Pappen's MEDIA Studio

21/05/2026

''A precious gift from heaven above, wrapped in grace and filled with God's love''

21/05/2026

21/05/2026

21/05/2026

I got over 20 reactions on one of my posts last week! Thanks everyone for your support! 🎉

13/05/2026

ജയ് മാതാ LP സ്കൂളിന് പുതിയ HM -
എഴുകുംവയൽ തെക്കേക്കുറ്റ് കുടുംബാംഗവും, ജയ് മാതാ LP സ്കൂളിലെ പൂർവ്വ വിദ്യാർത്ഥിനിയുമായ അനു അഗസ്റ്റിൻ.
അനു ടീച്ചറിന് എല്ലാവിധ ആശംസകളും എഴുകുംവയലിലേക്ക് സ്വാഗതവും നേരുന്നു...

12/05/2026

42–ാം വയസ്സിൽ ബികോം പാസായി 50 ൽ സിഎ നേടി 86 വയസ്സിലും ചാർട്ടേഡ് അക്കൗണ്ടന്റായി ജോലി ചെയ്യുന്ന
മധുര സ്വദേശി പത്മാവതി ഹരിഹരന്റെ ജീവിതം നമ്മൾക്ക് കാണിച്ചു തരുന്നത്, വിദ്യാഭ്യാസത്തെ കുറിച്ചും, അത് നേടിയെടുക്കേണ്ട പ്രായത്തെ കുറിച്ചും, എന്തു മാത്രം അബദ്ധമായ ധാരണകളാണ് നമ്മൾ വച്ചു പുലർത്തുന്നത് എന്നതാണ്. ആദ്യത്തെ എൻട്രൻസ് എക്‌സാമിന് തന്നെ ആശിച്ച വിഷയം കിട്ടാത്തതിന് ജീവിതം കൈവിട്ടവരെപ്പോലെ പെരുമാറുന്ന, ഫുൾ A+ ലഭിക്കാത്തതിന് ആത്മഹത്യ പോലും നടക്കുന്ന നമ്മുടെ ഈ സമൂഹത്തിൽ പത്മാവതി ഹരിഹരന്റെ ജീവിതം ഒരു പാഠപുസ്തകമാണ്.

തമിഴ്‌നാട്ടിലെ മധുരയിൽ ജനിച്ച പത്മാവതിയുടെ ചെറുപ്പത്തിലെ ആഗ്രഹം ഒരു ബിരുദധാരി ആകണമെന്നു മാത്രമായിരുന്നു. പക്ഷേ പതിനേഴാം വയസ്സിൽ അവരുടെ വിവാഹം കഴിഞ്ഞു. കുടുംബ ജീവിതവും കുട്ടികളുടെ കാര്യങ്ങളുമായി വർഷങ്ങൾ കടന്നു പോയി. എങ്കിലും വിദ്യ നേടണം എന്ന അടങ്ങാത്ത ആഗ്രഹം മനസിന്റെ അടിത്തട്ടിൽ ഉമിത്തീ പോലെ ഉണ്ടായിരുന്നു. അങ്ങനെ മധുര കാമരാജ് സർവകലാശാലയുടെ വിദൂര വിദ്യാഭ്യാസത്തിലൂടെ 42–ാം വയസ്സിൽ പത്മാവതി ബികോം പാസായി.

ഈ പ്രായത്തിലും പഠിക്കാനുള്ള പത്മാവതിയുടെ താൽപര്യം കണ്ട ചാർട്ടേഡ് അക്കൗണ്ടന്റ് സി.വി.എസ്. മണിയാണ് സിഎ പഠിക്കാനുള്ള വഴിയിലേക്കു നയിച്ചത്. ചെറുപ്പക്കാർക്കു പോലും കടുകട്ടിയായ സിഎ പഠനത്തിലേക്ക് 42 വയസ്സു കഴിഞ്ഞ ഒരു വീട്ടമ്മ കടന്നു വരുമ്പോഴുള്ള ആശങ്കയിൽ പത്മാവതി ഒന്ന് മടിച്ചുനിന്നു. ‘തൽക്കാലം എംകോമിനു ചേർന്ന് സമാന്തരമായി സിഎയ്ക്കു ശ്രമിക്കാം’ എന്ന നിർദേശമാണു സി.വി.എസ്. മണി നൽകിയത്. ഒടുവിൽ 45–ാം വയസ്സിൽ പത്മാവതി ചാർട്ടേഡ് അക്കൗണ്ടൻസി കോഴ്സിനു ചേർന്നു. പാസാകുമ്പോൾ പ്രായം 50
ഓരോ പേപ്പറും കഠിന കടമ്പയായ സിഎയിലെ എല്ലാ പേപ്പറും ആദ്യ ശ്രമത്തിൽത്തന്നെ മറികടന്നാണു പത്മാവതി ആ ചരിത്രവിജയം നേടിയത്.

