भटकंती मुंबईची

भटकंती मुंबईची आमची मुंबई जिच्या आठवणींमध्ये कधीही

भटकंती पुन्हा...
22/03/2026

भटकंती पुन्हा...

मुंबईत पहिले सहा थर रचणारे मंडळ 1972 साली...बंड्या मारूती सेवा मंडळ.
26/07/2025

मुंबईत पहिले सहा थर रचणारे मंडळ
1972 साली...बंड्या मारूती सेवा मंडळ.

मुंबईच्या बेस्टच्या बसेस आणिक डेपोत. गेले वर्षभर कोर्टात केस चालू असल्यानं आणि कंत्राटदारांना पैसे न दिल्याने पडून आहेत....
25/07/2025

मुंबईच्या बेस्टच्या बसेस आणिक डेपोत. गेले वर्षभर कोर्टात केस चालू असल्यानं आणि कंत्राटदारांना पैसे न दिल्याने पडून आहेत.. त्यांची अवस्था बघा.

“द हिंदू” मध्ये आज आलेलं हे अप्रतिम छायाचित्र. एकंदरच राज्यकारभार कसा चालला आहे ह्यावर प्रकाश टाकणारं. धन्यवाद,

#मुंबई

नवा जन्म .... नवी जिद्द .... आईएका बॅंकेत दबक्या आवाजात , पोरी हे पैसै जरा मला भरून देशील का ? अशी विचारणा करणारी ह्या 7...
19/07/2025

नवा जन्म .... नवी जिद्द .... आई

एका बॅंकेत दबक्या आवाजात , पोरी हे पैसै जरा मला भरून देशील का ? अशी विचारणा करणारी ह्या 71 वर्षांची आई मला भेटली ....

तिने सांगितल्या प्रमाणे तिचे स्लिप भरण्यास मी सुरुवात करताच या थकलेल्या आईच्या चेहर्यावर एका गोड निखळ व स्मितहास्य मला दिसले ते पाहून खूप छान वाटले पण थोडी उत्सुकताही वाटली , की हे काय ? न रहावल गेल्यामुळे या आईला सहज विचारलं , या गोड हास्य मागच कारण काय ?

ऊत्तर ऐकल्यावर आणि पासबूक पाहिल्यावर माझ्या हातातलं पेन काही लिहेनास झाला .... डोळे चटकन पाणावले .... *आई* या नावात सहन करण्याची किती विलक्षण ताकद असते हे ज्वलंत उदाहरण माझ्या डोळ्यांसमोर धगधगत उभ पाहिल ....

या आईचे नाव आहे आशा ताई .... खूप वर्षांपूर्वी आपल्या एकुलत्या एक मुलीचे आनंदाने लग्न सोहळा पार पाडला ... काही वर्षांनंतर या आशा ताईंचे आधारस्तंभ म्हणजे त्यांचे यजमान देवाघरी गेले आणि आशा ताईंनच्या आयुष्याला आर्थिक व शारीरिक परिस्थितीची गळती लागली आणि आशा ताई उतरत्या वयात धुनी भांडी करू लागली .... कुठेतरी एकटी सावरत असतानाच दुर्दैवाने अचानक तिला दुसरा झटका बसला तो म्हणजे तिच्या एकुलत्या एक लाडक्या मुलीचा .... अचानक तीच्या मुलीचेही यजमान देवाघरी गेल्याचा निरोप या आईला कळला .... पण हा दूसरा झटका मात्र आशा ताईंना काही पचेनासा होता , कारण त्या धक्क्यामूळे तिच्या मुलीच्या मेंदूचा रक्तपुरवठा 90% पेक्षा कमी झाला होता व तीची मुलगी आता काही बोलवेनाशी व कळेनाशी वागू लागली आणि तीचे शरीर अगदी लहान मुला प्रमाणे हाल चाल करू लागले ....

ऐकट्या आईच्या उतरत्या वयात आपल काळजी घेणारी मुलगी जेंव्हा दुर्दैवाने स्वतःच लहान मुल होऊन आपल्या आई समोर येत तेव्हा या आईच्या काळजाचे काय हाल झाले असतील हे त्या माऊलीलाच माहित ....

या आईच्या डोळ्यासमोर जरी भयानक अंधार पसरला होता पण त्याच बरोबर आपल्या काळजाच्या तुकड्याची यापुढची महत्त्वपूर्ण जवाबदारीही स्पष्ट दिसत होती ....

