Filmalog - 關於菲林

14/01/2021

26/11/2020

【Filmalog #票選推薦】 400 度 135 彩色菲林推薦TOP 5！

（Sorry 愚蠢嘅版主上次出 post 太心急，打漏咗「彩色」二字！🤦🏻 我下一次會 count 番你哋黑白菲林嘅推薦！多謝你哋寶貴嘅意見！）

400度菲林就最適合喺唔同環境下拍攝，初次接觸菲林，選擇 400度菲林就最適合不過！但覺得太多選擇，花多眼亂？新手快啲嚟收藏呢篇文章！集合唔同用家嘅意見，一定搵到一款啱你心水！

① Kodak Portra 400 
效果預覽➡️ 
得到最多票數嘅係柯達嘅 Portra 400度菲林！有好多讀者都異口同聲指呢筒菲林色彩柔和，而且偏暖色調，特別適合影人像，影出嚟嘅膚色都特別好睇！

② Fujifilm Pro 400H 
效果預覽➡️ 
富士菲林當然唔輸蝕！今次嘅 Pro400H 得到票選第二名，色調淡雅而且有少少偏淺藍調，特別適合拍攝藍天同海洋襯托下嘅美景！

③ Fujifilm 業務用 400
效果預覽➡️ #業務用400
富士業務用 400 度菲林雖然已經停產，但依然受唔少讀者歡迎。前身為工作記錄用嘅菲林，色彩還原度高而且兼容度高，亦偏冷色調，唔少人亦會用佢調高感光度去影日系風格～

④ Agfa Vista 400
效果預覽➡️ 
同樣已經停產嘅 Agfa Vista 400 度菲林都有唔少支持者，佢比起其他菲林飽和度同對比度都高，尤其對紅色敏感，影出嚟色調鮮艷，適合鍾意題材豐富嘅朋友！

⑤ Kodak Ultramax 400
效果預覽➡️ 
Kodak Ultramax 係 400 度菲林裡面價格比較相宜嘅一筒菲林，而且容易購買，適合練習或需要大量菲林去做唔同攝影題材實驗嘅朋友，絕對推薦新手做第一筒初嘗攝影嘅菲林！

*不同因素（如：相機調較、掃描器）皆會影響菲林色調，以上色調效果及票選意見只供參考，與 Filmalog 立場無關。建議用家可先做好資料蒐集，尋找最適合自己攝影風格的菲林！

希望你哋鍾意今次嘅資訊！
⁣
—————————————————————⁣⁣
⁣⁣⁣⁣
- 關於菲林

#菲林 #菲林相機 #菲林攝影 #菲林分享 #底片 #底片相機 #底片攝影 #底片分享

19/11/2020

【 】 我想學沖菲林，係咪要用黑房？

聽到「菲林」一詞，可能都會聯想到電影畫面𥚃面，只係開住盞微弱紅燈嘅「 #黑房 （ ）」。但其實，喺咩情況下先真正需要用到黑房設備，利用全黑嘅環境處理菲林？

沖菲林其實唔一定需要用黑房，因為沖罐同黑袋已經可以代替到用全黑環境做嘅野。只要利用閂實嘅黑袋，冚實嘅沖罐，已經可以做到一個全黑嘅環境去處理同沖洗菲林，最後你就會得到一條有影像嘅底片。

同樣地，沖洗店𥚃面嘅沖機都已經等同於一個全黑嘅環境處理菲林，沖機唔係沖洗店必需要有嘅設備。所以喺一般沖曬舖裡面，你都唔會見到黑房存在。

咁黑房用嚟做咩？大多數情況用嚟放相。放相意思係 — 利用放大機，將底片嘅影像透過光線投射落相紙上，再顯影。你可以幻想就係：控制光源去人手「Print」張相出嚟。因為要控制光源去令相紙「吸收」影像，就需要用到一個絕對無其他光源嘅環境，所以要用到黑房。

咦，黑房係要無其他光源，咁開盞紅燈唔會有影響咩？係無影響嘅。黑房盞紅燈叫做「安全燈（Safelight）」，佢嘅光線對於張相紙敏感度最低，所以適用於黑房照明去進行相紙處理。