അപ്പോഴേക്ക് 3 മക്കളുടെ അമ്മയായിരുന്നു അവർ. കുട്ടികളുടെയും കുടുംബത്തിന്റെയും എല്ലാ കാര്യങ്ങളും നോക്കിക്കൊണ്ടുതന്നെ സിഎ പോലൊരു ശ്രമകരമായ പഠനപാതയിൽ വിജയിച്ച പത്മാവതി എക്കാലവും ഒരത്ഭുതവും വഴികാട്ടിയുമായിരിക്കും. അടുക്കളയിൽ ജോലിക്കിടയിലും പഠനം നടത്തുന്നതിനായി ചുമരിൽ കുറിപ്പുകൾ എഴുതിയിട്ടു. വീടിനകത്തു നടക്കുമ്പോഴൊക്കെ പഠനം മുന്നേറി. അയൽവാസികളുമായുള്ള ഇടപെടൽ ഒഴിവാക്കാൻ വീടു പൂട്ടിയിട്ടു പഠിച്ച സമയംപോലുമുണ്ടെന്നു പത്മാവതി ഓർമ്മിക്കുന്നു.

എംകോമും സിഎയും സമാന്തരമായി പഠിച്ചതിന്റെ വെല്ലുവിളിയായിരുന്നു മറ്റൊന്ന്. ഒരേ ദിവസം എംകോമിന്റെയും സിഎയുടെയും പരീക്ഷകൾ വരെ എഴുതേണ്ടി വന്നിട്ടുണ്ട്. വീട്ടിൽ ബന്ധുക്കൾ താമസിക്കാൻ വരുന്ന ദിവസങ്ങളിൽ അവർക്കു ഭക്ഷണമുണ്ടാക്കിവച്ചിട്ടു വേണം പരീക്ഷാഹാളിലേക്ക് ഓടാൻ. ഇതിനിടയിലും വീടിന് സമീപത്തെ സംഗീതസംഘത്തിൽ സജീവമായിരുന്ന പത്മാവതി. പഠനത്തിരക്കിനിടയിൽ അവിടെയും പങ്കെടുക്കാൻ സമയം കണ്ടെത്തിയിരുന്നു. അമ്മയുടെ വിജയവഴി പിന്തുടർന്ന് ഇളയ മകനും സിഎ പ്രഫഷൻ സ്വീകരിച്ചു. ആദായനികുതി വകുപ്പിൽ അസിസ്റ്റന്റ് കമ്മിഷണറായിരുന്ന ഭർത്താവ് ഇ.ഹരിഹരന്റെ പിന്തുണ ഇല്ലായിരുന്നെങ്കിൽ തനിക്ക് പ്രായത്തെ തോൽപിച്ച വിജയങ്ങളൊന്നും സാധ്യമാകില്ലായിരുന്നെന്നു പത്മാവതി പറയാറുണ്ട്.

73–ാം വയസ്സിൽ 98% മാർക്കോടെ സംസ്കൃതഭാരതി പരീക്ഷകൂടി ജയിച്ച് പ്രായത്തെ തോൽപിക്കാൻ മനോബലത്തിനു സാധിക്കുമെന്നു വീണ്ടും പത്മാവതി തെളിയിച്ചു. ഇപ്പോൾ 86 വയസ്സിലും ചാർട്ടേഡ് അക്കൗണ്ടന്റായി ജോലി ചെയ്യുന്ന പത്മാവതിക്കു ചെറുപ്പക്കാരോടു പറയാനുള്ളത് ഈ വാചകം മാത്രമാണ് ‘പരിശ്രമിച്ചുകൊണ്ടേയിരിക്കുക, വിജയം നിങ്ങളെ കൈവിടില്ല’
ഇതു വായിക്കുന്ന നമ്മളും തിരിച്ചറിയുക, നിശ്ചയദാർഢ്യത്തിന്റെ വഴി വിജയത്തിലേക്കുള്ളതു മാത്രമാണ്…

11/05/2026

10/05/2026