24/05/2024
व्यवसायात प्रगति करावयाची असेल तर त्यात नाविन्य , विविधता आणि प्रयोगशिलता याची जोड द्यायला हवी . आज एक छायाचित्रकार म्हंटले कि प्रॉडक्ट म्हणून अल्बम करणे हे ओघाने आलेच. माझा सतत प्रयत्न असतो कि यात वेगळे काय करता येईल . याच वेळी माझी ओळख नाशिक चे डिजिटल पोर्ट्रेट साकारणारे श्री प्रणव सातभाई यांच्याशी झाली आणि मी त्यांना अल्बम चे पॅड कव्हर डिजिटल स्वरूपात करावयाची विनंती केली , आणि त्यांनी चितारलेले चित्र ग्राहकाला दाखवले ,त्यांनाही ते आवडले आणि आम्ही अल्बम वर तेच प्रिंट केले. प्रणव चे खूप खूप आभार .
आता अल्बमच्या Pad Cover चा विषय निघाला आहे , तर त्यात अजूनही काही नाविन्य असलेल्या गोष्टी मी पूर्वापार करत आलोय , त्याचाही येथे आढावा घेतो. अल्बम वर दांपत्याचे नाव व तारीख लिहणे खरंच गरजेचे आहे का. आपण ज्याला अल्बम दाखवतो त्याला ते आधीच माहित असतेना ? आणि हे सर्व कव्हर वर ठेऊन गिचमिड करण्या पेक्षा , त्यांची पत्रिका छान स्कॅन करून ती अल्बम मध्ये कायम स्वरूपी जतन करणे सहज शक्य आहे. मग थोडं वेगळे करायचा प्रयत्न तर करा. सोबत वरील लेखात ज्या गोष्टींचा उल्लेख आहे त्याची Sample दिली आहेत.
धन्यवाद
