MEDIA Concept

19/06/2024

https://www.facebook.com/reel/484696330582630

26/05/2024

KALITE PRAN TAN
Pou gen transmisyon fòk gen resepsyon.
Nan domèn atizay sèl fason yo fè transmisyon pou lòt jenerasyon se atravè zèv ki rete. Zèv yo pale, zèv yo temwanye, zèv yo enstwi si la ki vin apre yo. Sèl sa jenerasyon ki ap vin apre a bezwen se sajès pou l chache, imilite pou l rekonèt grandè sa ki te la, travay ak sakrifis pou l pwogrese.
Nan moman tout moun bezwen lajan fasil, tout moun bezwen rive vit, tout bezwen sipèsta.
Nèg yo ap sòti albòm chak ane ak 1 grenn mizik ki plizoumwen, alòske yon gwo vedèt aletranje ka sòti 1 albòm chak 4 a 5 ane.
Kalite pran tan...
Mwen salye Michael Brun ki ap fè yon gwo travay kòm DJ... 🎼Mwen gen afeksyon pou li 🎶🎵❤️

26/05/2024

12/03/2024

Ou konn sa ki bèl kote gen lidè ki ap fè peyi, yo fè efò pou rete pi prè konstitisyon peyi yo.
Men nou toujou kite yo ba nou sa ki pi lwen de manman lwa peyi pa n, paske n pa vle antann nou.

12/03/2024

Moun yo fin eseye yon pè defwoke, yo pase pran yon tafyatè, yo fè yon ti kout ak yon vagabon, yo pase pran yon fo enjenyè agrikiltè ki lage yon doktè psikopat nan kòlèt yo, kounya yo pa wè yo pa tande, ba yo pran chans ak yon dilè dwòg, yon kriminèl ki gen kòm alye yon bann gang ki fè krim ki pi “abjecte” ki te ka genyen (kidnape malere, tòtire, vyole, brilè e menm manje moun).

Apre amnisti a, mwen pral wè:
Wa Vite ki ap soti chak maten al fè kou lekòl.
Izo pral gwo mekanisyen nan garaj sou granri.
BBQ pral travay nan konpayi sekirite Unibank
Lanmò 100 jou pral fè leson nan peristil.

Yon pèp san sèvèl, yon pèp san nanm. Lòt nasyon ap kontinye pran nou pou fatra.

06/03/2024

Soti nan yon pè radotè defwoke, pase nan yon kaka kleren, eseye yon vagabon epi n tonbe nan gang teworis ak dilè. Nou pral gen yon leta tout nèg federal 😂🤣

06/03/2024

Depi m konnen m gen lespri, mwen konstate chwa Ayisyen se toujou repete menm kk. Kouri pou lapli al tonbe nan rivyè.

05/03/2024

Fòk lè gen eleksyon nou sispann resevwa kandida ak bèl slogan, sa ki pote mil goud, plat manje, klen epi bann rara.

03/03/2024

Mwen ta renmen konn kijan yon Ayisyen fè monte kabann li epi dòmi pran l nan jan bagay yo ye la.
Mwen sou dezyèm nuit mwen.

01/03/2024

Rezososyo yo tèlman gen tèt vid ki ap fè bri, sa rann anpil moun pè di sa yo panse.
Jan bagay la ye a yon moun ta kapab panse tout popilasyon an pa vle wè polisye yo.
Se fo.
Mwen ap repete se fo.
Moun yo pè pale akoz sa ki pa gen limyè ki rive nan sèvo yo fè plis bri epi vyolan nan langaj yo.

Leve vwa nou pou m pote sipò ak enstitisyon PNH la. Ki ap mal mache akoz tèt la ki ap mal itilize ajan yo epi kèk eleman ki nan mitan yo ki ap gen pwòp enterè yo nan kraze imaj lapolis la.
Si se pou m leve vwa m sèl pou l bay sipò m, chak jou mwen ap fè yon pòs pou sa.
Lanmou ak respè pou chak grenn polisye.

24/02/2024

Se pou moun sa yo anpil ap bat bravo lè yo touye yon polisye paske gen deriv kèk polisye ap fè?
Nou nan nivo kote bandi ap boukannen moun pou manje nan 21èm syèk wi. Epi yon pakèt san sèvèl ap fè imaj la sikile.
Kontinye kore bandi epi bat bravo chak lè yo touye yon polisye. Nou sou bèl vitès, nou pa lwen rive kote n vle ale a.
Mwen m ap kontinye soutni fòs lòd yo, san m pa fèmen je m sou zak kèk eleman dezòd ki ladann.
Pita pi tris