សួន វីយ៉ូឡែត- Suon Violet

11/05/2026

ធ្វើជាមនុស្សអាត្មានិយមខ្លះ! កុំផ្ដល់ឱកាសអោយនរណាម្នាក់ច្រើនដងពេក ការផ្ដល់ឱកាសអោយគេច្រើនដង ដូចបំផ្លាញខ្លួនឯងច្រើនដងចឹង ពេលខ្លះអាត្មានិយមមិនអាក្រក់ទេ តែមនុស្សដែលធ្វើអោយយើងឈឺចាប់ចំពោះទង្វើគេច្រើនដងមិនចេះកែ ទើបជាមនុស្សអាក្រក់.

11/05/2026

11/05/2026

ពេលវេលាជារយៈពេលពិសោធន៍ដ៏មានតម្លៃបំផុត..🌱

ឆាកជីវិត មិនមែនជាការប្រើយុទ្ធសិល្ប៍ដែលជប់ភ្លាមកើតភ្លែតនោះទេ។ អ្វីទាំងនេះសុទ្ធតែត្រូវការប្រើពេលវេលា។
តែដែលឆុងលឿនពេក វាអាចមិនចេញជាតិឬក្លិនបានល្អ
ដើមឈើដែល​បង្ខំដាក់ជីជ្រុលពេក វានឹងរលួយ...
រឿងរ៉ាវជីវិតតែងមានដំណាក់កាលផ្អែមឆ្ងាញ់ និងល្វីងជូរចត់នៅលាយឡំផ្លាស់ប្តូរគ្នាជាប្រចាំ។
ការដឹងអំពីអ្វីដែលហៅថាល្វីងជូរចត់ វានឹងនាំឲ្យយើងទទួលអារម្មណ៍ថាភាពផ្អែមឆ្ងាញ់កាន់តែមានឱជារសលើសដើម។

តាមពិតវាពុំមានអ្វីដែលសុទ្ធតែអាក្រក់គ្រប់់យ៉ាងនោះទេ។ ​បន្ទាប់មានព្យុះ មេឃនឹងស្រឡះ...
ហើយអ្វីៗវានឹងល្អមកវិញទៅតាមពេលវេលា ។🌻🌟

11/05/2026

#មិនឥតខ្ចោះ

បើផ្លូវជីវិតមួយនេះរបស់ពួកយើង វារលូនដូចជាផ្លូវកៅស៊ូ ប្រហែលជាលែងមានអ្នកចង់ជិះរថភ្លើងហើយ ព្រោះជីវិតមួយវាអត់រលូនហើយវារឹតតែមិនឥតខ្ចោះ ព្រោះវាជំពាក់នូវរឿងរ៉ាវជាច្រើនដែលយើងត្រូវតែដោះស្រាយ ហើយបញ្ហាខ្លះមិនទាន់ទាំងបានដោះស្រាយផងវា ក៏មានបញ្ហាផ្សេងមកបន្ថែម ហើយជួនកាលមិនទាន់បានត្រៀមចិត្តផង បញ្ហាចូលមកជាបន្តបន្ទាប់។

នេះជារឿងដែលល្អបំផុតសម្រាប់ជីវិត ព្រោះបើជីវិតឥតខ្ចោះពេក តើទៅរកអត្ថន័យជីវិតយ៉ាងណា.... ពេលខ្លះក៏ជួបរឿងល្អ ពេលខ្លះបញ្ហារាប់សិបជំពូកក៏ចូលមកឱ្យយើងដោះស្រាយ ជួនកាលក៏មានសំណាង ទទួលការឈឺចាប់ បរាជ័យ បាក់ទឹកចិត្ត។

ជីវិតគឺបែបនេះមិនឥតខ្ចោះទេ តែវាបង្រៀនយើងថា គ្រប់យ៉ាងវាមិនអាក្រក់ដូចដែលយើងគិតក៏ថាបាន។ ជីវិតមិនអាចឥតខ្ចោះទេបើបញ្ហានោះដោះស្រាយមិនបានទេ ទុកវាសិនទៅ ជួនកាលពេលវេលាដើរទៅមុខ យើងប្រហែលជាអាចរកដំណោះស្រាយបានយ៉ាងល្អក៏ថាបាន។

អត្ថបទ៖ ប្រិយមិត្តអ្នកអាន

10/05/2026

សុខភាពផ្លូវចិត្ត គឺសំខាន់មិនចាញ់សុខភាពរាងកាយឡើយ ☘️
នៅថ្ងៃណាដែលអ្នកមានអារម្មណ៍ធុញថប់ ឬនឿយហត់ ចាំបាច់ត្រូវឲ្យខ្លួនឯងពេលសម្រាក និងស្ដាប់បេះដូងខ្លួនឯងផង។ កុំខ្លាចក្នុងការនិយាយអំពីអារម្មណ៍របស់អ្នក ព្រោះការចែករំលែកអាចជួយបន្ថយបន្ទុកក្នុងចិត្តបាន។

