https://www.facebook.com/617592208886111/

Kampuchea Photography, Phnom Penh (2026)

01/06/2021

ឈ្មោះខ្មែរ ៖ ប្រទាលអន្ទង់
ឈ្មោះវិទ្យាសាស្ត្រ ៖ Curcuma Sparganifolia
Family : Zingiberaceae
Genus : Curcuma
Species : Sparganifolia
ឈ្មោះនៅថៃហៅ ៖ Siam Tulip 'Siam Ruby'
ឈ្មោះនៅអូស្ត្រាលីហៅ ៖ Pink Pearl

ឈ្មោះប្រទាលមួយប្រភេទ កំពស់ ៣០ ទៅ ៤០ស.ម មានស្លឹកតូចដូចស្លឹកស្រូវវែងៗ ផ្កាពណ៍ផ្កាឈូក រឺពណ៌ស ដុះជាបែងភាគ មានកំពស់ប្រហែលស្លឹក ។ ដើមផ្កាមានអំបូលដុះពីមើម ដូចដើមខ្ញីដែរ ប្រទាលនេះមានដុះក្រោមដើមឈើ និងតាមវាល តំបន់ភ្នំ ក្នុងព្រៃល្បោះនៃប្រទេសកម្ពុជាយើង ។ គេច្រើនឃើញផ្កាប្រទាលអន្ទង់ លក់ក្នុងផ្សារ ពេលរដូវភ្លៀង ។
គ្រូថ្នាំបុរាណ ស្ងោរដើមនេះអោយអ្នកមានជម្ងឺ ឡើងជាតិអាសីត ផឹកលាយជាមួយស្រា (ត្រូវពិគ្រោះយោបល់ជាមួយគ្រូថ្នាំមុនប្រើដោយចិត្តឯង ) ។

ភាគច្រើនយើងច្រើនច្រលំហៅផ្កានេះថា ផ្កាចាហួយ ។ សូមបញ្ជាក់ថា ផ្កាចាហួយក៏ជាអំបូលដុះពីមើម (Curcuma) ដូចប្រទាលអន្ទង់ដែរ ។ អ្នកអាចឃើញផ្កានេះនៅតាមជួរភ្នំក្រវាញ វាដុះច្រើននៅតាមភ្នំ ដូចជា គិរីរម្យ ទឹកធ្លាក់ចំបក់ ខ្នងក្រពើ ខ្នងផ្សា...។ អ្នកភូមិនៅជើងភ្នំគិរីរម្យច្រើនហៅ រំដួលជើងភ្នំ ។ អ្នកភូមិតែងបេះយកមកក្រងជាម្កុដផ្កាសំរាប់លក់ជូនភ្ញៀវដែលមកលេងនៅភ្នំ ។ ផ្កានេះរីកចាប់ពីខែឧសភា មិថុនា កក្កដា ។

#ប្រទាលអន្ទង់ #ខ្នងផ្សា #ខ្នងក្រពើ #ទឹកធ្លាក់ចំបក់ #គិរីរម្យ #រំដួលជើងភ្នំ

11/10/2020

ជ្រុងម្ខាងនៃចម្លាក់លើជញ្ជាំងប្រាសាទបាយ័ន
-------------------------------------------------------
ប្រាសាទបាយ័នមានទីតាំងស្ថិតនៅចំកណ្តាលនៃរាជធានីអង្គរធំ។ ប្រាសាទនេះកសាងនៅចុងសតវត្សរ៍ទី ១២ និងដើមសតវត្សរ៍ទី ១៣ ដោយព្រះបាទជ័យវរ្ម័នទី៧។ ប្រាសាទនេះមាន តួប៉មនីមួយៗ មានមុខបួន ដែលមានកំពូល ៤៩ និងកំពូលក្លោងទ្វារចូល៥ ទៀត សរុបទាំងអស់ ៥៤ កំពូល ដែលតំណាងឲ្យខេត្តក្រុងខ្មែរ ទាំង ៥៤ នៅសម័យកាលនោះ។ មានអ្នកប្រាជ្ញមួយចំនួនបានគិតថា មុខទាំង ៤ នោះតំណាងឲ្យព្រះពោធិសត្វលោកេស្វរៈនៃព្រះពុទ្ធសាសនាមហាយាន អ្នកខ្លះទៀត គិតថា ជារូបតំណាងព្រះបាទជ័យវរ្ម័នទី៧។ ប្រាសាទបាយ័នមានប្លង់បីជាន់។ ជាន់ទី១ និងទី ២ មានថែវដែលមានចម្លាក់ដ៏ល្វិចិត្រអ។ ប្រាង្គនៅកណ្តាល ១៦ និងស្ថិតនៅជាន់ទី ៣ មានរាងកាកបាទ។ សំណង់ប្រាសាទបាយ័នមានលក្ខណៈស្មុគស្មាញ ទាំងថែវ ផ្លូវដើរ និងជណ្តើរ។ ក្រៅពីទឹកមុខញញឹមនៃរូបបាយ័ន ប្រាសាទនេះមានចម្លាក់ដ៏ល្អប្រណីត ដែលរៀបរាប់ពីរឿងទេវកថានៅថែវខាងក្នុង និងខាងក្រៅ រៀបរាប់ពីជីវភាពរស់នៅរបស់ប្រជាជននៅសម័យអង្គរ មានទាំងផ្សារ ការនេសាទ ពិធីបុណ្យ ល្បែងប្រដាល់ ជល់មាន់ ។ល។ និងថែមទាំងមានការរៀបរាប់ពីព្រឹត្តិការណ៍ប្រវត្តិសាស្រ្តចម្បាំង និងព្យុហយាត្រាជាដើម។ ចម្លាក់នោះឆ្លាក់បានជ្រៅជាងនៅ ប្រាសាទអង្គរវត្ត តែមានលក្ខណៈសាមញ្ញ។ ទិដ្ឋភាពនៃចម្លាក់ បង្ហាញដោយផ្ទាំងតាមជួរ ពីរឬបីជួរ។

