06/07/2025
” ژیانناما پێشمهرگێ شورهشا گولانێ خودێ ژێ رازی نورى بابوخكى “
پێشمهرگێ شورهشا 26ى گولانێ،
(نورى خهلیل ئهحمهد بابوخكى)
یێ ناسیار ب (نورى بابوخكى) ل سالا 1961ێ ل گوندێ بابوخكێ ل دهڤهرا دۆسكیا ژ دایك بوویه، ژ گوندێ وى (15) شههید ژوانا (7) ژ بنهمالێ، ژوانا (4) برا شههید بووینه.
پێشمهرگه نورى بابوخكى، د دیدارهكێ دا ل گهل رۆژناما ئهڤرۆ گۆت: بابێ من ل گوندى مرۆڤهكێ دهولهمهند بوو و مرۆڤهكێ نان دهه بوو و ب مال و سامانێ خوه گهلهك هاریكارى و پشتهڤانیا شورهشا ئیلونێ و گولانێ كریه و مالا مه وهك بارهگایهكێ پێشمهرگهى بوو ل ههر دو شورهشان و ههر چار برایێن ژ من مهزنتر بابێ من چهك بۆ كرین بوونه پێشمهرگه.
نورى بابوخكى، زێدهتر گۆت: ل سالا 1977 مالا مه ل گوندى بوو بۆ جارا ئێكێ هاتمه رێكخستن ل گهل (جاسم جاسم)ى و چوومه جزیرێ و هاتمه شهرنهخێ و چوومه ناف قوشیریا و مه پهیوهندى ب خودێ ژێ رازى (جوههر نامق سالم) كر و هاتمه وهرگرتن بوومه پێشمهرگه وى دهمێ قیادا موئهقت بوو، وى دهمى ژیێ من 16 سال بوو، ل سالا 1979 جارهكێ ب شهف ب بهرزهى ڤه هاتمه گوندى، ل سالا 1981ێ پشتى شهرێ عیراق و ئیرانێ دروست بووى ئێدى هێزا شورهشێ بهرفرههتر لێ هات ل دهڤهرێ و بارهگا ئینانه دهڤهرێ دووڤ دا هاتینه گوندى و پێشمهرگاتى بهردهوام بوو وى دهمى سهر ب لژنا دهۆكێ ڤه بووم.
پێشمهرگه نورى بابوخكى، زێدهتر گۆت: گهلهك جاران من مرنا خوه دیتى یه و من هزر كریه دووماهى یا ژیانا مه دهمێ ل سالا 1985ێ ل گوندێ ئالهكینا بریندار بوویم كهفتمه ناف لهشكهرێ عیراقێ و دهردورێن مه هاتنه دورپێچكرن و برینا من یا گران بوو و ههشت رۆژان من خوارن نهخوار و پێشمهرگهى برمه گوندێ بروجحهرا و گهلهك سوپاسیا بنهمالا (حجى عهلیێ بروحجرى) دكهم و ههشت رۆژا مام ل مالا وان و چ جارا قهنیا وان ژبیر نهكهم و دووڤ و رۆژا دووێ دهرمان گههشتنه مه ب رێكا (عزیز بابوخكى) و ههشت رۆژا سێلان دامن و وى دهمى ههمى ژ من بهیڤى ب بوون، دووڤ دا بۆ گوندێ گهلناسكێ هاتمه ڤهگوهاستن مالا (عهبدوللایێ حهجى مویساى) ماوێ ههیڤهكێ مامه ل وێرێ و گهلهك ماندیبوون ب من ڤه و چ جاران قهنجیا وان ژبیرناكهم، وى شهرى سێ رێكخراوا و بارهگایێ لژنێ ئهوژى رێكخراوا (ئهحمهد حاجى حسێن، شههیدێن گهڤهركێ، شههید محهمهد تاهر بێشنكى، دهشتا سێمێلێ) بهرگێریێن دهڤهرێ ژى پشكدار ب بوون، ل رۆژا 19/12/1985 دهمژمێر نههى شهڤێ شهرى دهست پێكر ههتا رۆژئاڤا بووى و هێزا گهلهك یا بهرفرهه بوو و چار فرۆكه ل گهل بوون، دوژمنى (11) جهنازه هێلانه بهر دهستێ مه و (31) بریندار دابوون، نهخوشترین شهر بوو پێشمهرگه (كامیران كورێمهى) شههید بوو و ئهم چار پێشمهرگه بریندار بووین.
دیسا ل سالا 1997ێ ژى هاتیمه برینداركرن و جارهكا دى ل شهرێ pkk ل ئامێدیێ بریندار بووم ب فرۆكێ ئینامه نهخوشخانێ و جارهكێ چیایێ شێلادزێ بریندار بووم و جارهكێ دى ل ههولێرێ برینداربووم.
