13/07/2026
សេចក្តីគោរពថ្លែងអំណរគុណ
____________________
យើងខ្ញុំទាំងអស់គ្នាជាក្រុមគ្រួសារនៃសពលោកជំទាវមហាឧបាសិកាពុទ្ធសាសនូបត្ថម្ភក៏ ឈឹម ស្រីមុំ សូមគោរពថ្លែងអំណរគុណដ៏ខ្ពង់ខ្ពស់បំផុត ប្រគេនព្រះតេជគុណ ព្រះសង្ឃគ្រប់ព្រះអង្គ គោរពជូនសម្តេច ឯកឧត្តមបណ្ឌិតសភាចារ្យ ឯកឧត្តមរដ្ឋមន្ត្រី ឯកឧត្តមលោកជំទាវសមាជិកព្រឹទ្ធសភា រដ្ឋសភា ឯកឧត្តម ប្រធានក្រុមប្រឹក្សាខេត្ត រដ្ឋបាលខេត្ត ក្រុង ស្រុក ឯកឧត្តម លោកជំទាវ កងកម្លាំងសមត្ថកិច្ច លោក លោកស្រី ញាតិមិត្តជិតឆ្ងាយទាំងអស់ ដែលបាននិមន្ត និងអញ្ជើញចូលរួមរំលែកសេចក្តីទុក្ខដ៏សែនក្រៀមក្រំបំផុត ប្រកបដោយព្រហ្មវិហារធម៌ និងសេចក្តីសណ្តោសដ៏ខ្ពង់ខ្ពស់ជាមួយយើងខ្ញុំទាំងអស់គ្នាជាក្រុមគ្រួសារនៃសព ដែលបានបាត់បង់លោកជំទាវ ឈឹម ស្រីមុំ ត្រូវជាភរិយា អ្នកម្តាយ បងប្អូន និងជីដូន ជាទីគោរពស្រលាញ់ បំផុត ប្រកបដោយក្តីសោកស្តាយ អាឡោះអាល័យរកទីបំផុតគ្មាន។ យើងខ្ញុំទាំងអស់គ្នាជាក្រុមគ្រួសារនៃសព សូមចងចាំជារៀងរហូតមិនអាចបំភ្លេចបាននូវទឹកព្រះទ័យ ទឹកចិត្ត មេត្តា ករុណា ដ៏ខ្ពង់ខ្ពស់ឧត្តុង្គឧត្តមរបស់ ព្រះតេជគណ ព្រះសង្ឃគ្រប់ព្រះអង្គ សម្តេច ឯកឧត្តមបណ្ឌិតសភាចារ្យ ឯកឧត្តមរដ្ឋមន្ត្រី ឯកឧត្តមលោក ជំទាវសមាជិកព្រឹទ្ធសភា រដ្ឋសភា ឯកឧត្តមប្រធានក្រុមប្រឹក្សាខេត្ត រដ្ឋបាលខេត្ត ក្រុង ស្រុក ឯកឧត្តម លោក ជំទាវ កងកម្លាំងសមត្ថកិច្ច លោក លោកស្រី ញាតិមិត្តជិតឆ្ងាយទាំងអស់។
យើងខ្ញុំសូមបួងសួងគុណបុណ្យព្រះរតនត្រ័យ វត្ថុស័ក្តិសិទ្ធ សូមប្រទានពរជ័យ សិរីសួស្តី សុភមង្គល និងពុទ្ធពរទាំងប្រាំប្រការកុំបីឃ្លៀងឃ្លាតឡើយ។
