Apostolic Super Media

01/06/2026

Hkd

01/06/2026

እንደ ንስር…

ንስር ከአዕዋፋት ረጅም ዕድሜ ማለትም ቢያንስ እስከ ሰባ አመታት እንደሚኖር ይታወቃል። ይህን ሁሉ ዘመን በህይወት ሲኖር ግን ነገሮች አልጋ በአልጋ ሆነውለት አይደለም። እድሜው አርባ አመት ሲሞላው ያረጃል። ሹል፣ ረዣዥም እና ጠንካራ ጥፍሮቹ ይዶለዱሙና ይደክማሉ፤ የዕለት ምግቡን መንጭቀው ማንሳት ያቅታቸዋል። የሚታወቅበት ያ የሾለ ምንቃሩ ከዕድሜ ብዛት ወደ ደጋንነት ይቀየራል። ክንፎቹም ይዝላሉ። ላባዎቹ ይነትቡና እንደ ዶሮ ጫጩት እንኳ መብረር ያቅተዋል።

በዚህን ጊዜ ንስሩ ሁለት አማራጮች ማለትም አምስት ወራት የሚፈጅ እጅግ የሚያሳምም የመታደስ ውሳኔ መወሰን አሊያም መሞት ይገጥሙታል። ደግነቱ ንስር ሁልጊዜም አንደኛውን አማራጭ ብቻ ይከተላል።

ንስሩ የመታደስ ውሳኔውን ተግባራዊ ማድረግ የሚጀምረው ለመታደስ በሚፈጽማቸው ተግባራት የሚያጋጥሙትን ህመሞች አስቀድሞ በመረዳት ነው። ያረጀ ምንቃሩን ለማስወገድ በተደጋጋሚ ከአለት ጋር መጋጨት ግድ ይለዋል። በዚህ በሚያሳምም ሂደት አሮጌው ምንቃር ተነቅሎ ይወገዳል። በአሮጌው ፈንታም አዲስ፣ ጠንካራና የሾለ አዲስ ምንቃር ይተካል። በዚህ አዲስና ጠንካራ ምንቃርም እነዚያ ያረጁና እንደወትሮ በቅልጥፍና በጥንካሬ ምግብ መንጭቀው ማንሳት የተሳናቸውን ጥፍሮቹን ህመሙን ቻል አድርጎ ይነቃቅላቸውና ያስወግዳቸዋል። በተወገዱት ጥፍሮች ምትክም አዲስ፣ የሾሉ ጠንካራ ጥፍሮችን ያበቅላል። በአዲስ ምንቃር እና ጥፍሮቹ በመጠቀምም የወየቡና የነተቡ ላባዎቹን በማስወገድ ክንፉን ያድሳል።

“እግዚአብሔርን በመተማመን የሚጠባበቁ ግን ኃይላቸውን ያድሳሉ፤ እንደ ንስር በክንፍ ይወጣሉ፤ ይሮጣሉ፥ አይታክቱም፤ ይሄዳሉ፥ አይደክሙም።” [ኢሳ. 40፥31]የተባለልን እኛንም እግዚአብሔር ሊያድሰን ይችላልና ወደ ጸጋው ዙፋን በእምነት እንቅረብ!

መልካም ቀን ይሁንልን!

27/05/2026

ጸጋን ይሰጠን ዘንድ ለምኑ!

መጽሐፍ ቅዱስ አብዝተን እንድንፈልግ ከነገረን ነገርውስጥ አንዱ ጸጋ ነው። “አሁንም ጸጋን ይሰጠን ዘንድ እግዚአብሔርን ለምኑ፤” [ሚል. 1፥9]፤ “እንዲሁ ደግሞ እናንተ መንፈሳዊ ስጦታን በብርቱ የምትፈልጉ ከሆናችሁ ቤተ ክርስቲያንን ለማነጽ እንዲበዛላችሁ ፈልጉ።” [1ኛ ቆሮ. 14፥12]

እግዚአብሔር በጸጋው አድኖ፣ በጸጋው እየረዳና እያኖረ በዚያው ጸጋ ደግሞ እንድናገለግለው ያደርገናል። በፊታችን ባለው ዘመን በቤተክርስቲያን ውስጥ ለእግዚአብሔር ክብርና ለአካሉ መታነጽ የሚሆኑ ብዙ ጸጋዎች ከፊት ይልቅ እንዲገለጡ ያስፈልጋል። ይህም ብቻ አይደለም! ይህ የሚወርድ ታላቅ ጸጋ ወርዶ የሚያስመሰክርና ነፍሳት ወደ ፍቅሩ ልጅ መንግስት የሚያፈልስ አስፈላጊ በሆነም ጊዜ በተለያዩ ድንቆችና ተአምራቶች ወንጌሉን እያጀበ ነፍሳትን ከተሳሳተ ጎዳና ወደ ጽድቅ መንገድ የሚመልስ እንዲሆን ይጠበቃል።

