FreshPhotography.HK

FreshPhotography.HK 由一名攝影發燒友與一粒空中小薯
提供拍攝小朋友．親子家庭．愛寵及BB等

呢兩個月真係忙到飛起，無時間出post, 出下啲歐洲相輕鬆下先🤣
01/08/2024

呢兩個月真係忙到飛起，無時間出post, 出下啲歐洲相輕鬆下先🤣

小朋友同狗狗嘅互動真係好扣人心弦，見到天真嘅小朋友同米蘇蘇開心咁玩就已經好滿足。而晴晴同米蘇蘇係由細細個已經認識，一同長大，所以佢地兩個係非常喜歡大家🩷Nikon Z7iiNikon S 70-200 f/4 @1/500sISO: 200
17/05/2024

小朋友同狗狗嘅互動真係好扣人心弦，見到天真嘅小朋友同米蘇蘇開心咁玩就已經好滿足。而晴晴同米蘇蘇係由細細個已經認識，一同長大，所以佢地兩個係非常喜歡大家🩷

Nikon Z7ii
Nikon S 70-200 f/4 @1/500s
ISO: 200

我影相不嬲都有句口號，「影相唔執相，影嚟做什麼？」 因為我認為攝影嘅樂趣唔單止係按下快門嘅一剎那，而係由影相前嘅準備（例如影外景的話，睇日照時間，日光角度，日出日落，衣着同外景嘅配搭。又例如影studio的話，帶什麼燈，想影嘅風格，衣着等等...
29/02/2024

我影相不嬲都有句口號，「影相唔執相，影嚟做什麼？」 因為我認為攝影嘅樂趣唔單止係按下快門嘅一剎那，而係由影相前嘅準備（例如影外景的話，睇日照時間，日光角度，日出日落，衣着同外景嘅配搭。又例如影studio的話，帶什麼燈，想影嘅風格，衣着等等），到影相時嘅構圖、相機設定。再到後期嘅執相，呢三部先係組成攝影。

我指嘅執相唔係指整幅相完全改頭換面，加入原本無嘅野（我都會咁做，不過睇情況）。而係執走瑕疵，例如水平、背景嘅人、皮膚微調、光暗調整、色彩調整、合相做panorama、HDR，等等。呢方面嘅執相係提升張相嘅層次，令相片更加精美，同想呈現到我腦海中對當刻嘅moment嘅印象。

而係我影相時，我會一早諗好構圖、光暗，係我之後嘅執相入面可唔可以做到我心目中要嘅效果。例如，要影日出人像，咁天、地景同人像嘅反差係非常之大，如果唔執相，點可以做到平衡天、地同人嘅光暗？又好似影夜晚嘅銀河，唔執返出銀河嘅光同色彩，又點表現到銀河嘅宏偉同浩瀚？

有好多人會blame 執相嘅攝影人係整色整水，又會proud of 自己係直出派。但其實相機內置嘅色彩mode 就係用左相機內置嘅功能去執色，又或者用內置嘅自定義mode tune 色。又或者話某某品牌相機嘅色彩表現好靚，呢啲都係各品牌係CMOS上嘅tuning。而唔同品牌嘅相機都有自己一套色彩嘅哲學，我唔敢講用過晒唔同品牌相機，但作為攝影多年嘅攝影人，我都深度使用過Nikon, Sony, Canon, fujifilm, Leica 等品牌，不同鏡頭，新鏡老鏡，同執過過萬張相，都好自然咁測試到不同品牌相機嘅優劣。

而我就完全唔抗拒photoshop執色，執色呢個后期工序其實先可以將攝影師最想呈現嘅心中境象，同心中對當刻的感情表達出來。而且，除左構圖，攝影師嘅風格其實大部分係嚟自色彩嘅表達。我最喜歡高光明亮嘅相片，因為最能表達我自己而家開心快樂滿足而簡單嘅生活。係之後有機會再同大家分享一下點用photoshop去執色。

Happy shooting📸

今次講下點影瀑布，影瀑布最緊要緊係影流水啦，要影到流水靚，最起碼要0.5秒或以上，但就唔好太長，太長又係另一種玩法，我仲研究緊，有影到好相再分享。正常日光下要影到0.5至5秒，最基本緊係要帶ND鏡啦，但有時旅行就真係拎唔到咁多野，所以我今次...
20/01/2024

今次講下點影瀑布，影瀑布最緊要緊係影流水啦，要影到流水靚，最起碼要0.5秒或以上，但就唔好太長，太長又係另一種玩法，我仲研究緊，有影到好相再分享。正常日光下要影到0.5至5秒，最基本緊係要帶ND鏡啦，但有時旅行就真係拎唔到咁多野，所以我今次就用最細光圈，而且搵支有最細光圈嘅Nikon F mount 24-70 f/2.8, 用f/22，0.5秒去影iso 用到最低iso50，加上太陽開始落，就返個角度有少少lens flare，未必人人鐘意，但我覺得幾有feel。