09/10/2020

សម្រស់ទេសភាពដែលភ្ញៀវទេសចរណ៍មេីលរំលង!!!
ភ្នំខ្នងក្រពេី នៅមិនឆ្ងាយពីភ្នំខ្នងផ្សា ជាតំបន់ព្រៃភ្នំដ៏ធំមួយដែលស្ថិតនៅក្នុងភូមិតាំងបំពង តំបន់រលាក់កង់ជើង ឃុំតាសាល ស្រុកឱរ៉ាល់ ខេត្តកំពង់ស្ពឺ។ ភ្នំខ្នងក្រពេី ស្ថិតក្នុងខេត្តកោះកុង នៅលេីកំពូលភ្នំមានផ្ទះឈេីធំមួយដែលអ្នកភូមិហៅថាផ្ទះសុីអាយ (CI) ព្រមទាំងវាលស្មៅបៃតងមេីលដាច់កន្ទុយភ្នែក មានដេីមស្រល់ដុះជាច្រេីន និងមានទឹកធ្លាក់ដ៏ស្រស់ស្អាតកំពស់ប្រមាណ១៥ម៉ែត្រ (ទឹកធ្លាក់ឆាយឆាំឆា) ពេលព្រលឹមមានអាកាសធាតុត្រជាក់បរិយាកាសល្អ យេីងអាចទៅមេីលថ្ងៃរះ ជ្រលង់ភ្នំខ្ពស់ៗ និងស្ទឹងពពកដែលនៅចង្កេះភ្នំ ដែលភ្ញៀវទៅលេងទីនោះដេីរប្រមាណ៥០០ម៉ែត្រ ពីទីតាំងបោះតង់ ។
ការធ្វេីដំណេីរទៅកាន់ភូមិ
ភ្នំខ្នងក្រពេី និងភ្នំខ្នងផ្សាគឺនៅឆ្ងាយគ្នាប្រមាណ១០គីឡូម៉ែត្រ ដូច្នេះភ្ញៀវទេសចរត្រូវធ្វេីដំណេីរតាមផ្លូវជាតិលេខ៤ ទៅកាន់ទីរួមខេត្តកំពង់ស្ពឺ ក្រោយឆ្លងស្ពានខេត្តកំពង់ស្ពឺប្រមាណជាង ១គីឡូ យេីងបត់តាមស្តុប តេលា (ច្បារមន) ទៅស្តាំ ប្រមាណ១គីឡូ យេីងនឹងឃេីញផ្លូវបត់ឆ្វេងដែលមានស្លាកសញ្ញាប្រាប់ផ្លូវទៅ ឱរ៉ាល់ ។ បត់ចូលតាមច្រកឱរ៉ាល់ (ផ្លូវ៤៤) ប្រហែល ៥០គីឡូ យេីងនឹងដល់រង្វង់មូលឱរ៉ាល់ រួចយេីងបន្តដំណេីរទៅមុខ តាមផ្លូវលំ ប្រមាណ ៣៥គីឡូ ដោយជិះកាត់ តេទឹកពុះ យេីងនឹងទៅដល់ ភូមិរលាក់កងជេីង ដែលជាភូមិនៃភ្នំខ្នងផ្សា ។ ការធ្វេីដំណេីរពីភូមិទៅកាន់ជេីងភ្នំប្រមាណ៦គីឡូ និងពីជេីងភ្នំទៅដល់កំពូលភ្នំប្រមាណ៨.៥គីឡូ ។
ការធ្វេីដំណេីរទៅកាន់ កំពូលភ្នំខ្នងក្រពេី
ដេីម្បីឡេីងខ្នង គឺត្រូវចូលរកអ្នកភូមិសហគមន៍សម្រាប់អោយគាត់ជួយនាំផ្លូវដេីរក្នុងព្រៃ ។ ក្រៅពីជួយនាំផ្លូវឡេីងភ្នំ គាត់ក៏ជាអ្នកជួយស្ពាយឥវ៉ាន់ និងដាំស្លរអោយយេីងញាំផងដែរ ។ ការធ្វេីដំណេីរពីភូមិទៅដល់ជេីងភ្នំ យេីងអាចជិះគោយន្តសហគមន៍ ដែលចំណាយពេលប្រហែល១ម៉ោងកន្លះ និងចំណាយ៣០ដុល្លាសម្រាប់ជិះគោយន្តទៅមក ដែលគោយន្តមួយអាចជិះបានគ្នាប្រមាណដប់នាក់ តាមផ្លូវគោយន្តគឺងាយស្រួលជាផ្លូវទៅកាន់ខ្នងផ្សា ដោយទីនោះពុំសូវមានភាពចាប់អារម្មណ៍ខ្លាំងពីភ្ញៀវទូទៅដូចជាភ្នំខ្នងផ្សាទេ ។ ក្រោយដល់ជេីងភ្នំ គឺភ្ញៀវទេសចរណ៍ត្រូវដេីរដោយថ្មេីរជេីងឡេីងភ្នំ តាមផ្លូវក្នុងព្រៃរាងពិបាកបន្តិច មានដីរាប និងដីទួលខ្ពស់ ពេលខ្លះត្រូវដេីរលេីផ្ទះថ្មធំៗ បេីឥវ៉ាន់មិនសូវធ្ងន់គឺល្អបំផុត ព្រោះម្នាក់ៗ គឺទ្រុឌទ្រោមខ្លាំងដោយសារឥវ៉ាន់ធ្ងន់ ។ សម្រាប់អ្នកដេីរលឿនល្មម និងមិនសូវឈប់សម្រាកអាចចំណាយពេលប្រមាណ ៥-៦ម៉ោង ឬលេីសពីនេះតាមសមត្ថភាពនៃការដេីរ ។ គួរដាក់ទឹកសម្រាប់ញាំយ៉ាងតិចម្នាក់១-២ដបធំ សម្រាប់ញាំតាមផ្លូវពេលធ្វេីដំណេីរ យេីងអាចច្រកទឹកសម្រាប់ញាំតាមផ្លូវបាន តែគួរមានប្រដាប់ចំរោះទឹក ឬដាំទឹកតាមផ្លូវ ។
ការសម្រាកនៅលេីកំពូលភ្នំ
យេីងគួរត្រៀមតង់ ឬអង្រឹងជាមួយនឹងដំបូលផ្លាស្ទិចគ្របដេីម្បីការពារជ្រាបទឹកភ្លៀង ឬសន្សេីម ។ គួរត្រៀមអាវ ឬភួយក្រាស់ៗ ព្រោះនៅទីនោះពេលយប់គឺត្រជាក់ខ្លាំង ។
ការត្រៀមម្ហូបអាហារ និងទឹកញាំ
សម្រាប់ការញាំ យេីងត្រូវត្រៀមរបស់ណាក្រៀមៗទុកបានយូរ ស្រាល... ដូចជាត្រីងៀត ងៀតគោ និងសាច់ក្រក ចំពោះអង្ករដាំបាយ គឺទិញអ្នកភូមិនៅខាងក្រោមយកទៅលេីភ្នំ ។ គួរត្រៀមមីកំប៉ុង នំបុ័ង ត្រីខ ឬទឹកដោះគោក្រែម កាហ្វេ... សម្រាប់ជាអាហារពេលព្រឹក ។ នៅទីនោះមានទឹកធ្លាក់ដែលមានទឹកល្មមអាចប្រេីប្រាស់បានសម្រាប់ងូត ដាំញាំ ឬធ្វេីម្ហូប បេីអាចគួរទិញសម្រាប់ចម្រោះទឹក ប្រេីប្រាស់ផ្ទាល់ខ្លួន។
ការបន្ទោរបង់
នៅលេីនោះគ្មានបង្គន់អនាម័យទេ សម្រាប់ការបន្ទោរបង់ យេីងគួរមានកូនចប ឬបែល ដេីម្បីងាយស្រួលជីកដីកប់ ហេីយកុំភ្លេចក្រដាស់សេីម ។
សូមជួយរក្សាអនាម័យ និងរៀបចំប្រមូលសម្រាមអោយបានត្រឹមត្រូវ ដេីម្បីអោយទេសភាពទីនោះ កាន់តែស្រស់បំព្រងសម្រាប់យេីងទាំងអស់គ្នា ។

26/09/2020

ថ្ងៃបាក់រសៀល អ្នកភូមិល្វាឯម ចាប់ឃ្វាលក្របីវិលត្រលប់ទៅលំនៅដ្ឋានវិញ។ រដូវច្រូតកាត់ស្រូវហើយ អ្នកភូមិតែងប្រមូលចំបើង និងយកក្របីមកស៊ីច្រាំងស្រូវ

Address

Phnom Penh
855

Website

facebook.com

Alerts

Be the first to know and let us send you an email when Kampuchea Photography posts news and promotions. Your email address will not be used for any other purpose, and you can unsubscribe at any time.

Kampuchea Photography