ່ບາງຄັ້ງ ເວລາເພິ່ນໄປຢາມລູກ ລູກກັບເຮັດທ່າບໍ່ພໍໃຈທີ່ເພິ່ນບໍ່ບອກລ່ວງໜ້າ. 🥺💔
🛡️ 9. ຜູ້ປົກປ້ອງທີ່ຍິ່ງໃຫຍ່: ພໍ່ແມ່ຫຼາຍຄົນບໍ່ມີອຳນາດໃດໆ ແຕ່ກັບລູກ ເພິ່ນພ້ອມທີ່ຈະປົກປ້ອງດ້ວຍຊີວິດ ໂດຍບໍ່ຫ່ວງໂຕເອງແມ້ແຕ່ໜ້ອຍດຽວ. 💪❤️
ພໍ່ແມ່ນີ້ "ໂງ່" ແທ້ໆ... ແຕ່ເຮົາຍັງມີເລື່ອງທີ່ຕິດຄ້າງຄົນໂງ່ສອງຄົນນີ້ອີກຫຼາຍ ຫຼາຍຈົນບໍ່ມີພື້ນທີ່ຈະໃຫ້ບັນຍາຍໄດ້ໝົດ. 📝✍️
ຫາກ "ຄົນໂງ່" ສອງຄົນນີ້ຍັງມີຊີວິດຢູ່ ໃຫ້ໝັ່ນກັບໄປຢ້ຽມຢາມເພິ່ນ ແລະ ໃຊ້ຄືນບາງຢ່າງທີ່ຈະເຮັດໃຫ້ພວກເພິ່ນມີຄວາມສຸກແດ່ເດີ້. 🏃♂️💨
ຢ່າລໍຊ້າທີ່ຈະບອກຮັກເພິ່ນ, ກອດເພິ່ນໃຫ້ແໜ້ນໆ 🤗 ຫຼື ກັບໄປກິນເຂົ້າຝີມືແມ່. ເພາະຄວາມຮັກຈາກເພິ່ນ... ຄືຂອງຂວັນທີ່ແທ້ຈິງທີ່ສຸດໃນຊີວິດ. 🏠💖✨
✍🏻Lao Youth RadioFM90MHz
#14ກຸມພາ #ຮັກພໍ່ແມ່ #ຂອບໃຈຄົນໂງ່ສອງຄົນ