噢順帶一提，黑房安全燈同屋企盞神枱燈唔同架，唔好拎去換咗廁所盞燈整黑房。

黑房除咗用嘅放相，亦會用嚟沖特別格式或類型嘅菲林，例如濕版攝影及超大片幅菲林（Ultra Large Format），可以想像就係一啲大到放唔到落沖罐嘅菲林，就要用到黑房去沖。

另外亦會有用家喺黑房自捲、分裝、甚至人手製作菲林。基本上如果想伸手見到五指，又唔想影響菲林嘅情況下處理菲林，黑房就係一個適合嘅地方去進行。

現時香港有 4 間對外開放嘅黑房，包括：

· Everyone’s Will (https://instagram.com/everyoneswill?igshid=xun8e3a9c26v)

· Camera Film Photo

· Project Roll-up 銀鹽捲動

· The Photocrafters 黑點

有興趣更深入了解黑房操作嘅朋友，可以留意佢哋嘅 social media 及查詢工作坊或租用詳情。

希望你哋鍾意今次嘅資訊！
⁣
—————————————————————⁣⁣
⁣⁣⁣⁣
- 關於菲林

#菲林 #菲林相機 #菲林攝影 #菲林分享 #底片 #底片相機 #底片攝影 #底片分享 #暗房

15/11/2020

【 】 #120菲林 不等於 ？！

No offense ，呢個可能係好多人嘅誤解，甚至連賣菲林嘅人都會有誤會。只要係 Ebay search「120mm film」，不難發現起碼 50 個有關貨品資料。但唔緊要，我哋最重要唔係知錯，而係知 點 解 錯！

大家可能都因為比 呢個 term 混淆，令大家覺得，咁點解 120 菲林唔可以係120mm菲林？首先，我哋嚟用間尺度一度，35mm菲林嘅高確實係 35mm。但當我哋再度一度 120菲林，發現原來只有 61mm 高。咁樣足以證明到 120mm 菲林呢個 term 本來就係唔正確。

好，咁既然 120 菲林並無 120mm 高，咁「120」呢個數字又點嚟？咁就要追溯到百幾年前 — 當年柯達其實創造咗一抽菲林 Format （無錯係一抽，個 List 水蛇春咁長），特別設計比佢唔同類型嘅相機用，而 120 菲林就係其中一個菲林 Format 嘅菲林代號（Film Code）。最後， 120 菲林成為少數到依家仲未停產嘅 Format，其餘好多都已經消失。

順帶一提，唔好將 講錯做 ～
希望你哋鍾意今次嘅資訊！
⁣
—————————————————————⁣⁣
⁣⁣⁣⁣
- 關於菲林

#菲林 #菲林相機 #菲林攝影 #菲林分享 #底片 #底片相機 #底片攝影 #底片分享

06/10/2020

Filmalog x Sammi #000000
《咖啡沖洗體驗日》

過咗幾堂彩色菲林沖洗班之後，有朋友問：「你哋會唔會搞黑白沖洗班呀？」Yes! We Do! Filmalog 希望用一個更另類、更有新鮮感嘅方法去比大家體驗沖洗菲林嘅樂趣，所以決定用你同我每日都可能會接觸到嘅飲品 — 咖啡嚟進行沖洗！今次我哋仲特別與黑色為主題嘅咖啡店 — Sammi #000000 合作進行今次嘅體驗日！有興趣嘅朋友，快啲㩒入 https://www.filmalog.com/workshops 報名啦！

日期：10月18日（星期日）
時間：7pm-9:30pm
地點：Sammi #000000 - 荃灣街市街115號蘊崇大廈地下C及E號舖
名額： 六位
所需物資： 135 / 120黑白菲林一筒
活動費用：$420 

*活動費用已包括 Sammi #000000 內任何一杯飲品，食品可以自費購買，數量有限。

註：因技術問題，網頁暫時只接受 Paypal 付款（不會收取額外手續費）如在付款方式上需要支援，歡迎聯絡我們協助。


27/09/2020

[菲林小測試：Rollei Crossbird - 原廠建議未必靚？］


相信呢排大家去菲林店都見過呢一隻綠綠地色、包裝幾靚嘅 Rollei Crossbird 200 菲林。雖然官方建議大家使用 C41（負沖）沖洗呢卷菲林，但其實呢款菲林骨子裏係一筒幻燈片嚟㗎！
Filmalog 今次就為大家展示用 C41 同 E6（正沖）沖洗出嚟嘅 Crossbird 200 係咩效果啦！