ចងចាំថា អ្នកមិនចាំបាច់ត្រូវល្អឥតខ្ចោះគ្រប់ពេលទេ។ កំហុស និងការបរាជ័យ គឺជាផ្នែកមួយនៃការលូតលាស់។ ស្រឡាញ់ខ្លួនឯង ធ្វើអ្វីដែលធ្វើឲ្យអ្នកមានសុភមង្គល និងរក្សាគំនិតវិជ្ជមាន។
ថ្ងៃនេះ ប្រហែលមិនល្អឥតខ្ចោះ ប៉ុន្តែថ្ងៃស្អែកតែងតែមានឱកាសថ្មីៗ។ 🌿✨

10/05/2026

09/05/2026

Happiness is a choice, not a result
សេចក្ដីសុខគឺជាជម្រើស មិនមែនជាលទ្ធផលទេ

លើលោកនេះគ្មានរឿងអ្វីអាចធ្វើឲ្យយើងសប្បាយចិត្តបានទេ លុះត្រាតែយើងជ្រើសយកការសប្បាយចិត្តដោយខ្លួនឯង
ក៏គ្មានអ្នកណាអាចមកអូសយើងឲ្យសប្បាយចិត្តបានដែរ លុះត្រាតែយើងជ្រើសយកការសប្បាយចិត្តដោយខ្លួនឯង
សេចក្ដីសុខនឹងមិនអាចមករកយើងបានទេ ព្រោះសេចក្ដីសុខពិតប្រាកដគឺកើតចេញពីខ្លួនយើង
សប្បាយជាមួយរឿងតូចៗដែលខ្លួនឯងបានធ្វើ កុំចាំទាល់តែបានពានរង្វាន់ VMAs award ទើបសប្បាយចិត្តបាននោះ

ឲ្យហេតុផលដែលគួរឲ្យសប្បាយចិត្តមួយ»» ថ្ងៃនេះងើបមកនៅមានជីវិត នៅមើលឃើញពន្លឺថ្ងៃ នៅមានបាយញ៉ាំ នៅមានកន្លែងគេង នៅមានកម្លាំងសេសសល់សម្រាប់ធ្វើដំណើរទៅកាន់ថ្ងៃស្អែកទៀត 🌱
Be grateful for your own life.
Nothing will make you happy until you choose to be happy.

━━━━━✥◈✥━━━━━

Also Follow us on:
Instagram:
TikTok:

09/05/2026

ថ្ងៃសៅរ៍ទី៩ខែឧសភាឆ្នាំ២០២៦🍃🍃📚
#មាត់ស្ទឹងសៀមរាប
#បណ្ណាល័យតូច

08/05/2026

#រាងកាយមួយនេះ

រាងកាយមួយនេះប្រហែលជាហត់ខ្លាំងហើយមើលទៅដែលត្រូវបានមាត់អ្នកផ្សេងប្រៀបធៀប ម្ដងបែបនេះម្ដងបែបនោះ ហត់ខ្លាំងណាស់មែនទេដែលត្រូវបានអ្នកផ្សេងយក ពណ៍សម្បុរ យករូបរាងកាយមកជាប្រធានបទក្នុងការជជែកនិងប្រៀបធៀបបែបនេះ ហត់ណាស់មែនទេដែលព្យាយាមម្ដងហើយម្ដងទៀតក្នុងការបំពេញចិត្ត
របស់អ្នកដទៃបែបនេះ ....។

ពណ៌សម្រាប់ស្បែកមួយនេះវាគួរតែបែបនេះ សម្បុរអ្នកគួរតែបែបនោះ រូបរាងកាយអ្នកគួរតែបែបនេះ ហេតុអ្វី?
ហេតុអ្វីបានជាយើងមិនអាចជាខ្លួនឯង?
ស្បែកពណ៌អ្វីមិនសំខាន់ឡើយ សំខាន់តើយើងស្រឡាញ់វាទេ រាងកាយមួយនេះ ទាប មានសាច់ ស្គមគឺជាជម្រើសរបស់យើងថាស្រឡាញ់បែបណា មិនមាននរណាកំណត់ស្ដង់ដានៃភាពស្អាតទេ ហេតុអ្វីមិនសាកធ្វើជាខ្លួនឯង ជួនកាលវាអាចប្លែកពីអ្នកដទៃតែ វាមិនមែនជារឿងដែលចម្លែកឡើយ....។ ជួនកាលភាពប្លែកគឺជាចំនុចពិសេស សម្រាប់រាងកាយក៏ថាបាន

ការវាយតម្លៃនរណាម្នាក់ដោយគ្រាន់តែសម្បកក្រៅ ឬត្រឹមមើលលើពណ៌សម្បុរគឺជារឿងដែលខុសបំផុត ជាពិសេសគឺការប្រៀបធៀបខ្លួនឯងជាមួយពណ៌សម្បុរអ្នកដទៃ។ បើស្រឡាញ់ខ្លួនឯងបែបណាក៏ទទួលយកទៅ វាមិនគួរស្ថិតលើមាត់នរណាម្នាក់ឡើយ។

អត្ថបទ៖ ប្រិយមិត្តអ្នកអាន