Sitha Nhem

05/09/2026

រីករាយថ្ងៃកំណើតកូនពៅ Penh Zzii ជូ នពរកូសុខភាពល្អ ប្រាជ្ញាកាន់តែឆ្លាតវៃ គិតប៉ងអ្វីៗ សូមអោយសម្រេចដូចចិត្តប៉ង

25/08/2026

18/08/2026

តម្រងនោម និងថ្លើមជាសរីរាង្គខាងក្នុងដែលមានសមត្ថភាពអាចចម្រោះកាកសំណល់ចេញពីរាងកាយដោយធម្មជាតិ។ ប៉ុន្តែបើវាកាន់តែមានជាតិពុលកាន់តែច្រើន ថ្លើមនិងតម្រងនោមកាន់តែឆាប់ខូច។ សព្វថ្ងៃនេះ មានមនុស្សភាគច្រើនខូចថ្លើមនិងតម្រងនោមព្រោះភេសជ្ជៈនិងគ្រឿងស្រវឹង។ មាន ៤វិធីជួយលាងជាតិពុល។

១. អាហារសម្បូរស្ពាន់ធ័រជួយលាងជាតិពុលចេញពីក្នុងខ្លួនបានល្អណាស់។ មានដូចជាខ្ទឹមស ខ្ទឹមបារាំង ផ្កាខាត់ណាខៀវ ផ្លែទំពាំងបាយជូរ ​ម្នាស់ក្រៀម និង​ដំឡូង...​ វាសម្បូរទៅដោយសមាសធាតុស្ពាន់ធ័រជួយថ្លើមក្នុងការបន្សាបជាតិពុលក្នុងរាងកាយបានល្អប្រសើរ។ អាហារទាំងនេះជួយកម្ចាត់ជាតិពុលចេញពីថ្លើមនិងតម្រងនោម។ ពេលព្រឹកអ្នកហូបអាហារបែបនេះ នាំឱ្យថ្លើមមានសុខភាពល្អគ្មានជាតិពុលនោះទេ។

២. ផឹកទឹកត្រសក់ពេលព្រឹកមានអត្ថប្រយោជន័ជួយលាងជាតិពុលចេញពីថ្លើម ថែតម្រងនោម និងសម្រកគីឡូផងដែរ។ តាមគេហទំព័រ food.ndtv បានលើកឡើងថា ទឹកត្រសក់ជួយលាងសម្អាតជាតិពុលពីរាងកាយ និងបញ្ចេញកាកសំណល់ចាស់ៗ ចោល។ ការផឹកទឹកត្រសក់ជាប្រចាំថ្ងៃ ត្រូវបានអ្នកជំនាញសិក្សាឃើញថា វាដើរតួនាទីយ៉ាងខ្លាំងក្លាក្នុងការជួយរាងកាយពីការរងនូវសារធាតុពុលពីរបបអាហារដែលញុំាចូលទៅយ៉ាងល្អ។

៣. ពេលព្រឹក ពេលអ្នកផឹក​ទឹក​ច្រើនជួយរក្សាក្នុង​ទឹកនោម​ឱ្យ​ថ្លាជាមួយការបញ្ចេញចោល​កាកសំណល់​និងជាតិពុលពីតម្រងនោម។ តាមវេជ្ជបណ្ឌិត Kerry Willis មានប្រសាសន៍ថា ការ​ផឹកទឹកឱ្យបានគ្រប់គ្រាន់ក្នុងមួយថ្ងៃជា​មធ្យោបាយ​ដ៏​មាន​ប្រសិទ្ធភាពកាត់បន្ថយ​ហានិភ័យ​គ្រួស​ក្នុង​តម្រង​នោមបាន​ដល់​ទៅ​ពាក់កណ្តាល​។​ ការ​ផឹកទឹកច្រើនពេលព្រឹកជា​យុទ្ធសាស្ត្រ​លាងជាតិពុលចេញពីថ្លើមនិង​តម្រង​នោមឱ្យមានសុខភាពល្អ។

៤. ពិតជាល្អណាស់ពេលព្រឹក បើអ្នកព្យាយាមធ្វើលំហាត់ប្រាណនោះ តម្រងនោមរបស់អ្នកកាន់តែមានសុខភាព ថ្លើមអ្នកកាន់តែញញឹម។ ព្រោះការធ្វើលំ​ហាត់​ប្រាណ​ជា​ប្រចាំ​ថ្ងៃមាន​អត្ថប្រយោជន៍​លាងជាតិពុលចេញពីថ្លើម និងពង្រឹងមុខងារតម្រងនោម។ ការ​ហាត់​ប្រាណ​ជួយ​បង្កើន​​កម្លាំង​មុខងារ​សាច់ដុំ ព្រម​ទាំង​ជួយ​បន្ថយ​សម្ពាធ​ឈាម​ និង​កូលេស្តេរ៉ូលផងដែរ។ ជាពិសេសជួយបង្ការ​ជំងឺ​ទឹក​នោម​ផ្អែមនិង​ការពារ​ជំងឺ​តម្រង​នោម​ថែមទៀត។

