22/03/2026
*AIZAWL TWO WHEELER TAXI ASSOCIATION (ATTA)*
*PRESS RELEASE*
*ATTA/GHQ/PR/2026-01*
*Dated Aizawl The 22/3/2026*
Date.20.03.2026 (Zirtawpni) zing 8:30am khan Bawngkawn Two Wheeler Taxi Stand aṭanga Ramhlun Venglai JIT Hotel thlenga Two Wheeler Taxi hmangtu PC Laldintluanga Bawngkawn venga cheng chuan Lalbiakliana Petrol Pump thleng hmang tura insawiin Rate pawh inhrilh hre sa thlapin an kal a, chu a sawina hmun aia hlaah an kal leh tak si avangin kan member nen hian Taxi fare chungchangah an inhnial buai ta a. Kan member hi chemtè nen rikràpin k*t vawihnih a lo thlak a, kan member hi a hnàr aṭangin thì nasa tak a chhuah vangin midang tanpuinain Hospital panpui a ni a. Hetianga hospital panpui hial ngaia a awm hi keini Aizawl Two Wheeler Taxi Association (ATTA) chuan pawi kan ti tak zet zet a ni.
Buaina thleng hi Ramhlun Venglai YMA Neuva Section hruaitu te chuan lo hriain, helai an intihbuaina hmun vela mita lo hmutute sawi hmang leh CCTV aṭangtein an lo chhui let a, Date.21.03.2026 (Inrinni) khan Ramhlun South Y-Section huamchhung Home Stay pakhatah Ramhlun Y-Section hruaitute hmalaknain he misual hi man a ni ta a ni. Hemi chungchangah hian Ramhlun Venglai Neuva Section te leh Ramhlun South Y-Section hruaitute chungah ATTA chuan lawmthu kan sawi bawk e..
He pawi khawihna a mawhphurtu hian a phutawk hremna hmu ngei se tih hi keini AIZAWL TWO WHEELER TAXI ASSOCIATION (ATTA) chuan kan duh dan leh thuneitu lte kan ngenna a ni.
*Sd/-*
*(LALREMKIMA)*
*General Secretary*
*Aizawl Two Wheeler Taxi Association (ATTA)*
*Aizawl, Mizoram*
