Ali Malappuram wildlife photography & Nature Conservation

05/10/2020

I Love My Earth 😍

20/07/2020

Bahubali 😍😍
Indian Gaur

22/01/2020

❤️❤️😍

21/10/2019

***തടോബ*** TATR ( മഹാരാഷ്ട്ര )
8, 9, 10-10-2019....
ധാരാളം പേര് തടോബയുടെ ഫോട്ടോസ് ഇടുന്നത് കാണാറുണ്ട്. തടോബ കാണണം എന്ന് കുറച്ചു കാലമായി മനസ്സിൽ കൊണ്ട് നടക്കുകയും ചെയ്തു. അങ്ങനെ ഏകദേശം 3 മാസങ്ങൾക്കു മുൻപ് ഒരു പ്ലാൻ ഇട്ടു. നിർഭാഗ്യവശാൽ അത് മുടങ്ങി. നമ്മൾ ഒരു കാര്യം ആഗ്രഹിച്ചാൽ അത് എങ്ങനെ എന്ന് അറിയില്ല, നടക്കുക തന്നെ ചെയ്യാറുണ്ട്. ഇവിടെയും അത് സംഭവിച്ചു. ആ കാര്യത്തിൽ പ്രകൃതിക്കു എന്നോട് കുറച്ചു സ്നേഹം കൂടുതൽ ഉണ്ട് എന്ന് എനിക്ക് തോന്നിയിട്ടുണ്ട്.
അങ്ങനെ ഞങ്ങൾ 8 പേര് ചേർന്ന് അതങ്ങു ഉറപ്പിച്ചു ഒക്ടോബർ 7 മുതൽ 13 വരെ ഒരു യാത്ര. 3ദിവസം 6 സഫാരി ( തടോബായിൽ സഫാരി മാത്രമേ ഉള്ളൂ കേട്ടോ, കാട്ടിൽ നടന്നു മാത്രമേ ഫോട്ടോ എടുക്കൂ എന്ന് പറയുന്നവർ അങ്ങോട്ട് പോകരുത് )7 തിയതി പാലക്കാട്‌ നിന്നും പുറപ്പെട്ട ട്രെയിൻ, 24 മണിക്കൂർ യാത്ര അവസാനിപ്പിക്കാൻ പിറ്റേ ദിവസം 2 മണി ആയി. ചദ്രപുർ എത്തിയ ഞങ്ങൾ മുൻകൂട്ടി ബുക്ക്‌ ചെയ്ത ടാക്സിയിൽ കേറി താമസം, ഫുഡ്‌, ഒക്കെ ഏൽപ്പിച്ച മൊഹാര്ലി എന്ന സ്ഥലത്തെ ഹോം സ്റ്റയിൽ എത്തി. മൊഹാര്ലി ആണ് തടോബ അന്ധേരി ടൈഗർ റിസേർവിന്റെ പ്രധാന കവാടം. അന്നത്തെ ദിവസം സഫാരി ഇല്ലായിരുന്നു. 9- o തിയതി രാവിലെ 5.30 ആണ് സഫാരി തുടങ്ങുന്നത് എന്ന് ഞങ്ങളുടെ ബുക്കിങ് ഒക്കെ ചെയ്ത പയ്യൻ പറഞ്ഞു. റൂമിൽ കേറിയ ഉടനെ തന്നെ എല്ലാവരും ക്യാമറ എടുത്ത് ഇറങ്ങി പരിസരങ്ങൾ കാണാനും, പക്ഷികളുടെ ചിത്രങ്ങൾ പകർത്താനും.
9- തിയതി രാവിലെ 5 മണിക്കു തന്നെ ഞങ്ങൾ എല്ലാവരും റെഡി ആയി. കാരണം ഞാൻ അടക്കം എല്ലാവരും ആദ്യം ആണ് തടോബ വരുന്നത്. സഫാരി വണ്ടിയിൽ കേറി ഇരുന്നു. 4 പേരുവീതം ഓരോ ജ്യപ്സിയിൽ സഫാരിക്ക് റെഡി. ഒരുപാട് സന്തോഷം തോന്നിയ നിമിഷങ്ങൾ😍.ഞങ്ങൾ വരുന്നതിനു 4 ദിവസം മുൻപ് വരെ നല്ല മഴ ആയിരുന്നു എന്ന് അവിടെത്തെ ആൾക്കാരുടെ സംസാരത്തിൽ നിന്നും വെക്തമായി, പിന്നെ എല്ലായിടത്തും വെള്ളവും. കാട് നല്ല പച്ചപ്പിൽ ആയിരുന്നു. നമ്മൾ ഫോട്ടോകളിൽ കാണുന്ന പോലെ ഉണങ്ങി കരിഞ്ഞ തടോബാ കാണാൻ പോലും ഉണ്ടായിരുന്നില്ല.
