Through Tamta's Lens • თამთას ობიექტივში

03/11/2024

შემოდგომა ქართულად 🍂🍁💛🧡

12/08/2024

ფოტოსერია: თუში ბავშვები 😍😍

📸 მინდა ფოტოებით მოგითხროთ იმ თუში ბავშვების შესახებ, რომელთა თვალებში საოცარი სითბო, სილაღე, სიყვარული და კეთილშობილება იკითხება 🇬🇪 🤍❤️

25/08/2023

⛰ თუშეთში მოგზაურობა ნამდვილ თავგადასავლად მექცა. ამ კუთხის მშვენიერებამ და ადგილობრივების სტუმარმასპინძლობამ ჩემს ყველანაირ მოლოდინს გადააჭარბა. 📸 სანამ ფოტოებით მოგითხრობდეთ თუშეთის ამბებს, იქამდე აუცილებლად მინდა გიამბოთ თუშ ბავშვებზე, რომელთა სტუმართმოყვარეობამ კიდევ უფრო დიდი შთაბეჭდილება მოახდინა ჩემზე. 🫶

📷 ერთად ვარჩევდით გადასაღებ ლოკაციებს, მონდომებით აკვირდებოდნენ გადაღების პროცესს, მიყვებოდნენ თუშეთის ტრადიციებზე და მთხოვდნენ ჩემი მოგზაურობის ისტორიების გაზიარებას 🌍. ინტერესი და უშუალო დამოკიდებულება კი მეგობრობაში გადაიზარდა.

ჩვენი ყოველი დაბრუნება ყვავილების კრეფით სრულდებოდა. მინდა გითხრათ, ერთ-ერთი საუკეთესო საჩუქარი პატარების ხელით შეგროვებული თაიგულია 🌸🌺🌼. დავპირდი, რომ ამ განსაკუთრებული მომენტების შესახებ აუცილებლად დავწერდი. თავად გადამიღეს ფოტო მათი ნაჩუქარი მთის ყვავილებით ხელში.

სწორედ ამ კადრით მინდა გამოვხატო ჩემი მადლიერება დაუვიწყარი დღეებისთვის, მათი გულწრფელი და უანგარო სიყვარულისთვის 💗💗

21/04/2023

🏔 მიჭირს, აღვწერო სიტყვებით მომენტის მშვენიერება და იმედი მაქვს, ერთი კადრით კარგად გადმოგცემთ იმას, თუ რაოდენ დიდებული იყო ამ დღეს განთიადი კავკასიონზე 😍

05/03/2023

თეთრყვავილას სამაია 🤍💚

📸 ამ კადრით მოგილოცავთ გაზაფხულის დღესასწაულებს 😍

24/01/2023

დიდი მადლობა Jolo.ge-ს დაინტერესებისთვის და სტატიის მომზადებისთვის! 📸💙

ფოტოგრაფია, ტურიზმი და ღვინის წარმოება, – ერთი გოგოს სამი წარმატებული საქმე გახლავთ… თამთა აივაზიშვილი…

25/11/2022

🍷 ქართული ღვინო და მისი დაყენების 8 000 წლიანი ტრადიცია ის ღირებულებაა, რასაც ქართველები განსაკუთრებით ვუფრთხილდებით და გვიყვარს. მახარებს ის ფაქტი, რომ ამ საქმიანობაში ბოლო წლებში ქალებსაც დიდი წვლილი შეაქვთ.

ღვინის ეროვნული სააგენტო / National Wine Agency of Georgia - ს თანადგომით Sisters' Wine • დების ღვინო 20 რჩეულ მეღვინესთან ერთად 3-4 დეკემბერს პოლინეთში გასამგზავრებლად ემზადება. მათი მთავარი მისიაა ქართული მცირე მარნების მიერ წარმოებული ღვინის გაცნობა და პოპულარიზაცია ევროპული ბაზრებისთვის.