新手注解：簡單來講，C41 係平時最普遍彩色負片嘅標準沖洗流程，E6 就係幻燈片（Slide)嘅沖洗流程。 所以標準來講，彩色負片同埋幻燈片係會使用唔同嘅藥水同流程去沖洗。

🟢《沖洗結果：E6 vs C41 vs iPhone 》

E6（上）：其實小編真係對用 E6 沖洗嘅結果有啲喜出望外，一開始小編以為沖出嚟嘅結果會對比度會好低，以為係說唔上好睇既成像。點知沖出嚟就正如包裝上所講：The film then has a golden yellow appearance and gets the look of a warm summer day. 雖然就有少少誇張，但確實真係有一種暖調同埋懷舊嘅感覺。喺市場上幻燈片嘅選擇唔多，呢一款應該會係小編嘅全新選擇。

C41（下）: 其實小編對 C41 沖曬出嚟嘅結果都唔意外，因為網上面都有好多唔同嘅評測，結果都係又黃又綠，同普遍嘅 cross processing 結果都係差唔多，顆粒感偏重，沖出嚟嘅底片仲係紫色嘅添。正所謂朱主席，呢首歌唔易唱。我就話呢種綠真係唔易影.... 順帶一提，呢款菲林係白光之下會顯得更加綠。

iPhone: 特別附上幾張iPhone 嘅對比照俾大家～

🟢《其實Crossbird 200 唔係新菲林？》

其實幾年之前 Rollei 都曾經推出過一款叫 「Crossbird Creative Edition」嘅菲林，但奈何個包裝實在太唔吸引（碌到最後有舊包裝圖片），所以小編當年都冇乜點留意過佢。近呢幾個月 Rollei 為呢卷菲林帶嚟全新嘅包裝，配方有冇變到就唔知啦，但起碼個包裝好睇少少。值得一提嘅係，以前嘅菲林包裝上面有寫上可以用 C41 或者 E6 藥水沖洗，但新嘅包裝就只係喺盒入邊悄悄地寫上可以 E6 藥水沖洗，喺盒嘅出邊就只提及使用 C41 藥水沖洗。

（碌到最尾有舊包裝圖片）

🟢《溫馨小提示》

·新包裝嘅crossbird 有 135 120 127 嘅大小可以選擇。
·使用P&S 傻瓜機嘅朋友手動調校 ISO，因為菲林係冇DX code 嘅。
·官方建議如果使用C41 沖洗，以 ISO200 進行測光去拍攝；使用E6 的話使用ISO100 進行測光。

🟢 歡迎大家拍攝之後 tag 我地@filmalog_同我哋分享你嘅優秀作品。如果你有其他關於菲林嘅有趣體驗好想公諸於世，歡迎大家dm 小編盡數心中情。

特別鳴謝Filmalog 之友 Dennis 的照片分享～

02/09/2020

Filmalog x Color in August 八月照相館 呈獻：

《沖曬店店員一日體驗班》

相信你同小編都一樣，係咪冇諗過會有機會可以親身了解同體驗沖曬店嘅運作架呢？機會嚟啦飛雲！

Filmalog 聯乘 八月照相館，為大家帶黎 - 沖曬店店員體驗日！你可以自己一手掌握沖相，掃描等過程，八月照相館既老闆寶姐仲會為大家分享做專業沖曬員既經驗同心得添， 絕對係千載難逢嘅學習機會！立即㩒入 filmalog.com/workshops 報名啦！

🤟🏻係呢個體驗日，你可以有機會做一日沖曬店店員， 你可以親手嘗試：

— 親手將自己嘅菲林放入自動沖洗機
— 自己掃描並調教相片顏色
— 另有更多冲晒體驗可以從疑問中加插

👉🏻寶姐亦會喺體驗日上分享：
1）分享沖曬店開店前的準備工作（校準顯示屏色調等等）
2）介紹沖曬店機器之功能，操作及運用；
3）了解菲林沖機藥水比例、調配、如何穩定藥水等技巧；
4）介紹沖機內部結構和具體操作；
5）介紹scanner 操作，示範如何將菲林調教至理想色調；
6） 調色實戰示範：在不同情景（如：風景，人物）的調色經驗分享；
7）分享掃描檔的最後調整和其他注意事項

