15/05/2024
ਸੰਤ ਬਾਬਾ ਪ੍ਰੇਮ ਸਿੰਘ ਜੀ ਮੁਰਾਲੇ ਵਾਲਿਆਂ ਦੀ ਬਰਸੀ ਸਮਾਗਮ ਮੌਕੇ ਤਿਆਰ ਹੋਵੇਗਾ ਖੰਡੇ ਬਾਟੇ ਦਾ ਅੰਮ੍ਰਿਤ । ਗੁਰਦੁਆਰਾ ਸਿੰਘ ਸਭਾ ਫਲੈਰੋ ਵਿਖੇ।
8 ਜੂਨ ਨੂੰ ਅੰਮ੍ਰਿਤ ਅਭਿਲਾਸ਼ੀਆਂ ਨੂੰ ਫਰੀ ਕਕਾਰ ਵੀ ਦਿੱਤੇ ਜਾਣਗੇ।
ਬਰੇਸ਼ੀਆ- 15 ਜੂਨ (ਸਵਰਨਜੀਤ ਸਿੰਘ ਘੋਤੜਾ)- ਬ੍ਰਹਮ ਗਿਆਨੀ ਸੰਤ ਬਾਬਾ ਪ੍ਰੇਮ ਸਿੰਘ ਜੀ ਮੁਰਾਲੇ ਵਾਲੇ ਜਿਨ੍ਹਾ ਦਾ ਜਨਮ 1882 ਨੂੰ ਖੋੜੀ ਦੂਨਾ ਸਿੰਘ (ਹੁਣ ਪਾਕਿਸਤਾਨ) ਵਿਖੇ ਹੋਇਆ, ਪਰ ਉਨ੍ਹਾਂ ਦੇ ਜਨਮ ਤੋਂ ਕੁਝ ਦਿਨ੍ਹਾਂ ਬਾਦ ਹੀ ਉਨ੍ਹਾਂ ਦੀ ਮਾਂ ਮਾਤਾ ਨਿਹਾਲ ਕੌਰ ਜੀ ਦੁਨੀਆਂ ਤੋਂ ਚੱਲ ਵਸੇ, ਪਿਤਾ ਸ. ਵਿਸਾਵਾ ਸਿੰਘ ਜੀ ਲਈ ਛੋਟੇ ਬੱਚੇ ਨੂੰ ਪਾਲਣਾ ਬਹੁਤ ਔਖਾ ਸੀ, ਇਸ ਲਈ ਉਨ੍ਹਾਂ ਨੇ ਦੂਜੀ ਸ਼ਾਦੀ ਕਰ ਲਈ, ਪਰ ਦੂਜੀ ਮਾਂ ਦਾ ਬਾਲ ਪ੍ਰੇਮ ਸਿੰਘ ਨਾਲ ਉਹ ਪਿਆਰ ਨਾ ਬਣਿਆ ਜੋ ਬੱਚੇ ਦਾ ਅਪਣੀ ਮਾਂ ਨਾਲ ਹੁੰਦਾ ਹੈ, ਇਸ ਲਈ ਬਾਲ ਬਾਬਾ ਪ੍ਰੇਮ ਸਿੰਘ ਜੀ ਦੀ ਪਾਲਣਾ ਪੋਸਣਾ ਉਨ੍ਹਾਂ ਦੇ ਦਾਦਾ ਜੀ ਸ. ਅਰੂੜ ਸਿੰਘ ਨੂੰ ਕਰਨੀ ਪਈ, ਦਾਦਾ ਜੀ ਨੇ ਪ੍ਰੇਮ ਸਿੰਘ ਨੂੰ ਗੁਰਬਾਣੀ ਦੇ ਲੜ੍ਹ ਲਾਇਆ ਅਤੇ ਬਚਪਨ ਤੋਂ ਹੀ ਉਨ੍ਹਾਂ ਨੂੰ ਗੁਰਬਾਣੀ ਅਤੇ ਇਤਿਹਾਸ ਸੁਣਾਉਂਦੇ ਰਹਿੰਦੇ, ਇਸ ਲਈ ਜਿਆਦ ਸਮਾਂ ਗੁਰਬਾਣੀ ਅਤੇ ਸੇਵਾ ਵਿਚ ਬਤੀਤ ਹੁੰਦਾ, ਉਨ੍ਹਾਂ ਨੂੰ ਇੱਕ ਵਾਰ ਮੁਰਾਲੇ ਵਿਖੇ ਜਾਣ ਦਾ ਸਮਾਂ ਮਿਿਲਆ ਜਿਥੇ ਉਸ ਸਮੇਂ ਦਮਦਮੀ ਟਕਸਾਲ ਦੇ ਮੁਖੀ ਬਾਬਾ ਬਿਸ਼ਨ ਸਿੰਘ ਜੀ ਸੇਵਾ ਸੰਭਾਲ ਕਰਦੇ ਸਨ, ਉਥੇ ਪਹੁੰਚ ਕੇ ਜਦੋਂ ਬਾਲ ਬਾਬਾ ਪ੍ਰੇਮ ਸਿੰਘ ਜੀ ਨੇ ਦਰਸ਼ਨ ਕੀਤੇ ਤੇ ਫਿਰ ਉਥੇ ਦੀ ਹੀ ਹੋ ਕੇ ਰਹਿ ਗਏ, ਘਰ ਜਾਣ ਦਾ ਜੀ ਨਾ ਕੀਤਾ, ਆਪਣੇ ਦਾਦਾ ਜੀ ਨੂੰ ਕਿਹਾ ਕਿ ਮੈਂ ਹੁਣ ਇਥੇ ਰਹਿ ਕੇ ਹੀ ਸੇਵਾ ਕਰਾਂਗਾ, ਬਾਲ ਪ੍ਰੁੇਮ ਸਿੰਘ ਜੀ ਨੇ ਉਥੇ ਰਹਿ ਕੇ ਜਿਥੇ ਰਾਤ ਦਿਨ ਗੁਰਬਾਣੀ ਸਿਮਰਨ ਕੀਤਾ ਅਤੇ ਸੇਵਾ ਕੀਤੀ ਜਿਸ ਦਾ ਪ੍ਰਭਾਵ ਜਿਥੇ ਆਮ ਸੰਗਤ ਵਿਚ ਵਧੀਆ ਪਿਆ ਉਥੇ ਹੀ ਬਾਬਾ ਬਿਸ਼ਨ ਸਿੰਘ ਜੀ ਵੀ ਆਪ ਜੀ ਦੇ ਸੇਵਾ ਸਿਮਰਨ ਤੋਂ ਖੁਸ਼ ਹੋਏ ; ਜਦੋਂ ਪ੍ਰੇਮ ਸਿੰਘ ਜੀ 26-27 ਸਾਲ ਦੇ ਹੋਏ ਤੇ ਉਨ੍ਹਾਂ ਨੂੰ ਬਾਬਾ ਬਿਸ਼ਨ ਸਿੰਘ ਜੀ ਨੇ ਡੇਰਾ ਮੁਰਾਲੇ ਦੀ ਵਾਗ ਡੌਰ ਸੰਭਾਲਣ ਜਿੰਮੇਵਾਰੀ ਦੇ ਦਿੱਤੀ, 1908 ਦੇ ਵਿਚ ਬਾਬਾ ਪ੍ਰੇਮ ਸਿੰਘ ਜੀ ਨੇ ਜਿੰਮੇਵਾਰੀ ਸੰਭਾਲ ਲਈ ਅਤੇ ਉਸ ਤੋਂ ਬਾਦ ਫਿਰ ਆਪ ਜੀ ਨੇ ਪਿੰਡ ਪਿੰਡ ਜਾ ਕੇ ਲੋਕਾਂ ਨੂੰ ਸੇਵਾ ਸਿਮਰਨ ਵਾਲੇ ਪਾਸੇ ਜੋੜਿਆ, ਵਿਿਦਆ ਦੇ ਲਈ ਵੱਖ ਵੱਖ ਸਥਾਨਾਂ ਤੇ 4 ਸਕੂਲ ਬਣਵਾਏ ਜਿਥੋਂ ਪੜ੍ਹ ਕੇ ਬੱਚੇ ਉਚ ਅਹਦਿਆਂ ਤੇ ਪੁੱਜੇ, ਲੋਕਾਂ ਨੂੰਂ ਨਸ਼ਿਆਂ ਤੋਂ ਹਟਾ ਕੇ ਅੰਮ੍ਰਿਤ ਛਕਾ ਕੇ ਗੁਰੂ ਨਾਲ ਜੋੜਿਆ, ਸ਼੍ਰੀ ਹਰਮੰਦਿਰ ਸਾਹਿਬ ਵਿਖੇ ਹਰਿ ਕੀ ਪੌੜੀ ਦੀ ਸੇਵਾ ਵੀ ਕਰਵਾਈ, ਜਿਥੇ ਕਿ ਅੱਜ ਉਨ੍ਹਾਂ ਨਾਮ ਦਾ ਪੱਥਰ ਸ਼ਸ਼ੋਭਿਤ ਹੈ ਜਿਸ ਉਪਰ ਲਿਿਖਆ ਹੈ ਕਿ ਇਸ ਪਰਗਣੇ ਦੀ ਸੇਵਾ ਸੰਤ ਬਾਬਾ ਪ੍ਰੇਮ ਸਿੰਘ ਮੁਰਾਲੇ ਵਾਲਿਆਂ ਨੇ ਕਰਵਾਈ, ਸਮਾਜ ਵਿਚ ਚੱਲ ਰਹੀਆਂ ਬੁਰਿਆਂਈਆਂ ਨੂੰ ਦੂਰ ਕਰਨ ਲਈ ਪਿੰਡ ਪਿੰਡ ਜਾ ਕੇ ਲੋਕਾਂ ਨੂੰ ਪ੍ਰੇਰਿਆ ਅਤੇ ਸਾਦੇ ਵਿਆਹ ਸਾਦੇ ਭੋਗ ਪਾਉਣ ਦੀ ਪ੍ਰੰਪਰਾ ਸ਼ੁਰੂ ਕਰਵਾਈ, ਜਾਤ ਪਾਤ ਦੇ ਬੰਧਨਾਂ ਤੋਂ ਮੁਕਤ ਕਰਵਾਇਆ, ਆਪ ਜੀ ਦੋ ਵਾਰ ਐਮ ਐਲ ਏ ਵੀ ਬਣੇ,ਤੇ ਸੰਤ ਸਿਪਾਹੀ ਦੀ ਸੇਵਾ ਨਿਭਾਈ, ਉਨ੍ਹਾਂ ਦੇ ਕੀਤੇ ਕਾਰਜਾਂ ਦੀ ਜੇਕਰ ਗੱਲ ਕੀਤੀ ਜਾਵੇ ਤੇ ਬਹੁਤ ਜਿਆਦਾ ਲਿਖਣ ਦੀ ਲੋੜ ਪਵੇਗੀ, ਕਿਉਂਕਿ ਉਨ੍ਹਾਂ ਨੇ ਆਪਣੇ ਜੀਵਨ ਕਾਲ ਵਿਚ ਬਹੁਤ ਹੀ ਲੋਕ ਭਲਾਈ ਦੇ ਕਾਰਜ ਕੀਤੇ, ਸੰਨ 1947 ਦੀ ਵੰਡ ਤੋਂ ਬਾਦ ਆਪ ਬੇਗੋਵਾਲ (ਜਿਲਾ ਕਪੂਰਥਲਾ ) ਵਿਖੇ ਆ ਗਏ ਅਤੇ ਨਾਲ ਹੀ ਲੁਬਾਣਾ ਬਰਾਦਰੀ ਦੇ ਲੋਕਾਂ ਲਈ ਉਥੇ ਰਹਿਣ ਲਈ ਜਗ੍ਹਾ ਬਣਵਾਈ, ਉਸ ਸਮੇਂ ਇਥੇ ਦੀ ਧਰਤੀ ਜਿਆਦਾਤਰ ਕੱਲਰ ਸੀ ਤੇ ਖੇਤੀ ਵੀ ਘੱਟ ਹੁੰਦੀ ਸੀ, ਇਸ ਲਈ ਕੁਝ ਲੁਬਾਣਾ ਪ੍ਰੀਵਾਰ ਪਿਹੋਵਾ (ਹਰਿਆਣਾ) ਏਰੀਆ ਵਿਚ ਵੀ ਚਲੇ ਗਏ। ਪਰ ਬਾਬਾ ਜੀ ਕਿਹਾ ਕਰਦੇ ਸਨ ਕਿ ਸਮਾਂ ਆਵੇਗਾ ਇਹ ਧਰਤੀ ਕੱਲਰ ਨਹੀਂ ਰਹੇਗੀ , ਤੇ ਬਹੁਤ ਮਹਿੰਗੀ ਧਰਤੀ ਵਜੌਂ ਜਾਣੀ ਜਾਵੇਗੀ, ਸੰਨ 1950 ਦੇ 2 ਜੂਨ ਨੂੰ ਬਾਬਾ ਜੀ ਬੇਗੋਵਾਲ ਦੀ ਧਰਤੀ ਤੇ ਸਰੀਰਕ ਚੋਲਾ ਛੱਡ ਗਏ, ਜਿਥੇ ਉਨ੍ਹਾਂ ਦੀ ਯਾਦ ਵਿਚ ਹਰ ਸਾਲ 2 ਅਤੇ 3 ਜੂਨ ਨੂੰ ਭਾਰੀ ਮੇਲਾ ਲੱਗਦਾ ਹੈ, ਬਾਬਾ ਜੀ ਦੇ ਦਰਸਾਏ ਹੋਏ ਮਾਰਗ ਤੇ ਅੱਜ ਵੀ ਚੱਲਣ ਦੀ ਲੋੜ ਹੈ ਸਾਨੂੰ ਆਪਣੇ ਵਾਧੂ ਦੇ ਖਰਚੇ ਘਟਾ ਕੇ ਸਮਾਜ ਦੀ ਭਲਾਈ ਲਈ ਉਹ ਪੈਸਾ ਲਾਉਣਾ ਚਾਹੀਦਾ ਹੈ, ਤੇ ਬਾਬਾ ਜੀ ਦੁਆਰਾ ਚਲਾਈ ਗਈ ਅੰਮ੍ਰਿਤ ਸੰਚਾਰ ਦੀ ਲੜੀ ਨੂੰ ਅਗੇ ਤੋਰਿਆ ਜਾਣਾ ਚਾਹੀਦਾ ਹੈ।
ਅੱਜ ਦੁਨੀਆਂ ਦੇ ਬਹੁਤ ਸਾਰੇ ਮੁਲਕਾਂ ਵਿਚ ਇਲਾਕੇ ਦੇ ਲੋਕ ਪੁੱਜ ਚੁੱਕੇ ਹਨ, ਅਮਰੀਕਾ, ਕੈਨੇਡਾ, ਯੂਰਪ, ਆਸਟਰੇਲੀਆ, ਨਿਊਜੀਲੈਂਡ ਇੰਗਲੈਂਡ, ਇਟਲ਼ੀ ਵਿਚ ਹਰ ਸਾਲ ਉਨ੍ਹਾਂ ਦੀ ਯਾਦ ਵਿਚ ਭਾਰੀ ਸਮਾਗਮ ਕਰਵਾਏ ਜਾਂਦੇ ਹਨ, ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਵਿਖੇ ਵੀ ਹਰ ਸਾਲ ਬਰਸੀ ਸਮਾਗਮ ਵੱਡੇ ਪੱਧਰ ਤੇ ਕਰਵਾਏ ਜਾਂਦੇ ਹਨ, ਇਸ ਵਾਰ 7,8 ਅਤੇ 9 ਜੂਨ ਨੂੰ ਬਰਸੀ ਸਮਾਗਮ ਕਰਵਾਏ ਜਾ ਰਹੇ ਹਨ, 8 ਜੂਨ ਨੂੰ ਅੰਮ੍ਰਿਤ ਦਾ ਬਾਟਾ ਤਿਆਰ ਹੋਵੇਗਾ, 8 ਜੂਨ ਸ਼ਾਮ ਅਤੇ 9 ਜੂਂਨ ਵੱਡੇ ਕੀਰਤਨ ਦਰਬਾਰ ਹੋਣਗੇ, ਜਿਥੇ ਅੰਤਰਾਸ਼ਟਰੀ ਕੀਰਤਨ ਜਥੇ, ਕਥਾਵਾਚਕ. ਢਾਡੀ ਜੱਥੇ ਪੁੱਜ ਰਹੇ ਹਨ ਜੋ ਸੰਗਤਾਂ ਨੂੰ ਇਲਾਹੀ ਗੁਰਬਾਣੀ ਦੇ ਕੀਰਤਨ ਕਥਾ ਵੀਚਾਰਾਂ ਰਾਹੀਂ ਨਿਹਾਲ ਕਰਨਗੇ। ਵੱਧ ਚੜ੍ਹ ਕੇ ਇਨ੍ਹਾਂ ਸਮਾਗਮਾਂ ਵਿਚ ਹਾਜਰੀ ਭਰ ਕੇ ਗੁਰੂ ਘਰ ਦੀਆਂ ਖੁਸ਼ੀਆਂ ਪ੍ਰਾਪਤ ਕਰੋ ਜੀ।