又到左每年一度嘅大棠賞紅葉啦🎏！而家嘅紅葉🍁開得好靚呀！係中段廁所前面嘅一排紅葉已經轉晒色了！同過左涼亭後都有一大排超靚靚嘅紅葉🤩！大家可以記底位置，咁就搵到靚靚紅葉🍁㗎啦！不過要去就要快啦，因為如果1月頭中落雨的話，基本上紅葉就會落左大部...
28/12/2023

又到左每年一度嘅大棠賞紅葉啦🎏！而家嘅紅葉🍁開得好靚呀！係中段廁所前面嘅一排紅葉已經轉晒色了！同過左涼亭後都有一大排超靚靚嘅紅葉🤩！大家可以記底位置，咁就搵到靚靚紅葉🍁㗎啦！不過要去就要快啦，因為如果1月頭中落雨的話，基本上紅葉就會落左大部分嘅葉🥹，所以建議大家最遲呢個星期六日好去啦～
同大家要注意星期六及日會封路的🚧，車只可去到大棠山道中段，避雨亭果到，所以只能泊入大棠荔枝山莊，果到要行好耐先入到紅葉位置。建議大家可以搭紅色小巴到大棠山道閘口🚘。

🚗紅色小巴
📍上車站：紅棉圍（元朗千色匯對面）
📍落車站：大棠山路（僑興路路口），不過米蘇蘇見而家小巴上到閘口，同閘口都有人排隊上車落返山。

【周末、周日及假期（2023年12月2日至2024年1月14日）限定交通工具】
🚌港鐵巴士K66A （仲有一架係K66, 不過只停僑興路路口）
📍上車站：港鐵朗屏站（近朗屏邨悅屏樓）
📍落車站：大棠山道（近避雨亭）

🚖最方便：的士可直達閘口

白平衡與色溫呢排大家都應該好努力咁影聖誕相，我諗大家都會面對一個難題，點解影嘅相總係偏黃呢？因為室內嘅聖誕燈飾大部分都會用上黃光去營造氣氛，所以對相機設定會增加唔少難度。今次會講白平衡同色溫，會比之前講深少少，建議大家可以睇返我之前一篇白平...
21/12/2023

白平衡與色溫

呢排大家都應該好努力咁影聖誕相，我諗大家都會面對一個難題，點解影嘅相總係偏黃呢？因為室內嘅聖誕燈飾大部分都會用上黃光去營造氣氛，所以對相機設定會增加唔少難度。
今次會講白平衡同色溫，會比之前講深少少，建議大家可以睇返我之前一篇白平衡post先。

認識咩叫色溫
在攝影領域中，色溫代表色彩的溫度，意思指人係環境下對於色彩感受的變化，係由一位英國物理學家 Lord Kelvin，制定一套色溫的測定、定義的計算方法。測量方式係拎一個 -273度 (0度K值) 的黑色物體，不斷加熱，咁物體會隨著溫度改變散發出不同顏色的光線，將其顏色與其對應的 K 值記錄，就成為攝影領域講的「色溫 K 值」。

例子：
鎢絲燈：3200k
日光燈：4000k
日光：5200k
閃光燈：5500k
陰天：7000k

從以上例子，大家都應該估到低k數係偏橙紅，高k數俾藍。

好啦，咁之後應該點做呢？其實大家可以set去相機手動白平衡，咁就可以自由調校k數。

係呢刻，你仲要明白多一樣野，相機調校k數代表啲乜？

當你調校到3200k時，其實係指你要相機幫你補回藍色，原本偏橙色嘅相加藍色中和橙色，就可以令相片變返做白色。

而調校到7000k時，相機會補回橙色，令相片更加燈黃。

但一本通書不能睇到老，影相時都要睇現場影光，因為而家大部分燈都用左LED, 同現場又會有其他白光黃光，所以我會建議大家由3200k開始調高，去到見到個mon 夠白就可以。

不過呢到再講就去到唔同相機品牌嘅相機mon, 同jpg setting, 我會再出post 講解。我其實Nikon, Sony, Fujifilm, Leica, Canon都玩過試玩過好多唔同鏡頭（交左好多學費），都有深度測試同研究過（當然係不專業評測）。以後再分享。

Happy shooting

聖誕真係好多商場可以打卡，今次分享下室內影聖誕裝飾。好多時室內都會用偏黃嘅燈光，加上聖誕裝飾都會用黃色燈，所以白平衡嘅setting 就好重要，可以參考我之前嘅post。同我會建議大家帶支LED燈去幫主體補光，同setting 會用返黃光，...
17/12/2023

聖誕真係好多商場可以打卡，今次分享下室內影聖誕裝飾。好多時室內都會用偏黃嘅燈光，加上聖誕裝飾都會用黃色燈，所以白平衡嘅setting 就好重要，可以參考我之前嘅post。同我會建議大家帶支LED燈去幫主體補光，同setting 會用返黃光，跟返現場光線，令你set 白平衡或之後用raw執相都可以統一返。

