Díes Adulces

Cómo llegar Página web

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Díes Adulces, Fotógrafo, Piloña/Asturies, Piloña.

Fotografía de maternidá n'Asturies

🌿 Semeyes enllenes de tenrura, retratos felices de les madres y escenes cotidianes del nuesu día a día 🌿

En Piloña, Asturies

31/08/2026

La seronda yá entró n'Asturies 😊

L'aire fresquín yá fai volar les fueyes naranxes de los árboles y los díes yá van acortando'l so camín.

El branu presta, claro que sí,
pero entamar a añerar en seronda fai que naguemos poles tardes tranquiles de chimenea, sofá y peli 😊

✨️ Entama una selmana cargadina de proyectos.
¡Feliz llunes! 🤗

_

19/08/2026

Ayer fuimos al cine a conocer la historia de Jan Bojarski, un polacu que residió en París na posguerra y que dedicó gran parte de la so vida a falsificar billetes. Ganó’l títulu d’artista al conseguir copies perfectes ya inclusu meyores que los orixinales.

Salí pensando nesi arte de modelar plaques coles gubies, de conseguir l’equilibriu perfectu nos colores y de fabricar la testura esauta del papel. Too ello de manera artesanal, coles sos manes y la so paciencia.

Y sí, foi un artista. Lo que fizo foi arte.

Volviendo al presente y a esti llugar de La Tierra, préstame ver que col pasu de los años yo toi consiguiendo tresmitir un pocu d’arte al traviés de la fotografía y la maternidá.

¿Cuántes obres en forma de cuadros y escultures hai representando la maternidá? Munches. Y unes cuantes ocupen un llugar físicu en museos y llugares públicos.

Hoi, Día Mundial de la Fotografía, celebro que la fotografía de maternidá tea presente como un arte. Que les madres sigamos dando imaxe a esta etapa vital. Y que sigamos apaeciendo en esposiciones, museos y nel llugar más importante… nel álbum familiar que tienes na estantería 🥰

📷: unos autorretatos xungando cola lluz de la mañana y les flores de Las flores de Canela | Floristería de bodas Asturias y Cantabria que pudi rescatar de la boda del sábadu ^.^

_
Heartful Magazine

17/08/2026

La esencia de la vida vive nos pequeños detalles que nos regalamos cada día 😊

_

11/08/2026

Recuérdote qu'esti xueves 13 va ser l'últimu día pa poder reservar la to sesión de fotos colos precios y packs actuales 😌

El vienres 14, cambia too 🤍✨️

Toi dando forma a unos nuevos productos en papel pa ufiertavos el meyor resultáu de la sesión de fotos que faigamos xuntes.

Entama una nueva etapa na que vamos a organizanos xuntes pa narrar los detalles más importantes de la to maternidá, esos detalles que se camuflen col pasu aceleráu de los díes.

Y vas poder tener la opción d'añadir la maxa de lo analóxico a les tos alcordances 🤍 Un toque de señaldá pol que taba naguando dende'l principiu 😊

💕 Coles nueves sesiones volvemos a casa, al llar nel que medramos en familia, pa caltener na memoria la ternura y la autenticidá de les nueses vivencies.

_

04/08/2026

Compañeres,

esti xueves, y los demás xueves d'agostu, vémonos y abrazámonos.

Si andes, per Piloña, nun dudes en pasar pel mercáu de l'L’Agostiellu ✨ Asociación cultural y parar a saludame ☺️

¡Qué ilusión poder tar una edición más!
Esti añu, somos dos nel puestín 🤰🤭

27/07/2026

✨ Planificación embarazu y maternidá ✨

Hoi quiero contavos como van ser los prósimos meses pa que podamos organizanos bien y crear maxa xuntes:

🌸 Agostu 🌸

- Vais teneme tolos xueves d’agostu nel mercáu nuecherniegu del agostiellu.
Nel Infiestu, de 20 a 00h 🙂

- El día 14/08 van cambiar los precios y los packs de les sesiones. Voi a ofrecer nuevos productos que vos diré enseñando per equí estes selmanes y dexarán de tar disponibles les tarxetes regalo asina como dalgún tipu de sesión.

🌼 Setiembre 🌼

- Seguiré col mesmu ritmu de sesiones.

- El día 25/09 ye l’ultimu día disponible pa facer les sesiones de les tarxetes regalu válides que se mercaron esti branu.

🌷Ochobre🌷

- Vacaciones del 1 al 15 d’ochobre. Pa poder disfrutar un últimu viaxe enantes de ser cuatro ☺️

- Últimes sesiones del 16 al 30.

🌺 Payares 🌺

- Ya nun fairé sesiones nin otros proyectos. Trabayaré dalguna cosina que me pueda quedar pendiente d’entregar.

N’avientu vamos tar esperando a la nuestra pequeña.
Nun sé decivos una fecha de 2027 na que volveré a tar disponible. Imaxino que sedrá a lo llargo de la primavera 😌

Quiero volver a vivir estos primeros meses con calma, disfrutando de cada detalle que nos regale la vida.
Cuando lo sienta, iré abriendo axenda de nuevu pa dir realcontrándonos con cada una de vosotres ^.^

✨ Bodes en 2027 ✨

Yá tengo dalguna fecha acutada pal añu que vien y nun creo que garre munches más. Si te cases entre xunetu-avientu 2027 y quies que seya la to fotógrafa, escríbeme y vamos conociéndonos ☺️

Estos meses toca seguir creciendo adulces 💖
Gracies, gracies infinites por tol amor que compartistis conmigo toos estos díes 🥰 Que guapo ye sentivos tan cerca y tan felices pola familia que tamos creando 😊
Sois les meyores.

21/07/2026

✨️ L’universu vuelve a crecer dientro del mio cuerpu 😊✨️

Tenía muncha gana de cuntavos qu’un nuevu corazón llate al ritmu del son que nos regala la vida.

🌼 Que la primavera llegó con una flor que fai esnalar a les caparines d’esta familia.

✨ Y que tamos felices viendo como esta niñina medra adulces, sintiendo les caricies de la so hermanina mayor.

Pos eso, amigues,
que l’universu vuelve a parase pa tresmitir lo meyor de nosotros nuna nueva personina 😊

16/07/2026

Vuelvo, poco a poco, a poneme al día respondiendo a tolos mensaxes ☺️

Toi naguando por garrar la cámara pa les sesiones d'estos díes, contavos coses y enseñavos munches estampes tiernes que nos regala la vida 💛

_

Dirección

Piloña/Asturies
Piloña

Página web

http://www.diesadulces.com/

Notificaciones

Sea el primero en enterarse: le enviaremos un correo electrónico cuando Díes Adulces publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.