dsm-foto.it

Name: dsm-foto.it
Address: Runstweg 15, Castelbello, 39020, IT
Telephone: +393346014989

Casa
Italia
Castelbello
dsm-foto.it

Wenn an Fotograf brauchsch... lei melden! ;)

21/10/2024

#38 - Heit mol wos aktuelles
👇

Heit drzehl i enk amol eppes va zwoa Rebellen! Sie hoassn Lorenz und Leander! Sie hoben vor einigen Jahren die Idee kop, Kräuter für an Tee unzubauen. Sie sein durch Höhen und Tiefen gongen, hoben ober an ihrer Idee olm festgholten und hoben sich net unterkriagn glossn. Ihr Motto: Tee im Kopf und Natur im Herzen. Die Ausdauer hot sich ausgezohlt und sie sein heit mit dr Marke Kräuterrebellen sehr erfolgreich. I hon geterft für imene einige Produktfotos mochen und wer sie kennenlernen will oder imene Tee probieren, sie sein ob heit 4 Toge ba dr Hotelfochmesse in Bozen!

Südtiroler Kräuter Rebellen
👉 Halle C/D - Stand C21/38

14/10/2024

#37 - Kamera statt Ticket
👇

15 Johr isches her, dass in Bozen is leschte Schools Out Festival organisiert gwordn isch. Des wor Pflichttermin für olle Schialer… leider hots 2006 ban Auftritt va dr Bloodhound Gang an Vorfoll geben, dasses des Open Air nor nimmr long geben hot. Ban leschten mit Mando Diao hon i krot in dr Nähe a Shooting kop und bin drnoch zun Einloss, mit Kamera in dr Hond und hon gsog, i bin Fotograf und muas inni Fotos mochen. Und sie hoben mi inniglossn... Ohne Ticket! 😊 Des wor net is oanzigste mol, wo i is Fotograf sein ausgnutzt hon... a ba an Konzert, wor oanfoch koan Parkplotz... nor bin i zu die Fuierwehrleit zui und hon gsog i muas is Konzert fotografieren und hon nor mitn Auto foscht bis zur Bühne fohrn geterft! 😉 I woas net ob des heit no funktionieren wuret... 🤷‍♂️

11/10/2024

#36 - Dr orme Bräutigam
👇

Wos man ba an Gespräch mit an Brautpaarl ols so gfrog werd, honi schu amol drzehlt. Die Froge, wos isch wenn du kronk wersch kimp öfters vor… i stell sem oanfoch die Froge zrug: Wos isch wenn jemand va enk kronk werd? I hon meine Kontakte, dass jemand im schlimmsten Foll für mi inspringen konn. Obr ban Brautpaarl konn net guat jemand inspringen! Also isch is Brautpaarl eigentlich in dr blederen Situation! 😉
I hons erleb! I wor af a Hochzeit wo die Mogengrippe kursiert isch. Es hot in Bräutigam drwuschen! Na hot mir der orme Teifl load getun... vor ollem wennse ihm nor ba an Spiel gemocht hoben Joghurt essen... ober er hots topfer bis zum Schluss durchgezogen! 🤢

08/10/2024

#35 - Konkurrenz durch Handys
👇

Is Handy isch heit nimmr weckzudenken… a in dr Fotografie nimp is Handy a groasse Rolle in. Die Fotos werdn ollaweil besser und ehrlich gsog ba die opitmalen Bedingungen kennt man zwischen Kamera und Handy koan Unterschied. Und i bin dr Meinung: Gott sei Donk! Es hot vor Johren a Zeit geben, wo gonz viele a Spiegelreflexkamera gekaft hoben und viele va de, hobn nor gmoant sie sein iatz Fotograf, weil die Kamera mocht jo guate Fotos. Und de "Automatikprofis" hoben nor a Shootings ungenummen. Inzwischen sein die Handys obr so guat, dass so a Spiegelreflex in de nor decht zu umständlich gwordn isch... und mit an Handy getraut man sich nor decht net an Auftrog unzunemmen... besser für ins Fotografen! 😉