सुन्न झालेल्या ह्या आईच्या मनात काही क्षणातच * आज आपल्या लेकीचा नवा जन्म झाला आहे* असा दैविक विचार आला आणि आज पासून पुन्हा एकदा आपण *तीचे आई बाबा होऊयात असे वाटू लागले* व अश्या परिस्थितीत लेकी समोर आपण लहान मुलं होऊन , लाचार व हतबल होऊन कस चालेल ? तिला आपण आता बर करण्याचा पुरेपुर प्रयत्न करूयात *या जिद्दीने* या आईची वाटचाल सुरू झाली

आता मला जगण्यासाठी एक नवी उम्मेदही मिळाली आहे असेही या आई पुढे म्हणाल्या .... नतमस्तक झाले मी या माऊली पुढे

आणि त्या क्षणा पासून 2 महिन्यातून एकदा का होईना न चुकता आपल्या कमवलेल्या 2000/- पगारातून मुलीच्या नावाने 50/- रू ही आई नेहमी बँकेत जमा करत .... आपली मुलगी उद्या बरी होईल व हे पैसे तिच्या कामाला येतील ही जबरदस्त इच्छाशक्ती ....

म्हणून तीच्या मुलीचे स्लिप कोणीही भरून देताना तिला आनंद होत .... आणि 2 वर्षात मुलीच्या खात्यात 1700 रू फक्त , फक्त हे जरी आपल्या साठी असतील तरीही ते ह्या आईसाठी तीच्या महिन्याभराचा पगार जमा होत होता व ही खुप मोठी गोष्ट असते हे मला शिक्षण्यास मिळाल .... किती हा आनंद किती हा समाधान.... ना कसली भूक , ना कसला हव्यास ना आयुष्याकडे कसली तक्रार ....

या आईच्या चेहर्यावरचा हा विलक्षण आनंद व समाधान मला व माझ्या सारख्या कितेक स्लिप भरत असलेल्यांना धन्यवाद असावा ...

*शालेय पुस्तकी परिक्षेत अशिक्षीत असुनही आयुष्याच्या खर्या परिक्षेत ही आई खरी उतरत असावी* .... खचून न जाता , आपल्या मुलीला टाकून न देता जिद्दीने व समाधानाने पुरेपूर जगण्याचा प्रयत्न करत आहे ही आई ....

जगायचे कसे हे धड्डे गिरवत असताना मलाही नव्याने खुप काही शिकवून गेली *आई* ....

Journalist - Asmita Puranik
___________________________________

"नमस्कार, मी हॉटेल गावरान बंधूचा ( तीनपैकी एक) सर्वेसर्वा..आज वार गुरवार, तारीख सतरा- सात- दोनहजार पंचवीस..आजपासून आपलं ...
17/07/2025

"नमस्कार,
मी हॉटेल गावरान बंधूचा ( तीनपैकी एक) सर्वेसर्वा..
आज वार गुरवार, तारीख सतरा- सात- दोनहजार पंचवीस..
आजपासून आपलं हॉटेल कायमस्वरूपी बंद राहील.
कारण की आपण जे सपान पाहून हॉटेल चालू केलं होतं तसं काई होताना दिसत नाई.. त्याच्यामुळं हॉटेल गावरान बंधू कायमचं बंद करतोय याची सर्वांनी नोंद घ्यावी. कोणीही इतक्या दिवस केली न्हाई तशीच गर्दी करू नई. धन्यवाद.
हॉटेल गावरान बंधू...आता सेट अप इकायचंय का इचरा अन् फायनल कितीला देता इचरा.."

खरंतर ही व्हिडिओ बनवण्यासाठी लिहिलेली स्क्रिप्ट होती पण ज्या गोष्टीची थोडी लाज वाटली पाहिजे त्या गोष्टीचा व्हिडिओ बनवून माज दाखवण्याची हिंमत झाली नाही म्हणून व्हिडिओ बनवायचा प्लॅन कॅन्सल केला.

तुम्हाला अजूनही मजाक वाटत असेल तर खरं सांगतो आम्ही एक जुलैपासून आमचं हॉटेल बंद केलं आहे.