“ሐዋርያትም የጌታን የኢየሱስ ክርስቶስን ትንሣኤ በታላቅ ኃይል ይመሰክሩ ነበር፤ በሁሉም ላይ ታላቅ ጸጋ ነበረባቸው።” [ሐዋ. 4፥33] የሚለውን ቃል ስንመለክት አንድ ሊቆረቁረን የሚገባ ጉዳይ መኖር አለበት። እርሱም ይህ ዘመናት የማይለውጠው አምላክ ዛሬም ታላቅና ብርቱ ፍለጋ ውስጥ ብንገባ ይኸው ታሪክ የማይደገምበት ምንም ምክንያት የለም። ዛሬ ሌሎች ማለቂያ የሌላቸው ፍላጎቶችና ፍለጋዎች በዋናነት ሊፈለግ የሚገባውን ጉዳይ እንዳይገፉት መንቃት ይገባናል። “አስቀድማችሁ” የተባለውን ብናስቀድም ቤተክርስቲያን በተራሮች አናት ላይ ሆና በዘመን ፍጻሜ የተነገረላት ትንቢት ሁሉ የሚፈጸምላት ጊዜ ይሆንላታል። እኛም የሚቀድመውን ስናስቀድም በህይወታችን ላይ መጨመር ያለባቸው ነገሮች ጊዜያቸውንና ወቅታቸውን ጠብቀው ይጨመሩልናል።

መልካም ቀን ይሁንልን!

22/05/2026

https://youtu.be/e9Tp-w_L9DU

አቤት የክብርህ ብዛትፈቨን ክፍሌ

22/05/2026

ለሚያንኳኳ ሁሉ አይከፈትም!

“እነሆ በደጅ ቆሜ አንኳኳለሁ፤” [ራእይ 3፥20]

ደጃችንን ላንኳኳ ሁሉ “ማን ነው?” ብለን ሳንጠይቅ ደጃችንን አንከፍትም። አስቀድመን “ማን ነው?” ብለን ጠይቀን ደጃችንን የምንከፍትለትን ሰው ለማወቅ ድምጹን እንጠብቃለን። “እኔ ነኝ!” የሚለውን መልስ “ማን ነው?” ለሚለው ጥያቄ በሰዎች ዘንድ ተመሳሳይ መልስ የሆነበት ምክንያት የለመድነው ድምጽ ነው ወይስ ሌላ የምናጣራበት ይሆንና ድምጹን ስንለይ ስሙን ሳንጠይቅ ደጁን እንከፍትለታለን። ያንኳኳ ሁሉ፣ “እኔ ነኝ!” የሚል ሁሉ አይከፈትለትምና! እኮ አንተ ማን? ስምህን ማን ልበል? ተብሎ ይጠየቃል።

የህይወት ደጅ ለህይወታችን ባለቤት ብቻ እንጂ ለሁሉ አይከፈትም። ሌባም ደጅ ያንኳኳልና! “የራሱንም ሁሉ ካወጣቸው በኋላ በፊታቸው ይሄዳል፥ በጎቹም ድምፁን ያውቃሉና ይከተሉታል፤ ከሌላው ግን ይሸሻሉ እንጂ አይከተሉትም፥ የሌሎችን ድምፅ አያውቁምና። …ሌባው ሊሰርቅና ሊያርድ ሊያጠፋም እንጂ ስለ ሌላ አይመጣም፤ እኔ ሕይወት እንዲሆንላቸው እንዲበዛላቸውም መጣሁ።” [ዮሐ. 10፥4-5፣ 10]

መዝሙረኛው “እንግዶች ቁመውብኛልና፥ ኃያላንም ነፍሴን ሽተዋታልና።” [መዝ. 54፥3] እንዳለ በደጃችን ቆመው የሚያንኳኩ እንግዶችን ሁሉ እያባረርን የልባችንን ደጅ ለህይወታችን ጌታ ከፍተን ድምጹን እየሰማንና እየታዘዝነው ህይወት እንዲሆንልንና እንዲበዛልን እንትጋ!

መልካም ቀን ይሁንልን!

20/05/2026

ከእሳት ንጠቁ!