✌🏻*** 寶姐會視乎現場反應和問題調整或加插課程內容，簡單來講你問得越多，學到嘅就會越多！

日期：9月19 日 或 20日（星期六/星期日）
時間：2:00-5:30 
地點：赤柱-八月照相館
價錢： $380 位
名額： 小班教學，每節四位 ，兩日總共八位
所需物資： 135 彩色負片一筒和愉快嘅心情


註：網頁暫時只接受 Paypal 付款（不會收取額外手續費）。如果在付款方面需要協助，歡迎DM小編聯絡。

—

《一日沖曬員體驗日》分享

Filmalog 終於有機會揭開沖曬店嘅神秘面紗喇！！

我哋有幸嚟到 Color of August 八月照相館 參觀，喺店主兼沖曬師傅 - 寶姐講解同帶領之下，了解到沖曬店嘅日常運作！

小編一直覺得沖曬店背後嘅工作好神秘，究竟點解唔同沖曬店沖掃出嚟嘅效果會有唔同？唔同菲林嘅沖洗價錢又點解會唔同？就算上網爬咗好多文，請教咗好多人，但都滿足唔到我哋求知嘅心！今次我哋真係可以親身體驗啦！

我哋除咗參觀同了解沖掃過程之外，寶姐更放手比我哋嘗試自己沖掃菲林，我哋仲有機會一試為自己相片調色！

有得喺沖曬店參觀固然興奮，不過最開心係聽到寶姐分享以前喺沖曬店工作嘅經驗。原來一啲對佢嚟講可能每日都接觸、好普通嘅沖掃日常事，我哋都覺得非常新奇有趣。經過短短一日嘅體驗，先發現原來做沖曬師傅一啲都唔簡單，而且好講求經驗，先可以將最好嘅相片交去客人手上。

繼上次出左story 之後，差唔多每一日都有Filmalog 之友問我地有冇得玩。今次我哋真係幫緊你幫緊你！Filmalog 正積極同寶姐商議緊體驗工作坊嘅可能性，大家都好希望可以促成俾大家體驗嘅活動，記住留意我地ig 關注最新動向啊！

30/06/2020

[ 香港第一卷本地手工黑白菲林！？]

有無諗過，點解我哋只可以用外國菲林，唔可以有屬於香港嘅菲林?

Filmalog 今次有幸接受「友」嘅邀請，試用呢筒獨一無二嘅手工菲林

香港手工啤酒「友」YAU 嘅「我友主義 」計劃一直力撐本土工藝。今次支持咗一班菲林攝影愛好者，經過一番努力，佢哋創造咗香港第一筒全手工黑白菲林！呢筒絕對唔係貼紙菲林，由揀選片基、測試、上感光劑、裁切等等，去到捲菲林都係人手製作，亦都係世界上第一筒以 #宣紙 做材料嘅菲林！

呢筒宣紙菲林係一筒ISO 25 嘅120菲林，因為係極低感光度，我哋喺猛烈太陽之下都要開大光圈影。初初影第一筒時，其實我哋都影得唔係咁好，唔係因為測光錯誤，而係發現菲林嘅感光塗層對紫外線敏感，對普通燈光無太大反應。所以就算我哋肉眼甚至乎用測光器測到足夠光源，都未必會捕捉到影像。

於是乎，喺影下一筒菲林個陣，我哋專登揀咗陽光最猛烈嘅日子，喺中午 12 點至 4 點紫外線指數最強嘅時候影。果然，今次影像就更加突出啦～（小編都更加黑咗喇～）而且因為菲林以宣紙作為片基，出嚟嘅影像會帶有宣紙紋路，為照片添上一層獨有嘅質感，非常有特色！

呢筒菲林比起普通菲林難用，但正正因為難用，先令我哋更有心機去影，喺社區發掘更多好嘅拍攝題材。由於菲林全手工製作，現時為 #非賣品 ，而且數量有限，我哋其實都唔捨得用！如果大家都想試吓呢筒香港製造嘅菲林，不如飲多幾支 #友 #手工啤酒 ，支持佢哋正式生產！

