Algerini in Italia جزائريون في ايطاليا

02/05/2025

24/11/2024

كنا تتسحرو على 6 تاع الصباح نشؤبو الحليب و نروحو نقراو الدرس فيه 45 دقيقة و العشية نخرجوا على 14:30 نروحو نجرو للدار باھ نتفرجوا الكواسر و تجي يما و تقولي ذوقلي الشربة إذا مسمومة و لا مليحة.. من بعد تجي أنا خاتم سليمان و كل يوم بوراكة بوراكة مع حميد عاشوري و المغرب يأذن على 17:30 و نتا تفطر و تشوف في زير سانتورة معانا تعمل دورة و من بعد تجي ناس ملاح سيتي بيونة شفيقة و جحا، ليام بلا حدود جاو (الشاشرة الشاشرة غير ھاك) ثلاثي الأمجاد و بلا ما ننسو الضوء يروح خطرة على خطرة، ليل طويل تشبع الرقاد تصوم النھار بالنھار، و لا تصوم من صباح حتى 12 و النھار الثاني من 12 حتى المغرب، و تلصقھم و تتستنى العيد بفارغ الصبر و تبيت قشك بجانبك الليلة الأخيرة........ أين أنتم يا أصحاب ذاك الزمن الجميل 👨‍👩‍👦‍👦🌙👨‍👩‍👦‍👦🌙🤗

20/09/2024

بكري... 😂
عمك رافد بانس و السلك " باش يسڨم الباش "... و كي طيح الظلمة حتى تسمع في عمتك تقولهم" ديرولنا لامبا هنا راها مظلمة هاد البلاصة... " جداتك شارية عشرة كيلو تاع حنة ورڨية " تقولها السلام " تقولك رواح نديرلك شوية حنة "... عمك الكبير يعيط لعمتك و يقولها: زعما هداك الكبش لي دبحناه زعما يكفينا! " و عمتك تقولو: ايه يكفي و دوك أنا ندبر راسي فتقطاع "... و الزوبير وليد عمنا تاني ذبح كبش كتر من تاعنا و كفاهم و الماكلة جات بنينة...." و عمتك لوخرا رافدة غراف و دور بلا فايدة ... بنات عمك و عمتك يڨطعو فالخبز و يمنشرو ﴿ العباد لي يڨطعوهم كثر من الخبز لي ڨطعوه ﴾...😂😂.
الباش يدي فيها الريح و يرد ... الناس تشطح .. بابا يقولهم ماديروش الغنا .. جارنا يقولهم ابعتولي عشايا 🤭
الماء عند الجيران يبرد .. عمتي زعفانة .. خالتي تتنهد .. مرت عمي تبكي مرت خالي تتغاشى جارتنا تندب تفكرت عرسها
لعريس تقلق يقولهم صايي حاب نبطل 😂😂.. 🤭🤭😂 .وممبعد خالي يجي يدي مرتو بكري .. و تزيد تضرب وليدها بصقلة 🥺 الڤاطو ناقص ..🤭 دراري تبحرو 😳.. واحد زيدلي طرف لحم.😒. فاطمة عفست على سحور .🤭. سميرة سرقولها خاتم تع ذهب..😳 ..😒😒.. وحدة مدت خيمار يتحزمو بيه يدوهولها... الفراش مكاش وين يرقدو...دراري يبولو في الفراش 😒 😂😂سترينة تاع لماء مقارية عند لباب ودايرين غنية يالحبيبة ڨولي جوتام ولحبيبة ڨولي نبغيك 🙄
خمسين مرا لابسين طابلية و مكاش ڨاع لي تقضي وحدة تسرق في الڨاطو 😂

24/08/2024

معاكم البطلة لي ماعندها حتى بطولة😂😂😂

24/08/2024

عمي بوضو في العصلة

30/07/2024

انطلاق الرحلة من جينوفا إلى سكيكدة 29/07/2024