26/07/2020
呢排忙咗無咁認真咁整Timelapse，可能最近日日對住d日落相，審美開始疲勞。
同埋因為拍個下其實都係駁個尿袋放低部機就開始，等時間慢慢過唔係好難。
反而難嘅地方係點樣plan條片點剪點出。
荃灣海濱花園條timelapse其實係實驗嚟，特登剪兩次唔同嘅片，結果反應好唔同。
而家好彩我拍係8k，嚮IG/FB再放大4倍出都無乜問題。
D人成日話我支35mm f/1.4蔡司人像鏡放嚮防潮箱無用過，而家反而變咗我最鍾意用嘅timelapse鏡，因為35mm 角度唔係太細但變形又好過超廣角，變相平衡咗事，等我再用呢種大幅度剪裁嚟pan鏡就唔會顯得好核突。
仲有呢支鏡成日俾人話soft，無sigma 1.4/1.2咁sharp，收番去f8咪一樣用得，睇下條片頭半分鐘就知。話哂都係神鏡。佢係第一支令我揸上手、影出嚟會感動到眼睛有d模糊嘅神鏡，我仲係好記得個一刻🥺，所以死都唔賣呀哈哈哈😂😂😂。
講番正題，剪完出嚟無諗過pan鏡同堆雲神同步，個人覺得幾靚，希望大家鍾意。
而家我d timelapse素材都搵咗個4TB HDD儲起哂，想日後沉澱過後諗到新嘅角度呈現同一個日落。
D ideas慢慢咁出緊嚟，但要d時間去諗點樣用先靚。好可惜我太遲學拍片，而家真係上番d online courses學下基本功先。
今朝睇完Youtuber Brandon Li拍韓國首爾個條片，深深咁體會到創意同storytelling嘅決定性絕對嚮拍片技術以上，決定咗一條片嘅個人風格同吸引度。其實電影配色好似都係基本嘢，為storytelling服務。
Timelapse太好玩。我會繼續嘗試同努力。
