https://www.facebook.com/132766486796869/

Toutouwfood, Shau Kei Wan (2026)

17/05/2026

銅鑼灣和牛燒肉純🖤
呢間店專攻優質和牛，環境現代日式，座位舒適，有半開放式燒肉區，適合朋友或情侶聚餐🫶🏻

長崎黑毛和牛牛柳
牛柳肉質細嫩，油花分布均勻，肉汁豐富，牛味濃郁又唔韌😆👍

特選和牛肩胛肉
肩胛肉油脂豐富，燒起來香氣超重，肉感十足🥹

厚切牛舌
厚切牛舌彈牙有咬口，表面燒得脆脆，內裡仍然juicy，牛舌控必點！😁

網切燒汁赤肉
赤肉切成網紋，燒汁入味，肉質軟嫩😝

和牛炒飯
用和牛油炒飯，粒粒分明，牛油香氣滲入飯中，香到爆😌

海鮮煎餅
外脆內軟，海鮮料足，配醬汁正😋

雪糕哈密瓜蘇打
冰涼甜蜜，解膩一流🍦

整體和牛質素高、新鮮度好，服務又親切😍

27/03/2026

今日大家樂食下午茶，點知一開Club100 App就發現非常多超抵優惠，即刻覺得今日賺咗！😍🍴

茶市時段任何惠顧加$5就有半份西多士！所以今日就用咗呢個優惠🫰🏻半份剛好唔太飽，平時食完晏晝又有甜品收尾～🍞✨

午市/晚市用App點餐，滿$50即減$6！（3月23-29日限定）✨ 用App掃碼落單超方便，唔使排隊，仲自動計優惠，第一次用覺得好正！👍

真係多得Club100 App，先知有呢啲隱藏著數！平時食大家樂都唔記得check App，依家每日開嚟睇吓有咩日日賞/搶券，覺得好抵玩～下次一齊嚟試吓啦！🔥

06/01/2026

東涌裕雅苑嚟咗間紅心麵包西餅，呢間平民包店產品新鮮每日出爐，價錢親民，麵包蛋糕款式多到睇唔晒～今次買咗呢幾樣返屋企慢慢食，全部都幾正！🥹🥹💛

芒果魔糍蛋糕
人氣蛋糕😍 蛋糕有3-4吋~ 蛋糕體軟熟，芒果餡新鮮酸甜🥰👍🏻魔糍部分煙韌，口感層次豐富✨

黃金蛋白蛋糕
蛋白烤得金黃鬆軟，甜度啱啱好，入口即融冇負擔，簡單經典款！😆🫶🏻

蒜蓉芝士火腿包
蒜蓉香到入晒包，芝士拉絲火腿鹹香，烤完外脆內軟，早餐或下午茶一流～

黑糖麵包
黑糖味濃郁，麵包煙韌有咬口，甜中帶少少焦糖香，超抵食！

紅心產品質素穩定新鮮，街坊包店首選😚

08/12/2025

喺筲箕灣搵到間茶餐廳金牌茶餐廳，地方大坐位多，成日坐滿街坊，菜單超厚本，中西扒類乜都有，價錢仲好實惠～😝👍🏻 今次一個人試咗兩款鐵板餐（全部跟蒜蓉包＋餐湯，超有誠意！）