आता मी हे फेसबुकवर का लिहितोय तर माझ्यासारखंच स्वतःचं हॉटेल सुरू करण्याचा विचार करत असलेल्या एखाद्या मित्राला ही पोस्ट वाचून अजून विचार करायला वेळ मिळेल आणि कदाचित माझं जे नुकसान झालं ते त्याचं होणार नाही.

माझा मुळ व्यवसाय गावरान बंधू शेतकरी उत्पादक कंपनी. यामध्ये आम्ही हिवाळ्यात आमच्या शेतातला ज्वारीचा गुळभेंडी हुरडा आणि इतर पदार्थ विकतो. हुरड्याचा सिझन फक्त हिवाळ्याचे तीन महिने असतो त्यामुळे बाकी वर्षभर मला विशेष असं काही काम नसतं. त्याकाळात गेली तीन चार वर्षे मी वेगवेगळे जॉब जॉइन केले पण जॉब करण्याचा माझा पिंड नाही त्यामुळे मी कुठे टिकलो नाही.

जन्मतःच आयुष्यात वेगवेगळे प्रयोग करण्याचा किडा असल्यामुळे माझी "एक ना धड भाराभर चिंध्या" अशी अवस्था आहे. त्यानुसार यावर्षी कुठे जॉब करायचा नाही असं ठरवून स्वतःचं हॉटेल सुरू करायचं ठरवलं आणि एप्रिल महिन्यात पुण्यात नवले मेडिकल कॉलेजसमोर शॉप भाड्याने घेऊन मी आणि माझा पार्टनर Rushikesh Navale आम्ही हॉटेल सुरू केलं.

शॉपचा मालक मित्र असल्याने तोही आमच्यात पार्टनर झाला त्यामुळे सुरुवातीला कराव्या लागणाऱ्या इन्व्हेस्टमेंटचे तीन भाग झाले. प्रत्येकाच्या वाट्याला येणारा आकडा एवढा काही मोठा नव्हता त्यामुळे हा प्रयोग फसला तरी खूप मोठं नुकसान होणार नाही आणि प्रयोग यशस्वी झाला तर भविष्यात अजून मोठा विचार करता येईल असा विचार करून आयुष्यात अजून एक प्रयोग करायचं ठरवलं.

इथे माझी पहिली चूक झाली ती म्हणजे निर्णय घेण्यात घाई.
हॉटेल व्यवसायाचे कुठलेही ज्ञान, अनुभव किंवा कौशल्य नसताना मी फॉर्ममध्ये येऊन क्रीज सोडली आणि काही कळायच्या आत स्टंप-आऊट झालो. तीनच महिन्यात माझ्यावर हॉटेल बंद करण्याची वेळ आली.

हॉटेल सुरू करताना आमच्या डोक्यात वेगळीच हवा होती त्यामुळे आम्ही हॉटेलच्या इंटेरियरवर मोकळ्या हाताने खर्च केला. भरपूर अनावश्यक सामान विकत घेतले. कलर थीम अन् लाईट्चा झगमगाट अन् नावाचा बोर्ड विचारू नका किती खर्च झाला ते...

तिघांपैकी कुणालाही स्वतः काही बनवत येत नसल्याने आम्हाला आचारी/वस्ताद/शेफ ठेवावा लागला. चपाती- भाकरी बनवायला आणि भांडी घासायला दोन महिला कामगार ठेवाव्या लागल्या. तिघांचा पगार, शॉपचे भाडे, लाईट बिल, किराणा, भाजीपाला, डेअरी, चिकन, नवीन घेतलेल्या वस्तूंचे ईएमआय असा आमचा महिन्याचा बेसिक खर्च लाखात होता.
हॉटेलचं उत्पन्न आणि हॉटेलचा खर्च यांचा ताळमेळ बसत नव्हता हे लक्षात येता येता आमचा पहिला महिना गेला.

हॉटेलच्या एरियाचा अभ्यास न करता आम्ही स्वतःच्या मनाने जेवणाचा मेनू आणि त्याच्या किंमती ठरवल्या आणि त्याचा व्हायचा तो परिणाम झाला. त्या एरियात बॅचलर आणि हॉस्टेलला राहणारी पब्लिक जास्त असल्याने त्यांना क्वालिटी चांगली देऊनही त्यांनी किंमत पाहून आमच्याकडे पाठ फिरवली ती कायमचीच.