又到左秋天！天氣真係好清爽，最岩就係去郊遊！今次介紹大家去一個打卡好去處，就係新田信芯園，呢期佢地種左橙色同紫色大波斯菊，真係好夢幻好靚！講返呢張相先，為左更加有唯美嘅感覺，我就用逆光黎影呢張相，同最緊要就係有好靚嘅日落！影逆光最重要就係太...
21/11/2023

又到左秋天！天氣真係好清爽，最岩就係去郊遊！今次介紹大家去一個打卡好去處，就係新田信芯園，呢期佢地種左橙色同紫色大波斯菊，真係好夢幻好靚！

講返呢張相先，為左更加有唯美嘅感覺，我就用逆光黎影呢張相，同最緊要就係有好靚嘅日落！影逆光最重要就係太陽同相機嘅角度，因為要配合地景（想影多啲花花），所以要等太陽落到比較低嘅位置，大約4:45pm 到，當日就6:00日落的，如果要影就4:30-5:30係最好，太陽夠低之餘仲要夠猛！同如果太遲影，日光唔夠強之餘仲好大機會俾樹或建築物阻擋。

而家新一代鏡頭有好多防眩光嘅coating, 所以要做到逆光係難左啲啲嘅，不過唔怕，用技術補救！鏡頭唔好對正太陽，對正的話陽光直入就做唔到逆光的，因為逆光係太陽斜入鏡頭時，鏡頭入面唔同鏡片折射率所折射的不完美光線所造成。簡單遘逆光其實係唔好嘅光學表現，所以現代鏡頭大都改善呢樣野。

好啦，講返正題先，我平常會先鏡頭對正太陽（記得唔好用眼直接望太陽，我係用感覺先搵逆光點再望view finder 或mon)，再慢慢上下搖動相機，搵一個角度有逆光，再之後將逆光位置放係主體附近，一個唔會俾主體阻擋嘅位置，同逆光位我會避開主體樣子，咁先可以有逆光加上米蘇蘇優石媽媽嘅樣！當然有時可以用逆光姐晒成個樣嘅🤣

逆光相想容易成功可以用大光圈同長焦去影，咁就容易好多架啦！今次我就用左Nikon S 85mm f1.8 @ f1.8 1/1250s iso 125 去影。同逆光相個contrast 會好低，建議影raw 再tune 色👍🏻

Happy shooting!

今次小編想講一啲唔關攝影技術嘅topic, 想分享一下小編影左十幾年相嘅心得同態度。我唔敢講自己影得好好，不過都算見得下人，同都叫做過下攝影師幫過人影相，總有啲感受。我想講嘅係攝影嘅初衷，到底身為攝影人嘅自己，係咁多年入面，到底係點對待攝影...
02/10/2023

今次小編想講一啲唔關攝影技術嘅topic, 想分享一下小編影左十幾年相嘅心得同態度。我唔敢講自己影得好好，不過都算見得下人，同都叫做過下攝影師幫過人影相，總有啲感受。

我想講嘅係攝影嘅初衷，到底身為攝影人嘅自己，係咁多年入面，到底係點對待攝影呢兩個字？係無聊搵樣興趣？係想記錄生活？定係乜都唔知，只係鐘意相機，想㩒下個制？

呢樣野每個人都有唔同答案，但我自己總算係搵到一個答案，我影嘅，係一種愛，係表達愛嘅一種方式，所以近幾年，小編主力都係影自己嘅家庭相，無論係同老婆去旅行定係同自己嘅愛女（米蘇蘇）係香港周圍去，我都會唔怕辛苦咁拎住相機去記錄每一個moment! 每張相嘅背後都係一個故事，係一個開心嘅回憶！每次睇返起都會會心微笑！

而呢一種開心嘅回憶，係要攝影人同被攝者有一種connection 先可以表現到出黎！Connection 係要建基於溝通，而呢一點就係令你可以成為成功攝影人或止步於此嘅分水嶺，我都被好多攝影師幫我影過好多輯相，有好多嘅攝影師，會同我一家溝通，仲滿臉笑容，令我地影時好放鬆，影到我地真摯嘅笑容。都遇到過自以為視，口黑面黑的攝影師，令我地影相時十分不愉快。攝影其實係帶歡樂俾大家，我相信一個好嘅攝影師唔應該忘記呢一個初衷👍🏻 而我會繼續帶歡樂俾我老婆同乖女🤣

Happy shooting!📸

Address

Hong Kong

Website

Alerts

Be the first to know and let us send you an email when FreshPhotography.HK posts news and promotions. Your email address will not be used for any other purpose, and you can unsubscribe at any time.

Contact The Business

Send a message to FreshPhotography.HK:

Shortcuts

Share

Category