03/10/2024

#34 - Waldrapp Linus
👇

I bin überzeig, dass den Vogel net jeder kennt. Des isch a Waldrapp, a Vogel, der eigentlich schun so guat wia ausgstorbn wor. I hon jo schu amol drzehlt, dass 2020 i mit meine Kinder olle meglichen Vögel versuacht hon zu fotografieren. Der wor logisch a bsunders Projekt. Es gib a App, de unzoag, wo in Europa sich krot die Waldrappen aufholten. Und eines Tages hots ungezoag, dass oaner in Göflan isch. Da i krot Zeit kop hon, seinmr noch Göflan, a weil i wissn gwellt hon, wia guat de App isch. Und tatsächlich, mir hobnen gfunnen... und sel a bsunders schians Exemplar. Leider hot sichs ausergstellt, dass er ba ins glondet isch, weil er eppes folsches gfressn hot und a poor Tog drauf sel leider net überleb hot! Übrigens ollaweil sein a poor wieder af dr Durchreise... die App zoag Signale in Bozen und in Kastelruth! 😉

01/10/2024

#33 - Spinne auf Abwegen 🕷🕸
👇

De Gschicht hon i schu amol drzehlt, ober de isch so unglaublich, dass i sie oanfoch noamol drzehln muas. 2020 hot man als Fotograf bekonntlicherweise net viel zu tian kop und die Ausrüstung isch lei ummerglegn. In Frühjohr 2021 hon i meine Objektive ausergholt um sie zu putzn... oans isch oanfoch net sauber gwordn, bis i gsegn hon, der "Dreck" wor net afn Glos, sondern im Objektiv und es wor net dreckig, sondern es wor a Spinnennetz! Erster Gedonke, konn net sein, wia soll de do innikemmen!? I hons ingschickt und dr Service hots mir bestätigt und hot mir lei gschribn: "Ein Bild sagt mehr als 1000 Worte!" Es hot sich seggo a Spinne in mein Objektiv gemiatlich gmocht! Sie werd schun fotografieren lernen gwellt hobn! 😂

26/09/2024

#32 - Die Braut die sich traut
👇

Oane va meine ersten Hochzeitserfohrungen, i glab im zweiten Johr wo i Hochzeiten fotografiert hon... also long her! I nerves hoch 3… ba dr Braut drhoam um is Unlegen zu fotografieren. Normalerweise wortet man draussen und werd nor gruafen, wenn die Braut is Kleidl un hot, um nor die leschten Knöpfe no zu fotografieren. Net an dem Tog... die Braut im Bodemontel vor mir und wenn i nor will sogen, i wort draussen... zack isch dr Bodemontel weck. I Gentleman, drahn mi weck, obr nor kriag i lei no zu hearn: "So wersch koane Fotos drmochn"... und ihre Mama: "des wersch net is erste mol segen"!? Ok, nor holtmr amol is komplette Unlegen fescht. 🙈😂

23/09/2024

#31 - Mein Weg ohne Blitz
👇

Wenn i unkep hon zu fotografieren, hon i logisch einige Workshops besuacht… oaner wor für mi brutal wichtig. Ban sem hon i gsgen, welchen Weg i gian will. Is Thema van Workshop wor Studio- und Blitzfotografie. Mir woren in Neumarkt in an mitterolterlichen Hospiz und hoben sem mit an Model gshootet. Während die ondern obwechselnd mitn Blitz ummergschossen hobn, hon i zwischendrin olm ohne Blitz meine Fotos gmocht. I hon mitn Liacht gorbeitet, des i zur Verfügung kop hon und i find i hon die bessern, bzw. die interessanteren Ergebnisse erzielt, als de mit Blitz. Und so orbeit i heit no.. in Blitz verwend i lei, wenns wirklich net ondersch geat.

