01/02/2020
മാർത്താണ്ഡവർമ്മ മഹാരാജാവ് തിരുവിതാംകൂർ രാജ്യത്തെ ശ്രീപദ്മനാഭന് സമർപ്പിച്ച ചരിത്രസംഭവമാണ് തൃപ്പടിദാനം. 1750 ജനുവരി മൂന്നാം തീയതിയാണ് (കൊല്ലവർഷം 925 മകരം 5; രേവതി നക്ഷത്രവും പൂർവ പക്ഷത്ത് സപ്തമിയും ചേർന്ന സുദിനം) രാജാവ് ഉടവാൾ ശ്രീപദ്മനാഭന് അടിയറവച്ച് രാജ്യം തൃപ്പടിയിൽ ദാനം ചെയ്തത്. അതിനുശേഷം ശ്രീപദ്മനാഭദാസൻ എന്ന പേരിൽ ഉടവാൾ തിരികെ വാങ്ങി. അന്നുമുതൽ അദ്ദേഹവും പിൻഗാമികളും ശ്രീപദ്മനാഭന്റെ ദാസന്മാർ എന്നനിലയ്ക്ക് ശ്രീപദ്മനാഭന്റെ പ്രതിപുരുഷന്മാരായി രാജ്യം ഭരിച്ചുകൊള്ളാമെന്നതായിരുന്നു തൃപ്പടിദാനത്തിന്റെ ആന്തരാർഥം. തിരുവിതാംകൂർ രാജാക്കന്മാർ അന്നു മുതൽ തങ്ങളുടെ പേരിനോട് ശ്രീ പദ്മനാഭദാസനെന്നും ബാലരാമവർമയെന്നും ചേർത്തുവന്നു. അവസാനത്തെ മഹാരാജാവായിരുന്ന ശ്രീ ചിത്തിര തിരുനാൾ വരെയുള്ള രാജാക്കന്മാർ തങ്ങളുടെ പേരിനൊപ്പം ഈ ബിരുദവും കൂടി ചേർത്തിരുന്നു.
The source of thrippadidhanam image is unknown and has been remastered by us for better quality .
Join Sree Padmanabha Swami Kshethram_Oru Nagarathinte Kadha Group
