24/05/2026
আজি ইং ২৪ মে' ২০২৬ দেওবাৰে প্ৰজাপিতা ব্ৰহ্মাকুমাৰী ঈশ্বৰীয় বিশ্ববিদ্যালয়ৰ শিৱসাগৰ কেন্দ্ৰৰ এক গাম্ভীৰ্য্য পূৰ্ণ অনুষ্ঠানত বি. কে. পৰিয়ালৰ মুঠ ৮ জন ছাত্ৰ-ছাত্ৰীক সদ্যঘোষিত SEBA আৰু CBSE ৰ দ্বাৰা অনুষ্ঠিত উচ্চ মাধ্যমিক শিক্ষান্ত পৰীক্ষা আৰু উচ্চতৰ মাধ্যমিক শিক্ষান্ত পৰীক্ষাত কৃতিত্বৰে সুখ্যাতি অৰ্জন কৰা ফলাফলৰ বাবে সম্বৰ্ধনা জনোৱা হয়। বি.কে. ৰিণু শম্মাই আঁত ধৰা এই অনুষ্ঠানত ব্ৰহ্মাকুমাৰীজৰ উজনি অসম, অৰুণাচল প্ৰদেশ, মিজোৰাম, নাগালেন্ডৰ সঞ্চালিকা ৰাজযোগিনী B. K. ৰজনী বাইদেৱে বৰ্তমান সময়ৰ উশৃংখল যুৱ মানসিকতাক কেনেদৰে আধ্যাত্মিক অনুশাসনৰে মনৰ স্থিৰতা, শান্তি আৰু সুস্থ মন আৰু সকাৰাত্মক চিন্তাৰে সমাজ গঠনত সহায় কৰিব পাৰি তাৰ ওপৰত সুন্দৰ ভাবে আলোচনা কৰে। আনুষ্ঠানিক শিক্ষাৰ উপৰিও যে নৈতিক শিক্ষা নহ'লে জীৱন সাৰ্থক নহয় তাৰ ওপৰত আলোকপাত কৰে।
সভাত আমন্ত্ৰিত মুখ্য অতিথি, সৰ্বশিক্ষা অভিযানৰ District Programme Officer শ্ৰীযুতা ৰিচা শয়কীয়া বাইদেৱে বৰ্তমানৰ নতুন শিক্ষা নীতি (NEP) আৰু চৰকাৰৰ বিভিন্ন বৃত্তি মূলক আচনি ওপৰত ছাত্ৰ-ছাত্ৰী তথা অভিভাৱক সকলক উদ্দেশ্যে বিস্তৃত ভাবে বক্তব্য প্ৰদান কৰে। যাৰ দ্বাৰা সকলোৱে উপকৃত হৈছে বুলি অনুভৱ কৰিব পাৰি। সভাত নৱাগতক বি. কে. পূৰ্ণিমা বেহেনে আদৰণি ভাষণ দিয়াৰ লগতে অনুষ্ঠানৰ লগত সংগতি ৰাখি ছাত্ৰ-ছাত্ৰীৰ উদ্দেশ্যে এটি সুমধুৰ গীত পৰিবেশন কৰি সকলোকে মোহিত কৰে। B.K. সন্ধ্যা বেহেনে মনৰ শান্তি আৰু একাগ্রতাৰ বাবে কেনেদৰে পৰমাত্মাৰ লগত সংযোগ কৰিব পাৰি (Meditation)তাৰ ব্যৱহাৰিক পথ প্ৰদৰ্শন কৰে। মুখ্য অতিথিক বি. কে. ৰজনী বাইদেউৱে ঈশ্বৰীয় উপহাৰ আৰু কিতাপৰ টোপোলা আগবঢ়াই। শেষত শলাগৰ শৰাই আগবঢ়াই B.K. ৰাহুল ভাইয়ে। আজিৰ সম্বৰ্ধনা জনোৱা ছাত্ৰ-ছাত্ৰীসকল হ'ল-
১/ মৌচুমী কুৰ্মী ২/ কৃষ্টি প্ৰিয়া গগৈ ৩/ উজ্জ্বলতা মাঝি ৪/ প্ৰণাম কৌশিক গিৰি ৫/ জয়শ্ৰী ঘোষ
৬/ সুপ্রভা ঘোষ ৭/ প্ৰজ্ঞান কাশ্যপ ৮/ অধ্যয়ন গিৰি