19/09/2024

#30 - Erstkommunion und die Mamis
👇

Ba a Erstkommunion is Strohlen va die Kinder inzufongen, in Stolz af die Frisuren und Gewänder ober a die Aufregung zu fotografieren isch eigentlich eppes schians! Warn do net die Eltern… na eigentlich die Mamis! Wo die Fotos wichtiger sein als die Erstkommunion selber... es geat sogor soweit, dass sie in die Kinder inreden, schaugs ba dr Kommunion in die Kamera, damit mir a schians Foto hoben. I bin huier selber in die Situation kemmen, dass i an Fotograf/in für a Erstkommunion gebraucht hon... i hon 13 Obsogen gekriag und die meisten mit dr Begründung "Na des tua i mir net un". Eigentlich dr gleiche Grund, wieso i es jo a nimmer tua! Es geat oanfoch net, af die verschiedenen Wünsche und Vorstellungen inzugian, man konn foscht lei verliern!

16/09/2024

#29 - Hochzeitsgost woas olles besser
👇

Af a Hochzeit bereitet man sich in dr Regel guat vor. Man lernt is Brautpaarl kennen und schaug af imene Wünsche inzugian, man lernt die Location kennen und versuacht nix in Zufoll zu überlossen. Oans isch olm Überraschung: Die Hochzeitsgäste... vor ollem de, de moanen a Fotograf zu sein. Erstaunlicherweise sein dejenigen obr nia van Brautpaarl gfrog gwordn ob net er (na i gender do iatz bewusst net, weil es worn bis heit olm Mander) die Hochzeit fotografieren kant. I sog nicht wenns zu an konstruktiven Gespräch kimp... leider isches ober oft so, dass man nor belehrt werd, wos man besser mochen kant. Dr Höhepunkt isch ober, wenn man va an Gost af Seite gschobn werd, mit dr Aussoge, "I hon schu gsegen, des werd nix". Nor hoassts: einatmen, ausatmen, lächeln, ignorieren, weitermochen. 😉

12/09/2024

#28 - Die Braut die sich nicht traut
👇

Eigentlich vergeat kaum a Hochzeit wo dr nervese Bräutigam vor dr Kirch va die Kollegen oder Verwondten gfuxt werd mit dr Aussoge: "Moansch die Braut kimp no?" Iatz isch dr Bräutigam amersch meistens nerves… a wenn man genau woas, dass sel net passiern werd, will man in der Situation sette Scherze net hearn. Obr stellts enk amol vor, die Braut kimp seggo net! I hons foscht erleb! I wor in dr Fria ba dr Braut is Unlegen zu fotografieren und hon die Braut ingsperrt in Bod vorgfunnen und die Schwester herausn de af ihr inred! Sie hot nimmer heiraten gwellt. Ihr isches in dr fria oanfoch zuviel gwordn und die Nerven sein durchgongen. I hon mi nor amol zruggezogen! Gute Nachricht: Die Schwester hot sie beruhigt und es wor schlussendlich a schiane Hochzeit!

09/09/2024

#27 - Blutendes Obst
👇
Zum Thema Nuionfong... i zoag wieder oans va meine Experimente in Unfong meiner Fotokarriere. Dass zu der Zeit nix vor mir sicher wor, hon i schu amol drzehlt, a is Obst nit. Des Foto isch oans va die ersten des i in a Fotocommunity online gstellt hon. Es isch net gonz schlecht unkemmen, obr a poor va die Kommentare hetn mi holt in die Irrenonstolt gschickt, weil sie versteckte Mordgedonken vermutet hobm... Nana i hon lei awia experimentiert und mir gfollt is Ergebnis! Zur Info: Ketchup und Erdbeere schmeckt net! ;)

Indirizzo

Runstweg 15
Castelbello
39020

Telefono

+393346014989

Sito Web

http://www.dsm-foto.it/

Notifiche

Lasciando la tua email puoi essere il primo a sapere quando dsm-foto.it pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.

Contatta L'azienda

Invia un messaggio a dsm-foto.it:

Nome:

E-mail:

Messaggio:

Scelte rapide

Vuoi che la tua azienda sia il Servizio Fotografico più quotato a Castelbello?