🙌 წარმატება ვუსურვოთ ქალბატონებს წამოწყებულ საქმიანობაში ❤️

09/11/2022

🍁🍂 როგორია შემოდგომა საქართველოში? - ტრადიციული, ფერადი, პოზიტიური, შრომატევადი და გემრიელი. წელიწადის ის პერიოდია, როდესაც კახეთში ბადაგის სუნი ტრიალებს. „თათარაობა“ - ეს უნიკალური ტრადიციაა, პაპა-ბებიებისგან შემონახული.

👵 88 წლის ესმა ბებო, კვლავ დაუღალავად შრომობს და ხელმძღვანელობს პროცესს. დიდი სიყვარულით გვიზიარებს დეტალებს და გვთხოვს არ დავივიწყოთ ჩვენი ტრადიციები. ამბობს: „ნეტა შემეძლოს ყველა იმ ადამიანის მასპინძლობა, ვისაც თათარა ძალიან უყვარს.“ განსაკუთრებით დარდობს მათზე, ვინც ემიგრაციაშია - „მათ ხომ ყველაზე მეტად ენატრებათ ქართული გემო და გარემო“-ო. 💛🧡

02/11/2022

📸 ჩემთვის ერთ-ერთი გამორჩეული პორტრეტი და ისტორია, რომელიც არასდროს დამავიწყდება.

ოჯახთან ერთად რამდენიმე დღით სიღნაღს ვესტუმრე. მშობლები წნორის ბაზარში პროდუქტების საყიდლად წავიდნენ. გვერდით მოხუცმა პაპამ ატმის ფასი იკითხა, ჩუმად დათვალა ხურდები და დაღონებული უკან გაბრუნდა. ჩემებმა იყიდეს ატამი და უთხრეს, ეს ჩვენგან გქონდეთო. მოერიდა, არ ართმევდა. დედამ უთხრა: ჩემი გარდაცვლილი ძმის სახელზე მაინც აიღეთო. გაჩერდა, თვალში ცრემლი მოადგა, გამოართვა, მადლობა გადაუხადა და წავიდა. ამ ამბავმა არ მომასვენა, მეორე დღესვე წავედით იმავე ადგილას და კითხვა-კითხვით მის სახლს მივადექით. დიდი სითბოთი მიგვიღო. აღმოჩნდა, რომ მისი შვილი ავტოკატასტროფაში დაიღუპა, რომელიც შვილს გადაფარებია. ამ ტკივილსთვის ვეღარ გაუძლია დედას... "ორი ძვირფასი ადამიანი დავკარგე მოკლე ხანში, შვილი და მეუღლე, შვილიშვილი ძლივს გამოვტაცეთ სიკვდილს ხელიდან"- თქვა და ცრემლი მოადგა. თავი ვეღარ შევიკავე და მეც ავტირდი. ბოლოს, ისევ აქეთ დაგვამშვიდა: "ცხოვრება მძიმეა და რთული, ბევრი დაუმსახურებელი ტკივილი შეიძლება შეგვხვდეს, მაგრამ ყოველთვის არის ვიღაც ვის გამოც ღირს სიცოცხლე, ესენი ჩემი შვილიშვილები არიან."

📸 წამოსვლისას ვთხოვე ფოტოს გადაღება. ეს არის ერთ-ერთი ყველაზე სევდანარევი პორტრეტი, რომლის თვალებში დიდ ტკივილთან ერთად დიდი სიკეთე და სიყვარული იკითხება 😍

🙏 დიდი მადლობა მინდა გადავუხადო კომპანია ecowood -ს, რომელიც გვერდში დამიდგა და შევძელით ამ ოჯახს მცირედით მაინც დავხმარებოდით.

28/09/2022

"ყაზბეგური განთიადი" 🌄

ნახატს არ ჰგავს?! 😍 ამ კუთხეს დამსახურებულად უკავია განსაკუთრებული ადგილი ჩემ გულში 💜💜

01/09/2022

"შემოდგომა მშვიდობისა" 🍂🍁💛🧡

24/08/2022

დიდი მადლობა თამარ შაიშმელაშვილს ჩემი ნამუშევრებით დაინტერესებისა და სტატიის მომზადებისთვის!

დაამთავრა აგრარული უნივერსიტეტი და ბიზნესის ადმინისტრირების მაგისტრია. ამბობს, რომ ამ პროფესიამ მისცა საშუალე....