ആദ്യ സഫാരിയിൽ CSE, CHE, പുള്ളി മാൻ, കാട്ടു പോത്തുകൾ കുറച്ചു ജീവികളെ കാണാനും ഫോട്ടോസ് എടുക്കാനും പറ്റി.എന്നാൽ എല്ലാവരും ആകാംഷയോടെ കാത്തിരുന്ന രാജാവ് വന്നില്ല, രാജ്ഞിയും വന്നില്ല 😪.(അല്ലെങ്കിലും ആദ്യ സഫാരിയിൽ തന്നെ ടൈഗർ കിട്ടണം എന്നതൊരു അഹങ്കാരം അല്ലെ? ) എന്നാലും തടോബായിൽ വന്നിട്ട് കാടിനെ ആസ്വദിക്കാൻ കിട്ടിയ അവസരം നല്ല രീതിയിൽ തന്നെ ആസ്വദിച്ചു 😍.രാവിലെ 6 മണി മുതൽ 10 മണി വരെ ആണ് സഫാരി ( ബന്ദിപ്പൂർ, മുതുമല ഒക്കെ അപേക്ഷിച്ചു നോക്കുമ്പോ എത്ര നേരം ആണ് കാട്ടിൽ നിൽക്കാൻ പറ്റുന്നത് ).
60% വും മുളകൾ വെച്ച് പിടിപ്പിച്ചിരിക്കുന്ന കാട്ടിൽ തേക്ക്, ഊഷ്‌ണ മേഖല കാടുകളിൽ കാണുന്ന മരങ്ങൾ ധാരാളം ഉണ്ട്. ഇപ്പോൾ പച്ചപ്പ്‌ ആണെങ്കിലും ഡിസംബർ മുതൽ ജൂലൈ വരെ തടോബ 100% ഉണങ്ങി കിടക്കുന്നു. ആ സമയങ്ങളിൽ ധാരാളം കടുവകളെ കാണാൻ പറ്റും. ഉച്ചക്ക് ശേഷം 2മണിക്ക് ഞങ്ങൾ വീണ്ടും സഫാരി തുടങ്ങി, (ക്യാമറക്കു നമ്മൾ പൈസ കൊടുക്കണം. ബാക്കി എല്ലാം ഓൺലൈൻ ബുക്കിങ് ആയിരുന്നു. )ഒരു മണിക്കൂർ ഞങ്ങൾ ഏതാനും കിലോ മീറ്റർ കാട്ടിൽ സഞ്ചരിച്ചു. ഒന്നിനെയും കണ്ടില്ല. അങ്ങനെ 5 മണിക്ക് ശേഷം ഞങ്ങളുടെ ഗൈഡ് പറഞ്ഞു ഒരു വയലുണ്ട് അവിടെ ഒരു പെൺ കടുവയും കുഞ്ഞുങ്ങളും ഉണ്ട്,നമുക്ക് അവിടെ പോയിരിക്കാം. ചിലപ്പോൾ രാഞ്ജിയുടെ ദർശനം ലഭിക്കാൻ സാധിത ഉണ്ട് എന്ന്. ഞങ്ങൾ ഒക്കെ പറഞ്ഞു. അങ്ങനെ ഞങ്ങൾ അവിടെ ചെന്നെപ്പോൾ 3 വാഹനങ്ങൾ അവിടെ ഉണ്ടായിരുന്നു. അവരെല്ലാം കുറച്ചു കഴിഞ്ഞു പോയി. പ്രേതെകിച്ചു ഒന്നും കാണുന്നില്ല എന്നത് കൊണ്ടാകും എല്ലാവരും പോയി. മനോഹരമായ ഒരു വയൽ ആയിരുന്നു ആ പ്രദേശം. സൂര്യൻ അന്നത്തെ പരിപാടി അവസാനിപ്പിക്കാൻ തുടങ്ങാൻ ആയി തുടങ്ങി. കുറച്ചു പുള്ളിമാനുകൾ ( ഏകദേശം 200 എണ്ണത്തിന് മുകളിൽ വരും)ഇടയ്ക്കു തത്തകളുടെ ബഹളം മാത്രം. കുറച്ചു കഴിഞ്ഞപ്പോൾ മാനുകൾ തീറ്റ നിറുത്തി, ശത്രുക്കളുടെ വരവ് കാണിക്കുന്ന തരത്തിൽ പെരുമാറാൻ തുടങ്ങി. ഞങ്ങൾക്ക് ഭയങ്കര ജിജ്ഞാസ 😍. എല്ലാവരും ക്യാമറ എടുത്തു റെഡി ആയി. ഏതാനും നിമിഷങ്ങൾ കൊണ്ട് തന്നെ മാനുകൾ ഞങ്ങളുടെ വണ്ടി നിറുത്തിയ ഭാഗത്തേക്ക്‌ ഓട്ടം തുടങ്ങി. ഞങ്ങൾ പ്രതീക്ഷിച്ചതു ടൈഗർ ആയിരുന്നു എങ്കിലും 5 വൈൽഡ്ഡോഗ്സ് ആയിരുന്നു അവരുടെ ശത്രുക്കൾ. ഒരെണ്ണത്തിനെ പോലും അവർക്കു പിടിക്കാൻ കഴിഞ്ഞില്ല എന്നത് ഞങ്ങൾ ക്യാമറ കൊണ്ടും, നേരിട്ടും അറിഞ്ഞ സത്യം. 200 റിൽ കൂടുതൽ മാനുകൾ ഉണ്ടായിട്ടും ഒരണ്ണം പോലും അവർക്കു കിട്ടിയില്ല. എല്ലാവരും ഓടി കാട്ടിൽ കേറി. നിരാശരായ പട്ടികളും ഞങ്ങളും അവിടെ അവശേഷിക്കുന്നു. Wild Dogs ന്റെ ധാരാളം ചിത്രങ്ങൾ ഞങ്ങൾ ലഭിച്ചു. തുടരെ ഫോട്ടോ എടുക്കുന്നതിനിടെക്കു ഒരു സാമ്പാർ ഡിയർ കരഞ്ഞു. വീണ്ടും ലഡു പൊട്ടി 😍.വണ്ടി മുന്നോട്ട് എടുത്തു കരച്ചിൽ കേട്ട ഭാഗത്തു പതുക്കെ നിറുത്തി, അപ്പോഴേക്കും ഞാൻ തന്നെ രാജാവ് എന്ന് അറിയിച്ചു കൊണ്ട് ടൈഗറിന്റെ ഒരു അമറല് ഞങ്ങൾ കേട്ടു. സന്തോഷം, അതിനപ്പുറം ജിജ്ഞാസ. ഇവിടെ വന്നിട്ട് ദർശനം ലഭിക്കുന്നു. എന്നാൽ എല്ലാം പ്രതീക്ഷകളും തകർന്നു രാജ, രാജ്ഞി ആരും വന്നില്ല.
സൂര്യൻ ഏകദേശം സ്ഥലം വിട്ടിരുന്നു ( ഈ ദിവസങ്ങളിൽ സൂര്യൻ നേരെത്തെ വീട്ടിൽ പോകും ) നിരാശ ഉണ്ടായിരുന്നു എങ്കിലും wild dogs സമ്മാനിച്ച ഇര തേടലും, ഓടി പിടിക്കാൻ കാണിച്ച അഭ്യാസങ്ങളും, ടൈഗർ ന്റെ റോറിങ്ങും എല്ലാം koodi ഉണ്ടായപ്പോൾ നാളെ കിട്ടും എന്ന് പ്രതീക്ഷിച്ചു ഞങ്ങൾ വണ്ടി അവിടെ നിന്നും എടുത്ത് കുറച്ചു ദൂരം വന്നപ്പോഴേക്കും തെ കാട്ടിൽ നിന്നും നമ്മുടെ രാജകുമാരൻ റോഡിലേക്ക് വരുന്നു. 😍😍😍😍 അപ്രതീക്ഷിതമായി കണ്ടത് കൊണ്ടാകാം അവനും ഞങ്ങളും ശെരിക്കും പരിഭ്രമിച്ചു. ഒരു മിനിറ്റ് കണ്ണിൽ നിന്നും കണ്ണിലേക്കു നോക്കിപോയി എല്ലാവരും. പിന്നീട് ക്യാമറകൾ നേരിയ ശബ്ദം പുറപ്പെടിവിച്ചു കൊണ്ടിരിക്കുന്നു. പരിഭ്രമം വിട്ട രാജകുമാരൻ കുറ്റിക്കാട്ടിൽ നിന്നും പതുക്കെ പുറത്ത് വന്നു റോഡിലൂടെ നടക്കാൻ തുടങ്ങി. ഏകദേശം 100 മീറ്റർ റോഡിൽ നടക്കാൻ തുടങ്ങിയ അവനെ ക്യാമറയിൽ എല്ലാവരും ഒപ്പിയെടുത്തു. ആവിശ്യത്തിന് അധികം ഞങ്ങൾക്ക് ദർശനം തന്നിട്ട് അവൻ പുൽമേടിലേക്കു ഇറങ്ങി പോയി 😍.