Mouton Photography - 專業攝影 初生嬰兒 BB 兒童 家庭 孕婦 寵物

Mouton Photography - 專業攝影 初生嬰兒 BB 兒童 家庭 孕婦 寵物 專注於孕婦照、初生嬰兒照、百天照、家庭照及Cake Smash攝影，我們擁有超過10年專業經驗。攝影師Coral在國際賽事屢獲殊榮，使用高品質進口道具及設備，打造柔和歐美風格。我們團隊耐心且充滿愛心，致力於為每個家庭提供溫馨專業服務。讓美好記憶永恆，立即預約享受頂級孕嬰童攝影服務，記錄您的珍貴時刻！

Mouton - 法文"綿羊"的意思.如同孩子般純潔,無垢,可愛,如影隨形.

【主題照,唔係得意咁簡單】間唔中會聽到有人講:「BB Cosplay影相,大個睇返會唔會覺得老土呀?」 老實講,呢個諗法我明,亦都尊重。但每次幫客人設計主題,背後其實都有一個故事。 好似之前有位媽媽同我講,佢懷孕之前根本唔鍾意食麥當勞,點知...
08/09/2026

【主題照,唔係得意咁簡單】

間唔中會聽到有人講:「BB Cosplay影相,大個睇返會唔會覺得老土呀?」

老實講,呢個諗法我明,亦都尊重。

但每次幫客人設計主題,背後其實都有一個故事。

好似之前有位媽媽同我講,佢懷孕之前根本唔鍾意食麥當勞,點知一懷孕,就成日好想食薯條同漢堡。佢話:「呢個係我懷住BB嗰九個月最深刻嘅回憶,好想幫BB整返個麥當勞造型,記住呢件事。」

嗰一刻我覺得,呢個唔係「得意造型」咁簡單,而係屬於呢個家庭獨一無二嘅回憶,係屬於呢個屋企嘅小故事。

所以我哋嘅拍攝,從來唔係得一種風格。喺同一節拍攝入面,我哋會喺唔打擾BB嘅情況下,由主題造型慢慢過渡去簡約永恆嘅風格，即刻由充滿故事性嘅畫面,轉去乾淨純粹、幾多年後睇返都唔會過時嘅溫柔肖像。

一輯相,有紀念性,亦有永恆感。呢個先係我哋想為每個家庭留低嘅回憶。

02/09/2026

十年前，我影初生 BB，最著緊嘅係個姿勢夠唔夠靚，畫面夠唔夠完整，張相睇落似唔似一件藝術品。
嗰陣嘅我認為，影到一張好靚、好完美嘅相，就已經係最好。

直到我自己做咗媽媽，而家我再睇返自己小朋友初生嗰陣嘅相，最打動我嘅，原來唔係佢擺得有幾完美，而係我一望到張相，就即刻記返起嗰一日。記得影到一半，佢突然喺我身上瀨尿，亦都記得嗰陣嘅自己，好攰、好手忙腳亂，但心入面其實好幸福。

原來一張相最珍貴嘅地方，唔係幫你留低一個完美畫面，而係喺好多年後，佢可以帶你返去嗰一日，再一次感受到當時嘅心情。

所以而家嘅我，依然會追求每一個畫面都靚、每一個姿勢都極緻，但喺呢個基礎上，我更想留低嘅，係你同 BB 之間最真實嘅感覺。我想交畀你嘅，係一份將來一翻開，就會令你會心微笑、重新記返嗰一日嘅回憶。

如果你想記住嘅，唔只係 BB 有幾得意，而係你哋第一次成為父母嗰份又攰又幸福嘅感覺，歡迎搵我，一齊為呢段日子留低回憶。💛

📍小羊攝影 Mouton Photography
🍼 專業初生 BB 攝影・14 日黃金期・全女班攝影團隊

「20週嗰次照結構，我唔停口指揮緊醫生」呢張相影咗幾年,但每次睇返都仍然會眼濕濕。4年前，我懷住兒子20週嗰次去照結構，醫生用緊4D儀器幫我睇肚入面嘅BB。望住個screen嗰刻，我個腦入面嘅攝影師魂突然爆發「醫生唔該幫我攞高少少果個角度」...
28/08/2026

「20週嗰次照結構，我唔停口指揮緊醫生」

呢張相影咗幾年,但每次睇返都仍然會眼濕濕。

4年前，我懷住兒子20週嗰次去照結構，醫生用緊4D儀器幫我睇肚入面嘅BB。望住個screen嗰刻，我個腦入面嘅攝影師魂突然爆發「醫生唔該幫我攞高少少果個角度」、「可唔可以再影多張佢瞓覺嘅樣」……我諗醫生嗰時應該覺得呢個媽媽幾煩喇（笑）。

但就係嗰刻,我心入面已經諗緊：如果將來影newborn，我一定要設計一個「返子宮」嘅造型，用最柔嘅光、最輕嘅布料,將BB出世前嗰種蜷縮、安穩、被溫柔包裹住嘅感覺,重現出嚟。

