大千世界/26 Visions of the wide world/26

03/11/2025

2026 Autumn...

31/07/2023

係一個展覽嘅終結, 亦係一個新project嘅開始.
多謝各位來賓嘅光臨, 有你哋嘅參與係我哋嘅榮幸.
多謝大千每一位隊友嘅努力, 凝聚嘅力量令展覽發光發亮.

我哋會喺不久將來開始下一階段, 令對大底有興趣嘅朋友可以有機會一齊參與.
請留意我哋嘅公佈.

大千世界由此開.

29/07/2023

大千世界第二日相展完結.

多謝黎參觀嘅朋友.
高興見返好多老友記, 亦認識左好多新朋友. 如果相展同分享會上有不足之處或招呼不週, 請見諒.

好感恩, 期間有幸同一d年青人交流, 得知對大底攝影有興趣, 如果有機會的話想跟我哋學習. 我好感動；最初推動大千尼個project嘅初心希望冇白費到.

仲有聽日咋 (10am - 5pm); 未參觀嘅朋友就要快d黎喇. 分享會安排喺2-3pm.

記得同我哋班靚仔靚女隊友say hello, 傾吓計...我哋絕對歡迎 ！

28/07/2023

開始了

27/07/2023

大千世界嘅籌備工作由一年前開始, 終於聽日就正式開幕. 所有野已預備好.
心情？ 有興奮, 有期待, 冇乜緊張...

我哋嘅初心好簡單；就係想愈來愈多人接觸大片幅菲林攝影, 尤其新一代. 尼門藝術可以繼續傳承下去. 當然, 之後要行嘅路好長, 希望大千世界係一個好嘅開始.

如果前期工作有如日頭, 咁展覽就會好似magical hour一樣； 係燦爛嘅開始, 一直靚到終結.

我哋兄弟姐妹們會喺現場歡迎大家, 亦好期待同大家嘅交流. 有乜想問, 有乜想講就唔好客氣喇！

P.S 記得要用loupe聞吓slides - 不過如果不幸中毒, 後果自負...

25/07/2023

阿Chris個衰仔忙到咁, 份屬同行嘅我絕對明白同理解；不過佢影相嘅進度就真係比佢嚇親囉. 當然最後佢一日過搞掂, 都反映到佢organization算好好, 要讚.

認識佢嘅都知佢係感性派；要思考, 作品要帶出乜訊息. 喺尼方面, 其實大底真係好適合佢, 希望大千過後佢都要繼續努力！

佢今次玩嘅都有d不一樣...
玩乜？ 嚟大千世界睇吓佢d作品咪知！

Steve Cham 出品: 今集訪問香港大底影師 Christopher #大千世界 #大画幅摄影 #大底攝影攝影配件網店:https://www.shutteralliance.com爛相分享 @ Facebook:https://www.facebook.com/groups/hkstreetphotogra...

25/07/2023

大千世界入面除咗有資歷深嘅影師同“白紙”們, 仲有三位“中級”影師, 包括Chuck, 小弟同以下介紹嘅Charlie.

Charlie又係乜都玩吓, 但都知道大底係非池中物. 佢完全明白開大都係享受過程, 無謂比較d乜...總知, 就係鍾意！

聽Charlie話, 記得嚟大千世界, 認識多d師兄, 一定有野學架.

Steve Cham 出品: 今集訪問香港大底影師 Charlie #大千世界 #大画幅摄影 #大底攝影攝影配件網店:https://www.shutteralliance.com爛相分享 @ Facebook:https://www.facebook.com/groups/hkstreetphotography爛...

25/07/2023

“大千世界”其中一個重要嘅環節就係分享會.
分享會嘅時間安排如下：

星期六 2023.07.29 2-3pm
星期日 2023.07.30 2-3pm

歡迎各位嘅參與.
由從冇玩過但有興趣嘅初哥, 到入黑房多過食飯嘅高手...我哋都絕對歡迎.
分享會除咗有我哋講, 亦都好歡迎大家參與對話, 集思廣益.

我哋每一位影師到時都會分享.
分享會嘅話題覆蓋好廣, 由淺入深.

- 最初接觸大片幅菲林攝影時嘅感受, 注意事項或“蝦碌”事件.
- 示範部份常用器材嘅使用.
- 淺談大片幅菲林攝影拍攝類型（例如風景, 人像, 建築 etc) 以及一些喜愛攝影師嘅風格.
- 沖洗黑白底片和放大機放相嘅操作經驗.
- 作品欣賞觀點角度.
- “白紙”們初接觸大片幅菲林攝影後嘅點滴分享.
- 大片幅菲林攝影同其他格式攝影嘅分別. “如果用手機都影到相, 點解仲要用大底？”
- 傳統 & 進化...攝影科技進步一日千里, 大片幅菲林攝影尼種傳統藝術如何進化去配合時代嘅改變.

以上都係分享會嘅一部分話題.
到時可能會互動一d.

到時希望有你嘅參與！

20/07/2023

原來阿七哥條友最初學影相係為溝女嘅🤣🤣🤣...嗱咁最後都遇到七嫂吖!

七哥愛攝影正如愛七嫂一樣： 終身, 不離不棄. 尤其一玩大底就feel到： “不得了！”

佢玩左大底咁耐, 都好希望可以“傳承”這種攝影技術比下一代.
尼個都係“大千世界”嘅初心.
我哋唔會介意分享. 年青人, 你想嚟學嗎？

Steve Cham 出品: 今集訪問香港大底影師 Gordon #大千世界 #大画幅摄影 #大底攝影攝影配件網店:https://www.shutteralliance.com爛相分享 @ Facebook:https://www.facebook.com/groups/hkstreetphotography爛機...