#我友主義 #香港首卷手工菲林 #宣紙菲林

22/06/2020

👉🏻［ 尋找36張的故事］ （記住要睇到最尾嗰張）

是咁嘅，小編一直都唔明，135 菲林點解要整到 36 張，點解唔係齊頭 50 張 100 張呢？上網搵睇。又好似其實冇咩人講，亦都好似係冇一個比較正統同官方嘅講法。唔緊要，等我同大家分享吓比較多人講亦都比較可信嘅兩個講法：
————————————————————
超級精簡懶人包 ：
➊ 其中一個講法就係
因為發明 135 相機嘅發明家攤大隻手最長都係拉到 36 張咁長嘅菲林；
➋ 第二種講法就係
因為個菲林筒最長就只係放到36張既菲林。

如果充滿疑惑嘅，就可以繼續睇落去 😂
————————————————————
講原因之前，首先要介紹一個人同埋一部相機。

呢個人叫 Oskar Barnack (圖二） ，佢當年係一位Leica（前稱 Leitz ）嘅工程師。佢係一個攝影迷，亦會經常使用到 35mm 菲林拍攝短片。佢一直都好想有一部細細哋 ，又可以係唔係用得啱曝光值嘅相機。 佢一直朝着呢個目標進發。之後喺 1913 年，佢成功製作左兩部叫 Ur-Leica （圖三）嘅原形機。雖然佢唔係第一部用 35mm 菲林嘅相機，但我相信佢係最成功嘅一部， 亦都係斷定咗現今使用 24 × 36mm 標準不可或缺嘅一部相機。

咁當然啦，呢部機唔係完美嘅。一開始嘅相機原形要先喺黑房度上咗菲林先，影完又要喺黑房拆出嚟拎去沖洗。後來佢改良咗，設計咗個金屬嘅筒，可以先將菲林捲入去個筒入邊，影完之後就直接回捲，咁就唔使去咁多次黑房喇！

咁點解只係影到 36 張呢，傳聞中有幾個說法係比較多人講：其中一個講法就係話 Ur-Leica 本身嘅設計係可以影到 40 張 24 x 36 嘅菲林，但受制於金屬筒既大小，所以就限制左只係放到36 張咁長嘅菲林，所以就沿用到而家。

另一個講法就比較搞笑，就係話 Oskar Barnack 大字形打開隻手最長就只係可以拎到大約 5 呎 4-5 寸長嘅菲林，所以呢個長度就沿用到而家。小編親身試過， 好似真係極限 （圖四）。但 35mm 長度嘅標準其實冇一個好肯定嘅講法，兩個都要有人講就睇吓大家信邊個。

BTW, 如果大家喺網上搵到其他有趣嘅講法，不妨同小編分享吓～

17/06/2020

[ 菲林攝影師 分享 — 平價菲林的另一種色調]

同一款菲林竟然有兩種色調！？今次繼續交比 講吓背後嘅成因！：

今次主要想分享下 2 款最容易買到既平價菲林嘅測試（雖然而家已經唔係平價），分別用 Noritsu HS-1800 同 Fujifilm SP3000 Scan 出嚟會係點樣，全部相都係用 Oympus Mju ii Zoom 115 影。

以上測試只供參考，其實 HS-1800 同 SP3000 可以講只係味精既一種，顏色都只係其中一樣表達概念嘅媒介，而且 Scanner 嘅 Setting 唔同，以及哂相鋪嘅調色都會影嚮到張相出黎係點，用同一部 Scanner 分兩次 Scan 同一格菲林， Scanner 所感應到嘅顏色、曝光、反差、 Noise 都有可能唔同。

Disclaimer: 所有相片經由 同意轉載。文章純作參考，不代表Filmalog 立場。

感謝 再次分享關於 Scanner 如何影響菲林色調嘅知識！

12/06/2020

[ 菲林攝影師 Thomas Instant Photo Service 分享 — 正片？幻燈片？ ]

可以喺菲林上直接睇到原本色彩嘅菲林，我哋一般會稱呼佢做「正片」，但原來呢啲並唔係正片！接落嚟交比來自 嘅攝影師 Thomas 分享吓點為之真正嘅「正片」：

在彩色菲林中，
負片是負像，顔色反轉了，啡啡綠綠的。
幻燈片，就是彩色的世界。

［ #正片不等於幻燈片]