呢個造型,就係咁樣誕生嘅。唔止係一個pose,而係我自己作為媽媽,對「生命最初」嘅一種記錄同致敬。

而家兒子3歲，佢有時瞓覺前會同我講一啲好奇怪嘅嘢，「媽媽,我記得裡面好暖」、「我以前喺度聽到你講嘢」。我知呢啲可能係佢嘅想像,但每次聽到,我都會攞返呢張相出嚟睇,眼濕濕。

原來由佢仲喺我肚入面,到我而家用鏡頭幫其他家庭記錄呢個珍貴時刻，一直都係同一種心情，想將呢啲轉瞬即逝嘅溫柔,留低。

如果你都想幫BB留低呢種「返子宮」嘅溫柔造型,歡迎搵我哋傾傾～

呢個係有關父母係醫生／救護員嘅家庭故事。日夜冇分界，電話一響就要出發；佢哋嘅假期時常被call symptom、被緊急召回打亂；佢哋見盡生離死別，卻仍然選擇每日出門，去守護其他人嘅生命。呢次我哋特別設計咗呢套「小小醫護」造型，有聽筒、口罩、...
25/08/2026

呢個係有關父母係醫生／救護員嘅家庭故事。

日夜冇分界，電話一響就要出發；佢哋嘅假期時常被call symptom、被緊急召回打亂；佢哋見盡生離死別，卻仍然選擇每日出門，去守護其他人嘅生命。

呢次我哋特別設計咗呢套「小小醫護」造型，有聽筒、口罩、心電圖。唔係想扮可愛咁簡單，而係想將爸媽嘅身份、佢哋嘅使命感，變成寶寶生命中第一張、屬於呢個家庭獨有嘅回憶。

將來BB大個咗，睇返呢張相，會知道自己嘅爸爸媽媽，係咁樣守護緊呢個世界。

📸 新生兒攝影嘅黃金期只有出生首15天，BB最好最深嘅睡眠都喺呢段時間。如果你哋都想為BB留低專屬嘅「職業系列」回憶，歡迎DM查詢～

22/08/2026

開學倒數中，小朋友嘅學生相仲未影？

唔使再為開學前嘅瑣事周圍撲！我哋特別推出「暑假水尾學生相特快優惠」，幫繁忙嘅爸爸媽媽快速搞掂學生相。

拍攝前會有 warm up 時間，由專人陪小朋友玩、慢慢投入，影到自然又開心嘅笑容。影完仲會即刻處理相片，今日影，今日就可以拎到 hard copy，交學校更加安心。

除咗學生相，我哋仲會將拍攝期間捕捉到嘅得意表情，整成一張 九宮格可愛表情包 送畀你，為今個開學季留低更多可愛回憶。

快啲搞掂學生相，之後就可以專心準備其他開學事項啦。

留言「ID」，我哋即刻將優惠詳情 send 畀你。

#學生相 #開學準備 #兒童攝影 #親子攝影 #香港影樓

【寶寶的第一段航程 ⛵️】初生嘅寶寶好細好細，細到好似仲未真正「落地」，仍然喺一個屬於自己嘅小世界度漂浮住。呢次我哋用咗「小船」做主題，等寶寶好似坐緊一隻小船，緩緩駛入呢個新世界——由夢幻嘅星空、寧靜嘅湖面，到寫實嘅海洋場景，每一個背景都想...
20/08/2026

【寶寶的第一段航程 ⛵️】

初生嘅寶寶好細好細，細到好似仲未真正「落地」，仍然喺一個屬於自己嘅小世界度漂浮住。

呢次我哋用咗「小船」做主題，等寶寶好似坐緊一隻小船，緩緩駛入呢個新世界——由夢幻嘅星空、寧靜嘅湖面，到寫實嘅海洋場景，每一個背景都想講一個訊息：呢個小生命即將展開屬於佢自己嘅精彩旅程，而爸爸媽媽，就係佢最溫柔嘅船槳。

呢個「小船」場景係我哋影樓限定佈景，需要到訪影樓先影到，每一個場景都由我哋精心搭建同挑選配色，等寶寶嘅第一次「航行」影得靚上加靚。

初生攝影嘅黃金時期好短，一般係出世後首14日內，寶寶先會咁自然咁蜷縮、咁易入睡，先影到呢啲得意又安全嘅poses。呢個時間窗口好珍貴，一錯過就冇得補返。

如果你都想為初生寶寶留低呢一段獨一無二嘅「航程」，歡迎DM查詢檔期 🤍

#小羊攝影 #初生攝影 #影樓限定場景 #新手爸媽 #寶寶寫真

擔心影孕婦相身形變樣、唔知著咩好？🤰🏻「我而家肚咁大，仲影得靚咩？」「著咩衫先影得自然又唔會尷尬？」「男攝影師影孕婦相，會唔會有啲怪怪哋？」其實孕婦相唔係要你「變返靚」，而係要記錄低呢個獨一無二嘅階段。你嘅身體正在孕育緊一個小生命，呢種美麗...
17/08/2026