आम्ही तीन महिने कष्ट भरपूर केले. सकाळी दहा ते रात्री बारा आम्ही हॉटेलला असायचो. काम करण्याबद्दल कुणाची काही अडचण नव्हती पण आम्हाला अपेक्षित व्यवसाय झाला नाही म्हणून आमचा हिरमोड झाला.त्यानंतर दुसरा महिना आम्ही आशेवर काढला आणि तिसरा निराशेत.

सुरूवातीला बरंच काही करण्याचा हुरूप होता पण हिरमोड होत गेल्यावर आमचा उत्साह मावळला. हॉटेलचे प्रभावी मार्केटिंग करण्यात आम्ही कमी पडलो. लिहून ठेवलेले अनेक प्लॅन्स कागदावरच राहिले. आमच्या वेळकाढूपणामुळे तीन महिन्यात आम्ही स्विगी झोमॅटोवर आमचे हॉटेल रजिस्टर करू शकलो नाही. अशा आमच्या अनेक चुका झाल्या. इथे लिहिता येणार नाहीत अशाही काही गोष्टी घडल्या आणि मग अजून पुढे होऊ शकणारं नुकसान टाळण्यासाठी आम्ही हॉटेल बंद करण्याचा निर्णय घेतला.

स्वतःचे हॉटेल सुरू करण्याच्या विचारात असलेल्या मित्रांसाठी गेल्या तीन महिन्यात मी शिकलेल्या काही गोष्टी लिहितो.

1) हॉटेलचा धंदा प्रॉफिटचा आहे का तर हो..हॉटेलमध्ये 50% किंवा त्यापेक्षा जास्तही प्रॉफिट राहू शकतं फक्त आपल्याला खर्चाच नियोजन जमलं पाहिजे.

2)आपल्याला जे विकायचं आहे ते स्वतःला बनवता येत असेल तर बेस्टच पण नसेल येत तर त्यासाठी लागणाऱ्या सामानाचा आणि खर्चाचा किमान अंदाज तरी आपल्याला असायला हवा.

3) आपण आपल्या ग्राहकाची परिस्थिती जज करू नये पण ज्या भागात आपल्याला व्यवसाय करायचा आहे तिथं राहणाऱ्या लोकांच्या income आणि spending capacity (खर्च करण्याची क्षमता) याचा अंदाज घेऊन आपल्या वस्तूंची किंमत ठरवावी.

4) एकमेकांवर डोळे झाकून विश्वास ठेवता येत असेल तरच पार्टनर घ्या आणि जास्तीत जास्त दोन पार्टनर असू द्या.

5) आपली एक्स्ट्रा मेहनत आपला विकास करणार आणि आपला कामचुकारपणा हा आपलंच नुकसान करणार हे सूत्र बहुतेक प्रत्येक व्यवसायाला लागू होईल.

6) धंद्याच्या गल्ल्यातला एक रुपयाही वैयक्तिक खर्चासाठी वापरू नये. एक अन् एक रुपयाचा हिशोब लागलाच पाहिजे.

7) सगळं देणं मिटवून झाल्यावर जेव्हा खात्यात प्रॉफिट शिल्लक राहत असेल किंवा strong back up plan असेल तेव्हाच लोन करावे.

8) यशस्वी झालात तर माजू नये कारण आपल्यापेक्षा खूप मोठमोठे लोक अतिशय नम्र असतात. अयशस्वी झालात तर लाजू नये.. अपयशातून शिकावं आणि हसत हसत पुढच्या आयुष्यातल्या प्रयोगाला सामोरं जावं.

यश पचवता नाही आलं तरी चालेल पण अपयश पचवता आलं पाहिजे म्हणून हा लेखनप्रपंच.

हॉटेल व्यवसायात उतरण्याच्या तयारीत असलेल्या आपल्या मित्रांना नक्की पाठवा.

धन्यवाद.
आपलाच - अमित मरकड

-----------------------------------------
संपादकीय नोंद : मोठ्या मनाने श्री मरकड ह्यांनी आपला व्यवसाय अयशस्वी ठरल्याचे मान्य केले. पण त्यांनी त्यातून इतरांना शिकायला मिळावे म्हणून हा लेख लिहिला आहे. त्याबद्दल त्यांना मनस्वी धन्यवाद. मराठी तरुणांनी करोडपती व्यावसायिकांचा आदर्श जरूर ठेवावा. पण ठेच लागलेल्या आपल्या बंधूंच्या अनुभवातूनही शिकावे. ह्यासाठी हा लेख महत्वाचा आहे. श्री मरकड ह्यांचा आगामी व्यवसाय हा नक्की फळास येईल, ही प्रार्थना. सदिच्छा.