金牌封門柳鐵板餐配飯（黑椒汁）+太陽蛋 �封門柳厚切又嫩，黑椒汁香濃唔死鹹，鐵板滋滋聲超香😆飯底全部吸晒汁，加個太陽蛋！💕

雞扒＋司華力腸鐵板餐配薯條（蒜蓉汁）�雞扒厚實多汁，司華力腸香口，薯條炸得金黃脆卜卜，鐵板保持到熱辣辣食晒都唔會淋！🥰

小食吉列大蝦 4隻�蝦肉厚實，$35.4隻都算唔錯😌

食到超飽超滿足！

23/11/2025

扎肉撈檬 �扎肉肥瘦ok，撈埋檬粉，酸辣味幾平衡😆食落開胃又唔會太重口。份量夠晒，一碟食到飽🙌🏻

越式炸春卷（2件）�外脆內軟，內餡有豬肉☺️蘸魚露酸甜啱啱好，一咬落去香脆過癮，$24真係抵食！

越式香茅豬扒（細）�香茅味出晒，豬扒燒得嫩滑，少少焦邊加分☺️

越式豬頸肉蛋飯 �豬頸肉厚切多汁，啖啖香，食完好滿足～🙂‍↕️

軟殼蟹米紙卷�蟹炸得金黃脆口，鮮甜美味，魚露一蘸更正，係今次亮點！😁

環境ok，服務快，旺角食越菜可以一試。下次想試佢哋河粉同法包～

12/10/2025

☀️ 葵芳嘅稻田食堂真係日式便當控嘅隱世天堂！🍱✨

🍣 自選4款刺身丼 壽司醋飯酸甜彈牙，鋪滿新鮮刺身🥹三文魚鮮甜油潤，入口即化🙂‍↕️本鮪赤身肉厚紅嫩🥳油甘魚肥美滑溜！
加$9嘅帶子更係亮點，甜美Q彈～加埋附送茶碗蒸，蒸蛋滑溜香濃🥳$97 一碗超抵食～

超爆人氣自選便當🍱
福岡流心芝士漢堡扒兩件，外脆內嫩，咬開芝士拉絲金黃🤩肉汁混芝士香濃
北海道帶子壽司兩件，帶子新鮮彈牙～甜品福岡直送綿綿芝士蛋糕，綿密滑溜，芝士味濃郁微甜，食落似雲朵咁輕盈！
轉芝士咖哩撈烏冬加$15，烏冬 Q 彈滑溜，咖哩芝士香辣濃郁，拌勻後 creamy 惹味🤩

總之，稻田食堂葵芳店便當新鮮多樣，環境舒服，適合葵芳街坊日常！😋

26/09/2025

🇹🇭 呢間分店裝修似泰國大排檔，最近試咗幾款招牌，足料新鮮，價格親民😄

🧋 泰式檸茶凍泰式奶茶
泰式檸茶酸甜清新，檸檬汁新鮮爆汁，混埋茶香，冰冰涼涼！🥳凍泰式奶茶就濃郁奶香，茶味撲鼻，甜度啱啱好，唔會太膩，配飯一流！

🐷 泰式無骨豬手
豬手控天堂！呢個無骨豬手煨到入味，皮脆肉嫩，肥瘦層次分明😎咬落去滿口膠質彈牙，泰式醬汁酸辣微甜，滲入每塊肉！份量夠晒兩個人 share，配埋雞飯食更過癮，$48 真係值爆！

🍳 百葉辣肉碎煎蛋飯
呢個飯超推介！鋪滿辣肉碎同豆腐皮，肉碎炒得香脆入味，微辣帶香，煎蛋溏心金黃，切開流汁拌飯即刻變 creamy🤗每一口都層次豐富！辣度啱香港口味，解膩又開胃，一碟夠飽，$64 性價比高！

🍗 水門雞飯 (加烚蛋 +$6 轉雞髀)
�招牌水門雞飯絕對係主角！雞髀肉滑嫩多汁，皮薄少脂，蒸得鮮甜無腥，配秘製酸辣醬汁，拌埋白飯香濃惹味！😍加烚蛋蛋黃流心，轉雞髀多咗肉感，$62 埋單超抵！雞湯清澈暖胃，飲落去解油膩，整個體驗正宗泰式海南雞，食完回味無窮！😝

04/09/2025

話說我最近試咗王媽媽法式溫馨酥嘅9入四色禮盒，攞咗百大伴手禮金質獎嘅鹹檸酥🥰

土鳳梨酥
一拎起土鳳梨酥，已經聞到陣陣鳳梨香，超鬆脆！內餡用咗台灣本地嘅土鳳梨，酸酸甜甜🤲仲有啲果肉纖維，食得出好天然，完全唔會太甜膩☺️

鳳梨酥
如果你覺得傳統鳳梨酥有啲單調，呢款鳳梨酥肯定會畀你驚喜！😚佢用鳳梨冬瓜醬做餡，甜度調得啱啱好，唔會死甜。咬落去香又仲有陣陣奶香😝比起街邊普通鳳梨酥，呢款真係食得出用心，甜而不膩，送禮自食都一流！👍

