23/07/2026
Nice to meet you Bro Rexem 🤝
Itong kasama namin na nakaitim ay si Rexem. Bumisita siya rito sa amin sa Gimje kahit taga Gyeonggi-do pa siya halos 6 hrs ata yung binyahe niya makarating lang dito samen💪. Nakakabilib lang isipin na 19 years old pa lang siya, pero nandito na siya sa South Korea.
Habang nagkukwentuhan kami, ibinahagi niya ang mga pinagdaanan at struggles niya sa buhay. Nakaka-inspire ang naging kwento niya at kitang-kita kung paano naging tapat ang Panginoon sa kanya.
Mas natuwa pa ako nang sabihin niyang isa siya sa mga nanonood ng mga vlog ko tungkol sa buhay dito sa Korea. Sabi niya, nagko-comment daw siya sa YouTube videos at kapag nagla-live ako. Ngayon, personal na kaming nagkita. Ang saya lang isipin.
Naalala ko tuloy ang sarili ko noon. Nang makarating sa Korea ang kaibigan kong si Jepoy, siya rin ang naging inspirasyon ko. Sabi ko noon, “Balang araw, makakarating din ako diyan.” At ngayon, tatlong taon na rin ako rito sa South Korea. Ang bilis ng panahon.
Ang mas maganda pa rito, pareho kaming Christian. Hindi lang kami nagkwentuhan tungkol sa trabaho o buhay sa Korea, kundi tungkol sa kabutihan ng Diyos, sa Kanyang katapatan, at kung paano Niya kami dinala sa iba’t ibang pagsubok sa buhay.
Kasama rin namin sina Brother JM at Kuya Bryan. Bago kami umalis, nag-picture kami dahil sabi ko, “Picture tayo. Memories ito na dadalhin natin habang buhay.” Hindi na babalik ang araw na ito, pero ang alaala at mga kwentuhang ito ay mananatili.
Nakaka-inspire ang kwento ng bawat isa. Bawat isa ay may kanya-kanyang laban, pero pare-pareho kaming buhay na patunay ng biyaya ng Diyos.
Brother Rexem, ingat ka lagi. Galingan mo sa trabaho at patuloy kang magtiwala sa Panginoon.
At sa ating lahat na nandito sa South Korea, sana huwag nating kalimutan ang tunay nating purpose. Hindi lang tayo nandito para kumita ng pera o magtrabaho. Mas mahalaga na lumago tayo sa ating pananampalataya at maibahagi ang Salita ng Diyos sa iba.
Tuloy lang sa pangarap. Tuloy lang sa paglilingkod. At higit sa lahat, tuloy lang sa pagsunod sa Panginoon. 🙏🇰🇷
