Panorama Digital Vision

19/10/2026

തബല പഠിക്കണമെന്ന് ഒരാഗ്രഹം... ആദ്യം വീട്ട്കാരോടും മക്കളോടും ഒന്ന് അഭിപ്രായം ചോദിച്ചു.
എല്ലാവരും ഒരോ സ്വരത്തിൽ
"അയ്യേ.... അച്ഛന് വേറെ പണിയൊന്നും ഇല്ലേ...., അടങ്ങി വീട്ടിലെവിടെങ്കിലും ഇരിക്കച്ചാ... വയസ്സാൻ കാലത്ത് ഓരോരോ ആഗ്രഹങ്ങളെന്ന്..." _ വീട്ട്കാരത്തിയും.

നമ്മളെ തള്ളാൻ പുറത്ത് നിന്നും അകത്തു നിന്നും ആരും ഉണ്ടാവില്ലന്ന് നന്നായ് അറിയാവുന്നത് കൊണ്ട് പിന്നെ ആരോടും അഭിപ്രായം ചോദിച്ചില്ല. ഞമ്മള് എപ്പോഴും പറയാറില്ലേ.... നമ്മളെ നമ്മള് തന്നെ എപ്പോഴും തള്ളിക്കൊണ്ടിരിക്കണം. തള്ളിക്കൊണ്ടിരുന്നാൽ മാത്രം പോര, തള്ളി മറിക്കണം.

അങ്ങിനെ കഴിഞ്ഞ പൂജവെപ്പ് അവിധി കഴിഞ്ഞ് ഒരു ദിവസം അടുത്തുള്ള യുവകലാ തരംഗ് ക്ലബിലെ തബല ആശാനായ മോഹനൻ മാഷിന് Mohanan Variath ദക്ഷിണ വെച്ചു. മാഷിനെ ഏകദേശം പതിനെട്ട് വർഷമായിട്ട് അടുത്തറിയാം. എങ്കിലും തബല പഠിക്കുവാനുള്ള ആഗ്രഹം ഇപ്പോഴാണ് അദ്ദേഹത്തെ അറിയിച്ചത്. ദക്ഷിണ സ്വീകരിച്ച് അദ്ദേഹം ശനിയും ഞായറും ക്ലസ്സ് ആരംഭിച്ചു.

ക്ലാസ്സിലാണ് ബഹുരസം, എന്റെ മക്കളേക്കാളും ചെറിയ കുട്ടികളുടെ കൂടെയാണ് പഠിക്കേണ്ടത്. മൂനിലും നാലിലുമൊക്കേ പഠിക്കുന്ന കുട്ടികൾ... കുണുകുണാ വർത്തമാനമൊക്കേ പറഞ്ഞ് നല്ല രസമായിട്ട് കാര്യങ്ങൾ മുന്നോട്ട് പോയ്... കുട്ടികളൊക്കേ അടുത്ത ദിവസ്സം തന്നെ പഠിപ്പിച്ചതൊക്കേ മന:പാഠമാക്കിക്കൊണ്ടുവരും, നമ്മൾ അപ്പോഴും പൊട്ടൻ ബിസ്ക്കറ്റ് കണ്ടപോലെയിരിക്കും. അതിനിടയിൽ പല ദിവസ്സങ്ങളും ക്ലാസ്സിൽ പോകാൻ പറ്റാതെ ലീവ് പറയേണ്ടിവരും. മാഷിനാണേൽ എന്നോട് ഒന്നും പറയാൻ പറ്റാത്ത അവസ്ഥയും.

കുട്ടികളുടെ ഗ്രഹണ ശക്തിക്കും കൈ വഴക്കത്തിനും ഒപ്പമെത്താൽ ഞമ്മക്ക് സാധിക്കാറില്ലെന്ന് അറിയാം. ഒപ്പം ശാരീരിക ബുദ്ധിമുട്ടും. എങ്കിലും ഇറങ്ങിത്തിരിച്ചതെല്ലേ പരിശ്രമിച്ചുനോക്കാം... സംഗീതത്തിന്റെ ABCD എങ്കിലും പഠിച്ചെടുക്കണം. അതിനെല്ലാം ഉപരിയായ് അൻപത് വർഷത്തിലധികം സംഗീത പരമ്പര്യമുള്ള, കൃത്യനിഷ്ഠയോടും സമചിത്തതയോടും എളിമയോടെയും പാം ഭാഗങ്ങൾ പഠിപ്പിച്ചു തരുന്ന, മാഷിന്റെ നിരവധി ശിഷ്യഗണങ്ങളിൽ ഒരുവനാകുക എന്നുള്ള ആഗ്രഹമാണ് ഇവിടം വരെ എത്തിച്ചത്.

ഈ പൂജവെച്ച് ദിനത്തിൽ അടുത്തുള്ള എട്ടുകാട് കളരിക്കൽ ക്ഷേത്രത്തിൽ ജൂനിയർ സീനിയർ കുട്ടികളുടെ പരിപാടി അവതരിപിക്കുന്നുണ്ടെന്ന് മാഷ് പറഞ്ഞു. നിങ്ങൾ പഠിച്ച ഭാഗങ്ങളുടെ ചെറിയൊരു ഹരിശ്രി കുറിക്കൽ മാത്രമായ് കണ്ടാൽ മതി. തെറ്റ് കുറ്റങ്ങളൊക്കേ ഉണ്ടാകാം അത് നമ്മുക്ക് പിന്നീട് പരിഹരിക്കാം.

അങ്ങിനെ തബല വാദനത്തിൽ ഏറ്റയും ജൂനിയറായ ഞാനും പരിപാടിക്കിടയിൽ ഏറ്റവും സീനിയറായ് കയറിയിരുന്നു. പരിശീലനക്കുറവ് ഉണ്ട് എങ്കിലും തെറ്റ് കുറ്റങ്ങൾ സദയം ക്ഷമിച്ച് അനുഗ്രഹിക്കണമെന്ന് അഭ്യർത്ഥിക്കുന്നു. ചെറിയൊരു വീഡിയോ കണ്ട്നോക്കൂ...
എന്ന്
സ്നേഹത്തോടെ❤️
ബിജു മഠത്തിൽ
18-10-2026

11/10/2026

#പൊറ്റക്കുഴിപ്പള്ളി

11/10/2026

#പ്രദക്ഷിണം

10/10/2026

പൊറ്റക്കുഴിപ്പള്ളി

10/10/2026

10/10/2026

ശിങ്കാരിമേളം പൊറ്റക്കുഴിപ്പള്ളി

10/10/2026

ശിങ്കാരിമേളം

10/10/2026

#വെടിക്കെട്ട്

10/10/2026

#എട്ടാമിടം, #പൊറ്റക്കുഴിപ്പള്ളി #ബാന്റ്