“አንዳንዶችንም ከእሳት ነጥቃችሁ አድኑ፥” [ይሁዳ 1፥22]

በአንድ የአሜሪካ ግዛት ውስጥ ሰደድ እሳት ይነሳና ትልቅ ደን ያቃጥላል። የእሳት አደጋ ሰራተኞችም ከብዙ ትግልና ድካም በኋላ እሳቱን ያጠፉታል። በዚህ በተቃጠለው ደን መሃከል አንድ የእሳት አደጋ ሰራተኛ ተቃጥለው የከሰሉትን ዛፎች እያየ ሲያልፍ አስገራሚ ነገር በአንድ ዛፍ ላይ ያያል አንዲት ዋኖስ በጎጆዋ እንዳለች በስርአት እንደተቀመጠች እንደ ሃውልት ከስላ ያገኛታል። ለመብረር ሙከራ አለማድረጓን ተመልክቶ በመደነቅ በያዘው የዘንግ መፈተሻ ነካ ሲያረጋት ፍርክስ ስትል ከክንፎቿ በታች ታቅፋቸው የነበሩት ጫጬቶቿ ጭው ጭው እያሉ በህይወት አገኛቸው። እንባ እየተናነቀው! እነርሱን ከእሳት ለማትረፍ በነፍሷ መወራረዷ ልቡን ነካው።

“ሂዱ፤ እነሆ፥ እንደ በጎች በተኵላዎች መካከል እልካችኋለሁ።” [ሉቃስ 10፥3] በሚለው ክፍል ውስጥ ያለው "ሂዱ!" የሚለው ተልዕኮ በተኩላዎች መካከል መሆኑ፣ በእሳት መካከል መመላለስ አይደለምን? ስለበጎች በነፍስ ተወራርዶ ከተኩላው ጋር ታግሎ መንጠቅ ይጠይቃል።

“ነገር ግን ሩጫዬንና ከጌታ ከኢየሱስ የተቀበልሁትን አገልግሎት እርሱም የእግዚአብሔርን ጸጋ ወንጌልን መመስከር እፈጽም ዘንድ ነፍሴን በእኔ ዘንድ እንደማትከብር እንደ ከንቱ ነገር እቆጥራለሁ።” [ሐዋ. 20፥24]፣ “ሞትና ሲኦልም በእሳት ባሕር ውስጥ ተጣሉ። ይህም የእሳት ባሕር ሁለተኛው ሞት ነው። በሕይወትም መጽሐፍ ተጽፎ ያልተገኘው ማንኛውም በእሳት ባሕር ውስጥ ተጣለ።” [ራዕይ 20፥14-15] የሚሉትን ክፍሎች ስንመለከት በዚህ ሸክም ነፍሳትን ከእሳት ለመንጠቅ መነሳት እንዳለብን ያሳስበናል።

መልካም ቀን ይሁንልን!

14/05/2026

Yihen mezmur code yalachihu bewust awurugn

10/05/2026

የምስራች ለApostolic Songs ተጠቃሚዎች በሙሉ!

በብዙዎቻችሁ ጥያቄ መሰረት ተወዳጁ የApostolic Songs መተግበሪያ አሁን በድረ-ገጽ (Web Version) መልክ ለኮምፒውተር ተጠቃሚዎች ቀርቦላችኋል!
ከእንግዲህ በስልካችሁ ብቻ ሳይሆን በላፕቶፕ ወይም በዴስክቶፕ ኮምፒውተራችሁ ስራችሁን እየሰራችሁ፣ የጽዮን መዝሙሮችን በከፍተኛ ጥራት ማድመጥ ትችላላችሁ።

የድረ-ገጹ ልዩ ገፅታዎች፦

ቀላል አጠቃቀም፦ ምንም አይነት ጭነት (Installation) ሳያስፈልግ በብራውዘርዎ ብቻ መክፈት።
#ሁሉንም ዘማሪዎች ፣አልበሞች እና የህብረት መዝሙሮችን በአንድ ቦታ ያገኛሉ
#አሁኑኑ ከታች ያለውን ሊንክ ተጭነው ዝማሬዎቹን መካፈል ይጀምሩ፦
🔗 open.asmeklit.com

Apostolic Songs – የምስጋና ቅኔ በቤትዎ እና በስራዎ ቦታ!

Lyrics and recordings of Ethiopian Apostolic Church songs — browse, read, and listen.

01/05/2026

የጤና ስጦታ

“ጤና ይስጣችሁ” [ሐዋ. 15፥29]

የጤና ጉዳይ ሲነሳ ሰው ሁሉ የሚስማማበት አንድ አባባል አለ “ዋናው ጤና ነው!” የሚል። በእግዚአብሔርም ዘንድ የስጦታዎች ራስ የሚያደርገው ጤናን ስለሆነ አዕማድ የሆኑት ሐዋርያት ፍለጋቸውን ለሚከተል ትውልድ ሁሉ “ጤና ይስጣችሁ!” በሚል የበረከት ቃል ትውልድን ይባርካሉ። ስለማይነገር ስጦታው እግዚአብሔር ይመስገን!

