27/08/2026
"रिनाकमा सम्माननीय मुख्यमन्त्रीको निर्देशनमा पर्यटकीय स्थलहरूको स्थलगत निरीक्षण: विकासका नयाँ योजनाहरू अघि बढ्ने संकेत"
सम्माननीय मुख्यमन्त्रीको विशेष निर्देशन र रिनाक टुरिजम डेभलपमेन्ट सोसाइटी (RTDS) को नेतृत्वमा आज रिनाक निर्वाचन क्षेत्रअन्तर्गत पाक्योङ जिल्लाका विभिन्न पर्यटकीय क्षेत्रहरूको स्थलगत भ्रमण तथा निरीक्षण कार्य सफलतापूर्वक सम्पन्न भएको छ। क्षेत्रमा पर्यटनको प्रवर्द्धन र नयाँ पूर्वाधार निर्माणका सम्भावनाहरू पहिल्याउन यो भ्रमण गरिएको हो।
यस भ्रमणका क्रममा टोलीले विशेष गरी कायुङस्थित फुर्बिन भ्यु पोइन्ट, पदमचे भ्यास्मेको गुफा भ्यु पोइन्ट, तथा बुदाङ कामेरे जीपीयू अन्तर्गत पर्ने ऐतिहासिक घोरले भिरको पैदल यात्रा गर्दै वस्तुस्थिति बुझेका थिए। पर्यटन विभागका विशेषज्ञ, सुपरिटेन्डेन्ट इन्जिनियर (SE) र जुनियर इन्जिनियर (JE) को प्राविधिक टोलीले यी क्षेत्रहरूको प्राविधिक पक्ष र विकासका सम्भावनाहरूको गम्भीर अध्ययन गरेको छ।
भ्रमणमा मुख्यमन्त्री कार्यालयका ओएसडी (OSD) श्री डी.बी. क्षेत्री, मुख्यमन्त्रीका गोपनीय सहायक श्री उर्गेन लेप्चा, RTDS का अध्यक्ष श्री विनोद सुब्बा, सोसाइटीका सदस्यहरू तथा एसकेएम (SKM) पार्टीका स्थानीय कार्यकर्ताहरूको बाक्लो उपस्थिति रहेको थियो। सबै सरोकारवालाहरूले स्थानीय बासिन्दका समस्या र आवश्यकताका बारेमा पनि जानकारी लिएका थिए।
आजको यस विशेष पैदल यात्रा तथा निरीक्षणले रिनाक क्षेत्रमा पर्यटनको जगलाई अझ बलियो बनाउने विश्वास गरिएको छ। स्थानीयस्तरमा पर्यटन व्यवसाय फस्टाउँदै गइरहेको अवस्थामा, आगामी दिनहरूमा यहाँ ठूला र आधुनिक विकासका कार्यहरू तीव्र गतिमा अघि बढ्ने स्पष्ट संकेत देखिएको छ। यसै भ्रमणको क्रममा टोलीले सिक्किम गरिब आवास योजना (SGAY) घरको स्थलगत अवलोकन गर्नुभएको साथै मेगा होम स्टे को पनि विशेष निरीक्षण गरेको थियो।