हा फोटो कर्नाटक येथील डी-मार्ट चा आहे. सहज लक्ष गेल्यावर लक्षात आले की, इथे कोणत्याच फलकावर तिसरी भाषा नाही आहे... तर मह...
15/07/2025

हा फोटो कर्नाटक येथील डी-मार्ट चा आहे. सहज लक्ष गेल्यावर लक्षात आले की, इथे कोणत्याच फलकावर तिसरी भाषा नाही आहे... तर महाराष्ट्रामध्येच असे लाड का ? इथल्या सत्ताधारी व राजकीय पक्षांना का पुळका येत असेल बर ?

माझे दोन काका अनेक वर्ष सुरत मध्ये व्यापार करतायत आणी तीन पिढ्या तिथेच स्थायिक आहेत. फक्त भाषा नाही तर सर्व अर्थाने ते त...
04/07/2025

माझे दोन काका अनेक वर्ष सुरत मध्ये व्यापार करतायत आणी तीन पिढ्या तिथेच स्थायिक आहेत. फक्त भाषा नाही तर सर्व अर्थाने ते तिथलेच झालेत.

इथे जे अनेक वर्ष रहात आहेत त्यांनी इथली भाषा शिकावी, तिचा सन्मान करावा ही माफक अपेक्षा आहे आणी त्यात काहीही चुकीचं नाही.

व्यवसायाच्या निमित्ताने अनेक परभाषिक क्लायंट्स चा गोतावळा आहे. बहुतेक सगळे मराठी बोलतात. यात भय्ये आहेत, गुज्जू आहेत, जैन आहेत, साऊथचे आहेत, मुस्लिम आहेत, ख्रिश्चन आहेत.

परवा "लाभले आम्हास भाग्य" गाण्याचे स्टेटस ठेवले होते तर काही गुज्जू क्लायंट्सनी व्हिडीओ मागून स्टेटस ठेवला होता.

तूम्ही इथे नवीन आहात, किंवा फिरतीच्या नोकरी निमित्त काही महिन्यांकरता आलात तरीही इथल्या माणसांचा आणी भाषेचा मान ठेवावाच लागेल.

नही बोलेंगे, क्यू बोलने का मराठी, मुंबई क्या तुम्हारे बाप का है क्या म्हणणाऱ्याच्या कानाखाली काहीही न विचारता जाळ निघणारच. आम्हाला जेवढा पाहुणचार करायला आवडत तेवढंच एखाद्याचा माज उतरवायला पण.

बंद ची भीती कोणाला दाखवताय? तुमच्या राज्यात काही मिळत नव्हतं म्हणून घरदार सोडून इथे आलात ना. मग प्रेमाने रहा ना. आमच्यावर माज दाखवणाऱ्याची खाज कशी मिटवायची हे आम्हाला बरोबर माहितेय.

आमचा कोणी मराठी माणूस १५/२० वर्ष गुजरातला रहातोय आणी तो नही बोलेगा गुजराती, गुजरात क्या तुम्हारे बाप का है क्या म्हणतं असेल तर त्यालाही फटकवाव.

मराठी माणूस खूप आदरातिथ्यशील आहे. तो प्रेम करतोय तर ते घ्या. उगाच नादी लागू नका. भारी पडेल.

कोलते-पाटील डेव्हलपर्स ही केवळ एक रिअल इस्टेट कंपनी नाही, तर हजारो कुटुंबांच्या स्वप्नांचं घर आहे. विश्‍वास, गुणवत्ता आण...
26/06/2025

कोलते-पाटील डेव्हलपर्स ही केवळ एक रिअल इस्टेट कंपनी नाही, तर हजारो कुटुंबांच्या स्वप्नांचं घर आहे. विश्‍वास, गुणवत्ता आणि नावीन्यपूर्णतेचं मूर्तिमंत उदाहरण म्हणजे ही कंपनी – विशेषतः पुण्यात त्यांनी उभारलेले प्रकल्प म्हणजे शहरी जीवनशैलीची नवी व्याख्या!