സന്തോഷം പങ്കു വെച്ച് ഞങ്ങൾ വീണ്ടും യാത്ര തുടങ്ങി 1/2 km കൂടി മുന്നോട്ടു വന്ന ഞങ്ങളുടെ മുന്നിൽ വീണ്ടും ഒരു കടുവ. പ്രതീക്ഷിക്കാതെ ഒരണ്ണം കൂടി ഇരുട്ട് ആയി തുടങ്ങുന്നു. ഒരു മുതിർന്ന പെൺ കടുവ. മതിവരോളം ഫോട്ടോ എടുത്തു. ഞങ്ങൾ അവിടെ നിന്നും മടങ്ങി അന്ന് അവിടെ ഒത്തിരി വാഹനങ്ങൾ ഉണ്ടായിട്ടും ഞങ്ങൾക്ക് മാത്രമേ അവരുടെ ദർശനം കിട്ടിയുള്ളൂ, അതും പ്രതീക്ഷിക്കുക പോലും ചെയ്യാതെ. കാട് അങ്ങനെ ആണ് ചിലപ്പോൾ അങ്ങ് സ്നേഹിക്കും ഒത്തിരി,,, ഒത്തിരി,,,,,
സന്തോഷം,,, പിന്നീട് ഉള്ള ദിവങ്ങൾ (4സഫാരിയിലും ഞങ്ങൾക്ക് എന്നല്ല മറ്റു ആർക്കും ദർശനം ഉണ്ടായില്ല ).എന്നാൽ തടോബ എന്താണ് എന്നും മഴക്കാലങ്ങൾ തടോബയെ എങ്ങനെ സ്വാധീനിക്കുന്നു എന്നും അത് അവിടെ ഉള്ള ജനങ്ങൾക്കും, മറ്റു ജീവജാലകങ്ങൾക്കും എത്രത്തോളം ജീവിതം മുന്നോട്ട് കൊണ്ട് പോകാൻ സഹായിക്കുന്നു എന്ന് മനസ്സിലാക്കി തന്നു. ടൈഗർ അല്ലാതെ അവിടെ കാണുന്ന 4 കൊമ്പുള്ള ഒരു മാൻ ( ചൗസിംഗ) തേൻ കരടി ( ഹണി ബഡ്ജർ )ഇവയൊക്കെ പ്രതീക്ഷിച്ചു എങ്കിലും കണ്ടില്ല,. പക്ഷെ വേനലിൽ വന്നാൽ ഇവരെ ഒക്കെ കാണാൻ പറ്റും എന്ന് ഗൈഡ് പറഞ്ഞു. വീണ്ടും ഫെബ്രുവരി ഒന്നും കൂടി പോകണം എന്ന് കരുതുന്നു. ചെറിയ സ്വപ്‌നങ്ങൾ കാണുന്ന എനിക്ക് വലിയ കാഴ്ചകൾ സമ്മാനിക്കുന്നു. ഹൃദയം സന്തോഷം കൊള്ളുമ്പോഴും ചെറിയ ഒരു സങ്കടം ഉള്ളിൽ ഉണ്ടായിരുന്നു എന്ന് ഞാൻ എന്നെ തന്നെ പറഞ്ഞു മനസിലാക്കുന്നു. കാടും കാട്ടിലെ ജീവജാലങ്ങളും എനിക്ക് എത്രത്തോളം സന്തോഷം തരുന്നു എന്നത് എനിക്ക് മാത്രം അറിയുന്ന കാര്യം ആണ് അതെന്റെ മാത്രം സ്വകാര്യ അഹങ്കാരം കൂടി ആണ്.
ഇവിടെ നിന്നും കിട്ടിയ ചിത്രങ്ങൾ, സന്തോഷങ്ങൾ,അനുഭവങ്ങൾ അങ്ങനെ പലതും ഓരോ യാത്രയിലും ലഭിക്കുന്ന ഇത്തരം വികാരങ്ങൾ എല്ലാം തന്നെ എന്റെ കുടുബവും, എന്റെ കൂടെ വരുന്ന സുഹൃത്തുക്കൾക്കും അവകാശപ്പെട്ടത് കൂടി ആണ്. 😍😍😍.....
സ്നേഹം എല്ലാവരോടും, ഒപ്പം നന്ദിയും 😍😍😍🥰🥰😍😍.

NB: വലിയ എഴുത്തുക്കാരൻ ഒന്നും അല്ല കേട്ടോ, കണ്ടതും കേട്ടതും എഴുതി എന്ന് മാത്രം. തെറ്റുകൾ ഉണ്ടെങ്കിൽ ക്ഷെമിക്കണം

03/10/2019

24/09/2019

Stripe-necked mongoose
വാൾപ്പാറ,,,

21/10/2018

കുറുഞ്ഞി

19/06/2018

കന്ഹയിലെ റാണി

10/11/2017

മോഴ, മസിനഗുഡി