27/01/2023
كوردى/ Kurdî
شاندەكێ وەزارەتا دەرڤەیا ئەڵمانیا سهرهدانا پهرستگهها لالش كر
ئيرۆ ئينيێ 27/1/2023،شاندەكێ وەزارەتا دەرڤەیا ئەڵمانیا سەرەدانا پەرستگەها پيرۆزا لالش كر وژلايێ هژمارهكا كهسايهتيێن ئێزديان ڤه هاته پێشوازيكرن.
شاندێ وەزارەتا دەرڤەیا ئەڵمانیا كو پێكهاتبوو ژ"ستیڤان شنێك" بەرپرسێ دۆسەیا عێراق و سووریا ل وەزارەتا دەرڤەیا ئەڵمانیا و كۆنسلێ گشتیێ وی وەڵاتی ل هەرێما كوردستانێ،ژلايێ "ههرمان ميرزا بهگ" وهكيلێ ميرێ ئێزديان و بابا شێخێ ئێزديان و "سهعيد جردۆ" سهرۆكێ دهستهيا بلندا بنگههێ لالش و "حسێن قاسم حهسون" نوونهرێ حكومهتا ههرێما كوردستانێ و "دهخيل قاسم حهسون" و "سعود مستۆ" ڕێڤهبهرێ گشتى يێ كاروبارێن ئێزديان و "كهريم سلێمان" شيوهرمهندێ جڤاتا رۆحانى و "پير دهيان" رێڤهبهرێ ڕێڤهبهريا كۆچ و كۆچبهران ل دهۆكێ و وهكيل و نوونهرێن هۆزێن شنگال ڤه هاته پێشوازيكرن.
دههڤديتنێ دا دانوستاندن ل سهر ڕهوشا ئاواران ل كهمپان و چارهنڤيسێ ب ههزاران بێ سهر و شوونێن ئێزديان و چارهنڤيسێ شنگال هاته كرن.
ستیڤان شنێك،بەرپرسێ دۆسەیا عێراق و سووریا ل وەزارەتا دەرڤەیا ئەڵمانیا دياركر؛ئيرۆ ئهم هاتينه پهرستگهها لالش بۆ هندێ گرنگيا ئێزديان بۆ حكومهتا ئهلمانيا دوپات بكهين و گوهدارى گله و گازندێن وه بين بۆ هندێ بكارين بتر هاريكاريا وه بكهين.
ستیڤان شنێك ئهو ژى خوياكر؛ پشتهڤانى يا خۆ يا بێ سنوور بۆ مللهتێ ئێزدى دوپات دكهين و بهرههڤيا خۆ نيشاندا بۆ ديتنا ڕيگه چارهسهريان بۆ ڤهگهريانا ئاواران ژ كهمپان بۆ سهر دهڤهرێن وان،ههروهسا بهحس ل ڕێككهفتنا شنگال و گرنگيا وێ كر بۆ هندێ ژينگهههكا ئارام بۆ خهلكێ شنگال پهيدا ببت داكو ژيانا خۆ يا ئاسايى ب ڕێڤهببهن
سعود مستۆ،ڕێڤهبهرێ گشتى يێ كاروبارێن ئێزديان دياركر؛شاندێ وهلاتێ ئهلمانيا بۆ ژ نێزيك چاڤدێريا بجهئينانا وان 20خاڵان سهرهدانا پهرستگهها لالش كر كو پهرلهمانێ وى وهلاتى سهبارهت ب كۆمكوژيا ئێزديان پهسهنكريه و ئێخستيه ههمبهر حكومهتا ئهلمانيا.
ڕێڤهبهرێ گشتى يێ كاروبارێن ئێزديان ئاماژهكر؛مه داخواز ژ شاندێ ئەڵمانیا کر لگەڵ ههڤپەیمانێن نێڤ دەوڵەتی، بۆ ئاساییکرنا ڕهوشا شنگال فشارێ بێخنه سەر حكومهتا عێراقێ،گۆتژى هەموو داخوازيێن مه بۆ ڤهگەڕيانا ئێزدیان دوى چارچۆڤهى دانه كو ئيزدى ل شنگال ههست ب هندێ نهكهن جارهكا دى كومكوژى دووباره ببت.
زێدهتر گۆت:ئەڵمانیا بۆ کوردستانێ و ئاوارهيێن هەموو پێکهاتەيێن عێراقێ و ب تایبەت ژى ئێزدیان درێغی نەکريه.
Şandekê Wezareta Derveya Ellmanya seredana peristgeha Laliş kir
Îro înyê 27/1/2023,şandekê wezareta derveya ellmanya seredana peristgeha pîroza laliş kir û jilayê hijmareka kesayetyên êzidyan ve hate pêşwazîkirin.
Şandê wezareta derveya ellmanya ku pêkhatbû ji"stîvan şnêk" berpirsê doseya 'êraq û sûrya li wezareta derveya ellmanya û konsilê giştyê wî wellatî li herêma kurdistanê,jilayê "herman mîrza beg" wekîlê mîrê êzidyan û baba şêxê êzidyan û " seîd cirdo " serokê desteya bilinda bingehê laliş û "hisên qasim hesun" nûnerê hikumeta herêma kurdistanê û "dexîl qasim hesun" û "siud misto" rêveberê giştî yê karubarên êzidyan û "kerîm silêman" şîwermendê civata rohanî û "pîr deyan" rêveberê rêveberya koç û koçberan li duhokê û wekîl û nûnerên hozên şingal ve hate pêşwazîkirin.
Di hevdîtnê da danustandin li ser rewşa awaran li kempan û çarenvîsê bi hezaran bê ser û şûnên êzidyan û çarenvîsê şingal hate kirin.
Stîvan şinêk,berpirsê doseya 'êraq û sûrya li wezareta derveya ellmanya diyarkir;îro em hatîne peristgeha laliş bo hindê giringya êzidyan bo hikumeta elmanya dupat bikeyn û guhdarî gle û gaznidên we bîn bo hindê bikarîn bitir harîkarya we bikeyn.
Stîvan şinêk ew jî xuyakir; piştevanî ya xo ya bê sinûr bo milletê êzidî dupat dikeyn û berhevya xo nîşanda bo dîtina rîge çareseryan bo vegeryana awaran ji kempan bo ser deverên wan,herwesa behis li rêkkeftina şingal û gringya wê kir bo hindê jîngeheka aram bo xelkê şingal peyda bibit daku jyana xo ya asayî bi rêvebben
Siud misto,rêveberê giştî yê karubarên êzidyan diyarkir;şandê welatê elmanya bo ji nêzîk çavdêrya bichînana wan 20xallan seredana peristgeha laliş kir ku perlemanê wî welatî sebaret bi komkujiya êzidyan pesenkirye û êxistye hember hikumeta elmanya.
Rêveberê giştî yê karubarên êzidyan amajekir;me daxwaz ji şandê ellmanya kir ligell hevpeymanên nêv dewlletî, bo asayîkirina rewşa şingal fişarê bêxne ser hikumeta 'êraqê,gotjî hemû daxwazyên me bo vegerryana êzidyan duy çarçovey dane ku îzdî li şingal hest bi hindê neken careka dî kumkujî dûbare bibit.
Zêdetir got:ellmanya bo kurdistanê û awareyên hemû pêkhateyên 'êraqê û bi taybet jî êzidyan dirêxî nekirye.
منقول
