O autor desta páxina e das actividades fotográficas realizadas no cineclub vense formando de forma autodidacta e realizando diferentes obradoiros; empezando na USC onde estudiou Psicoloxía, e xunto con fotógrafos internacionais principalmente en Estonia onde residiu durante varios anos. Ao longo dos anos vividos no Báltico, estivo vinculado aos eidos da educación e a fotografía, realizando varias
exposicións individuais en Estonia, comisionadas pola embaixada de España, e en Polonia –Poznan e Varsovia-, comisionadas pola embaixada de Estonia en Polonia. Ten publicado un libro de fotografía sobre este país, e realizado proxectos de fotografía documental, arquitectónica, de divulgación científica e fotografía de viaxes. Actualmente combina a organización no cineclub dos obradoiros de iniciación á fotografía dixital, de composición fotográfica e de edición fotográfica, cos seus proxectos fotográficos personais vinculados á educación e á fotografía artística e documental, e coa xeración de actividades que permitan do goce da fotografía como medio de comunicación e expresión en grupo. O Cineclube Lumière é unha asociación cultural sen ánimo de lucro que foi creada en 1993 por un grupo de persoas de diferentes profesións co fin de incorporar á cidade de Vigo outra canle cultural e unha distribución estable de cine de calidade inexistente até ese momento; outro xeito de ver o cine e convertir á cidade nun lugar de referencia nos circuítos dos festivais internacionais. O cineclub organiza en Vigo unha seleción mensual de filmes en versión orixinal que, ao longo de dez meses ao ano, os luns de cada semana, permite o visionado de películas que se ven privadas dos cauces habituais de distribución. Filmes que se teñen selecionado nos festivais de cine máis prestixiosos do mundo. Entre as actividades levadas a cabo caben destacar, no eido estrictamente cinematográfico as colaboracións estables con numerosas entidades de Vigo, promotoras da cultura, a educación, e a integración social e vecinal. Entre outras, as Concellerías de Xuventude, de Educación, ou de igualdade e Muller, a Universidade de Vigo, a Escola Oficial de Idiomas, o MARCO (museo de arte contemporánea de Vigo), diversas Asociacións veciñais, entidades coma a Alianza Francesa ou o Colexio de Arquitectos de Vigo, e a obra socio-cultural de Caixanova e Caixagalicia (actualmente Nova Galicia banco). Tamén realizamos exposicións e obradoiros relacionados co audiovisual como é o caso desta iniciativa de obradoiros de fotografía.