擔心影孕婦相身形變樣、唔知著咩好？🤰🏻

「我而家肚咁大，仲影得靚咩？」
「著咩衫先影得自然又唔會尷尬？」
「男攝影師影孕婦相，會唔會有啲怪怪哋？」

其實孕婦相唔係要你「變返靚」，而係要記錄低呢個獨一無二嘅階段。
你嘅身體正在孕育緊一個小生命，呢種美麗，係任何時候都返唔到轉頭嘅。

我哋深明好多媽媽對身形變化會有啲唔自在，所以我哋堅持用全女班攝影團隊，由攝影師、化妝到助理，全部都係女仕。唔使擔心有男士喺場會唔自在，可以放心咁換衫、擺姿勢，展現最真實、最舒服嘅一面。

至於著咩衫？我哋影樓有齊唔同風格嘅孕婦裝，由飄逸長裙到簡約風，會因應你嘅肚形、身高、氣質同你一齊揀，唔使自己煩惱點著。

呢個階段嚟一次得一次，值得為自己同肚入面嗰位留低一輯靚相 🌸

有興趣了解檔期同套餐，歡迎PM查詢～

#孕婦攝影 #全女班攝影團隊 #香港攝影 #孕婦寫真

12/08/2026

「學校$50就影到,使乜幫襯你哋$580?」

呢句說話,我哋聽過好多次。

但你有冇諗過,喺學校影同影樓影分別喺邊?

學校影相,老師同攝影師都要喺短時間內影晒成校學生,冇時間等小朋友定神,冇時間等佢笑, 快、狠、準,影完就係下一個。結果就係,好多時相入面嘅小朋友,表情僵硬、膚色唔自然,一睇就知係「交行貨」。

我哋嘅做法唔一樣，一對一特長私人時段。

小朋友初初嚟到,未習慣新環境同陌生人,我哋會俾佢哋慢慢適應場地，玩吓玩具, 等佢哋放鬆返先開始。影嘅時候,我哋會跟據小朋友性格氹佢哋笑, 務求影到最自然、最真實嘅表情,唔係「扮」出嚟嘅笑容。

仲有唔同顏色嘅背景畀你揀, 加埋專業執相, 確保每一張證件/入學相都夠晒精神、夠晒自然。

證件相雖然细細張,但係要用足十年八載嘅,值得認真對待。

價錢背後,其實係耐性、係經驗、係對每一個小朋友嘅尊重。

呢個就係我哋同「五十蚊速成相」最大嘅分別。

「Baby，你已經一百日大喇 🌸」由第一日抱住嗰個軟綿綿嘅小生命，到今日已經識得瞪大對眼望住鏡頭，仲識扭下身、做下表情——一百日，講長唔長講短唔短，但每一日嘅成長都係爸媽睇喺眼入面嘅奇蹟。呢輯百日照，我哋為BB揀咗兩個截然不同嘅風格：一邊係...
12/08/2026

「Baby，你已經一百日大喇 🌸」

由第一日抱住嗰個軟綿綿嘅小生命，到今日已經識得瞪大對眼望住鏡頭，仲識扭下身、做下表情——一百日，講長唔長講短唔短，但每一日嘅成長都係爸媽睇喺眼入面嘅奇蹟。

呢輯百日照，我哋為BB揀咗兩個截然不同嘅風格：一邊係櫻花系嘅清新奶白色調，仔仔女女靜靜哋依偎喺小沙發、小搖床上面，好似置身童話入面；另一邊就換上士多啤梨造型，配上「Happy 100 days」嘅主題佈景，甜美又活潑，記錄低呢個值得慶祝嘅日子。

百日照唔單止係一輯相咁簡單，係BB第一個重要嘅人生里程碑，亦係爸媽想留低嘅、關於「初生」呢件事嘅所有溫柔回憶。

我哋嘅拍攝團隊會因應BB嘅狀態同性格調節節奏，唔急唔迫，等BB喺最舒服嘅狀態下展現最自然嘅一面。

如果你都想為屋企嘅小天使留低呢份珍貴回憶，歡迎PM我哋查詢檔期 💌

#百日照 #初生嬰兒攝影 #香港攝影

Address

Kwai Chung

Opening Hours

Monday 10:00 - 18:00
Tuesday 10:00 - 18:00
Wednesday 10:00 - 18:00
Thursday 10:00 - 18:00
Friday 10:00 - 18:00
Saturday 10:00 - 18:00
Sunday 10:00 - 18:00

Telephone

+85262202898

Website

Alerts

Be the first to know and let us send you an email when Mouton Photography - 專業攝影 初生嬰兒 BB 兒童 家庭 孕婦 寵物 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mouton Photography - 專業攝影 初生嬰兒 BB 兒童 家庭 孕婦 寵物:

Shortcuts

Share

Category