या यशाचं मूळ आहे १९७० मध्ये जळगावमध्ये अनिरुद्ध पाटील यांनी घेतलेलं एक छोटं पण धाडसी पाऊल. त्यांच्या दूरदृष्टीने सुरू झालेला रिअल इस्टेट व्यवसाय पुढे त्यांच्या मुलांनी – राजेश पाटील (आजचे अध्यक्ष व व्यवस्थापकीय संचालक) आणि नरेश पाटील (उपाध्यक्ष) – यांचं नेतृत्वाखाली १९८९ मध्ये पुण्यात पसरवला. १९९१ मध्ये ‘कोलते-पाटील डेव्हलपर्स लिमिटेड’ ही खासगी कंपनी म्हणून स्थापन झाली आणि पुढे ती पब्लिक लिमिटेड झाली.

आज कोलते-पाटील ग्रुपची मार्केट व्हॅल्यू ₹4088 कोटींवर पोहोचली आहे.

२००७ मध्ये NSE आणि BSE वर कंपनी सूचीबद्ध झाली आणि भारतातल्या रिअल इस्टेटच्या क्षेत्रात त्यांनी आपली ठसठशीत ओळख निर्माण केली.

पुणे, मुंबई, बंगळूरू या शहरांमध्ये कोलते-पाटीलने आलिशान निवासी, व्यावसायिक आणि आयटी प्रकल्प उभारले आहेत. त्यांनी आतापर्यंत २० दशलक्ष (२०० लाख) चौरस फूटांहून अधिक बांधकाम पूर्ण केलं आहे.

त्यांचा ‘लाईफ रिपब्लिक हिंजवडी’ हा ४०० एकरमध्ये पसरलेला एकात्मिक टाउनशिप म्हणजे भविष्यातील शहर! याशिवाय ‘लिटिल अर्थ’, ‘स्प्रिंगशायर’, ‘थ्री ज्वेल्स’, आणि 24K Altura, Stargaze, Opula यांसारख्या प्रोजेक्ट्सने त्यांनी प्रीमियम सेगमेंटमध्ये आपलं नाव कोरलं आहे.

"केवळ बांधकाम नाही, तर निर्मिती" या तत्त्वज्ञानावर आधारित कोलते-पाटील डेव्हलपर्स आजही CRISIL चं 'AA-/Stable' रेटिंग मिळवणारी एकमेव लिस्टेड रेसिडेन्शियल रिअल इस्टेट कंपनी आहे – जी त्यांच्या पारदर्शकतेची आणि आर्थिक स्थैर्याची साक्ष देते.

एका मराठी कुटुंबाची दूरदृष्टी, मेहनत आणि गुणवत्ता या त्रिसूत्रीवर उभारलेलं हे साम्राज्य आज लाखो लोकांच्या आयुष्याचं आधारवड ठरत आहे.


लाज वाजते मराठी व्यवसायिक असल्याची....हे आहे बोळीज, विरार येथील राऊत काकांचे फेमस मिसळपाव सेंटर जवळपास तिसरी पिढी आता या...
25/06/2025

लाज वाजते मराठी व्यवसायिक असल्याची....
हे आहे बोळीज, विरार येथील राऊत काकांचे फेमस मिसळपाव सेंटर जवळपास तिसरी पिढी आता या दुकानाच्या गल्ल्यावर बसते, पण सगळे कामगार हे परप्रांतीय आहेत. त्यांचा मुलगा सांगतो, साहेब अहो मागेल तो पगार देण्याला आम्ही तयार असतो मराठी कामगाराला,पण त्यांना कामच नाही करायचे, त्यात सण आले की नुसती सुट्टी मागतात,आणि इतर दिवशी सुदधा तेच. हे आपले वर्षातून किंवा 2 वर्षातून एकदा गावी जातात आणि पडेल ते काम इमाणे इतबरी करतात. म्हणून त्यांना कामाला ठेवलेले आहे. सकाळी 6 वाजता दुकान सुरू होते ते अगदी रात्री 10 वाजेपर्यंत, आज 8 वर्ष झाली पहिला एक कारागीर आला. नंतर घरातील अजून 6 लोकांना घेऊन आला आणि मेहनतीने काम करतात. आम्हाला पण वाटते मराठी स्थानिक लोकांना कामाला ठेवावे, पण खरंच सांगू का साहेब मराठी माणसाची, मुलांची लायकीचे नाहीत. कामे करण्यासाठी त्यांना दहीहंडी, गणपती, नवरात्री आणि साहेब लोकांची सतरंजीच पुरेशी आहे, पोट भागवण्यासाठी.

