![លោកម៉ៅ ធនិន ប្រើ «កណ្តាប់ដៃដែក» បង្ក្រាបឃ្លាំងស្ករសខុសច្បាប់ដ៏ធំ នាំចូលពីប្រទេសថៃ បន្លំសំបកបាវវៀតណាម[ខេត្តកំពត] នៅរសៀលថ្...](https://img3.photlo.com/576/139/1264193755761398.jpg)
13/05/2026
លោកម៉ៅ ធនិន ប្រើ «កណ្តាប់ដៃដែក» បង្ក្រាបឃ្លាំងស្ករសខុសច្បាប់ដ៏ធំ នាំចូលពីប្រទេសថៃ បន្លំសំបកបាវវៀតណាម
[ខេត្តកំពត] នៅរសៀលថ្ងៃទី ១៣ ខែឧសភា ឆ្នាំ ២០២៦ នេះ លោក ម៉ៅ ធនិន អភិបាលនៃគណៈអភិបាលខេត្តកំពត បានដឹកនាំកម្លាំងចុះបង្ក្រាបផ្ទាល់ ទីតាំងស្តុក និងវេចខ្ចប់ស្ករសខុសច្បាប់មួយកន្លែង ស្ថិតក្នុងភូមិកំពង់ត្នោត ឃុំកូនសត្វ ស្រុកទឹកឈូ។ សូមជម្រាបថា ស្ករសនៃប្រទេសថៃចូលមកស្តុកទុក បន្លំភស្តុតាង ដោយផ្ទេរស្ករសពីបាវដើម (អក្សរថៃ) មកច្រកក្នុងសំបកបាវថ្មី (រូបសញ្ញាវៀតណាម) គោលបំណងបន្លំភ្នែកសមត្ថកិច្ច ដើម្បីងាយស្រួលដឹកជញ្ជូនបន្តទៅលក់នៅប្រទេសវៀតណាម។
នៅក្នុងប្រតិបត្តិការនេះ លោកម៉ៅ ធនិន បានមានប្រសាសន៍សង្កត់ធ្ងន់ថា៖ «យើងមិនលើកលែងឱ្យជាដាច់ខាត ចំពោះក្រុមឈ្មួញនាំទំនិញខុសច្បាប់។ នៅស្រុកខ្មែរយើងមិនខ្វះទេផលិតផលក្នុងស្រុក ហេតុអ្វីចាំបាច់នាំចូលពីក្រៅយកមកធ្វើបែបនេះ? យើងត្រូវរួមគ្នាលើកកម្ពស់ និងប្រើប្រាស់ផលិតផលខ្មែរ។
បច្ចុប្បន្ន វត្ថុតាងទាំងអស់ត្រូវបានដកហូត ហើយមន្ត្រីជំនាញកំពុងកសាងសំណុំរឿងបញ្ជូនទៅតាមនីតិវិធីច្បាប់ដោយគ្មានការយោគយល់។
ការអនុវត្តច្បាប់យ៉ាងតឹងរ៉ឹងនេះ ធ្វើឡើងដើម្បីពង្រឹងច្បាប់ ទប់ស្កាត់ទំនិញគេចពន្ធ និងការធ្វើអាជីវកម្មទុច្ចរិត។
ការពារសេដ្ឋកិច្ច៖ ជួយដល់អាជីវករដែលរកស៊ីត្រឹមត្រូវ និងរក្សាស្ថិរភាពទីផ្សារ ជំរុញឱ្យពលរដ្ឋងាកមកគាំទ្រ «ផលិតផលខ្មែរ»។
ប្រតិបត្តិការនេះទទួលបានការគាំទ្រយ៉ាងខ្លាំងពីសំណាក់ប្រជាពលរដ្ឋ ដែលចង់ឃើញការលុបបំបាត់បទល្មើសសេដ្ឋកិច្ចក្នុងខេត្តកំពត!។