ያዕቆብ ከአባቱ ቤት ወጥቶ በምድረበዳ ድንጋይ ተንተርሶ በተኛበት ስፍራ እግዚአብሔር ሲገለጥለት ከጠየቃቸው በረከቶች ውስጥ አንዱ ጤና ነው። ልባም ነው! ያለጤና የተቀበለውን በረከት ማን ሊበላው? “ወደ አባቴ ቤትም በጤና ብመለስ፥ እግዚአብሔር አምላኬ ይሆንልኛል፤” [ዘፍ. 28፥21]

ንጉስ ዳዊት ጤና ማጣት ሰውን እንዴት እንደሚያጎሳቁል ሲናገር፦ “እጅግ ጐሰቈልሁ ተዋረድሁም፥ ሁልጊዜም በትካዜ እመላለሳለሁ፤ ነፍሴ ስድብን ተሞልታለችና፥ ለሥጋዬም ጤና የላትምና።” [መዝ. 38፥6-7] ይላል። ጤና በሁለት ይከፈላል። ስጋዊና መንፈሳዊ!
“ይህ ምስክር እውነተኛ ነው። ስለዚህ ምክንያት የአይሁድን ተረትና ከእውነት ፈቀቅ የሚሉትን ሰዎች ትእዛዝ ሳያዳምጡ፥ በሃይማኖት ጤናሞች እንዲሆኑ በብርቱ ውቀሳቸው።” [ቲቶ 1፥13-14]

በሰውነትና በሃይማኖት ጤናማነት ይባርከን!

መልካም ቀን ይሁንልን!

26/04/2026

የምንሰግድበት መንፈስ!

መንፈስ የሚሆን ጌታ ሰዎች ዘወትር በመንፈስ እንዲያመልኩት ይፈልጋል። “እግዚአብሔር መንፈስ ነው፥ የሚሰግዱለትም በመንፈስና በእውነት ሊሰግዱለት ያስፈልጋቸዋል።” [ዮሐ. 4፥24] የሚለው የጌታ ኢየሱስ ቃል ይህንን እውነታ ይናገራል።

ለአምልኮ መንፈስ ያስፈለገበት ምክንያት እጅግ ብዙ ነው። መንፈስ የእግዚአብሔርን አሳብ ስለሚያውቅ እንዴት መመለክ እንዳለበትም አምላኪውን ያስረዳል። ለእግዚአብሔር የሚገባውን ክብር፣ ውዳሴ፣ አምልኮ፣ ምስጋና ወዘተ ምን አይነት መሆን እንዳለበት ያሳስባል። ሰው እንዴት መጸለይ እንዳለበትም ጭምር ያማያውቅ ፍጥረት ነው። ነገር ግን ደካሙን የሚያግዝ መንፈስ የእግዚአብሔርን አሳብ ይገልጥለታል። ለአምልኮም እንዲሁ ነው!

ሌላው መንፈስ በአምልኮአችን ላይ ያለው ሚና በጊዜውም አለጊዜውም ለታላቁ አምላክ ማቅረብ ያለብንን የዘወትሩን መስዋዕት እንድናቀርብ ያደርገናል። ቢመቸንም ባይመቸንም፣ ቢሞላም ቢጎድልም፣ በደስታ በሐዘን፣ በማግኘት በማጣት ወዘተ ውስጥም ብንሆን መንፈስ በሁኔታዎች ሁሉ የማይለዋወጠውን አንዱን እግዚአብሔር እንድናመልክ ብርታትን ይሰጠናል።

ሐዋርያው ዮሐንስ ፍጥሞ በምትባል ብርዳማ ደሴት ውስጥ በታላቅ መከራ ውስጥ ሆኖ “በጌታ ቀን በመንፈስ ነበርሁ፥ በኋላዬም የመለከትን ድምፅ የሚመስል ታላቅ ድምፅ ሰማሁ፥” [ራእይ 1፥10] በማለት በሚቀበለው መከራ ውስጥ ኢየሱስን ለማምለክ ምንም እንዳላገደው እንዲያውም በዘመን ፍጻሜ ሊሆን ያለውን እንደነገረው መመልከት እንችላለን።

ዛሬ በእውነተኛና በመንፈስ በሚደረግ አምልኮ አምላካችንን አክብረን እርሱን በምላሹ በመንፈስም ሆነ በስጋ እንዲባርከን እግዚአብሔር እንዲረዳን መለመን የሚያስፈልገንንም ጸጋ ለመቀበል ራሳችንን ወደ ጸጋው ዙፋን በእምነት ማቅረብ ይገባናል።

መልካም የአምልኮ ቀን ይሁንልን!