Yeka Woreda 07 Communication

14/10/2026

14/10/2026

13/10/2026

12/10/2026

የ2019 በጀት ዓመት የማኅበረሰብ አቀፍ ጤና መድህን አባልነት ምዝገባና እድሳት ተጀመረ!

Yeka Woreda 07 Communication
በየካ ክፍለ ከተማ ወረዳ 07 የ2019 በጀት ዓመት የማኅበረሰብ አቀፍ ጤና መድህን (ማጤመ) ነባርና አዲስ አባላት ምዝገባ እና እድሳት በሲግናል ጤና ጣቢያ መካሄድ መጀመሩን የወረዳው ጤና ጽ/ቤት አስታወቀ።

ጽህፈት ቤቱ እንዳስታወቀው፤ የማኅበረሰብ አቀፍ ጤና መድህን የአባልነት ምዝገባ በየዓመቱ የሚካሄድ መደበኛ ተግባር ሲሆን፣ የዘመኑ የምዝገባ ሂደት በወረዳችን ስር በሚገኘው በሲግናል ጤና ጣቢያ ተጀምሮ በአግባቡ እየተከናወነ ይገኛል።

የማኅበረሰብ አቀፍ ጤና መድህን አባል መሆን ራስን እና ቤተሰብን ካልታሰበ እንዲሁም ድንገተኛ የህክምና ወጪ በመታደግ፣ ጥራት ያለው የጤና አገልግሎት በዝቅተኛ ወጪ ለማግኘት የሚያስችል በመሆኑ፣ የወረዳችን ነዋሪዎች የምዝገባ ጊዜው ከመጠናቀቁ በፊት በአቅራቢያችን ወደሚገኘው የሲግናል ጤና ጣቢያ በመሄድ የአገልግሎቱ ተጠቃሚ እንዲሆኑ ጥሪ ቀርቧል።

ነዋሪዎች ለአገልግሎቱ ወደ ጤና ጣቢያው ሲመጡ የፋይዳ (ብሔራዊ) እና የነዋሪነት መታወቂያ ይዘው መቅረብ እንዳለባቸው ጽህፈት ቤቱ አሳስቧል።

ጥቅምት 2/2019
የካ ወረዳ 07 ኮሙኒኬሽን

12/10/2026

አስተዳደሩ19ኛውን የብሔራዊ የሰንደቅዓላማ ቀን አከበረ

Yeka Woreda 07 Communication
19ኛው የብሔራዊ ባንዲራ ቀን «ሰንደቃላማችን ለብሔራዊ መግባባትና ለአንድነታችን» በሚል መሪ ሐሳብ ዛሬ ሲከበር፣ የወረዳው አመራሮች ሠራተኞች እና የፀጥታ አካላት በተገኙበት የባንዲራ መስቀል ሥነ ሥርዓት በማከናወን አክብረዋል።

የዘንድሮው የሰንደቅዓላማ ቀን መሪ ሐሳብ ብሔራዊ መግባባት በጋራ ጥቅም፣ በመተማመንና በሰላማዊ ውይይት ላይ መመሥረት እንዳለበት ያጎላል።

በተጨማሪም የሀገርን ሀብት፣ የሰው ኃይልና ቴክኖሎጂ በአግባቡ በመጠቀምና ምርታማነትን በማሳደግ የሀገርን የውሳኔ ነፃነትና ሉዓላዊነት ማጠናከር ያለውን አስፈላጊነት ያሳያል።

ሉዓላዊነትን መጠበቅም የመንግሥትና የመከላከያ ኃይሎች ኃላፊነት ብቻ ሳይሆን የሁሉም ዜጎች የጋራ ድርሻ መሆኑን ያስገነዝባል።

ቀደምት ትውልዶች የሀገራቸውን ነፃነት በመስዋዕትነት እንዳስጠበቁ ሁሉ፣ የዛሬው ትውልድም በዕውቀት፣ በፈጠራ፣ በትጋት፣ በምርታማነት፣ ሕግን በማክበርና በሕዝባዊ ተሳትፎ የሀገሩን ነፃነት፣ ክብርና ሉዓላዊነት የማጠናከር ኃላፊነት አለበት።

12/10/2026

19ኛው ብሔራዊ የሠንደቅ ዓላማ ቀን አከባበር 🇪🇹
Yeka Woreda 07 Communication
የካ ወረዳ 07 አስተዳደር