"असतील कोणी मराठी मुले तर पाठवून द्या आपल्या हॉटेल वर तुम्ही......."

मी आपले 'बरं' म्हटले आणि पैसे देऊन लाजेने चालायला लागलो.....

पोस्ट साभार - माय मराठी

भारताच्या स्वातंत्र्यानंतर तब्बल सात दशकाहुन जास्त काळ कोकणातील एका खेड्याला रस्त्यासाठी वाट पहावी लागली. संपुर्ण जग कोव...
25/06/2025

भारताच्या स्वातंत्र्यानंतर तब्बल सात दशकाहुन जास्त काळ कोकणातील एका खेड्याला रस्त्यासाठी वाट पहावी लागली. संपुर्ण जग कोविडसोबत लढत असताना या गावात रस्ता झाला व विकासपर्वाला सुरुवात झाली. या गावाचे नाव आहे रत्नागिरी जिल्ह्यातील ‘माचाळ’.

माचाळ गावाबद्दल मी एका वाक्यात म्हणेन की ‘कोकणाच्या निसर्गसौंदर्याचा राजमुकुट म्हणजे माचाळ’

भल्या पहाटे लांजा येथुन माचाळला जाण्याकरीता निघालो. लांजा शहरामधुन माचाळ ३२ कि.मी.अंतरावर आहे. माचाळबद्दल वाचलं होतं, ऐकलं होतं की माचाळला प्रचंड पाऊस, वारा असतो म्हणुन जाताना सोबत छत्रीऐवजी रेनकोटच घेवुन गेलो.

समुद्रसपाटीपासुन ४००० फुट उंचीवर असलेले हे माचाळ गाव म्हणजे सह्याद्रीच्या टोकावर एक आडवे रानमाळ आहे जे तब्बल १५०० एकर जमीन क्षेत्रात विस्तारले आहे. लांजा तालुक्यातील केळवली गावातुन माचाळकडे जाताना वळणावळणाचा घाटातुन जाताना हिरवागार परिसराने सुखावुन गेलो. घाटातील डुक्करकड्या या ठिकाणावरुन दोन्ही बाजुने निसर्ग न्याहाळला. पावसाचे प्रमाण कमी असल्याने कोचरी, शिपोशी हया गावांतील घरांची कौले दिसत होती.

आत्ता जिथे घाट फोडला आहे तिथुन माचाळल्या निसर्गाने आपले रुप मिनिटामिनिटाला पालटले. पावसाची एक सर आली आणी खाली दिसणारी गावे दाट धुक्यात दिसेनाशी झाली. तिथुन पुढे माचाळच्या पठारावर गेल्यावर पायी चालायला सुरुवात केली आणि तुफानी पाऊस सुरु झाला. माचाळचा पाऊस म्हणजे सुरेल संगीत. एका सुरात पाऊस पडत होता. दुरच्या दरीतुन धुके आमच्याकडे धावत येत होते आणि काही क्षणात पन्नास फुटावरचा सोबतचा माणुुुसही दिसेनासा झाला. पावसाचे टपोरे थेंब अंगावर पडत असताना त्याच्या सोबतीला वाराही होता.

माचाळचे शेतकरी फोडबेर व लावणी लावत असताना थोडावेळ नांगर धरण्याचा आनंद घेतला. कोकणातील पावसापासुन संरक्षण व्हावे म्हणुन पुर्वी जसे शेतकरी घोंगडी व इरले घेत त्याप्रमाणे इथल्या शेतक-यांनी डोक्यावर इरले व घोंगडी घेेेेतली होती. तिथुन पुढे गावात गेलो. गावातील घरांंच्या भिंती गवतााची विशिष्ट प्रकारे बांधणी करुन झाकलेल्या होत्या. जवळपास सगळीच घरे मातीच्या भिंतीची व कौलारु असल्याने पाऊस व वा-यापासुन संरक्षणासाठी असे करतात असे गावक-यांनी सांगीतले.