鳳凰酥
將醃製嘅鹹蛋黃同鳳梨冬瓜醬混搭，鹹蛋黃嘅濃郁同鳳梨嘅甜味完美平衡😊

抹凰酥
佢用咗台灣高質蒸菁綠茶粉，茶香好濃但唔會苦😋食落有種清新又豐富嘅感覺😌送畀鍾意抹茶嘅朋友肯定大受歡迎。

鹹檸酥
講到壓軸，當然係鹹檸酥，仲係2025年攞咗百大伴手禮金質獎嘅新口味！😻一咬落去，鹹檸檬嘅酸爽同酥皮嘅香脆真係絕配，鹹鹹酸酸，食完好開胃！比起其他甜味為主嘅酥，呢款清新得嚟好有個性😘

📍香港銷售點:
旺角店：MOKO 新世紀廣場一樓L143D
屯門店：屯門市廣場1期 UG/F UGK15
香港店：港鐵香港站 HOK43-44
✅HKTVMALL

26/07/2025

最近同朋友搵到鰂魚涌一間超正嘅外賣店，叫做秋意，專做川菜同各式雞菜，特別係佢哋嘅去骨豉油雞真係一試難忘！📍

秋意去骨豉油雞
性價比超高！佢哋用新鮮三黃雞，雞皮薄而入味，啖啖都滲晒豉油汁嘅香氣，雞肉嫩滑多汁，完全唔會鞋口，仲要去骨🥹🥹🥹食起來超方便！配飯或者濃雞湯麵都得，我哋揀咗白飯，飯粒煙韌，襯托雞肉嘅味道剛剛好😚

陳年醉汁去骨雞+醉汁雞白飯
呢個係另一款招牌，雞肉浸過陳年醉汁，帶有淡淡嘅酒香同藥材味，入口嫩滑，味道層次好豐富！☺️❤️‍🔥醉汁略為濃郁，微甜帶點鹹香，淋喺白飯上，飯都變得好惹味！同豉油雞比，醉汁雞多咗一份獨特嘅風味，鍾意酒香嘅朋友一定會中意😁🤟🏻

酒釀溏心蛋
蛋黃流心，酒釀味道濃而不膩～

蟲草花烏雞燉花膠湯
真係好滋補！湯料好足，有烏雞、蟲草花同大大塊花膠，湯頭香濃，飲落暖胃又養顏😎花膠炆得軟滑，雞肉嫩而入味，雖然價錢略貴，但份量同質素真心值得😌

凍玫瑰山楂飲
入口清爽，帶點玫瑰嘅花香同山楂嘅微酸，甜度適中，好解渴，仲有助消化，食完油膩嘅雞菜後飲一啖真係好match！🙌🏻

Shake Shake 芥蘭
芥蘭爽脆鮮甜，配上辣醬同蝦乾，充滿南洋風味～

整體嚟講，秋意嘅外賣質素好穩定，菜式味道同觀塘店一樣出色，雖然係外賣店，但食物包裝好用心，送到屋企都仲熱辣辣！店員態度友善，落單快手，喺鰂魚涌返工或者住附近嘅朋友真係要試吓！📞

20/07/2025

店舖唔算大，裝修簡單但好乾淨，木枱同暖光燈營造出好溫馨嘅氣氛，啱晒想輕鬆食餐飯嘅朋友。

至尊松茸餃
真係招牌級！煎餃底煎到金黃香脆，咬落一陣松茸嘅濃香撲鼻而來，餡料 juicy 又充滿菇菌嘅鮮味，皮薄而不破，每隻餃子都好有誠意。沾啲醋同辣油，簡直係完美！😎🫶🏻

雲耳椰菜餃
雲耳同椰菜嘅餡料爽脆可口，餃子皮滑溜溜，食落好清新。中碗份量啱啱好，食完暖笠笠好舒服😙

龍鳳蛋
蛋香濃郁，口感滑嫩，仲有少少蔥花同調味料提味，簡單但好惹味😀

山楂雪梨水
好清新解渴，山楂嘅酸甜同雪梨嘅清香好平衡，冰涼涼好適合夏天飲🙂‍↕️

Toutouwfood

17/05/2026

27/03/2026

06/01/2026

08/12/2025

23/11/2025

12/10/2025

26/09/2025

04/09/2025

26/07/2025

20/07/2025

Address

Website

Alerts

Shortcuts

Share

Category