نورى بابوخكى، زێدهتر گۆت: دژیێ خوه یێ پێشمهرگاتیێ دا پتر ژ 100 شهر و عهملیات و داستانێن پێشمهرگهى دا پشكدار بوویمه، ژوان عملیاتێن جهرگێ دوژمنى دا مه ئهنجامداین هێرشكرنا سهر بنگههێ پولیسان ل بهرۆشكێ و هێرشكرنا چهندین رهبیا ل نزاركێ و مه هاڤێته زیپوشهكێ دناڤبهرا سێجكێ كێڤلا و نێزیك زركا مهقر سریهكێ و گهلهك جاران مه هاڤێتى یه رهبیا ل ههمى دهڤهران وهك(زڤنكێ و بامهرنێ و مانگێشكێ ) و گهلهك دهڤهرێن دى ژى .
پێشمهرگه نورى بابوخكى ئهو ژى گۆت: ل سالێت ههشتێ شهرێ عیراق و ئیرانێ بوو خهلكى تهحملا شهرى نهبوو و خهلكى هزر دكر كوردن بۆ عهرهبان دێ خوه كوژیت لهوما دگههشتنه پێشمهرگهى و دیسا خوه پاراست ژى .
نورى بابوخكى گۆتژى: ئهگهر ئافرهت نهبا نهشیاین شورهشێ بكهین و ههر دو شورهشا ئافرهتا كورد رۆلهكێ مهزن ههبوو چونكه جلكێن پێشمهرگهى شیشتن و خوارن دایێ و جانێن پێشمهرگهى تژى نان دكر و ههمان دهم رۆلێ زهلامى ژى دگێرا چونكه ل مال زهلام بوو سهرپهرشتیا زارۆكێن خوه ژى دكر و چ جاران پێشمهرگه برسى نهشیا هێرشێ بكهت ئهگهر ئافرهت نهبا پێشمهرگهى نهشیا چ بكهت، ههر گوندهكێ چووباینێ ژنكا رێز ل مه دگرت و ههر تشتهكێ خوش ههبا ل مال نهدا زارۆكێن خوه بهلكو دا پێشمهرگهى و گهلهك جاران درهنگى شهف چووینه گوندهكى و ژنك دا رابیت خارنێ دروست كهت و جانتێن مه تژى كهت و مه دهته رێ.
نورى بابوخكى ئهو ژى گۆت: ل سالا 1979 دهمێ هێرشا دوژمنى هاتیه سهر مه ل سنورى و سێ چار جا هێرشا دوژمنى هاته سهر مه دو رۆژا مه خوارن و نان نه خوار و هێرشا دوژمنى ب فرۆكا هاتهمه و ئهو دهمهكێ نێزیك بوو ل سنورى هاتینه دهڤهرێ و بتنێ (10) مهتران هاتبووینه دسنورى دا وى سێ هێرش ئینان و ههر سێ هێرشێن دوژمنى هاتنه شكاندن وى دهمى سهدام هاته سهر دهست ههلاتێ و بهغدا ئالوزى كهفتنێ و لهشكهر هاته ڤهكێشان.
نورى بابوخكى زێدهتر گۆت: وى دهمى ئێزگێ دهنگێ كوردستانێ رۆلهكێ مهزن ههبوو دپشتهڤانیا پێشمهرگهى و خهلكى دا و ههر عملیاتهكا مه كربا دا ئێزگه بهحس كهت و ههكه مللهتى هاریكارى كربا دا بهحسێ مللهتى كهت و بهردهوام ههمى خهلكى و پێشمهرگهى گوهداریا ئێزگهى دكر و ححوكمهتا بهعس تشویش دكهره سهر .
نورى بابوخكى ئهو ژى گۆت: سێ برایێن من ل ئهنفالان حوكمهتێ بن ئاخكرن، برایهكێ منێ دى ل سالا 1985ێ هاته شههیدكرن.
پێشمهرگه نورى بابوخكى، گۆت : داخازێ ژ سهركردایهتیا پارتى دیموكراتى كوردستان دكهم و دادپهروهرانه مافێن ڤى خهلكى نههێنه بهرزهكرن چونكه ڤى مللهتى پتر ژ 70 سالانه خهباتێ دكهت و خهلكهك ههیه ههتا نوكه چ بوو نههاتیهكرن و داخازێ دكهین ئهڤ خهلكه نههێته ژبیركرن و بچاڤێ دادپهروهرانه تهماشه بكهنێ و ب ئێكگرتنێ ئهف قوناغه دهێته پاراستن و گههشتینه قوناغهكا باش مه حوكمهت و پهرلهمان و لهشكهر ههنه و ئهگهر ئێكگرتى بین دهولهتا كوردى ب ئانههیا خودێ نێزیكه.