मुचकुंदी ऋषी ध्यानस्थ बसले ती गुहा व मुचकुंदी नदीचे उगमस्थान पाहण्यासाठी जाताना पायातील चप्पल तुटली. वाट दाखवणा-या मुलगाच ती वाट चुकल्याने तब्बल तीन डोंगर अनवाणी पायाने चाललो. जे होते ते चांगल्यासाठी होते असे म्हणतात. या तीन डोंगररांगा पार करताना ख-या अर्थाने मला माचाळ पहायला मिळाले. इथली सजीवसृष्टी,जैवविविधता पाहता आली. माचाळमधले एक भाग तर पुर्णपणे कडीपत्त्याचे जंगल आहे, छोटेमोठे ओढे वहाळ पार करताना इथे लाल खेकडे दिसले. इथल्या वहाळात रतु नावाचा छोटा मासाच दिसतो. एक काळजी घेण्यासारखा जीव इथे आहे जो रक्तपिपासु किडा आहे. त्याचे नाव जळु. हा किडा पाण्यात आढळतो तो आम्हाला दोनवेळा दिसला. माचाळच्या जंगलात विविध प्रकारची दुर्मिळ फुलझाडे फळझाडे दिसली. मी अशा प्रकारची झाडे पहिल्यांदाच पाहीली.

वाट शोधत शोधत आम्ही मुचकुंदी ऋषींच्या गुहेजवळ पोहोचलो. तीन डोंगर पार केल्यानंतर सगळे खुप थकलो होते परंतु हे माचाळमधील सर्वात उंच ठिकाणी पोहोचल्यावर थकवा नाहीसा झाला. इथला सोसाटयाचा वारा धुक्याला सोबत घेवुन वाहतो. एका मिनिटात धुके नाहीसे होते व समोर खोल खोल दरीखो-यातील हिरवेगार तळकोकण ह्दयात शिरते.

माचाळ मधील एका ग्रामस्थांनी दिलेल्या माहितीनुसार इथे बारमाही स्वच्छ पाण्याचा नैसर्गीक स्त्रोत आहे. इथे भातशेतीसह गहू,नाचणीची शेती होते. संपुर्ण परिसर जंगलाचा असल्याने जंगली प्राणी मोठ्या प्रमाणात दिसतात.

माचाळ सुंदर आहे, मी म्हटल्याप्रमाणे कोकणाच्या सौंदर्याचा राजमुकुट आहे. मी उन्हाळी जेव्हा इथे गेलो होतो तेव्हा मला आकाशात ढगांची गर्दी दिसली. माचाळच्या डोंगरावरुन खाली अफाट विस्तारलेले माझे सुंदर कोकण पाहताना या कोकणात माझा जन्म झाला याचा अभिमान वाटला.

माचाळ थंड हवेचे ठिकाण आहे म्हणुन त्याला मिनी महाबळेश्वर म्हणतात. मला ते चुकीचे वाटते कारण माचाळचे स्वत:चे स्वतंत्र्य अस्तित्व आहे कदाचित येणारा काळ हा माचाळला महाबळेश्वरपेक्षाही पुढे घेवुन जाईल.

आता माचाळ गावात जाणेसाठी रस्ता झाल्यामुळे इथे पोहोचणे सोपे झाले आहे. त्यामुळे पर्यटक इथे येतील पण पर्यटकांनी इथल्या निसर्गाची हानी होणार नाही याची काळजी घेणे गरजेचे आहे.

एकवेळ माचाळ गावाला नक्की भेट द्या.
!! येवा कोकण आपलाच आसा !!
#कोकणप्रेमीआशिष ❤️🌴
- आशिष प्रकाश बल्लाळ, 9960325174
[email protected]
------------------------------------------------------------------------------
माझी माचाळ गावची सफर पाहण्यासाठी आपल्या ‘कोकणी रानवाटा’ या युटुयब चॅनेल सबस्क्राईब करा.
आपले चॅनेल सबस्क्राईब करा.
https://youtube.com/channel/UC3MnH_PTcYfmSkWZQwkk3LQ

Sheetal Yadav Ballal
माहिती साभार ✍🏻 Ashish Ballal

📸 Sachin Desai

🌴 #राजापूर #कोकण #राजापूरकर #गावं_वाचवा

Address

Mumbai
400022

Website

Alerts

Be the first to know and let us send you an email when भटकंती मुंबईची posts news and promotions. Your email address will not be used for any other purpose, and you can unsubscribe at any time.

Shortcuts

Share

Category