17/08/2026

ជីវិតរស់នៅរបស់មនុស្សយើងអីចឹង ពេលខ្លះបរិស្ថានជុំវិញខ្លួនវាអាចជះឥទ្ធិពលលើជីវិតយើងបាន តែវាមិនអាចក្លាយជាម្ចាស់នៃដួងព្រលឹង និងតម្លៃរបស់យើងបានឡើយ ប្រសិនបើចិត្តរបស់យើងមានមូលដ្ឋានគ្រឹះដ៏រឹងមាំ។

✅ សត្វអន្ទង់ ទោះជារស់នៅក្នុងភក់ជ្រាំដ៏កខ្វក់ តែខ្លួនរបស់វាតែងតែរអិលស្អាត មិនដែលជាប់ប្រឡាក់ភក់ទេ។ ជីវិតមនុស្សយើងក៏ដូចគ្នា ជួនកាលយើងមិនអាចជ្រើសរើសកន្លែងចាប់កំណើត ឬចៀសផុតពីបរិស្ថានជុំវិញដែលពេញដោយរឿងអវិជ្ជមាន ក្រុមមនុស្សអវិជ្ជមាន ឬភាពអាក្រក់ល្អក់កករបានទេ ប៉ុន្តែយើងអាចជ្រើសរើសមិនឱ្យខ្លួនឯងមានភាពប្រឡូកប្រឡាក់ទៅតាមនោះបាន។ ហើយខែលការពារខ្លួនដ៏មានប្រសិទ្ធភាពបំផុតរបស់មនុស្សយើង គឺចិត្ដគំនិតដែលទទួលបានការអប់រំ និងស្មារតីភ្ញាក់រលឹកខ្ពស់។

✅ ដូចពាក្យថា «យើងមិនអាចហាមឃាត់ភ្លៀងមិនឱ្យធ្លាក់បានទេ ប៉ុន្តែយើងអាចកាន់ឆត្រដើម្បីការពារខ្លួនមិនឱ្យសើមបាន។ បានន័យថា រាល់បរិស្ថានអាក្រក់អាចនៅជុំវិញខ្លួនយើង តែចិត្តដែលរឹងមាំ គឺជាឆត្រការពារជីវិត។ យើងអាចក្រឡេកមើលខ្សែជីវិតរបស់អ្នកប្រាជ្ញ ក្រិកបុរាណ «ទស្សនវិទូ សូក្រាត»។ គាត់រស់នៅជាមួយប្រពន្ធកាឡកណ្ណីរាល់ថ្ងៃខែឆ្នាំ (ប្រពន្ធកាចឆ្នាស់ឥតបទ) ប៉ុន្តែគាត់នៅតែមិនអាចក្លាយជាមនុស្សកោងកាច ក្នុងការទប់ទល់ជាមួយប្រពន្ធគាត់ គាត់នៅតែមិនប្រឡាក់ប្រឡូសក្នុងបរិស្ថានដ៏គគ្រិចមួយនោះ រហូតគាត់បានបន្សល់នូវទស្សនមួយថា «បើមានប្រពន្ធល្អ អ្នកនឹងសប្បាយចិត្ត តែបើបានប្រពន្ធមិនកើតវិញ អ្នកនឹងក្លាយជាទស្សនវិទូ»។

✅ កាលណាផ្លូវចិត្តមានពន្លឺប្រាជ្ញា និងគុណធម៌ជាប្រដាប់ការពារហើយ ទោះជារស់នៅក្នុងបរិយាកាសពុលយ៉ាងណាក៏ដោយ ក៏គ្មានឥទ្ធិពលអាក្រក់ណាអាចមកបំប្លែង ឬកែប្រែសារជាតិល្អពីកំណើតរបស់យើងបានដែរ។

✅ ផ្កាឈូកដុះចេញពីភក់ តែក្លិនវានៅតែសាយភាយក្រអូបឈ្ងុយឈ្ងប់ និងមិនដែលស្អុយឆ្អាបក្លិនភក់នោះទេ។ មនុស្សដែលមានគុណធម៌ក្នុងចិត្ត ក៏រស់នៅខ្ពង់ខ្ពស់បានគ្រប់កាលៈទេសៈដូចគ្នា។ មាសទឹកដប់ ទោះជ្រុះធ្លាក់ចូលទៅក្នុងភក់ជ្រាំ ក៏វានៅតែរក្សាតម្លៃជាមាសដដែល។ ការអប់រំ និងគុណធម៌ក្នុងចិត្ត គឺជាមាសទឹកដប់ដែលគ្មានបរិស្ថានណាអាចបំផ្លាញបានឡើយ។ ចូររស់នៅដោយមានម្ចាស់ការលើផ្លូវចិត្តខ្លួនឯង ហើយភាពម្ចាស់ការនោះប្រៀបដូចជា «រំអិល» ដែលជួយឱ្យរអិលផុតពីភាពអវិជ្ជមាន ដូចជាអន្ទង់ក្នុងភក់ និងរក្សាក្លិនក្រអូបនៃសេចក្តីល្អដូចជាផ្កាឈូកដែរ។
#បំណិនជីវិត #មានជីវិតមានសេចក្តីសង្ឃឹម #ជីវិតរីករាយ

14/08/2026

11/08/2026

ប្រុសពៅ vs ស្រីពៅ សំណប់ចិត្ត Penh Zzii Sak Sitha and mummy Chantheavy San Rithy

04/08/2026