可能有人會説:「咩幻燈片個名咁娘咁造作，正片咪正片囉。」無錯，現在提到正片，每個菲林人都知道是甚麼。但原來 負片（Negative Film）、正片（Positive Film）、幻燈片（Reversal Film/Slide）曾經是三種不同的東西。

［ #電影製作上用的才是正片！］

回到以前的電影年代，正片（Positive Film）是用在負片之後的處理工序。只要利用負負得正的原理，就可以將負片轉為正像（Positive）。 你可以想像：正片的功能類似一張相紙，利用負片拍攝過後沖印在這張相紙上，就可以看到正常的色彩。由於正片是一張透明膠片，可以用作投影用，所以被使用去製作電影，同時可以大量複製提供不同戲院上映。

［ #這正片並不是你所買到的正片而是幻燈片］

但是，這種正片是不適合直接拍攝用的。由於它的反差高，感光度低，寬容度比幻燈片更低，重點是沒有一般市面發售，根本買不到。

而幻燈片是設計成直接得到正像，色彩豐富、成像立體真實。所有品牌也會加上「Chrome」字標示其幻燈片菲林，例如 柯達剛覆産的 Ektachrome 和 富士的 Fujichrome。 但始終寬容度比負片低，價格又比較貴，家用市場銷量也少。

正片之所以叫「正片」，是因為它的功用是製作正像，而幻燈片沖洗後又是得到正像，加上文字上「負」相對就是「正」，久而久之不是負片的都叫正片了。

所以，坊間買到的「正片」其實都是幻燈片。
*圖中的照片就是用幻燈片拍攝。*

正片是反轉用又不是反轉片又像幻燈片⋯

天啊，大混亂！

但正如富士即影即有一直被叫作寶麗來一樣改不了口，只要大家説「沖正片」時沖曬舖不會搞錯給你就無問題了~

Disclaimer: 所有相片經由 同意轉載。文章純作參考，不代表Filmalog 立場。

感謝 Thomas 分享關於正片名稱由來！！

10/06/2020

[ 菲林攝影師 分享 — 沖洗店用掃描器分別 Noritsu or Fujifilm ]

上一個 post Filmalog 將三間晒相舖沖出嚟嘅菲林色彩比較，今次一於深入研究，交比菲林攝影師 同大家一齊探討吓兩種沖洗店用掃描器嘅分別：

一直都有好多人為菲林色而煩惱，因為常見菲林介紹：例如富士偏藍綠，Kodak偏黃，但係成日聽到有人講卷菲林話偏綠藍，但哂出黎點解會偏左黃色，飽和度、反差都同介紹唔同，我就想補充少少資料。

一般菲林發色其實係廠商既Marketing，不少相機店介紹菲林風格、菲林顏色，其實係Scanner輸出既顏色，每款機都有預先既設定，而彩色負片原意係為左後制時可以做到唔同既效果，未有數碼攝影既年代用放大機放相，而家係用掃瞄將菲林轉做數碼檔，基本上哂相鋪都代我地做左最基本既後制。

香港大部分既哂相鋪：Showa、Dotwell、imageplayground、Megatoni Production、彩圖麗、HK CAMERA、Output Pro Lab、金鈿同其他哂相鋪大部分都係用Noritsu各型號既Scanner，Noritsu預設顏色一般偏黃，飽和度較低，反差較細，所以係IG搵香港既菲林相，不論tag係寫咩菲林都係差唔多既色調，大家一直睇慣既既菲林色。

而香港用Fujifilm SP3000既哂相鋪有：快圖美、金藝、太子數碼沖印，SP3000預設顏色一般偏藍，飽和度較高，反差較大，其實就係好多人講日本人IG用傻瓜機、Fujifilm QuickSnap d相既色，因為日本好多哂相鋪用SP3000，但缺點係細節同層次感明顯比Noritsu少，Noise都偏多。

不過最終張相係點樣，除左用咩Scanner，Scan完點樣去做後制打色，例如調色、曝光、Noise、銳利度都同樣重要，還原度高與低都係睇呢個步驟。

Disclaimer: 所有相片經由 同意轉載。文章純作參考，不代表Filmalog 立場。

再一次感謝 深入探討分享！